|
ਕਬੱਡੀ ਖੇਡ ਖ਼ਬਰਾਂ
ਭਾਰਤ-ਪਾਕਿ ਕਬੱਡੀ ਮੈਚ
12 ਨੂੰ
ਲੁਧਿਆਣਾ, 6 ਸਤੰਬਰ - ਭਾਰਤ ਦੇ ਦੌਰੇ 'ਤੇ ਆਈ ਪਾਕਿਸਤਾਨ ਦੀ
ਕਬੱਡੀ ਟੀਮ ਜਿਥੇ ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਪੰਜਾਬ ਵਿਚ 15 ਮੈਚ
ਖੇਡੇਗੀ ਉਥੇ ਭਾਰਤ ਅਤੇ ਪਾਕਿਸਤਾਨ ਦੀਆਂ ਕਬੱਡੀ ਟੀਮਾਂ ਵਿਚਕਾਰ ਮੈਚ
ਲੁਧਿਆਣਾ ਜ਼ਿਲ੍ਹੇ ਦੇ ਬੁੱਕਲ ਵਿਚ ਵਸਦੇ ਪਿੰਡ ਧਾਂਦਰਾ ਵਿਖੇ ਵੀ ਕਰਵਾਇਆ
ਜਾ ਰਿਹਾ ਹੈ। ਇਸ ਤੋਂ ਇਲਾਵਾ 12 ਸਤੰਬਰ ਨੂੰ ਧਾਂਦਰਾ ਵਿਖੇ ਹੀ
ਅੰਤਰਰਾਸ਼ਟਰੀ ਪੱਧਰ ਦਾ ਕਬੱਡੀ ਮੈਚ ਹੋਵੇਗਾ। ਜਿਸ ਵਿਚ ਉਘੀਆਂ 12
ਅਕੈਡਮੀਆਂ ਹਿੱਸਾ ਲੈਣਗੀਆਂ।
ਬੱਬਰ ਸ਼ਹੀਦ ਯਾਦਗਾਰੀ ਕਬੱਡੀ
ਟੂਰਨਾਮੈਂਟ 9 ਤੋਂ
ਸ਼ਾਮਚੁਰਾਸੀ, 6 ਸਤੰਬਰ - ਤਿੰਨ ਰੋਜ਼ਾ ਬੱਬਰ ਸ਼ਹੀਦ ਯਾਦਗਾਰੀ ਕਬੱਡੀ
ਟੂਰਨਾਮੈਂਟ 9 ਤੋਂ 11 ਸਤੰਬਰ ਤੱਕ ਸ਼ਾਮਚੁਰਾਸੀ 'ਚ ਕਰਵਾਇਆ ਜਾ ਰਿਹਾ ਹੈ।
ਇਸ ਕਬੱਡੀ ਟੂਰਨਾਮੈਂਟ ਵਿਚ ਓਪਨ ਕਲੱਬ ਅਤੇ ਓਪਨ ਪਿੰਡ ਪੱਧਰ ਦੀਆਂ ਪਹਿਲੇ
ਅਤੇ ਦੂਸਰੇ ਸਥਾਨ ਤੇ ਆਉਣ ਵਾਲੀਆਂ ਟੀਮਾਂ ਨੂੰ ਕ੍ਰਮਵਾਰ
31.000-21,000, 15,000-10,000 ਰੁਪਏ ਅਤੇ 62 ਕਿਲੋ ਕਲੱਬ, 54 ਕਿਲੋ
ਕਲੱਬ, 45 ਕਿਲੋ ਕਲੱਬ ਅਤੇ 35 ਕਿਲੋ ਕਲੱਬ ਦੀਆਂ ਪਹਿਲੇ ਅਤੇ ਦੂਸਰੇ
ਸਥਾਨ ਤੇ ਆਉਣ ਵਾਲੀਆਂ ਟੀਮਾਂ ਨੂੰ ਕ੍ਰਮਵਾਰ 5,000-4,000,
3,500-2,500, 2,500-1,500 ਅਤੇ 2,000-1,000 ਰੁਪਏ ਦੀ ਨਗਦ ਰਾਸ਼ੀ ਅਤੇ
ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਲੋੜਵੰਦਾਂ
ਨੂੰ ਸਿਲਾਈ ਮਸ਼ੀਨਾਂ ਅਤੇ ਸਾਈਕਲ ਵੀ ਮੁਫ਼ਤ ਭੇਟ ਕੀਤੇ ਜਾਣਗੇ।
ਜ਼ਿਲ੍ਹਾ ਪੱਧਰੀ ਸਰਕਲ ਸਟਾਈਲ
ਕਬੱਡੀ ਟੂਰਨਾਮੈਂਟ 'ਚ ਤਲਵੰਡੀ ਭਾਈ ਦੀ ਟੀਮ ਜੇਤੂ
ਤਲਵੰਡੀ ਭਾਈ, 5 ਸਤੰਬਰ - ਸਰਕਾਰੀ ਸੈਕੰਡਰੀ ਸਕੂਲ (ਲੜਕੇ)
ਤਲਵੰਡੀ ਭਾਈ 'ਚ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਸਰਕਾਰੀ ਸਕੂਲਾਂ ਦਾ ਸਰਕਲ ਸਟਾਈਲ
ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ। ਜਿਸ ਵਿਚ ਕਬੱਡੀ ਅੰਡਰ 19 ਦੀਆਂ ਜ਼ਿਲ੍ਹੇ
ਦੇ ਪੰਜ ਜ਼ੋਨਾਂ 'ਚ ਜ਼ੀਰਾ, ਫ਼ਿਰੋਜ਼ਪੁਰ, ਜਲਾਲਾਬਾਦ, ਅਬੋਹਰ ਅਤੇ ਫਾਜ਼ਿਲਕਾ
ਦੀਆਂ ਟੀਮਾਂ ਨੇ ਭਾਗ ਲਿਆ। ਟੂਰਨਾਮੈਂਟ ਦਾ ਫਾਈਨਲ ਮੁਕਾਬਲਾ ਸਰਕਾਰੀ
ਸੈਕੰਡਰੀ ਤਲਵੰਡੀ ਭਾਈ (ਜ਼ੀਰਾ ਜ਼ੋਨ) ਅਤੇ ਸਰਕਾਰੀ ਸੈਕੰਡਰੀ ਸਕੂਲ ਸ਼ਕੂਰ (ਫ਼ਿਰੋਜ਼ਪੁਰ
ਜ਼ੋਨ) ਦੀਆਂ ਟੀਮਾਂ ਦਰਮਿਆਨ ਹੋਇਆ। ਇਸ ਮੁਕਾਬਲੇ 'ਚ ਤਲਵੰਡੀ ਭਾਈ ਦੀ ਟੀਮ
ਜੇਤੂ ਰਹੀ।
ਅੜੈਚਾਂ ਦਾ ਕਬੱਡੀ ਖੇਡ ਮੇਲਾ
17 ਤੋਂ
ਦੋਰਾਹਾ, 5 ਸਤੰਬਰ - 17-18 ਸਤੰਬਰ ਨੂੰ ਪਿੰਡ ਅੜੈਚਾਂ 'ਚ ਕਬੱਡੀ
ਖੇਡ ਮੇਲਾ ਕਰਵਾਇਆ ਜਾ ਰਿਹਾ ਹੈ। ਟੂਰਨਾਮੈਂਟ ਦੌਰਾਨ ਕਬੱਡੀ 42, 47,
57, 65, 75 ਅਤੇ ਇਕ ਪਿੰਡ ਓਪਨ ਵਰਗ ਦੇ ਖੇਡ ਮੁਕਾਬਲੇ ਕਰਵਾਏ ਜਾਣਗੇ।
ਅੰਤਰਰਾਸ਼ਟਰੀ ਕਬੱਡੀ ਟੂਰਨਾਮੈਂਟ
8-9 ਨੂੰ
ਚੀਮਾ ਮੰਡੀ, 3 ਸਤੰਬਰ - 29ਵਾਂ ਵਿਸ਼ਾਲ ਅੰਤਰਰਾਸ਼ਟਰੀ ਕਬੱਡੀ
ਟੂਰਨਾਮੈਂਟ 8-9 ਸਤੰਬਰ ਨੂੰ ਬਾਬਾ ਭੋਲਾ ਗਿਰ ਸਪੋਰਟਸ ਕਲੱਬ ਵੱਲੋਂ
ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਵਿਚ ਕਬੱਡੀ ਓਪਨ ਤੇ 70 ਕਿਲੋ
ਕਬੱਡੀ ਦੇ ਮੁਕਾਬਲੇ ਹੀ ਕਰਵਾਏ ਜਾਣਗੇ। 8 ਸਤੰਬਰ ਨੂੰ ਹੀ 70 ਕਿਲੋ ਕਬੱਡੀ
ਦੇ ਮੁਕਾਬਲੇ ਹੋਣਗੇ। ਕਬੱਡੀ ਓਪਨ ਜਾਂ 70 ਕਿਲੋ ਕਬੱਡੀ ਵਿਚ ਕੱਚਾ ਚਾਹੇ
ਪੱਕਾ ਤਿੰਨ ਖਿਡਾਰੀ ਹੀ ਬਾਹਰੋਂ ਖੇਡ ਸਕਣਗੇ। ਕਬੱਡੀ ਓਪਨ 'ਚੋਂ ਪਹਿਲਾਂ
ਸਥਾਨ ਪ੍ਰਾਪਤ ਵਾਲੀ ਟੀਮ ਨੂੰ 41000 ਅਤੇ ਦੂਸਰਾ ਸਥਾਨ ਪ੍ਰਾਪਤ ਕਰਨ ਵਾਲੀ
ਟੀਮ ਨੂੰ 31000 ਰੁਪਏ ਤੇ 70 ਕਿਲੋ ਕਬੱਡੀ ਨੂੰ ਕ੍ਰਮਵਾਰ 15000 ਤੇ
12000 ਇਨਾਮ ਵਜੋਂ ਦਿੱਤੇ ਜਾਣਗੇ।
ਪਿੰਡ ਉੱਚਾ ਦਾ ਪਹਿਲਾ ਕਬੱਡੀ
ਟੂਰਨਾਮੈਂਟ 4 ਨੂੰ
ਜਲੰਧਰ, 1 ਸਤੰਬਰ - ਡੇਰਾ ਸੰਤ ਮੰਗਲ ਦਾਸ ਪਿੰਡ ਉਚਾ ਦਾ ਪਹਿਲਾ
ਕਬੱਡੀ ਟੂਰਨਾਮੈਂਟ 4 ਤੋਂ 6 ਸਤੰਬਰ ਤੱਕ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ
ਕਬੱਡੀ ਓਪਨ ਤੇ ਕਬੱਡੀ 70 ਕਿਲੋ ਭਾਰ ਵਰਗ ਦੇ ਮੁਕਾਬਲੇ ਕਰਵਾਏ ਜਾਣਗੇ।
ਪਹਿਲੇ ਤੇ ਦੂਸਰੇ ਨੰਬਰ 'ਤੇ ਆਉਣ ਵਾਲੀਆਂ ਟੀਮਾਂ ਨੂੰ ਕ੍ਰਮਵਾਰ 51 ਹਜ਼ਾਰ,
41 ਹਜ਼ਾਰ ਅਤੇ 30 ਹਜ਼ਾਰ ਤੇ 25 ਹਜ਼ਾਰ ਰੁਪਏ ਦੇ ਨਕਦ ਇਨਾਮਾਂ ਤੋਂ ਇਲਾਵਾ
ਟਰਾਫੀਆਂ ਵੀ ਦਿੱਤੀਆਂ ਜਾਣਗੀਆਂ।
ਭਾਰਤ-ਪਾਕਿ ਕਬੱਡੀ ਮੈਚਾਂ ਲਈ
ਭਾਰਤੀ ਟੀਮ ਦੀ ਚੋਣ 25 ਨੂੰ
ਪਟਿਆਲਾ, 22 ਅਗਸਤ - ਸਤੰਬਰ ਮਹੀਨੇ 'ਚ ਭਾਰਤ-ਪਾਕਿਸਤਾਨ ਕਬੱਡੀ
ਮੈਚਾਂ ਦੀ ਲੜੀ ਸ਼ੁਰੂ ਹੋ ਰਹੀ ਹੈ। ਇਸ ਲਈ ਭਾਰਤੀ ਟੀਮ ਦੀ ਚੋਣ 25 ਅਗਸਤ
ਨੂੰ ਚੰਡੀਗੜ੍ਹ ਦੇ 41 ਸੈਕਟਰ ਵਿਖੇ ਸਥਿਤੀ ਸ਼ਿਵਾਲਿਕ ਪਬਲਿਕ ਸਕੂਲ ਵਿਖੇ
ਸਵੇਰੇ 11 ਵਜੇ ਕੀਤੀ ਜਾਵੇਗੀ। ਕੌਮੀ ਟੀਮ ਦੀ ਚੋਣ ਉਪਰੰਤ ਜ਼ੀਰਕਪੁਰ ਵਿਖੇ
ਲੜੀ ਸ਼ੁਰੂ ਹੋਣ ਤੱਕ ਕੈਂਪ ਲਗਾਇਆ ਜਾਵੇਗਾ।
ਭਾਰਤ ਪਾਕਿਸਤਾਨ ਕਬੱਡੀ ਟੈਸਟ
ਮੈਚਾਂ ਦੀ ਲੜੀ 5 ਤੋਂ
ਪਟਿਆਲਾ, 21 ਅਗਸਤ - ਭਾਰਤ ਪਾਕਿਸਤਾਨ ਕਬੱਡੀ ਟੈਸਟ ਮੈਚਾਂ ਦੀ
ਲੜੀ 5 ਤੋਂ 30 ਸਤੰਬਰ ਤੱਕ ਦੇਸ਼ ਦੇ ਵੱਖ ਵੱਖ ਸ਼ਹਿਰਾਂ 'ਚ ਕਰਵਾਈ ਜਾ ਰਹੀ
ਹੈ। ਹੈ। ਇਸ ਟੀਮ 'ਚ 22 ਖਿਡਾਰੀ ਤੇ ਪ੍ਰਬੰਧਕ ਸ਼ਾਮਿਲ ਹੋਣਗੇ। ਹਰੇਕ ਮੈਚ
ਦੌਰਾਨ ਜੇਤੂ ਟੀਮ ਨੂੰ 75 ਹਜ਼ਾਰ ਤੇ ਉਪ ਜੇਤੂ ਟੀਮ ਨੂੰ 50 ਹਜ਼ਾਰ ਰੁਪਏ
ਦਾ ਨਕਦ ਇਨਾਮ ਦਿੱਤਾ ਜਾਵੇਗਾ। ਮੈਚ ਦਿੱਲੀ, ਹਰਿਆਣਾ, ਪੰਜਾਬ, ਹਿਮਾਚਲ
ਤੇ ਚੰਡੀਗੜ੍ਹ ਵਿਖੇ ਹੋਣ ਵਾਲੀ ਲੜੀ ਤਹਿਤ ਲੁਧਿਆਣਾ, ਜਲੰਧਰ, ਅੰਮ੍ਰਿਤਸਰ,
ਮੁਹਾਲੀ, ਸਮਰਾਲਾ ਤੇ ਮੋਗਾ ਵਿਖੇ ਕਰਵਾਏ ਜਾਣਗੇ। ਭਾਰਤੀ ਟੀਮ ਦੀ ਚੋਣ 24
ਅਗਸਤ ਨੂੰ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਹੋਵੇਗੀ ਅਤੇ ਟੀਮ ਦਾ
ਕੈਂਪ ਜ਼ੀਰਕਪੁਰ ਵਿਖੇ ਵਧੀਆ ਕੋਚਾਂ ਦੀ ਦੇਖ-ਰੇਖ 'ਚ ਲਗਾਇਆ ਜਾਵੇਗਾ। ਰੰਧਾਵਾ ਮਸੰਦਾਂ ਦਾ ਕਬੱਡੀ ਟੂਰਨਾਮੈਂਟ ਸਮਾਪਤ ਕਿਸ਼ਨਗੜ੍ਹ, 28 ਜੂਨ -ਕਿਸ਼ਨਗੜ੍ਹ ਦੇ ਨੇੜਲੇ ਪਿੰਡ ਰੰਧਾਵਾ ਮਸੰਦਾਂ 'ਚ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ। ਇਸ ਕਬੱਡੀ ਟੂਰਨਾਮੈਂਟ ਦੇ ਫਾਈਨਲ ਮੁਕਾਬਲਿਆਂ ਵਿਚ ਓਪਨ ਪਿੰਡ ਪੱਧਰ ਵਿਚ ਮਾੜੀ ਮੁਸਤਫਾ ਨੇ ਰੰਧਾਵਾ ਮਸੰਦਾਂ ਨੂੰ, 63 ਕਿੱਲੋ ਪਿੰਡ ਪੱਧਰ ਵਿਚ ਮਾਲੜੀ ਨੇ ਭੰਡਾਲ ਦੋਨਾ ਨੂੰ ਅਤੇ 42 ਕਿੱਲੋ ਪਿੰਡ ਪੱਧਰ ਵਿਚ ਭੇਖਾ ਨੇ ਲਿੱਤਰਾਂ ਨੂੰ ਹਰਾ ਕੇ ਟਰਾਫੀਆਂ 'ਤੇ ਕਬਜ਼ਾ ਕੀਤਾ। ਸਰਕਲ ਕਬੱਡੀ ਦੇ ਅੰਪਾਇਰਾਂ ਦਾ ਇਮਤਿਹਾਨ
27 ਨੂੰ
ਪਟਿਆਲਾ, 9 ਜੂਨ - ਫਰੀਦਕੋਟ 'ਚ 27 ਜੂਨ ਨੂੰ ਸਰਕਲ ਸਟਾਈਲ ਕਬੱਡੀ ਲਈ
ਰੈਫਰੀਆਂ ਤੇ ਅੰਪਾਇਰਾਂ ਦਾ ਇਮਤਿਹਾਨ ਲਿਆ ਜਾਵੇਗਾ। ਇਹ ਭਾਰਤੀ ਐਮਚਿਉਰ ਕਬੱਡੀ
ਫੈਡਰੇਸ਼ਨ ਵੱਲੋਂ ਕਰਵਾਇਆ ਜਾ ਰਿਹਾ ਹੈ। ਇਸ ਮੌਕੇ 'ਤੇ ਸਰਕਲ ਦੇ ਨਾਲ-ਨਾਲ ਨੈਸ਼ਨਲ
ਸਟਾਈਲ ਕਬੱਡੀ ਲਈ ਵੀ ਅੰਪਾਇਰਾਂ ਤੇ ਰੈਫਰੀਆਂ ਦੀ ਪ੍ਰੀਖਿਆ ਵੀ ਹੋਵੇਗੀ।
ਪਰਸਰਾਮਪੁਰ 'ਚ ਕਬੱਡੀ ਟੂਰਨਾਮੈਂਟ
ਜਲੰਧਰ, 8 ਜੂਨ - 82ਵਾਂ ਸਾਲਾਨਾ ਕਬੱਡੀ ਟੂਰਨਾਮੈਂਟ ਅਤੇ ਬਾਬਾ ਬੰਦਾ
ਸਿੰਘ ਬਹਾਦਰ ਦੀ ਯਾਦ ਵਿਚ ਜੋੜ ਮੇਲਾ ਪਿੰਡ ਪਰਸਰਾਮਪੁਰ ਚ ਕਰਵਾਇਆ ਜਾ ਰਿਹਾ ਹੈ।
ਕਬੱਡੀ ਟੂਰਨਾਮੈਂਟ 'ਚ 9 ਜੂਨ ਨੂੰ ਕਬੱਡੀ 55 ਕਿਲੋ, 10 ਜੂਨ ਨੂੰ ਕਬੱਡੀ 70 ਕਿਲੋ
ਅਤੇ 11 ਜੂਨ ਨੂੰ ਕਬੱਡੀ ਓਪਨ ਪਿੰਡ ਪੱਧਰ ਦੇ ਮੁਕਾਬਲੇ ਕਰਵਾਏ ਜਾਣਗੇ।
12 ਕਬੱਡੀ ਖਿਡਾਰੀ ਡੋਪਿੰਗ ਟੈਸਟ 'ਚੋਂ
ਪਾਸ
ਜਲੰਧਰ, 7 ਜੂਨ - ਨੈਸ਼ਨਲ ਐਂਟੀ ਡੋਪਿੰਗ ਏਜੰਸੀ ਵੱਲੋਂ ਕਬੱਡੀ ਦੇ ਖਿਡਾਰੀਆਂ
ਦੇ ਡੋਪਿੰਗ ਟੈਸਟ ਫ਼ਤਹਿਗੜ੍ਹ ਸਾਹਿਬ ਵਿਖੇ ਕਰਵਾਏ ਗਏ ਸਨ। ਇਹ ਸਰਹਿੰਦ ਫ਼ਤਹਿ ਦਿਵਸ
ਦੀ ਤ੍ਰੈਸ਼ਤਾਬਦੀ ਮੌਕੇ ਕਰਵਾਏ ਗਏ। ਜਿਸ ਵਿਚ 12 ਖਿਡਾਰੀ 'ਪਾਜ਼ਿਟਿਵ' ਪਾਏ ਗਏ। 123
ਤੋਂ 14 ਮਈ ਤਕ 'ਨੈਸ਼ਨਲ ਐਂਟੀ ਡੋਪਿੰਗ ਏਜੰਸੀ' ਦੀ ਇਕ ਟੀਮ ਨੇ ਫ਼ਤਹਿਗੜ੍ਹ ਸਾਹਿਬ
ਵਿਖੇ ਆ ਕੇ 48 ਕਬੱਡੀ ਖਿਡਾਰੀਆਂ ਦੇ 'ਸੈਂਪਲ' ਲਏ ਸਨ ਜਿਨ੍ਹਾਂ 'ਚੋਂ 42 ਦਾ ਨਤੀਜਾ
ਪ੍ਰਾਪਤ ਹੋ ਗਿਆ ਹੈ ਜਦਕਿ 12 ਖਿਡਾਰੀਆਂ ਦੇ ਨਤੀਜੇ ਦੀ ਅਜੇ ਉਡੀਕ ਕੀਤੀ ਜਾ ਰਹੀ
ਹੈ।
ਸਾਲਾਨਾ ਇੰਟਰਨੈਸ਼ਨਲ ਕਬੱਡੀ ਕੱਪ 'ਚ ਪੰਜਾਬ ਦੀ ਟੀਮ ਨੂੰ ਕੀਤਾ ਜਾਵੇਗਾ ਸ਼ਾਮਿਲ ਜਲੰਧਰ, 2 ਜੂਨ - ਸਾਲਾਨਾ ਇੰਟਰਨੈਸ਼ਨਲ ਕਬੱਡੀ ਕੱਪ ਹੇਵਰਡ ਕੈਲੇਫੋਰਨੀਆ ਵਿਖੇ ਸਤੰਬਰ ਮਹੀਨੇ'ਚ ਕਰਵਾਇਆ ਜਾ ਰਿਹਾ ਹੈ। ਡਾਇਰੈਕਟਰ ਸਪੋਰਟਸ ਪਦਮਸ੍ਰੀ ਪ੍ਰਗਟ ਸਿੰਘ ਨੂੰ ਗੋਲਡ ਜਿੰਮ ਕਲੱਬ ਦੇ ਚੇਅਰਮੈਨ ਅਮੋਲਕ ਸਿੰਘ ਗਾਖਲ ਨੇ ਪੰਜਾਬ ਦੀ ਕਬੱਡੀ ਟੀਮ ਨੂੰ ਹਿੱਸਾ ਲੈਣ ਲਈ ਸੱਦਾ ਪੱਤਰ ਦਿੱਤਾ ਹੈ। ਟੂਰਨਾਮੈਂਟ ਵਿਚ ਇੰਗਲੈਂਡ, ਕੈਨੇਡਾ, ਅਮਰੀਕਾ ਤੇ ਪਾਕਿਸਤਾਨ ਦੀਆਂ ਕਬੱਡੀ ਟੀਮਾਂ ਸ਼ਾਮਿਲ ਹੋ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਭਾਰਤੀ ਕਬੱਡੀ ਟੀਮ ਨੂੰ ਸਪਾਂਸਰ ਗੋਲਡਜ਼ ਜਿੰਮ ਜਲੰਧਰ, ਲੁਧਿਆਣਾ ਤੇ ਮੋਹਾਲੀ ਵੱਲੋਂ ਕੀਤਾ ਜਾਵੇਗਾ ਤੇ ਟੀਮ ਦਾ ਸਾਰਾ ਰਹਿਣ-ਸਹਿਣ ਤੇ ਖਰਚਾ ਜਿੰਮ ਵੱਲੋਂ ਕੀਤਾ ਜਾਵੇਗਾ। ਪੰਜਾਬ ਕਬੱਡੀ ਐਸੋਸੀਏਸ਼ਨ ਨੇ ਵਿਦੇਸ਼ਾਂ 'ਚ
ਆਪਣੇ ਵਿੰਗ ਬਣਾਉਣ ਦਾ ਕੀਤਾ ਫੈਸਲਾ
ਲੁਧਿਆਣਾ, 1 ਜੂਨ - ਪੰਜਾਬ ਕਬੱਡੀ ਐਸੋਸੀਏਸ਼ਨ ਨੇ ਵਿਦੇਸ਼ਾਂ ਵਿਚ ਆਪਣੇ
ਵਿੰਗ ਸਥਾਪਤ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਉਨ੍ਹਾਂ ਸਰਕਲ ਸਟਾਈਲ ਕਬੱਡੀ ਨੂੰ ਏਸ਼ੀਆਈ
ਖੇਡਾਂ ਵਿਚ ਸ਼ਾਮਿਲ ਕਰਨ ਦੀ ਯੋਜਨਾ ਵੀ ਬਣਾਈ ਹੈ। ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੇ
ਪ੍ਰਧਾਨ ਸਿਕੰਦਰ ਸਿੰਘ ਮਲੂਕਾ ਨੇ ਆਖਿਆ ਕਿ ਪੰਜਾਬ ਕਬੱਡੀ ਐਸੋਸੀਏਸ਼ਨ ਇਕੋ-ਇਕ ਮਾਨਤਾ
ਪ੍ਰਾਪਤ ਸੰਸਥਾ ਹੈ, ਜਿਸ ਨੂੰ ਕਬੱਡੀ ਦੇ ਨਿਯਮ, ਸਿਧਾਂਤ ਅਤੇ ਹੋਰ ਤਬਦੀਲੀਆਂ ਕਰਨ
ਦਾ ਅਧਿਕਾਰ ਹੈ। ਵਿਸ਼ਵ ਕਬੱਡੀ ਫੈਡਰੇਸ਼ਨ, ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੀ ਰਹਿਨੁਮਾਈ
ਹੇਠ ਬਣੇਗੀ। ਕੁਝ ਜੁਗਾੜੀ ਲੋਕ ਵਿਸ਼ਵ ਕਬੱਡੀ ਫੈਡਰੇਸ਼ਨ ਬਣਾਉਣ ਦੀਆਂ ਜੋ ਅਫ਼ਵਾਹਾਂ
ਅਤੇ ਬਿਆਨਬਾਜ਼ੀ ਕਰ ਰਹੇ ਹਨ ਉਨ੍ਹਾਂ ਦਾ ਕਬੱਡੀ ਖੇਡ ਨਾਲ ਕੋਈ ਸਬੰਧ ਨਹੀਂ ਹੈ,
ਵਿਸ਼ਵ ਕਬੱਡੀ ਕੱਪ ਕਰਵਾਉਣ ਦਾ ਸਿਹਰਾ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ
ਬਾਦਲ ਨੂੰ ਜਾਂਦਾ ਹੈ, ਵਿਸ਼ਵ ਕਬੱਡੀ ਫੈਡਰੇਸ਼ਨ ਵੀ ਸੁਖਬੀਰ ਸਿੰਘ ਬਾਦਲ ਦੀ ਹੀ
ਸਰਪ੍ਰਸਤੀ ਹੇਠ ਬਣੇਗੀ। ਵਿਸ਼ਵ ਕਬੱਡੀ ਕੱਪ ਵਿਚ ਵਿਦੇਸ਼ੀ ਟੀਮਾਂ ਇਨ੍ਹਾਂ ਵਿੰਗਾਂ ਦੇ
ਅਹੁਦੇਦਾਰਾਂ ਦੇ ਸਲਾਹ ਮਸ਼ਵਰੇ ਨਾਲ ਹੀ ਬਨਣਗੀਆਂ। ਉਨ੍ਹਾਂ ਆਖਿਆ ਕਿ ਪੰਜਾਬ ਕਬੱਡੀ
ਐਸੋਸੀਏਸ਼ਨ ਅਮਰੀਕਾ, ਕੈਨੇਡਾ, ਆਸਟਰੇਲੀਆ, ਇੰਗਲੈਂਡ, ਇਟਲੀ, ਨਾਰਵੇ, ਦੁਬਈ, ਇਰਾਕ
ਆਦਿ ਮੁਲਕਾਂ ਵਿਚ ਆਪਣੀਆਂ ਸ਼ਾਖਾਵਾਂ ਬਣਾਏਗੀ। ਇਨ੍ਹਾਂ ਦੇ ਅਹੁਦੇਦਾਰਾਂ ਦਾ ਐਲਾਨ
ਜਲਦੀ ਹੀ ਕਰ ਦਿੱਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਸਰਕਲ ਸਟਾਈਲ ਕਬੱਡੀ ਦਾ ਏਸ਼ੀਆ
ਕੱਪ ਈਰਾਨ ਵਿਚ ਹੋਵੇਗਾ।
ਜੰਡ 'ਚ ਕਬੱਡੀ ਲਈ ਮੁਫ਼ਤ ਕੋਚਿੰਗ ਸੈਂਟਰ
ਖੁੱਲ੍ਹਿਆ
ਮੁੱਲਾਂਪੁਰ ਦਾਖਾ, 26 ਮਈ - ਕਬੱਡੀ ਖਿਡਾਰੀਆਂ ਲਈ ਪਿੰਡ ਜੰਡ ਬਲਾਕ
ਪੱਖੋਵਾਲ (ਲੁਧਿਆਣਾ) 'ਚ ਕਬੱਡੀ ਸੈਂਟਰ ਖੋਲ੍ਹਿਆ ਗਿਆ ਹੈ। ਜਿਸ ਵਿਚ ਅੰਤਰਰਾਸ਼ਟਰੀ
ਪ੍ਰਸਿੱਧੀ ਵਾਲੇ ਨਾਮਵਾਰ ਕਬੱਡੀ ਜਾਫ਼ੀ ਬਾਜ਼ੀ ਕੈਨੇਡਾ ਤੋਂ ਕਬੱਡੀ ਦੇ ਗੁਣ ਗ੍ਰਹਿਣ
ਕਰਨਗੇ। ਜੰਡ ਸੈਂਟਰ ਵਿਚ ਕੋਚਿੰਗ ਲੈਣ ਵਾਲੇ ਹਰ ਕਬੱਡੀ ਖਿਡਾਰੀ ਨੂੰ ਮੁਫ਼ਤ ਕੋਚਿੰਗ
ਦੇ ਨਾਲ ਉਸ ਦੀ ਖੁਰਾਕ ਅਤੇ ਪ੍ਰੈਕਟਿਸ ਵਾਲ ਵਧੇਰੇ ਧਿਆਨ ਦਿੱਤਾ ਜਾਂਦਾ ਹੈ। ਬਾਜ਼ੀ
ਜੰਡ ਨੇ ਸਕੂਲ ਪੱਧਰ, ਓਪਰ ਸਟੇਟ, ਨੈਸ਼ਨਲ ਕਬੱਡੀ ਖੇਡਣ ਵਾਲੇ ਖਿਡਾਰੀਆਂ ਨੂੰ ਅਪੀਲ
ਕੀਤੀ ਕਿ ਜੇਕਰ ਉਹ ਕੋਚਿੰਗ ਲੈਣ ਦੀ ਇੱਛਾ ਰੱਖਦੇ ਹੋਣ ਤਾਂ ਉਹ ਉਨ੍ਹਾਂ ਨਾਲ ਜਾਂ
ਜੰਡ ਕਬੱਡੀ ਸੈਂਟਰ ਦੇ ਸਹਾਇਕ ਕੋਚ ਐਮ. ਪੀ. ਐਡ. ਗੁਰਜੀਤ ਸਿੰਘ ਨਾਲ ਸੰਪਰਕ ਕਰ
ਸਕਦੇ ਹਨ।
ਕਬੱਡੀ ਟੂਰਨਾਮੈਂਟ 27 ਤੋਂ 29 ਤੱਕ
ਜਲੰਧਰ, 22 ਮਈ - 24ਵਾਂ ਸਾਲਾਨਾ ਕਬੱਡੀ ਟੂਰਨਾਮੈਂਟ 27 ਤੋਂ 29 ਮਈ ਤੱਕ
ਰਾਮਾ ਮੰਡੀ ਨੇੜਲੇ ਪਿੰਡ ਕੋਟਲੀਥਾਨ ਵਿਚ ਕਰਵਾਇਆ ਜਾ ਰਿਹਾ ਹੈ। ਇਹ ਟੂਰਨਾਮੈਂਟ
ਸ਼ਹੀਦ ਬਾਬਾ ਦਿਆਲ ਸਿੰਘ ਦੀ ਯਾਦ ਵਿਚ ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ 'ਚ
ਕਬੱਡੀ ਓਪਨ ਤੋਂ ਇਲਾਵਾ ਵੱਖ-ਵੱਖ ਭਾਰ ਵਰਗਾਂ ਦੇ ਮੁਕਾਬਲੇ ਵੀ ਕਰਵਾਏ ਜਾਣਗੇ ਅਤੇ
ਐਂਟਰੀਆਂ 26 ਮਈ ਤੱਕ ਲਈਆਂ ਜਾਣਗੀਆਂ। ਸ਼ਹੀਦ ਬਾਬਾ ਦਿਆਲ ਸਿੰਘ ਯਾਦਗਾਰੀ ਸ਼ਹੀਦੀ
ਜੋੜ ਮੇਲਾ 30 ਮਈ ਨੂੰ ਮਨਾਇਆ ਜਾ ਰਿਹਾ ਹੈ।
ਕਬੱਡੀ ਮੈਚ 'ਚ ਦੁਬਲੀ ਦੀ ਟੀਮ ਦਾ ਨਾਮ
ਚਮਕਿਆ
ਹਰੀਕੇ ਪੱਤਣ, 18 ਮਈ - ਗਿਆਨੀ ਜਰਨੈਲ ਸਿੰਘ ਸਭਰਾਂ ਦੀ ਯਾਦ ਨੂੰ ਸਮਰਪਿਤ
ਕਬੱਡੀ ਦਾ ਸ਼ੋਅ ਮੈਚ ਕਸਬਾ ਹਰੀਕੇ ਪੱਤਣ ਤੋਂ ਥੋੜ੍ਹੀ ਦੂਰ ਸਥਿਤ ਇਤਿਹਾਸਕ ਨਗਰ ਸਭਰਾਂ
ਦੇ ਖੇਡ ਸਟੇਡੀਅਮ ਵਿਚ ਕਰਵਾਇਆ ਗਿਆ। ਜਿਸ ਵਿਚ ਪਿੰਡ ਸਭਰਾਂ ਅਤੇ ਦੁਬਲੀ ਦੀਆਂ ਟੀਮਾਂ
ਵਿਚਕਾਰ ਬਹੁਤ ਹੀ ਫਸਵਾਂ ਮੁਕਾਬਲਾ ਹੋਇਆ। ਇਸ ਤੋਂ ਇਲਾਵਾ ਛੋਟੇ ਬੱਚਿਆਂ ਦੀਆਂ
ਕੁਸ਼ਤੀਆਂ ਵੀ ਹੋਈਆਂ ਤੇ ਹੋਰ ਕਲਾਕਾਰਾਂ ਨੇ ਵੀ ਖੇਡ ਕਰਤੱਬ ਦਿਖਾਏ। ਇਸ ਮੈਚ ਵਿਚ
ਪਿੰਡ ਦੁਬਲੀ ਦੀ ਟੀਮ ਨੇ ਸਭਰਾਂ ਨੂੰ ਤਿੰਨ ਅੰਕਾਂ ਨਾਲ ਹਰਾ ਕੇ ਜਿੱਤ ਪ੍ਰਾਪਤ ਕੀਤੀ।
50 ਕਬੱਡੀ ਖਿਡਾਰੀਆਂ ਦੇ ਡੋਪਿੰਗ ਟੈਸਟ
ਲਈ ਲਏ ਗਏ ਸੈਂਪਲ
ਜਲੰਧਰ, 14 ਮਈ - 12-14 ਮਈ ਤੱਕ ਫ਼ਤਹਿਗੜ੍ਹ ਸਾਹਿਬ ਵਿਖੇ ਕਬੱਡੀ ਖੇਡ ਮੇਲਾ
ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਖੇਡ ਮੇਲੇ 'ਚ ਸ਼ਾਮਿਲ ਹੋਣ ਵਾਲੇ ਖਿਡਾਰੀਆਂ ਦੇ 'ਡੋਪਿੰਗ
ਟੈਸਟ' ਲਈ ਸੈਂਪਲ ਲਏ ਗਏ ਹਨ। ਇਨ੍ਹਾਂ ਸੈਂਪਲਾਂ ਦੇ ਨਤੀਜੇ ਆਉਣ 'ਤੇ ਜਨਤਕ ਕੀਤੇ
ਜਾਣਗੇ ਅਤੇ 'ਪਾਜ਼ੇਟਿਵ' ਪਾਏ ਜਾਣ ਵਾਲੇ ਖਿਡਾਰੀਆਂ ਖਿਲਾਫ਼ 'ਐਂਟੀ ਡੋਪਿੰਗ ਡਸਿਪਲਨਰੀ
ਪੈਨਲ' ਨੂੰ ਸੰਬੰਧਤ ਖਿਡਾਰੀ ਦੇ ਖਿਲਾਫ਼ ਢੁਕਵੀਂ ਪਾਬੰਦੀ ਜਾਂ ਹੋਰ ਕਾਰਵਾਈ ਦੀ
ਸਿਫ਼ਾਰਿਸ਼ ਕੀਤੀ ਜਾਵੇਗੀ। ਇਕ ਤਕਨੀਕੀ ਟੀਮ ਉਕਤ ਖੇਡ ਮੇਲੇ ਦੌਰਾਨ 'ਸੈਂਪਲ' ਲੈਣ ਲਈ
ਫ਼ਤਹਿਗੜ੍ਹ ਸਾਹਿਬ ਭੇਜੀ ਗਈ ਜਿਸ ਨੇ 50 ਕਬੱਡੀ ਖਿਡਾਰੀਆਂ ਦੇ ਪਿਸ਼ਾਬ ਦੇ ਸੈਂਪਲ ਲਏ
ਹਨ। 'ਸੈਂਪਲ' 'ਵਰਲਡ ਐਂਟੀ ਡੋਪਿੰਗ ਏਜੰਸੀ' ਵੱਲੋਂ ਪ੍ਰਵਾਨਿਤ ਦਿੱਲੀ ਵਿਖੇ ਬਣਾਈ
ਗਈ ਕੌਮਾਂਤਰੀ ਪੱਧਰ ਦੀ 'ਨੈਸ਼ਨਲ ਡੋਪ ਟੈਸਟਿੰਗ ਲੈਬਾਰਟਰੀ' ਵਿਚ ਜਾਂਚੇ ਜਾਣਗੇ ਅਤੇ
ਜੋ ਵੀ ਨਤੀਜੇ ਹੋਣਗੇ ਉਹ ਜਨਤਕ ਕੀਤੇ ਜਾਣਗੇ ਤਾਂ ਜੋ ਪੰਜਾਬ ਦੇ ਲੋਕ ਆਪਣੇ
ਖਿਡਾਰੀਆਂ ਬਾਰੇ ਜਾਣ ਸਕਣ।
ਸਰਕਲ ਸਟਾਈਲ ਕਬੱਡੀ
ਖਿਡਾਰੀਆਂ ਨੇ ਮਹਾਰਾਜਾ ਰਣਜੀਤ ਸਿੰਘ ਐਵਾਰਡ ਬੇਲੋੜਾ ਸਮਝਿਆ
ਲੁਧਿਆਣਾ, 23 ਅਪ੍ਰੈਲ - 1978 ਤੋਂ ਲੈ ਕੇ 1997 ਤੱਕ ਲਗਾਤਾਰ ਕੌਮੀ ਅਤੇ
ਅੰਤਰਰਾਸ਼ਟਰੀ ਪੱਧਰ 'ਤੇ ਪ੍ਰਾਪਤੀਆਂ ਕਰਨ ਵਾਲੇ ਖਿਡਾਰੀਆਂ ਨੂੰ ਮਹਾਰਾਜਾ ਰਣਜੀਤ
ਸਿੰਘ ਸਟੇਟ ਐਵਾਰਡ ਦਿੱਤਾ ਜਾਂਦਾ ਰਿਹਾ। ਇਹ ਐਵਾਰਡ 1978 ਵਿਚ ਉਸ ਵੇਲੇ ਦੀ ਅਕਾਲੀ
ਦਲ ਦੀ ਸਰਕਾਰ ਦੇ ਖੇਡ ਮੰਤਰੀ ਸੁਖਦੇਵ ਸਿੰਘ ਢੀਂਡਸਾ ਨੇ ਸ਼ੁਰੂ ਕੀਤਾ ਸੀ।
ਪਹਿਲਾਂ-ਪਹਿਲ ਇਸ ਦੀ ਇਨਾਮੀ ਰਾਸ਼ੀ 10 ਹਜ਼ਾਰ, ਫਿਰ 21 ਹਜ਼ਾਰ, ਸਾਲ 2005 ਵਿਚ
ਕਾਂਗਰਸ ਸਰਕਾਰ ਨੇ ਇਕ ਲੱਖ ਰੁਪਏ ਕਰ ਦਿੱਤੀ ਸੀ ਤੇ ਹੁਣ ਇਨਾਮੀ ਰਾਸ਼ੀ ਸਰਕਾਰ ਨੇ 2
ਲੱਖ ਰੁਪਏ ਕਰ ਦਿੱਤੀ ਹੈ। ਸਾਲ 2005 ਵਿਚ ਜਦੋਂ ਵੱਖ-ਵੱਖ ਖੇਡਾਂ ਵਿਚ ਖਿਡਾਰੀਆਂ
ਨੂੰ ਇਹ ਐਵਾਰਡ ਦਿੱਤਾ ਸੀ ਤਾਂ ਕਬੱਡੀ ਦੀਆਂ ਵੱਖ-ਵੱਖ ਸੰਸਥਾਵਾਂ ਅਤੇ ਖਿਡਾਰੀਆਂ
ਨੇ ਰੌਲਾ ਪਾਇਆ ਸੀ ਕਿ ਇਹ ਐਵਾਰਡ ਸਰਕਲ ਸਟਾਈਲ ਕਬੱਡੀ ਦੇ ਖਿਡਾਰੀਆਂ ਨੂੰ ਕਿਉਂ ਨਹੀਂ
ਦਿੱਤਾ ਜਾ ਰਿਹਾ ਹੈ। ਹਾਲਾਂ ਕਿ ਸਰਕਾਰ ਦੇ ਨਿਯਮਾਂ, ਸਿਧਾਂਤਾਂ ਮੁਤਾਬਿਕ ਇਹ
ਐਵਾਰਡ ਕਬੱਡੀ ਖਿਡਾਰੀਆਂ ਨੂੰ ਨਹੀਂ ਦਿੱਤਾ ਜਾ ਸਕਦਾ ਕਿਉਂਕਿ ਇਸ ਐਵਾਰਡ ਦੀ ਚੋਣ
ਮੌਕੇ ਉਲੰਪਿਕ ਖੇਡਾਂ, ਰਾਸ਼ਟਰ ਮੰਡਲ ਖੇਡਾਂ, ਏਸ਼ੀਆਈ ਖੇਡਾਂ ਅਤੇ ਰਾਸ਼ਟਰੀ
ਚੈਂਪੀਅਨਸ਼ਿਪ ਦੀਆਂ ਪ੍ਰਾਪਤੀਆਂ ਦੇ ਨੰਬਰ ਜੋੜੇ ਜਾਂਦੇ ਹਨ, ਫਿਰ ਇਹ ਐਵਾਰਡ
ਪ੍ਰਾਪਤੀਆਂ ਦੇ ਆਧਾਰ 'ਤੇ ਖਿਡਾਰੀਆਂ ਨੂੰ ਦਿੱਤਾ ਜਾਂਦਾ ਹੈ। ਸਰਕਲ ਸਟਾਈਲ ਕਬੱਡੀ
ਉਲੰਪਿਕ, ਰਾਸ਼ਟਰ ਮੰਡਲ ਅਤੇ ਏਸ਼ੀਆਈ ਖੇਡਾਂ ਦਾ ਹਿੱਸਾ ਨਹੀਂ ਹੈ, ਨਾ ਹੀ ਕੋਈ ਇਸ
ਤਰ੍ਹਾਂ ਦੀ ਕੋਈ ਹੋਰ ਅੰਤਰਰਾਸ਼ਟਰੀ ਪੱਧਰ ਦੀ ਕਬੱਡੀ ਚੈਂਪੀਅਨਸ਼ਿਪ ਹੁੰਦੀ ਹੈ ਜਿਸ
ਤੋਂ ਖਿਡਾਰੀਆਂ ਦਾ ਲੇਖਾ-ਜੋਖਾ ਹੋ ਸਕੇ, ਪਰ ਫਿਰ ਵੀ ਪੰਜਾਬੀਆਂ ਦੀ ਇਹ ਚਹੇਤੀ ਅਤੇ
ਚਰਚਿਤ ਖੇਡ ਹੋਣ ਨਾਤੇ ਅਤੇ ਖਿਡਾਰੀਆਂ ਵੱਲੋਂ ਵਾਰ-ਵਾਰ ਐਵਾਰਡਾਂ ਦੀ ਮੰਗ ਕਰਨ 'ਤੇ
ਪੰਜਾਬ ਸਰਕਾਰ ਨੇ ਸ਼ਲਾਘਾਯੋਗ ਕਦਮ ਚੁੱਕਿਆ ਸੀ ਕਿ ਦੂਸਰੀਆਂ ਖੇਡਾਂ ਵਾਂਗ ਮਹਾਰਾਜਾ
ਰਣਜੀਤ ਸਿੰਘ ਐਵਾਰਡ ਸਰਕਲ ਸਟਾਈਲ ਕਬੱਡੀ ਖਿਡਾਰੀਆਂ ਨੂੰ ਦਿੱਤਾ ਜਾਵੇਗਾ। ਪੰਜਾਬ
ਸਰਕਾਰ ਨੇ ਪਿਛਲੇ ਸਾਲ 2005 ਤੋਂ ਲੈ ਕੇ 2008 ਤੱਕ ਦੀਆਂ ਪ੍ਰਾਪਤੀਆਂ ਕਰਨ ਵਾਲੇ
ਖਿਡਾਰੀਆਂ ਦੇ ਵੱਖ-ਵੱਖ ਖੇਡਾਂ ਦੇ ਵੇਰਵੇ ਮੰਗੇ ਸਨ ਜਿਸ ਵਿਚ ਦੂਸਰੀਆਂ ਖੇਡਾਂ ਜਿਵੇਂ
ਐਥਲੈਟਿਕਸ, ਫੁੱਟਬਾਲ, ਹਾਕੀ, ਵਾਲੀਬਾਲ, ਬਾਸਕਟਬਾਲ, ਜਿਮਨਾਸਟਿਕ ਆਦਿ 28 ਦੇ ਕਰੀਬ
ਖੇਡਾਂ ਦੇ 250 ਦੇ ਕਰੀਬ ਖਿਡਾਰੀਆਂ ਨੇ ਇਸ ਐਵਾਰਡ ਲਈ ਆਪਣੀਆਂ ਖੇਡ ਪ੍ਰਾਪਤੀਆਂ ਦੇ
ਵੇਰਵੇ ਅਪਲਾਈ ਕੀਤੇ। ਦੂਸਰੇ ਪਾਸੇ ਕਬੱਡੀ, ਜਿਸ ਵਿਚ ਬੇਇਨਸਾਫ਼ੀ ਦਾ ਵੱਡਾ ਰੌਲਾ
ਪਾਇਆ ਜਾ ਰਿਹਾ ਸੀ, ਦੇ ਖਿਡਾਰੀਆਂ ਨੇ ਇਹ ਐਵਾਰਡ ਲੈਣਾ ਮੁਨਾਸਿਬ ਹੀ ਨਹੀਂ ਸਮਝਿਆ
ਅਤੇ ਕਿਸੇ ਖਿਡਾਰੀ ਨੇ ਅਪਲਾਈ ਹੀ ਨਹੀਂ ਕੀਤਾ, ਸਿਰਫ਼ ਨੈਸ਼ਨਲ ਸਟਾਈਲ ਕਬੱਡੀ ਦੇ
ਏਸ਼ੀਅਨ ਖੇਡਾਂ 'ਚੋਂ ਸੋਨ ਤਗਮਾ ਜੇਤੂ ਮਨਪ੍ਰੀਤ ਸਿੰਘ ਮਾਨਾ ਅਤੇ ਕੁਝ ਇਕ ਖਿਡਾਰੀਆਂ
ਨੇ ਐਵਾਰਡ ਲਈ ਅਪਲਾਈ ਜ਼ਰੂਰ ਕੀਤਾ, ਜਿਨ੍ਹਾਂ ਵਿਚੋਂ ਹੋ ਸਕਦਾ ਹੈ ਮਾਨਾ ਨੂੰ ਇਸ
ਐਵਾਰਡ ਦੇ ਯੋਗ ਸਮਝਿਆ ਜਾਵੇ।
ਵਿਸ਼ਵ ਕਬੱਡੀ ਕੱਪ ਜੇਤੂ ਭਾਰਤੀ ਟੀਮ ਦਾ
ਸੋਨੇ ਦੀਆਂ ਮੁੰਦਰੀਆਂ ਨਾਲ ਸਨਮਾਨ
ਦਸੂਹਾ, 19 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਜੋ ਕਿ ਪੰਜਾਬ ਦੇ ਉਪ ਮੁੱਖ ਮੰਤਰੀ
ਸ: ਸੁਖਬੀਰ ਸਿੰਘ ਬਾਦਲ ਦੀ ਸਰਪ੍ਰਸਤੀ ਹੇਠ ਪੰਜਾਬ ਦੇ ਵੱਖ ਵੱਖ ਜ਼ਿਲ੍ਹਿਆਂ 'ਚ
ਕਰਵਾਇਆ ਗਿਆ ਸੀ। ਫੋਕਲ ਪੁਆਇੰਟ ਜੌਹਲ-ਧੁੱਗਾ ਕਲਾਂ 'ਚ ਇਸ ਵਿਸ਼ਵ ਕਬੱਡੀ ਕੱਪ 'ਚੋਂ
ਆਏ ਭਾਰਤੀ ਟੀਮ ਦੇ ਜੇਤੂ ਖਿਡਾਰੀਆਂ ਨੂੰ ਸਨਮਾਨ ਕਰਨ ਲਈ ਸਮਾਰੋਹ ਕਰਵਾਇਆ ਗਿਆ। ਇਸ
ਮੌਕੇ ਭਾਰਤੀ ਕਬੱਡੀ ਟੀਮ ਦੇ ਖਿਡਾਰੀ ਕੈਪਟਨ ਮੰਗਤ ਸਿੰਘ ਮੰਗੀ ਜਲੰਧਰ,
ਹਰਵਿੰਦਰਜੀਤ ਸਿੰਘ ਦੁੱਲਾ ਕਪੂਰਥਲਾ, ਸੰਦੀਪ ਸਿੰਘ ਸੁਰਖਪੁਰ, ਹਰਦੀਪ ਸਿੰਘ ਢਿੱਲੋਂ
ਪੰਡੋਰੀ ਲੱਧਾ ਸਿੰਘ, ਸੁੱਖਾ ਭੰਡਾਲ ਕਪੂਰਥਲਾ, ਮਹਿੰਦਰ ਸਿੰਘ ਸੁਰਖਪੁਰ ਕਬੱਡੀ ਕੋਚ,
ਇਟਲੀ ਕਬੱਡੀ ਟੀਮ ਦੇ ਖਿਡਾਰੀ ਦਲਜੀਤ ਸਿੰਘ ਲੰਬੜ, ਚਰਨਾ ਡੱਫਰ, ਮਨਪ੍ਰੀਤ ਲੰਬੜ
ਡੱਫਰ, ਪ੍ਰਗਟ ਸਿੰਘ ਡਾਇਰੈਕਟਰ ਪੰਜਾਬ ਸਪੋਰਟਸ ਵਿਭਾਗ ਨੂੰ ਸੋਨੇ ਦੀਆਂ ਮੁੰਦਰੀਆਂ
ਸ਼ਾਲ, ਮੋਮੈਂਟੋ ਆਦਿ ਨਾਲ ਜਥੇਦਾਰ ਧੁੱਗਾ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ
ਉੱਘੇ ਗਾਇਕ ਸੁਖਵਿੰਦਰ ਸੁੱਖੀ ਨੇ ਸਭਿਆਚਾਰਕ ਪ੍ਰੋਗਰਾਮ ਵੀ ਪੇਸ਼ ਕੀਤਾ।
ਵਿਸ਼ਵ ਕਬੱਡੀ ਕੱਪ ਜੇਤੂ ਭਾਰਤੀ ਕਬੱਡੀ
ਟੀਮ ਨੂੰ ਮਿਲ ਰਹੀਆਂ ਹਨ ਵਧਾਈਆਂ ਹੀ ਵਧਾਈਆਂ
ਜਲੰਧਰ, 15 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਜੇਤੂ ਭਾਰਤੀ ਕਬੱਡੀ ਟੀਮ ਦੇ
ਮੈਂਬਰਾਂ ਨੂੰ ਸਾਂਸਦ ਦੇ ਬਜਟ ਸੈਸ਼ਨ ਦੇ ਦੂਸਰੇ ਗੇੜ ਦੇ ਪਹਿਲੇ ਦਿਨ ਲੋਕ ਸਭਾ ਨੇ
ਵਧਾਈ ਦਿੱਤੀ। ਯਾਦ ਰਹੇ ਵਿਸ਼ਵ ਕਬੱਡੀ ਕੱਪ ਪੰਜਾਬ ਸਰਕਾਰ ਵੱਲੋਂ ਸਫਲਤਾਪੂਰਬਕ
ਕਰਵਾਇਆ ਗਿਆ, ਜਿਸ ਦੇ ਫਾਈਨਲ ਮੈਚ ਵਿਚੋਂ ਭਾਰਤ ਦੀ ਟੀਮ ਨੇ ਪਾਕਿਸਤਾਨ ਦੀ ਕਬੱਡੀ
ਟੀਮ ਨੂੰ 58-24 ਅੰਕਾਂ ਨਾਲ ਹਰਾ ਕੇ ਇਸ ਵਿਸ਼ਵ ਕੱਪ ਦੇ ਜੇਤੂ ਖਿਤਾਬ 'ਤੇ ਕਬਜ਼ਾ
ਕਰਕੇ ਇਕ ਕਰੋੜ ਰੁਪਏ ਦਾ ਇਨਾਮ ਹਾਸਲ ਕੀਤਾ। ਦੂਜੇ ਪਾਸੇ ਭਾਰਤ ਦੇ ਖੇਡ ਮੰਤਰੀ ਡਾ.
ਮਨਮਨੋਹਰ ਸਿੰਘ ਗਿੱਲ ਨੇ ਜੇਤੂ ਭਾਰਤੀ ਟੀਮ ਨੂੰ ਜਿੱਤ 'ਤੇ ਆਪਣੇ ਦਫਤਰ ਵਿਖੇ ਬੁਲਾ
ਕੇ ਵਧਾਈ ਦਿੱਤੀ ਤੇ ਟੀਮ ਦੇ ਸਾਰੇ ਖਿਡਾਰੀਆਂ ਨਾਲ ਮੁਲਾਕਾਤ ਕੀਤੀ। ਇਸ ਮੌਕੇ 'ਤੇ
ਡਾਇਰੈਕਟਰ ਸਪੋਰਟਸ ਪਦਮਸ੍ਰੀ ਪ੍ਰਗਟ ਸਿੰਘ ਵੀ ਹਾਜ਼ਰ ਸਨ। ਇਸ ਮੌਕੇ 'ਤੇ ਡਾ. ਗਿੱਲ
ਨੇ ਟੀਮ ਦੇ ਖਿਡਾਰੀਆਂ ਨੂੰ ਕਿਹਾ ਕਿ 'ਮੈਂ ਕਬੱਡੀ ਦੀ ਤਰੱਕੀ ਲਈ ਹਰ ਸੰਭਵ ਯਤਨ
ਕਰਾਂਗਾ ਤੇ ਇਸ ਦੇ ਵਿਚ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਰਾਂਗਾ। ਮੈਂ ਕਬੱਡੀ ਖੇਡ ਨੂੰ
ਬਹੁਤ ਪਿਆਰ ਕਰਦਾ ਹਾਂ, ਇਸ ਮੌਕੇ 'ਤੇ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ
ਗੁਰਦੀਪ ਸਿੰਘ ਮੱਲ੍ਹੀ, ਕੋਚ ਬਲਵੀਰ ਸਿੰਘ ਬਿੱਟੂ, ਹਰਪ੍ਰੀਤ ਬਾਬਾ ਤੇ ਭਾਰਤੀ ਟੀਮ
ਦੇ 14 ਮੈਂਬਰ ਹਾਜ਼ਰ ਸਨ।
ਵਿਸ਼ਵ ਕਬੱਡੀ ਕੱਪ 'ਚੋਂ ਜੇਤੂ ਭਾਰਤੀ ਟੀਮ
ਦਾ ਸਨਮਾਨ ਨਵੀਂ ਦਿੱਲੀ 'ਚ
ਜਲੰਧਰ, 14 ਅਪ੍ਰੈਲ - 15 ਅਪ੍ਰੈਲ ਨੂੰ ਨਵੀਂ ਦਿੱਲੀ ਵਿਖੇ ਕੇਂਦਰੀ ਖੇਡ
ਮੰਤਰੀ ਡਾ: ਮਨੋਹਰ ਸਿੰਘ ਗਿੱਲ ਦੇ ਦਫ਼ਤਰ ਵਿਖੇ ਪਹਿਲੇ ਵਿਸ਼ਵ ਕਬੱਡੀ ਕੱਪ 'ਚੋਂ ਜੇਤੂ
ਭਾਰਤੀ ਕਬੱਡੀ ਟੀਮ ਦੇ ਖਿਡਾਰੀਆਂ ਦਾ ਸਨਮਾਨ ਕੀਤਾ ਜਾਵੇਗਾ। ਇਹ ਵਿਸ਼ਵ ਕਬੱਡੀ ਕੱਪ
ਪੰਜਾਬ ਸਰਕਾਰ ਵੱਲੋਂ ਕਰਵਾਇਟਾ ਗਿਆ ਸੀ। ਇਸ ਟੀਮ ਦੇ ਨਾਲ ਪਦਮਸ੍ਰੀ ਪ੍ਰਗਟ ਸਿੰਘ
ਡਾਇਰੈਕਟਰ ਸਪੋਰਟਸ ਪੰਜਾਬ ਵੀ ਵਿਸ਼ੇਸ਼ ਤੌਰ 'ਤੇ ਜਾਣਗੇ।
ਭਾਰਤ ਦਾ ਇਕ ਕਰੋੜ 'ਤੇ ਪਾਕਿਸਤਾਨ ਦਾ 51
ਲੱਖ ਦੀ ਰਾਸ਼ੀ 'ਤੇ ਕਬਜ਼ਾ
ਭਾਰਤ ਦੀ ਟੀਮ ਬਣੀ ਵਿਸ਼ਵ ਕਬੱਡੀ ਕੱਪ ਦੀ ਚੈਂਪੀਅਨ ਇਸ ਟੀਮ ਨੂੰ ਗੁਰੂ ਨਾਨਕ
ਸਟੇਡੀਅਮ ਲੁਧਿਆਣਾ 'ਚ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ, ਉਪ ਮੁੱਖ ਮੰਤਰੀ ਸ:
ਸੁਖਬੀਰ ਸਿੰਘ ਬਾਦਲ ਟਰਾਫੀ ਦਿੰਦੇ ਹੋਏ
ਲੁਧਿਆਣਾ, 12 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਲੁਧਿਆਣੇ ਦੇ ਗੁਰੂ ਨਾਨਕ
ਸਟੇਡੀਅਮ 'ਚ ਕਰਵਾਇਆ ਗਿਆ। ਇਸ ਵਿਚ ਭਾਰਤ ਨੇ ਮਾਣਮੱਤੀ ਜਿੱਤ ਹਾਸਿਲ ਕਰਦਿਆਂ ਆਪਣੇ
ਰਵਾਇਤੀ ਵਿਰੋਧੀ ਪਾਕਿਸਤਾਨ ਨੂੰ ਇਕਤਰਫ਼ਾ ਮੁਕਾਬਲੇ ਵਿਚ 58-24 ਨਾਲ ਹਰਾ ਕੇ ਵਿਸ਼ਵ
ਕੱਪ ਦਾ ਪਲੇਠਾ ਚੈਂਪੀਅਨ ਬਣਨ ਦਾ ਮਾਣ ਹਾਸਿਲ ਕੀਤਾ ਹੈ। ਅੱਧੇ ਸਮੇਂ ਤੱਕ ਭਾਰਤੀ
ਖਿਡਾਰੀ 26-12 ਨਾਲ ਅੱਗੇ ਸਨ। ਭਾਰਤ ਵੱਲੋਂ ਧਾਵੀ ਹਰਵਿੰਦਰ ਸਿੰਘ ਦੁੱਲਾ ਸੁਰਖਪੁਰ,
ਲਾਡੀ ਓਟਾਲਾ, ਸੰਦੀਪ ਸੁਰਖਪੁਰ, ਸੁਖਬੀਰ ਸਰਾਵਾਂ, ਗੁਲਜ਼ਾਰੀ ਮੁਣਕ ਨੇ ਆਪਣੇ ਕਬੱਡੀ
ਹੁਨਰ ਨਾਲ ਦਰਸ਼ਕਾਂ ਦੇ ਮਨ ਮੋਹ ਲਏ, ਜਦ ਕਿ ਜਾਫ਼ੀਆਂ ਵਿਚੋਂ ਕਪਤਾਨ ਮੰਗਤ ਸਿੰਘ ਮੰਗੀ,
ਸੋਖਾ ਭੰਡਾਲ ਦੋਨਾ, ਬਿੱਟੂ ਦਗਾਲ, ਜਗਸ਼ੀਰ ਪਿਥੋ ਨੇ ਦਰਸ਼ਕਾਂ ਦੇ ਅਸ਼-ਅਸ਼ ਕਰਵਾਈ।
ਦੂਸਰੇ ਪਾਸੇ ਭਾਵੇਂ ਪਾਕਿਸਤਾਨ ਦੇ ਖਿਡਾਰੀ ਚੈਂਪੀਅਨ ਬਨਣ ਦੀ ਲੜਾਈ ਤਾਂ ਹਾਰ ਗਏ,
ਪਰ ਖਿਡਾਰੀਆਂ ਦੇ ਜੁੱਸੇ ਅਤੇ ਜੂਝਾਰੂਪਣ ਨੇ ਲੋਕਾਂ ਨੂੰ ਮੈਚ ਦੇ ਅੰਤ ਤੱਕ ਕੀਲੀ
ਰੱਖਿਆ। ਪਾਕਿਸਤਾਨ ਵੱਲੋਂ ਇਮਤਿਆਜ਼ ਆਲਮ, ਇਰਫ਼ਾਨ ਮਾਨਾ ਲੁਧਿਆਣੀਆ, ਅਖ਼ਤਰ ਪਠਾਨ,
ਬਿੱਲਾ, ਜੰਜੂਆ, ਕਾਸ਼ਫ਼ ਪਠਾਨ, ਮੁਹੰਮਦ ਮਨਸਾ, ਖਲੀਲ ਦੇ ਖੇਡ ਹੁਨਰ ਦਾ ਜਾਦੂ ਕੋਈ
ਵੱਡਾ ਕ੍ਰਿਸ਼ਮਾ ਨਾ ਦਿਖਾ ਸਕਿਆ, ਜਦ ਕਿ ਜਾਫੀ ਜਾਸਰ ਜਾਵੇਦ ਹਾਥੀ, ਬਾਬਰ ਗੁੱਜਰ ਵੀ
ਕੋਈ ਖਾਸ ਜੱਫ਼ੇ ਨਾ ਲਾ ਸਕੇ। ਨਰਿੰਦਰ ਬਿੱਟੂ, ਸ਼ੀਰਾ ਪਿਥੋ ਜਾਂ ਬੱਗੇ ਪਿੰਡੀਆਂ ਮੰਗੀ
ਕਿਸੇ ਵੇਲੇ ਝਪਟ ਮਾਰ ਦਿੰਦੇ ਸਨ। ਭਾਰਤੀ ਟੀਮ ਨੂੰ ਇਸ ਜਿੱਤ ਬਦਲੇ ਇਕ ਕਰੋੜ ਦਾ
ਮਾਇਆ ਦਾ ਗੱਫ਼ਾ ਅਤੇ ਚਮਕਦੀ ਵਿਸ਼ਵ ਕਬੱਡੀ ਕੱਪ ਟਰਾਫ਼ੀ ਮੁੱਖ ਮੰਤਰੀ ਪੰਜਾਬ ਸ:
ਪ੍ਰਕਾਸ਼ ਸਿੰਘ ਬਾਦਲ ਨੇ ਭੇਟ ਕੀਤੀ। ਇਸ ਮੌਕੇ ਭਾਰਤ ਦੇ ਕਪਤਾਨ ਮਾਂਗਟ ਸਿੰਘ ਮੰਗੀ
ਨੂੰ ਵਧੀਆ ਜਾਫੀ ਵਜੋਂ ਅਤੇ ਕੈਨੇਡਾ ਦੇ ਕੁਲਜੀਤ ਨੂੰ ਵਧੀਆ ਧਾਵੀ ਵਜੋਂ ਇਕ-ਇਕ
ਟਰੈਕਟਰ ਦੇ ਕੇ ਸਨਮਾਨਿਤ ਕੀਤਾ ਗਿਆ, ਜਦ ਕਿ ਪਾਕਿਸਤਾਨੀ ਟੀਮ ਨੇ 51 ਲੱਖ ਦੀ ਇਨਾਮੀ
ਰਾਸ਼ੀ ਤੇ ਆਪਣਾ ਹੱਕ ਜਤਾਇਆ। ਅੱਜ ਦੇ ਮੈਚਾਂ ਦੌਰਾਨ ਕਈ ਵਾਦ-ਵਿਵਾਦ ਵਾਲੇ ਅੰਕਾਂ
ਦਾ ਫੈਸਲਾ ਜਿਊਰੀ ਆਫ਼ ਅਪੀਲ ਜਿਸ ਵਿਚ ਪਾਕਿਸਤਾਨ ਦੇ ਮੁਹੰਮਦ ਸਰਵਰ, ਦਰਸ਼ਨ ਗਿੱਲ,
ਸੇਵਾ ਸਿੰਘ ਫਰੀਦਕੋਟ ਨੇ ਕੀਤਾ। ਇਸ ਮੌਕੇ 'ਤੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ
ਬਾਦਲ ਨੇ ਆਖਿਆ ਕਿ ਜੇਤੂ ਭਾਰਤੀ ਟੀਮ ਦੇ ਸਾਰੇ ਖਿਡਾਰੀਆਂ ਨੂੰ ਸਰਕਾਰੀ ਨੌਕਰੀਆਂ
ਮਿਲਣਗੀਆਂ। ਉਨ੍ਹਾਂ ਆਖਿਆ ਕਿ ਇਨ੍ਹਾਂ ਖਿਡਾਰੀਆਂ ਦੇ ਨੌਕਰੀਆਂ ਦਾ ਕੇਸ 15 ਅਪ੍ਰੈਲ
ਨੂੰ ਵਿਧਾਨ ਸਭਾ ਵਿਚ ਪਾਸ ਕਰ ਦਿੱਤਾ ਜਾਵੇਗਾ। ਇਸ ਤੋਂ ਪਹਿਲਾ ਕੈਨੇਡਾ ਨੇ ਇਟਲੀ
ਨੂੰ ਹਰਾ ਕੇ ਵਿਸ਼ਵ ਕਬੱਡੀ ਕੱਪ ਵਿਚ ਤੀਸਰਾ ਸਥਾਨ ਹਾਸਿਲ ਕੀਤਾ, ਇਸ ਜਿੱਤ ਬਦਲੇ
ਕੈਨੇਡਾ ਨੂੰ 25 ਲੱਖ, ਜਦ ਕਿ ਇਟਲੀ ਨੂੰ 10 ਲੱਖ ਰੁਪਏ ਦਾ ਇਨਾਮ ਮਿਲਿਆ। ਕੈਨੇਡਾ
ਵੱਲੋਂ ਕੁਲਜੀਤ ਮਲਸੀਆ, ਜੱਗਾ ਆਲੋਵਾਲ, ਕੁਲਦੀਪ ਬਦਨੀ, ਟੈਰੀ ਪੂਰੇਵਾਲ ਅਤੇ ਜਾਫ਼ੀਆਂ
ਵਿਚੋਂ ਬਲਜੀਤ ਸੈਦੋਕੇ, ਟਿੱਪਾ ਸੁਰਖਪੁਰ, ਹਰਦੀਪ ਤਾਊ, ਸੋਨੀ ਸਨੇਤ, ਪੱਪੀ ਖਹਿਰਾ
ਨੇ ਵਧੀਆਂ ਖੇਡ ਵਿਖਾਈ, ਜਦ ਕਿ ਇਟਲੀ ਵੱਲੋਂ ਕਮਲਜੀਤ ਕਾਲਾ, ਬਲਜੀਤ ਲੰਬੜ, ਜੱਸਾ,
ਜਾਫ਼ੀਆਂ ਵਿਚੋਂ ਮਨਪ੍ਰੀਤ, ਜਸਪਾਲ ਜੱਸਾ, ਜਗਦੀਪ ਲਾਲੀ, ਤਰਲੋਕ ਸਿੰਘ ਭਾਵੇਂ ਕੁਝ
ਹੱਦ ਤੱਕ ਵਧੀਆਂ ਖੇਡੇ, ਪਰ ਉਹ ਆਪਣੀ ਟੀਮ ਦੀ ਹਾਰ ਨੂੰ ਰੋਕ ਨਾ ਸਕੇ। ਕੈਨੇਡਾ ਨੇ
ਇਟਲੀ ਨੂੰ 69-25 ਅੰਕਾਂ ਨਾਲ ਹਰਾਇਆ। ਅੱਧੇ ਸਮੇਂ ਤੱਕ ਕੈਨੇਡੀਅਨ ਖਿਡਾਰੀ 34-10
ਅੰਕਾਂ ਨਾਲ ਅੱਗੇ ਸਨ। ਕੈਨੇਡਾ ਵੱਲੋਂ ਕੁਲਜੀਤ ਮਲਸੀਆ ਨੇ 17, ਕੁਲਦੀਪ ਬਧਨੀ ਨੇ
12 ਰੇਡਾਂ ਪਾਈਆਂ ਤੇ ਸਾਰੇ ਅੰਕ ਹਾਸਿਲ ਕੀਤੇ। ਜਦ ਕਿ ਕੈਨੇਡਾ ਵੱਲੋਂ ਸੰਦੀਪ
ਗੁਰਦਾਸਪੁਰ ਨੇ 7, ਹਰਦੀਪ ਤਾਊ ਨੇ 6 ਜੱਫ਼ੇ ਲਾਏ।
ਡੋਪ ਟੈਸਟਾਂ ਸਬੰਧੀ 16 ਖਿਡਾਰੀਆਂ ਨੂੰ
ਨੋਟਿਸ ਜਾਰੀ
ਜਲੰਧਰ, 12 ਅਪ੍ਰੈਲ - ਕੇਂਦਰੀ ਖੇਡ ਮੰਤਰੀ ਸ: ਮਨੋਹਰ ਸਿੰਘ ਗਿੱਲ ਵੱਲੋਂ
ਖ਼ੇਡਾਂ ਵਿਚੋਂ ਨਸ਼ਿਆਂ ਨੂੰ ਲਾਂਭੇ ਕਰਨ ਲਈ ਕੀਤੇ ਜਾ ਰਹੇ ਯਤਨਾਂ ਸਦਕਾ ਵਿਸ਼ਵ ਕਬੱਡੀ
ਕੱਪ ਤੋਂ ਪਹਿਲਾਂ ਖਿਡਾਰੀਆਂ ਦੇ 'ਟਰਾਇਲ' ਮੌਕੇ ਹੀ ਕਰਵਾਏ ਗਏ 'ਐਂਟੀ ਡੋਪਿੰਗ
ਟੈਸਟ' ਦੇ ਨਤੀਜਿਆਂ ਵਿਚ 'ਪਾਜ਼ੇਟਿਵ' ਪਾਏ ਗਏ 16 ਕਬੱਡੀ ਖਿਡਾਰੀਆਂ ਨੂੰ 'ਨੈਸ਼ਨਲ
ਐਂਟੀ ਡੋਪਿੰਗ ਏਜੰਸੀ' (ਨਾਡਾ) ਵੱਲੋਂ ਨੋਟਿਸ ਜਾਰੀ ਕੀਤੇ ਗਏ ਹਨ। ਵਿਸ਼ਵ ਕਬੱਡੀ
ਕੱਪ ਦੇ ਟਰਾਇਲ ਸਮੇਂ 49 ਖਿਡਾਰੀਆਂ ਦੇ ਨਮੂਨੇ ਲਏ ਗਏ ਸਨ ਅਤੇ ਉਨ੍ਹਾਂ ਵਿਚੋਂ 16
'ਪਾਜ਼ੇਟਿਵ' ਪਾਏ ਗਏ ਹਨ। ਉਕਤ 16 ਖਿਡਾਰੀਆਂ ਦੇ ਕੇਸ 'ਨਾਡਾ' ਦੇ ਅਨੁਸ਼ਾਸਨੀ ਪੈਨਲ
ਨੂੰ ਸੌਂਪ ਦਿੱਤੇ ਗਏ ਹਨ। ਇਸ ਪੈਨਲ ਦੀ ਅਗਵਾਈ ਜ਼ਿਲ੍ਹਾ ਜੱਜ ਪੱਧਰ ਦਾ ਇਕ ਅਧਿਕਾਰੀ
ਕਰੇਗਾ ਅਤੇ ਪੈਨਲ ਵਿਚ ਉਘੇ ਖਿਡਾਰੀ ਅਤੇ ਡਾਕਟਰ ਸ਼ਾਮਿਲ ਹੋਣਗੇ। ਵਿਸ਼ਵ ਕਬੱਡੀ ਕੱਪ
ਦੇ ਆਯੋਜਨ ਦੌਰਾਨ ਵੀ 'ਨਾਡਾ' ਨੇ ਖਿਡਾਰੀਆਂ ਦੇ ਟੈਸਟ ਕਰਨ ਦਾ ਸਿਲਸਿਲਾ ਜਾਰੀ
ਰੱਖਿਆ ਅਤੇ ਇਸ ਦੌਰਾਨ ਪਿਸ਼ਾਬ ਦੇ 61 ਅਤੇ ਖੂਨ ਦੇ 22 ਨਮੂਨੇ ਲਏ ਗਏ। 61 ਨਮੂਨਿਆਂ
ਵਿਚੋਂ 28 ਦੇ ਨਤੀਜੇ ਹੁਣ ਤਕ ਪ੍ਰਾਪਤ ਹੋਏ ਹਨ ਅਤੇ ਇਨ੍ਹਾਂ ਵਿਚੋਂ 18 ਪੱਕੇ ਤੌਰ
'ਤੇ 'ਨੈਗੇਟਿਵ' ਐਲਾਨੇ ਗਏ ਹਨ ਜਦਕਿ ਬਾਕੀ ਨਮੂਨਿਆਂ ਦਾ ਮੁੜ-ਨਿਰੀਖਣ ਹੋ ਰਿਹਾ
ਹੈ। ਬਾਕੀ 10 ਦੇ ਨਤੀਜੇ ਸ਼ਾਮ ਤਕ ਪ੍ਰਾਪਤ ਹੋ ਜਾਣ ਦੀ ਉਮੀਦ ਹੈ। ਖੂਨ ਦੇ ਸਾਰੇ 22
ਨਮੂਨੇ 'ਨੈਗੇਟਿਵ' ਪਾਏ ਗਏ ਹਨ। ਭਾਰਤ ਵਿਚ ਇਹ ਪਹਿਲੀ ਵਾਰ ਹੈ ਕਿ ਖੂਨ ਦੇ ਨਮੂਨਿਆਂ
ਰਾਹੀਂ ਖਿਡਾਰੀਆਂ ਦਾ ਨਸ਼ਿਆਂ ਬਾਰੇ ਟੈਸਟ ਹੋ ਰਿਹਾ ਹੈ। ਪਿਸ਼ਾਬ ਦੇ ਟੈਸਟ ਰਾਹੀਂ ਕਈ
ਵਾਰ ਨਸ਼ੇ ਪਕੜ ਵਿਚ ਨਹੀਂ ਆਉਂਦੇ ਪਰ ਖੂਨ ਦੇ ਟੈਸਟ ਕੀਤਿਆਂ ਨਸ਼ੇ ਦਾ ਸਪੱਸ਼ਟ ਤੌਰ
'ਤੇ ਪਤਾ ਲੱਗ ਜਾਂਦਾ ਹੈ।
ਵਿਸ਼ਵ ਕਬੱਡੀ ਕੱਪ ਦਾ ਫਾਈਨਲ ਗੁਰੂ
ਨਾਨਕ ਸਟੇਡੀਅਮ ਲੁਧਿਆਣਾ 'ਚ
ਲੁਧਿਆਣਾ, 11 ਅਪ੍ਰੈਲ - ਵਿਸ਼ਵ ਕੱਪ ਕਬੱਡੀ ਦਾ ਫਾਈਨਲ ਮੁਕਾਬਲਾ ਗੁਰੂ
ਨਾਨਕ ਸਟੇਡੀਅਮ ਲੁਧਿਆਣਾ 'ਚ ਫਲੱਡ ਲਾਈਟਾਂ ਦੀ ਰੌਸ਼ਨੀ 'ਚ ਕਰਵਾਇਆ ਜਾ ਰਿਹਾ ਹੈ।
ਉਸ ਵਿਚ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਫਸਵੀਂ ਟੱਕਰ ਹੋਣ ਦੇ ਆਸਾਰ ਹਨ। ਭਾਰਤ ਅਤੇ
ਪਾਕਿਸਤਾਨ ਵਿਚਕਾਰ ਭਾਵੇਂ ਕਿਸੇ ਵੀ ਖੇਡ ਦਾ ਮੁਕਾਬਲਾ ਹੋਵੇ, ਉਹ ਖੇਡ ਪ੍ਰੇਮੀਆਂ
ਲਈ ਇਕ ਗਜ਼ਬ ਦਾ ਨਜ਼ਾਰਾ ਹੀ ਹੁੰਦਾ ਹੈ। ਵਿਸ਼ਵ ਕੱਪ ਕਬੱਡੀ ਵਿਚ ਭਾਰਤੀ ਟੀਮ ਪੂਲ 'ਏ'
ਵਿਚ ਆਪਣੀਆਂ ਵਿਰੋਧੀ ਟੀਮਾਂ ਅਮਰੀਕਾ, ਆਸਟ੍ਰੇਲੀਆ, ਈਰਾਨ ਅਤੇ ਇਟਲੀ ਨੂੰ ਹਰਾ ਕੇ
ਸਿਖ਼ਰ 'ਤੇ ਰਹੀ ਹੈ। ਸੈਮੀਫਾਈਨਲ ਵਿਚ ਭਾਰਤ ਨੇ ਕੈਨੇਡਾ ਨੂੰ 51-37 ਨਾਲ ਹਰਾ ਕੇ
ਆਪਣੇ ਚੈਂਪੀਅਨ ਬਣਨ ਦੇ ਇਰਾਦੇ ਦਰਸਾ ਦਿੱਤੇ ਹਨ। ਦੂਸਰੇ ਪਾਸੇ ਪੂਲ 'ਬੀ' ਵਿਚ
ਪਾਕਿਸਤਾਨ ਨੇ ਕੈਨੇਡਾ, ਸਪੇਨ ਅਤੇ ਇੰਗਲੈਂਡ ਨੂੰ ਹਰਾ ਕੇ ਪਹਿਲਾ ਸਥਾਨ ਹਾਸਿਲ ਕੀਤਾ
ਹੈ। ਸੈਮੀਫਾਈਨਲ ਵਿਚ ਪਾਕਿਸਤਾਨ ਨੇ ਇਟਲੀ ਨੂੰ ਬੁਰੀ ਤਰ੍ਹਾਂ ਦਰੜਿਆ ਹੈ। ਭਾਰਤੀ
ਟੀਮ ਦੀਆਂ ਵੱਡੀਆਂ ਆਸਾਂ ਕਪਤਾਨ ਮੰਗਤ ਸਿੰਘ, ਹਰਵਿੰਦਰ ਸਿੰਘ ਦੁੱਲਾ ਸੁਰਖਪੁਰ,
ਗੁਲਜ਼ਾਰ ਮੂਣਕ, ਸੰਦੀਪ ਸੁਰਖਪੁਰ, ਸੁਖਬੀਰ ਸਰਾਵਾਂ, ਨਿੱਕਾ ਜਰਗੜੀ, ਹਰਦੀਪ ਢਿੱਲੋਂ,
ਕਾਕਾ ਕਾਹਰੀ ਸਾਰਹੀ, ਲਾਡੀ ਓਟਾਲਾ 'ਤੇ ਰਹਿਣਗੀਆਂ, ਜਦ ਕਿ ਪਾਕਿਸਤਾਨ ਦੀਆਂ ਨਜ਼ਰਾਂ
ਮੁਸ਼ੱਰਫ਼ ਜੰਜੂਆ, ਇਮਤਿਆਜ਼ ਆਲਮ, ਬਾਬਰ ਗੁੱਜਰ, ਅਖ਼ਤਰ ਪਠਾਨ ਵਰਗੇ ਨਾਮੀ ਖਿਡਾਰੀਆਂ
'ਤੇ ਰਹਿਣਗੀਆਂ, ਪਰ ਇਹ ਸਮਾਂ ਦੱਸੇਗਾ ਕਿ ਪਲੇਠੇ ਵਿਸ਼ਵ ਕੱਪ ਦਾ ਚੈਂਪੀਅਨ ਕੌਣ ਬਣਦਾ
ਹੈ। ਇਸ ਮੌਕੇ 'ਤੇ ਨਾਰਥ ਜ਼ੋਨ ਕਲਚਰ ਸੈਂਟਰ ਵੱਲੋਂ 32 ਮਿੰਟ ਦਾ 14 ਰਾਜਾਂ ਦਾ ਇਕ
ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸ੍ਰੀ ਏ. ਆਰ. ਰਹਿਮਾਨ
ਐਂਡ ਵੰਦੇ ਮਾਤਰਮ ਵੱਲੋਂ ਮੈਡਲੇ ਸ਼ੋਅ ਪੇਸ਼ ਕੀਤਾ ਜਾਵੇਗਾ। ਬਾਲੀਵੁੱਡ ਦੇ ਉਘੇ
ਪਿੱਠਵਰਤੀ ਗਾਇਕ ਸੁਖਵਿੰਦਰ ਸਿੰਘ ਅਤੇ ਡੌਲੀ ਗੁਲੇਰੀਆ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ।
ਇਸ ਮੌਕੇ ਸ: ਸੁਖਬੀਰ ਸਿੰਘ ਬਾਦਲ ਉੱਪ ਮੁੱਖ ਮੰਤਰੀ ਪੰਜਾਬ ਜਿਥੇ ਵਿਸ਼ੇਸ਼ ਮਹਿਮਾਨ
ਵਜੋਂ ਪੁੱਜਣਗੇ ਉਥੇ ਸ: ਪ੍ਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਜੇਤੂ ਟੀਮਾਂ ਨੂੰ
ਇਨਾਮਾਂ ਦੀ ਵੰਡ ਕਰਨਗੇ। ਇਸ ਮੌਕੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਸ੍ਰੀ ਓਮ
ਪ੍ਰਕਾਸ਼ ਚੌਟਾਲਾ ਅਤੇ ਪੰਜਾਬ ਦੇ ਸਾਰੇ ਕੈਬਨਿਟ ਮੰਤਰੀ ਵਿਸ਼ੇਸ਼ ਤੌਰ 'ਤੇ ਪੁੱਜਣਗੇ।
ਜ਼ਿਲ੍ਹਾ ਕਮਿਸ਼ਨਰ ਸ੍ਰੀ ਈਸ਼ਵਰ ਸਿੰਘ ਨੇ ਦੱਸਿਆ ਕਿ ਗੁਰੂ ਨਾਨਕ ਸਟੇਡੀਅਮ ਦੇ
ਆਲੇ-ਦੁਆਲੇ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਪੰਜਾਬ ਦੇ ਖੇਡ ਵਿਭਾਗ ਦੇ
ਡਾਇਰੈਕਟਰ ਸ: ਪਰਗਟ ਸਿੰਘ ਨੇ ਦੱਸਿਆ ਕਿ ਤੀਸਰੇ ਸਥਾਨ ਵਾਲਾ ਮੈਚ ਕੈਨੇਡਾ ਅਤੇ ਇਟਲੀ
ਵਿਚਕਾਰ 5 ਵਜੇ ਸ਼ੁਰੂ ਹੋਵੇਗਾ, ਜਦ ਕਿ ਫਾਈਨਲ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ 8:30
ਵਜੇ ਖੇਡਿਆ ਜਾਵੇਗਾ। ਸ੍ਰੀ ਰਾਹੁਲ ਤਿਵਾੜੀ ਡੀ ਸੀ ਲੁਧਿਆਣਾ ਨੇ ਦੱਸਿਆ ਕਿ ਦਰਸ਼ਕਾਂ
ਦੀ ਐਂਟਰੀ ਲਈ 9 ਗੇਟ ਬਣਾਏ ਗਏ ਹਨ।
ਵਿਸ਼ਵ ਕਬੱਡੀ ਕੱਪ
ਮੇਜ਼ਬਾਨ ਭਾਰਤ ਦਾ ਕੈਨੇਡਾ ਤੇ ਪਾਕਿਸਤਾਨ ਦਾ ਇਟਲੀ ਨਾਲ ਮੁਕਾਬਲਾ
ਜਲੰਧਰ, 9 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਪੰਜਾਬ 'ਚ ਵੱਖ ਵੱਖ ਥਾਵਾਂ 'ਤੇ
ਕਰਵਾਇਆ ਜਾ ਰਿਹਾ ਹੈ। ਇਸ ਵਿਸ਼ਵ ਕੱਪ ਦੇ ਲੀਗ ਮੈਚ ਖਤਮ ਹੋ ਗਏ ਹਨ ਤੇ ਪੂਲ-ਬੀ ਵਿਚੋਂ
ਪਾਕਿਸਤਾਨ ਨੇ ਪਹਿਲਾ ਤੇ ਕੈਨੇਡਾ ਨੇ ਦੂਜਾ ਤੇ ਪੂਲ-ਏ ਦੇ ਵਿਚੋਂ ਭਾਰਤ ਨੇ ਪਹਿਲਾ
ਤੇ ਇਟਲੀ ਨੇ ਦੂਜਾ ਸਥਾਨ ਹਾਸਲ ਕਰਕੇ ਇਸ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਮੁਕਾਬਲੇ ਵਿਚ
ਦਾਖਲ ਹੋਣ ਦਾ ਮਾਣ ਹਾਸਲ ਕੀਤਾ ਹੈ। ਵੈਸੇ ਤਾਂ ਪਾਕਿਸਤਾਨ ਨੇ ਆਪਣੇ ਤਿੰਨ ਮੈਚ
ਜਿੱਤੇ ਹਨ, ਭਾਰਤ ਨੇ 4 ਮੈਚ, ਜਿੱਤ ਕੇ ਤੇ ਕੈਨੇਡਾ ਨੇ 2 ਮੈਚ ਜਿੱਤ ਕੇ
ਸੈਮੀਫਾਈਨਲ ਵਿਚ ਥਾਂ ਬਣਾਈ ਹੈ ਪਰ ਇਟਲੀ ਦੀ ਟੀਮ ਇਕ ਬੜਾ ਉਲਟ ਫੇਰ ਕਰਕੇ ਅਮਰੀਕਾ
ਦੀ ਟੀਮ ਨੂੰ ਹਰਾਇਆ। ਇਟਲੀ ਦੀ ਟੀਮ 'ਤੇ ਨਜ਼ਰ ਮਾਰੀਏ ਤਾਂ ਪਤਾ ਲੱਗਦਾ ਹੈ। ਇਸ ਟੀਮ
ਦੇ ਵਿਚ ਧਾਵੀ ਕਪਤਾਨ ਕਾਲਾ ਮੀਆਂਵਿੰਡ, ਚੰਨਾ ਖੀਰਾਂਵਾਲੀ ਦਲਜੀਤ ਲੰਬੜ ਡੱਫਰ, ਅਮਨ
ਬੱਧਨੀ, ਬਲਵਿੰਦਰ ਸਿੰਘ ਸੀਚੇਵਾਲ, ਜੱਸਾ ਜਲਾਦੀਵਾਲ ਤੇ ਮੇਜਰ ਸੁਹਾਣਾ ਸ਼ਾਮਿਲ ਹਨ
ਤੇ ਜਾਫੀ ਵਜੋਂ ਉਪ-ਕਪਤਾਨ ਜਿੰਦਰ ਮਾਗੇਕੀ, ਚਰਨਾ ਡੱਫਰ, ਮਨਪ੍ਰੀਤ, ਜੀਤ ਬਰਗੜੀ,
ਗੁਰਦਿਆਲ ਢੇਰੀ, ਦੀਪ ਗੜ੍ਹੀ ਬਖਸ਼ਾ ਸ਼ਾਮਿਲ ਹਨ। ਪਾਕਿਸਤਾਨੀ ਟੀਮ ਦੇ ਵਿਚ ਧਾਵੀ
ਅਖ਼ਤਰ ਪਠਾਨ, ਇਮਤਿਆਜ਼ ਆਲਮ, ਬੱਬਰ, ਗੁੱਜਰ, ਮੁਹੰਮਦ ਇਰਫਾਨ, ਕਾਸਫ ਰਿਆਜ ਤਕੜੇ ਹਨ
ਤੇ ਜਾਫੀ ਮੁਹੰਮਦ ਕਾਸਫ ਖਾਨ, ਮੁਸ਼ੱਰਫ ਜੰਜੂਆ, ਜਾਫ਼ਰ ਬੇਗ (ਹਾਥੀ) ਅੰਤਰ ਸਹਿਜ਼ਾਦ
ਸ਼ਾਮਿਲ ਹਨ ਤੇ ਇਹ ਇਸ ਵੇਲੇ ਫਾਈਨਲ ਵਿਚ ਪੁੱਜਣ ਦੀ ਮਜ਼ਬੂਤ ਦਾਅਵੇਦਾਰ ਹੈ। ਭਾਰਤ ਦੀ
ਟੀਮ 'ਚ ਧਾਵੀ ਦੁੱਲਾ ਸੁਰਖਪੁਰੀਆ, ਉਪ ਕਪਤਾਨ ਸੰਦੀਪ ਸੁਰਖਪੁਰੀਆ, ਗੁਲਜ਼ਾਰੀ ਮੂਣਕ,
ਸੁਖਵੀਰ ਸਰਾਵਾਂ, ਕਾਕਾ ਕਾਹਰੀਸਾਹਰੀ, ਨਿੱਕਾ ਜਰਗੜੀ, ਲਾਡੀ ਉਟਾਲਾਂ ਸ਼ਾਮਿਲ ਹਨ ਪਰ
ਇਨ੍ਹਾਂ ਦੀ ਰਣਨੀਤੀ ਮੌਕੇ 'ਤੇ ਹੀ ਪਤਾ ਲੱਗੇਗੀ। ਇਸ ਤੋਂ ਇਲਾਵਾ ਇਸ ਟੀਮ ਦੇ ਵਿਚ
ਜਾਫੀ ਮੰਗਤ ਮੰਗੀ ਕਪਤਾਨ ਬੱਗਾ ਪਿੰਡ, ਸੁਖ ਭੰਡਾਲ, ਬਿੱਟੂ ਦੁਗਾਲ, ਖੁਸ਼ੀ ਦਿੜ੍ਹਬਾ,
ਸ਼ੀਰਾ ਪਿੱਥੋ, ਕਰਨੀ ਬਡਵਾਲ, ਹਰਦੀਪ ਢਿੱਲੋਂ ਸ਼ਾਮਿਲ ਹਨ। ਕੈਨੇਡਾ ਦੀ ਟੀਮ ਨੇ ਇਸ
ਵਿਸ਼ਵ ਕੱਪ ਦੇ ਫਾਈਨਲ ਵਿਚ ਪੁੱਜਣ ਲਈ ਨਵਾਂ ਧਾਵੀ ਬਾਬਾ ਜਲਾਲਦੀਵਾਲ ਤੇ ਜਾਫੀ
ਹਰਦੀਪ ਸਿੰਘ ਤਾਉ ਤੋਗਾਵਾਲ ਇਸ ਟੀਮ ਦੇ ਵਿਚ ਸ਼ਾਮਿਲ ਕੀਤੇ ਹਨ। ਦੇਖੋ ਇਹ ਟੀਮ ਲਈ
ਕੋਈ ਨਵੀਂ ਰਣਨੀਤੀ ਘੜਦੇ ਹਨ, ਕੈਨੇਡਾ ਦੀ ਟੀਮ ਦੇ ਵਿਚ ਧਾਵੀ ਕੁਲਜੀਤ ਮਲਸੀਆ ਜੋ
ਕਿਸੇ ਵੇਲੇ ਵੀ ਮੈਚ ਦਾ ਰੁਖ ਪਲਟ ਸਕਦਾ ਹੈ, ਕਪਤਾਨ ਕਿੰਦਾ ਬਿਹਾਰੀਪੁਰ, ਦੀਪਾ
ਬੱਧਨੀ, ਬਾਬਾ ਜਲਾਲਦੀਵਾਲ ਟੈਰੀ ਪੁਰੇਵਾਲ, ਤੇ ਜੱਗਾ ਆਲੋਵਾਲ ਢੇਰੀਆਂ, ਮੌਜੂਦ ਹਨ
ਤੇ ਜਾਫੀ ਸੋਨੀ ਸੁਨੇਤ ਉਪ ਕਪਤਾਨ, ਬਲਜੀਤ ਸੈਦੋਕੇ, ਕੀਪਾ ਸੁਰਖਪੁਰ, ਸੰਦੀਪ
ਗੁਰਦਾਸਪੁਰ, ਪੱਪੀ ਖਹਿਰਾ, ਅਮਨ ਕੰਡੀ, ਜਿੰਦਰ ਬੋਪਾਰਾਏ ਤੇ ਭੂਰਾ ਘੜੂੰਆਂ ਸ਼ਾਮਿਲ
ਹਨ ਪਰ ਜਿਸ ਤਰੀਕੇ ਨਾਲ ਭਾਰਤ ਤੇ ਪਾਕਿਸਤਾਨੀ ਟੀਮ ਦੀ ਇਸ ਵੇਲੇ ਦੀ ਪਰਫਾਰਮੈਂਸ
ਚੱਲ ਰਹੀ ਹੈ।
ਵਿਸ਼ਵ ਕਬੱਡੀ ਕੱਪ ਦੇ ਸੈਮੀਫਾਈਨਲ ਬਠਿੰਡਾ
'ਚ
ਬਠਿੰਡਾ, 9 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਦੇ ਸੈਮੀਫਾਈਲ ਬਠਿੰਡਾ 'ਚ ਕਰਵਾਏ
ਜਾ ਰਹੇ ਹਨ। ਇਨ੍ਹਾਂ ਦੋਵਾਂ ਸੈਮੀਫਾਈਨਲ ਮੈਚਾਂ ਨੂੰ ਵੇਖਣ ਲਈ ਫਰੀਦਕੋਟ, ਮੁਕਤਸਰ,
ਮਾਨਸਾ, ਬਰਨਾਲਾ, ਫ਼ਿਰੋਜ਼ਪੁਰ ਜ਼ਿਲ੍ਹਿਆਂ ਤੋਂ ਇਲਾਵਾ ਹਰਿਆਣਾ ਅਤੇ ਰਾਜਸਥਾਨ ਤੋਂ
ਵੱਡੀ ਗਿਣਤੀ 'ਚ ਕਬੱਡੀ ਪ੍ਰੇਮੀ ਪੁੱਜ ਰਹੇ ਹਨ। 10 ਅਪ੍ਰੈਲ ਨੂੰ ਇਕ ਵਜੇ ਸਿੱਖ
ਬੱਚਿਆਂ ਦੀਆਂ ਕਬੱਡੀ ਟੀਮਾਂ ਦਾ ਪ੍ਰਦਰਸ਼ਨੀ ਮੈਚ ਹੋਵੇਗਾ, ਉਥੇ ਠੀਕ 2 ਵਜੇ ਪੰਜਾਬੀ
ਗਾਇਕਾ ਸਤਵਿੰਦਰ ਬਿੱਟੀ ਦਰਸ਼ਕਾਂ ਦਾ ਮਨੋਰੰਜਨ ਕਰੇਗੀ ਅਤੇ ਠੀਕ ਤਿੰਨ ਵਜੇ
ਪਾਕਿਸਤਾਨ ਅਤੇ ਇਟਲੀ ਦੀਆਂ ਟੀਮਾਂ ਵਿਚਕਾਰ ਪਹਿਲਾ ਸੈਮੀਫਾਈਨਲ ਮੈਚ ਹੋਵੇਗਾ। ਦੂਜਾ
ਸੈਮੀਫਾਈਨਲ ਮੁਕਾਬਲਾ ਪਹਿਲੇ ਮੈਚ ਤੋਂ ਤੁਰੰਤ ਪਿੱਛੋਂ ਭਾਰਤ ਅਤੇ ਕੈਨੇਡਾ ਦੀਆਂ
ਟੀਮਾਂ ਵਿਚਕਾਰ ਖੇਡਿਆ ਜਾਵੇਗਾ। ਦੋਹਾਂ ਸੈਮੀਫਾਈਨਲ ਮੈਚਾਂ ਦੀਆਂ ਜੇਤੂ ਟੀਮਾਂ ਦਾ
ਫਾਈਨਲ ਮੁਕਾਬਲਾ 12 ਅਪ੍ਰੈਲ ਨੂੰ ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ਵਿਖੇ ਫਲੱਡ ਲਾਈਟਾਂ
ਵਿਚ ਖੇਡਿਆ ਜਾਵੇਗਾ।
ਕਬੱਡੀ ਅਕੈਡਮੀ ਘਰਿਆਲਾ ਦੇ ਟਰਾਇਲ 11
ਨੂੰ
ਹਰੀਕੇ ਪੱਤਣ, 9 ਅਪ੍ਰੈਲ - 11 ਅਪ੍ਰੈਲ ਨੂੰ ਸ਼ਹੀਦ ਭਾਈ ਲਖਮੀਰ ਸਿੰਘ ਕਬੱਡੀ
ਅਕੈਡਮੀ ਘਰਿਆਲਾ ਦੇ ਟਰਾਇਲ ਕਰਵਾਏ ਜਾ ਰਹੇ ਹਨ। ਇਸ ਟਰਾਇਲ ਵਾਸਤੇ ਖਿਡਾਰੀ ਦੀ ਉਮਰ
ਘੱਟ ਤੋਂ ਘੱਟ 17 ਸਾਲ ਅਤੇ ਭਾਰ 70 ਕਿਲੋ ਹੋਣਾ ਲਾਜ਼ਮੀ ਹੈ ਅਤੇ ਟਰਾਇਲ ਦੇਣ ਦੇ
ਚਾਹਵਾਨ ਖਿਡਾਰੀਆਂ ਨੂੰ 11 ਅਪ੍ਰੈਲ 10 ਵਜੇ ਘਰਿਆਲਾ ਅਕੈਡਮੀ ਵਿਖੇ ਪਹੁੰਚਣ।
ਵਿਸ਼ਵ ਕਬੱਡੀ ਕੱਪ
ਇਟਲੀ ਨੇ ਅਮਰੀਕਾ ਅਤੇ ਆਸਟ੍ਰੇਲੀਆ ਨੇ ਈਰਾਨ ਨੂੰ ਲਾਇਆ ਥੱਲੇ
ਅੰਮ੍ਰਿਤਸਰ ਵਿਖੇ ਕਬੱਡੀ ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕਰਦੇ ਹੋਏ ਉਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ। ਉਨ੍ਹਾਂ ਨਾਲ ਸ: ਰਣਜੀਤ ਸਿੰਘ ਬ੍ਰਹਮਪੁਰਾ, ਡਾ:ਰਤਨ ਸਿੰਘ ਅਜਨਾਲਾ, ਜਥੇ: ਗੁਲਜ਼ਾਰ ਸਿੰਘ ਰਣੀਕੇ ਤੇ ਹੋਰ (ਸੱਜੇ) ਆਸਟ੍ਰੇਲੀਆ ਅਤੇ ਈਰਾਨ ਦੀ ਟੀਮ ਦੇ ਖਿਡਾਰੀ ਆਪਸ 'ਚ ਭਿੜਦੇ ਹੋਏ।
ਅੰਮ੍ਰਿਤਸਰ, 8 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਦੇ ਛੇਵੇਂ ਦਿਨ ਦੇ ਮੁਕਾਬਲੇ
ਗੁਰੂ ਨਗਰੀ ਅੰਮ੍ਰਿਤਸਰ ਦੇ ਗੁਰੂ ਨਾਨਕ ਸਟੇਡੀਅਮ 'ਚ ਕਰਵਾਏ ਗਏ। ਇਨ੍ਹਾਂ ਕਬੱਡੀ
ਮੁਕਾਬਲਿਆਂ 'ਚ ਆਸਟ੍ਰੇਲੀਆ ਨੇ ਈਰਾਨ ਨੂੰ, ਇਟਲੀ ਨੇ ਅਮਰੀਕਾ ਨੂੰ ਅਤੇ ਪਾਕਿਸਤਾਨ
ਨੇ ਇੰਗਲੈਂਡ ਨੂੰ ਹਰਾਇਆ। ਇਸ ਟੂਰਨਾਮੈਂਟ ਦੀ ਪ੍ਰਧਾਨਗੀ ਕਰਦਿਆਂ ਪੰਜਾਬ ਦੇ ਉਪ
ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਕਿਹਾ ਕਿ ਪੰਜਾਬ ਦੇ ਪਿੰਡਾਂ ਤੱਕ ਸੀਮਤ ਕਬੱਡੀ
ਨੂੰ ਕੌਮਾਂਤਰੀ ਨਕਸ਼ੇ 'ਤੇ ਲਿਆਉਣ ਲਈ ਅਕਾਲੀ-ਭਾਜਪਾ ਸਰਕਾਰ ਹਰ ਸੰਭਵ ਯਤਨ ਕਰੇਗੀ।
ਸਰਕਾਰ ਦੇ ਸਾਰੇ ਸਬੰਧਿਤ ਵਿਭਾਗਾਂ ਨੂੰ ਖੇਡ ਕੋਟੇ ਦੀਆਂ ਅਸਾਮੀਆਂ 6 ਮਹੀਨੇ ਦੇ
ਅੰਦਰ ਭਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਰਾਜ ਦੇ 6 ਖੇਡ ਸਟੇਡੀਅਮਾਂ ਨੂੰ ਕੌਮਾਂਤਰੀ
ਪੱਧਰ ਦੇ ਬਣਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਕਬੱਡੀ ਨੂੰ ਏਸ਼ੀਆ ਤੇ ਉਲੰਪਿਕ ਵਿਚ ਲੈ
ਕੇ ਜਾਵਾਂਗੇ। ਪਹਿਲਾ ਮੈਚ ਈਰਾਨ ਅਤੇ ਆਸਟ੍ਰੇਲੀਆ ਦੀਆਂ ਟੀਮਾਂ ਦਰਮਿਆਨ ਹੋਇਆ। ਜਿਸ
ਵਿਚ ਆਸਟ੍ਰੇਲੀਆ ਨੇ ਈਰਾਨ ਨੂੰ 26 ਦੇ ਮੁਕਾਬਲੇ 57 ਅੰਕਾਂ ਦੇ ਫਰਕ ਨਾਲ ਹਰਾਇਆ।
ਉਪਰੰਤ ਇਟਲੀ ਨੇ ਅਮਰੀਕਾ ਨੂੰ ਬਹੁਤ ਹੀ ਫ਼ਸਵੇਂ ਮੈਚ 'ਚ 43 ਦੇ ਮੁਕਾਬਲੇ 45 ਅੰਕਾਂ
ਨਾਲ ਪਛਾੜਿਆ। ਤੀਸਰੇ ਤੇ ਅੰਤਿਮ ਮੈਚ 'ਚ ਪਾਕਿਸਤਾਨ ਨੇ ਇੰਗਲੈਂਡ ਨੂੰ 23 ਦੇ
ਮੁਕਾਬਲੇ 50 ਅੰਕਾਂ ਨਾਲ ਹਰਾ ਕੇ ਜਿੱਤ ਪ੍ਰਾਪਤ ਕੀਤੀ ਤੇ ਪਾਕਿਸਤਾਨ ਸੈਮੀਫਾਈਨਲ
'ਚ ਪੁੱਜ ਗਿਆ। ਜਿਸ ਦਾ ਸੈਮੀ ਫਾਈਨਲ ਮੁਕਾਬਲਾ 10 ਅਪ੍ਰੈਲ ਨੂੰ ਬਠਿੰਡਾ ਵਿਖੇ ਇਟਲੀ
ਦੀ ਟੀਮ ਨਾਲ ਹੋਵੇਗਾ।
ਕਬੱਡੀ ਕੱਪ 'ਚ ਹਿੱਸਾ ਲੈਣ ਵਾਲੀਆਂ ਟੀਮਾਂ
ਦੀ ਹਾਲਤ
ਪਟਿਆਲਾ, 8 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਜੋ ਕਿ ਪੰਜਾਬ ਦੇ ਵੱਖ ਵੱਖ ਸ਼ਹਿਰਾਂ
ਵਿਚ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਦੇ ਛੇਵੇਂ ਦਿਨ ਹੋਏ ਲੀਗ ਦੌਰ ਦੇ ਮੈਚਾਂ
ਤੋਂ ਬਾਅਦ ਵੱਖ-ਵੱਖ ਟੀਮਾਂ ਦੀ ਸਥਿਤੀ ਹੇਠ ਲਿਖੇ ਅਨੁਸਾਰ ਹੈ। ਪੂਲ ਏ ਦੀ ਸਥਿਤੀ
'ਚ ਭਾਰਤ ਨੇ 4 ਚਾਰੋਂ ਮੈਚ ਜਿੱਤ ਕੇ 8 ਅੰਕ, ਅਮਰੀਕਾ ਨੇ 2 ਮੈਚ ਜਿੱਤ ਕੇ 4 ਅੰਕ,
ਆਸਟਰੇਲੀਆ ਨੇ 1 ਮੈਚ ਜਿੱਤ ਕੇ 2 ਅੰਕ, ਇਟਲੀ ਨੇ 3 ਮੈਚ ਜਿੱਤ ਕੇ 6 ਅੰਕ ਪ੍ਰਾਪਤ
ਕੀਤੇ ਹਨ ਅਤੇ ਈਰਾਨ ਨੇ ਚਾਰੋ ਮੈਂਚ ਹੀ ਹਾਰੇ। ਪੂਲ ਬੀ ਵਿਚ ਪਾਕਿਸਤਾਨ ਨੇ 3 ਮੈਚ
ਖੇਡੇ ਤੇ ਤਿੰਨੋਂ ਮੈਚ ਜਿੱਤ ਕੇ 6 ਅੰਕ, ਕੈਨੇਡਾ ਨੇ 3 ਮੈਚ ਜਿੱਤ ਕੇ 4 ਅੰਕ,
ਇੰਗਲੈਂਡ ਨੇ 1 ਮੈਚ ਜਿੱਤ ਕੇ 2 ਅੰਕ ਪ੍ਰਾਪਤ ਕੀਤੇ ਹਨ। ਸਪੇਨ ਨੇ 3 ਤਿੰਨੋਂ ਮੈਚ
ਹਾਰੇ ਹਨ।
ਵਿਸ਼ਵ ਕਬੱਡੀ ਕੱਪ 'ਚ ਭਾਰਤ ਮੋਹਰੀ
ਇਟਲੀ ਨੇ ਆਸਟਰੇਲੀਆ ਅਤੇ ਕੈਨੇਡਾ ਨੇ ਇੰਗਲੈਂਡ ਨੂੰ ਕੀਤਾ ਚਿੱਤ
 ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਸਰਕਾਰੀ ਕਾਲਜ ਗੁਰਦਾਸਪੁਰ ਖੇਡ ਸਟੇਡੀਅਮ ਵਿਚ ਕਬੱਡੀ ਖਿਡਾਰੀਆਂ ਨਾਲ ਮੁਲਾਕਾਤ ਦੌਰਾਨ। ਨਾਲ ਹਨ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਸ. ਨਿਰਮਲ ਸਿੰਘ ਕਾਹਲੋਂ। ਨਾਲ ਦੀ ਤਸਵੀਰ ਵਿਚ ਇਕ ਕਬੱਡੀ ਮੈਚ ਦੀ ਝਲਕ। ਗੁਰਦਾਸਪੁਰ, 7 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਪੰਜਵੇਂ ਦਿਨ ਗੁਰਦਾਸਪੁਰ ਵਿਖੇ
ਸਰਕਾਰੀ ਕਾਲਜ ਦੇ ਖੇਡ ਸਟੇਡੀਅਮ ਵਿਚ ਕਰਵਾਇਆ ਗਿਆ। ਇਸ ਦਿਨ ਕਰਵਾਏ ਗਏ ਮੈਚਾਂ ਵਿਚ
ਇਟਲੀ ਅਤੇ ਆਸਟਰੇਲੀਆ, ਈਰਾਨ ਅਤੇ ਭਾਰਤ ਤੋਂ ਇਲਾਵਾ ਇੰਗਲੈਂਡ ਅਤੇ ਕੈਨੇਡਾ ਦਰਮਿਆਨ
ਕਬੱਡੀ ਦੇ ਮੈਚਾਂ ਹੋਏ। ਭਾਰਤ ਦੀ ਟੀਮ ਨੇ ਆਪਣੀ ਜਿੱਤ ਨੂੰ ਬਰਕਰਾਰ ਰੱਖਦਿਆਂ ਇਕ
ਤਰਫਾ ਮੈਚ ਵਿਚ ਈਰਾਨ ਨੂੰ 62-28 ਅੰਕਾਂ ਦੇ ਫਰਕ ਨਾਲ ਪਛਾੜਿਆ। ਇਥੇ ਜ਼ਿਕਰਯੋਗ ਹੈ
ਕਿ ਭਾਰਤ ਦੀ ਕਬੱਡੀ ਦੀ ਟੀਮ ਇਸ ਤੋਂ ਪਹਿਲਾਂ ਹੋਏ ਮੈਚਾਂ ਵਿਚ ਅਮਰੀਕਾ, ਇਟਲੀ ਅਤੇ
ਆਸਟਰੇਲੀਆ ਨੂੰ ਪਛਾੜ ਚੁੱਕੀ ਹੈ। ਇਟਲੀ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਦਰਮਿਆਨ ਬਹੁਤ
ਹੀ ਫਸਵਾਂ ਮੁਕਾਬਲਾ ਹੋਇਆ ਅਤੇ ਸਖਤ ਸੰਘਰਸ਼ ਦੇ ਬਾਅਦ ਇਟਲੀ ਨੇ ਆਸਟਰੇਲੀਆ ਨੂੰ
47-43 ਅੰਕਾਂ ਦੇ ਫਰਕ ਨਾਲ ਮਾਤ ਦਿੱਤੀ। ਤੀਸਰੇ ਮੈਚ ਵਿਚ ਕੈਨੇਡਾ ਦੀ ਟੀਮ ਨੇ
ਇੰਗਲੈਡ ਨੂੰ 49-29 ਅੰਕਾਂ ਦੇ ਫਰਕ ਨਾਲ ਪਛਾੜਿਆ। ਉੱਪ ਮੁੱਖ ਮੰਤਰੀ ਸ. ਸੁਖਬੀਰ
ਸਿੰਘ ਬਾਦਲ ਉਸ ਸਮੇਂ ਇਥੇ ਪੁੱਜੇ ਜਦੋਂ ਕੈਨੇਡਾ ਅਤੇ ਇੰਗਲੈਂਡ ਦਰਮਿਆਨ ਤੀਸਰਾ ਮੈਚ
ਚੱਲ ਰਿਹਾ ਸੀ। ਉਨ੍ਹਾਂ ਨੇ ਟੀਮਾਂ ਵਿਚ ਸ਼ਾਮਿਲ ਕਬੱਡੀ ਖਿਡਾਰੀਆਂ ਨਾਲ ਜਾਣ-ਪਛਾਣ
ਕਰਨ ਤੋਂ ਬਾਅਦ ਖੇਡ ਪ੍ਰੇਮੀਆਂ ਦੇ ਭਰਵੇਂ ਇਕੱਠ ਨੂੰ ਸੰਬੋਧਨ ਕਰਦਿਆਂ ਐਲਾਨ ਕੀਤਾ
ਕਿ ਜਲਦੀ ਹੀ ਪੰਜਾਬ ਦੇ 8 ਸ਼ਹਿਰਾਂ ਦੇ ਖੇਡ ਸਟੇਡੀਅਮਾਂ ਨੂੰ ਅਪਗ੍ਰੇਡ ਕਰਕੇ ਉਥੇ
ਅੰਤਰਰਾਸ਼ਟਰੀ ਪੱਧਰ ਦੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ
ਕਬੱਡੀ ਦੇ ਇਸ ਟੂਰਨਾਮੈਂਟ ਨਾਲ ਕਬੱਡੀ ਖੇਡ ਨੂੰ ਦੁਨੀਆ ਦੇ ਨਕਸ਼ੇ 'ਤੇ ਲਿਆਉਣ ਦਾ
ਲਿਆ ਗਿਆ ਸੁਪਨਾ ਸਫਲਤਾ ਪੂਰਵਕ ਸਾਕਾਰ ਹੋ ਰਿਹਾ ਹੈ। ਆਰੰਭ ਵਿਚ ਕਰਵਾਏ ਗਏ
ਸੱਭਿਆਚਾਰਕ ਪ੍ਰੋਗਰਾਮ ਦੌਰਾਨ ਹਾਸਰਸ ਕਲਾਕਾਰ ਭਗਵੰਤ ਮਾਨ ਤੋਂ ਇਲਾਵਾ ਮਾਸਟਰ ਸਲੀਮ
ਅਤੇ ਹੋਰ ਗਾਇਕਾਂ ਨੇ ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕੀਤਾ।
ਵਿਸ਼ਵ
ਕਬੱਡੀ ਕੱਪ
ਭਾਰਤ ਦਾ ਨਾਮ ਗਰੁੱਪ 'ਏ' ਵਿਚ
 ਹੁਸ਼ਿਆਰਪੁਰ 'ਚ ਵਿਸ਼ਵ ਕਬੱਡੀ ਕੱਪ ਦੇ ਦੂਜੇ ਮੈਚ ਦੀ ਜੇਤੂ ਪਾਕਿਸਤਾਨ ਦੀ ਕਬੱਡੀ ਟੀਮ ਨਾਲ ਸ: ਸੁਖਬੀਰ ਸਿੰਘ ਬਾਦਲ ਉਪ ਮੁੱਖ ਮੰਤਰੀ ਪੰਜਾਬ। ਉਨ੍ਹਾਂ ਨਾਲ ਸ: ਜਨਮੇਜਾ ਸਿੰਘ ਸੇਖੋਂ, ਬੀਬੀ ਮਹਿੰਦਰ ਕੌਰ ਜੋਸ਼, ਸ: ਸੁਰਿੰਦਰ ਸਿੰਘ ਭੁੱਲੇਵਾਲ ਰਾਠਾਂ ਅਤੇ ਹੋਰ 
ਭਾਰਤ-ਆਸਟਰੇਲੀਆ ਵਿਚਕਾਰ ਹੋਏ ਮੈਚ ਦੌਰਾਨ ਭਾਰਤੀ ਧਾਵੀ ਆਸਟਰੇਲੀਆ ਦੇ ਜਾਫੀ ਨੂੰ
ਮੋਢਿਆਂ 'ਤੇ
ਚੁੱਕ ਕੇ ਹੰਦਿਆਂ ਤੱਕ ਲਿਜਾਂਦਾ ਹੋਇਆ।
ਹੁਸ਼ਿਆਰਪੁਰ, 6 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਚੌਥੇ ਦਿਨ ਆਊਟ ਡੋਰ ਸਟੇਡੀਅਮ
ਹੁਸ਼ਿਆਰਪੁਰ ਵਿਚ ਕਰਵਾਇਆ ਗਿਆ। ਇਸ ਦਿਨ ਤਿੰਨ ਮੈਚ ਖੇਡੇ ਗਏ ਅਤੇ ਵੱਖ-ਵੱਖ ਟੀਮਾਂ
ਦੇ ਧਾਵੀਆਂ ਅਤੇ ਜਾਫੀਆਂ ਨੇ ਆਪਣੇ ਜ਼ਬਰਦਸਤ ਜ਼ੋਹਰ ਦਿਖਾਏ। ਇਨ੍ਹਾਂ ਮੈਚਾਂ ਦੌਰਾਨ
ਜਿਥੇ ਭਾਰਤ ਨੇ ਆਪਣਾ ਮੈਚ ਜਿੱਤ ਕੇ ਗਰੁੱਪ 'ਏ' ਵਿਚ ਪਹਿਲਾ ਸਥਾਨ ਕਾਇਮ ਰੱਖਿਆ ਉਥੇ
ਪਾਕਿਸਤਾਨ ਦੀ ਟੀਮ ਵੀ ਆਪਣਾ ਲਗਾਤਾਰ ਦੂਸਰਾ ਮੈਚ ਜਿੱਤਣ ਵਿਚ ਕਾਮਯਾਬ ਰਹੀ। ਪਹਿਲੇ
ਮੈਚ ਦੌਰਾਨ ਪੂਲ ਏ ਵਿਚ ਅਮਰੀਕਾ ਦੀ ਟੀਮ ਦਾ ਮੁਕਾਬਲਾ ਈਰਾਨ ਨਾਲ ਹੋਇਆ ਜਿਸ ਵਿਚ
ਅਮਰੀਕਾ ਦੇ ਧਾਵੀਆਂ ਅਤੇ ਜਾਫੀਆਂ ਵੱਲੋਂ ਜ਼ਬਰਦਸਤ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਈਰਾਨ
ਦੀ ਟੀਮ ਨੂੰ 62 ਦੇ ਮੁਕਾਬਲੇ 24 ਅੰਕਾਂ ਨਾਲ ਕਰਾਰੀ ਮਾਤ ਦਿੱਤੀ। ਅਮਰੀਕਾ ਦੀ ਟੀਮ
ਵੱਲੋਂ ਖੇਡ ਸ਼ੁਰੂ ਹੁੰਦਿਆਂ ਹੀ ਆਪਣਾ ਦਬਦਬਾ ਕਾਇਮ ਕਰ ਲਿਆ ਗਿਆ ਅਤੇ ਪਹਿਲੇ ਅੱਧ
ਤੱਕ ਟੀਮ 14 ਦੇ ਮੁਕਾਬਲੇ 31 ਅੰਕਾਂ ਨਾਲ ਅੱਗੇ ਹੋ ਗਈ ਸੀ ਅਤੇ ਅੰਤ ਵਿਚ ਜਿੱਤ ਦਾ
ਫਾਸਲਾ 24 ਅੰਕਾਂ ਦੇ ਮੁਕਾਬਲੇ 62 ਅੰਕ ਹੋ ਗਿਆ। ਅਮਰੀਕਾ ਵੱਲੋਂ ਜਿਥੇ ਬਲਜੀਤ
ਸਿੰਘ ਮੱਲ੍ਹਣ ਨੇ 11 ਰੇਡਾਂ ਵਿਚ 11 ਅੰਕ ਪ੍ਰਾਪਤ ਕਰਕੇ ਪੂਰੀ ਵਾਹ-ਵਾਹ ਖੱਟੀ ਉਥੇ
ਜਾਫੀ ਮੀਕ ਸਿਆਟਲ ਨੇ 6 ਜੱਫੇ ਲਗਾ ਕੇ ਦਰਸ਼ਕਾਂ ਨੂੰ ਕੀਲ ਲਿਆ। ਦੂਜੇ ਮੈਚ ਵਿਚ
ਪਾਕਿਸਤਾਨ ਦੀ ਟੀਮ ਨੇ ਸਪੇਨ ਨੂੰ 61 ਦੇ ਮੁਕਾਬਲੇ 32 ਅੰਕਾਂ ਨਾਲ ਪਟਖਣੀ ਦੇ ਕੇ
ਲਗਾਤਾਰ ਦੂਸਰੀ ਜਿੱਤ ਦਰਜ ਕੀਤੀ। ਪਾਕਿਸਤਾਨ ਦਾ ਰੇਡਰ ਯੂਸਫ਼ ਚੀਮਾ 14 ਰੇਡਾਂ ਵਿਚੋਂ
13 ਅੰਕ ਪ੍ਰਾਪਤ ਕਰਕੇ ਸਰਬੋਤਮ ਧਾਵੀ ਅਤੇ ਪਾਕਿਸਤਾਨ ਦਾ ਹੀ ਖ਼ਲੀਲ ਅਹਿਮਦ 8 ਵਿਚੋਂ
6 ਕਾਮਯਾਬ ਜੱਫੇ ਲਗਾ ਕੇ ਮੈਚ ਦਾ ਸਰਬੋਤਮ ਜਾਫੀ ਰਿਹਾ। ਭਾਰਤ-ਆਸਟਰੇਲੀਆ ਮੈਚ ਦੀ
ਸ਼ੁਰੂਆਤ ਬਹੁਤ ਫਸਵੇਂ ਢੰਗ ਨਾਲ ਹੋਈ ਅਤੇ ਇਕ ਸਮੇਂ ਦੋਵੇਂ ਟੀਮਾਂ 11-11 ਅੰਕਾਂ
ਨਾਲ ਬਰਾਬਰੀ 'ਤੇ ਚੱਲ ਰਹੀਆਂ ਸਨ ਪਰੰਤੂ ਜਿਉਂ-ਜਿਉਂ ਮੈਚ ਅੱਗੇ ਵਧਦਾ ਗਿਆ, ਭਾਰਤ
ਮੈਚ 'ਤੇ ਆਪਣੀ ਪਕੜ ਮਜ਼ਬੂਤ ਕਰਦਾ ਗਿਆ ਅਤੇ ਅੰਤ ਵਿਚ ਭਾਰਤ ਨੇ ਆਸਟਰੇਲੀਆ ਨੂੰ 58
ਦੇ ਮੁਕਾਬਲੇ 29 ਅੰਕਾਂ ਨਾਲ ਕਰਾਰੀ ਹਾਰ ਦੇ ਕੇ ਪੂਲ ਏ ਵਿਚ ਤਿੰਨੋਂ ਮੈਚ ਜਿੱਤ ਕੇ
6 ਅੰਕ ਪ੍ਰਾਪਤ ਕਰਕੇ ਆਪਣੀ ਸਰਦਾਰੀ ਕਾਇਮ ਕਰ ਲਈ। ਭਾਰਤ ਵੱਲੋਂ ਧਾਵੀ ਸੰਦੀਪ
ਸੁਰਖਪੁਰ ਨੇ 9 ਰੇਡਾਂ ਵਿਚ 9 ਅੰਕ ਪ੍ਰਾਪਤ ਕੀਤੇ ਅਤੇ ਆਸਟਰੇਲੀਆ ਦਾ ਕੋਈ ਵੀ ਜਾਫੀ
ਉਸ ਦਾ ਰਾਹ ਨਾ ਰੋਕ ਸਕਿਆ। ਭਾਰਤੀ ਜਾਫੀ ਬਿੱਟੂ ਧੁਗਾਲ ਪੰਜ ਜੱਫੇ ਲਗਾ ਕੇ ਮੈਚ ਦਾ
ਸਰਬੋਤਮ ਜਾਫੀ ਰਿਹਾ। ਇਸ ਕਬੱਡੀ ਕੱਪ ਦੌਰਾਨ ਆਪਣੀ ਵਿੱਲਖਣ ਕੁਮੈਂਟਰੀ ਸਦਕਾ ਭਗਵੰਤ
ਮਾਨ , ਪ੍ਰਿੰਸੀਪਲ ਸਰਵਣ ਸਿੰਘ, ਪ੍ਰੋ. ਮੱਖਣ ਸਿੰਘ ਹਕੀਮਪੁਰ ਅਤੇ ਸੁਖਬੀਰ ਸਿੰਘ
ਚੌਹਾਨ ਨੇ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ।
'ਮੈਨ ਆਫ ਦ ਮੈਚ' ਦੇ ਖਿਤਾਬ ਵਜੋਂ ਮਿਲਣਗੇ
ਮੋਟਰ ਸਾਈਕਲ
ਪਟਿਆਲਾ, 6 ਅਪ੍ਰੈਲ - ਖੇਡ ਨਿਰਦੇਸ਼ਕ ਸ: ਪ੍ਰਗਟ ਸਿੰਘ ਨੇ ਦੱਸਿਆ ਕਿ
ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਚੱਲ ਰਹੇ ਵਿਸ਼ਵ ਕਬੱਡੀ ਕੱਪ ਦੇ ਸੈਮੀਫਾਈਨਲ,
ਫਾਈਨਲ, ਤੀਸਰੇ ਤੇ ਚੌਥੇ ਸਥਾਨ ਲਈ ਹੋਣ ਵਾਲੇ ਮੈਚਾਂ ਦੌਰਾਨ ਹੀ 'ਮੈਨ ਆਫ ਦ ਮੈਚ'
ਦੇ ਖਿਤਾਬ ਦੇ ਕੇ ਖਿਡਾਰੀਆਂ ਨੂੰ ਨਿਵਾਜਿਆ ਜਾਵੇਗਾ। ਫਾਈਨਲ, ਸੈਮੀਫਾਈਨਲ ਤੇ ਤੀਸਰੇ/ਚੌਥੇ
ਸਥਾਨ ਲਈ ਹੋਣ ਵਾਲੇ ਮੈਚਾਂ ਦੌਰਾਨ ਸਰਬੋਤਮ ਕਾਰਗੁਜ਼ਾਰੀ ਦਿਖਾਉਣ ਵਾਲੇ ਖਿਡਾਰੀਆਂ
ਨੂੰ 'ਮੈਨ ਆਫ ਦ ਮੈਚ' ਵਜੋਂ ਮੋਟਰ ਸਾਈਕਲ ਇਨਾਮ 'ਚ ਦਿੱਤੇ ਜਾਣਗੇ, ਜਦੋਂ ਕਿ
ਟੂਰਨਾਮੈਂਟ ਦੇ ਸਰਬੋਤਮ ਜਾਫੀ ਤੇ ਧਾਵੀ ਨੂੰ ਟਰੈਕਟਰ ਇਨਾਮ ਵਜੋਂ ਦਿੱਤੇ ਜਾਣਗੇ।
ਉਨ੍ਹਾਂ ਦੱਸਿਆ ਕਿ ਸਾਡੇ ਦੇਸ਼ 'ਚ ਹੁਣ ਤੱਕ ਹੋਏ ਕੌਮਾਂਤਰੀ ਖੇਡ ਮੁਕਾਬਲਿਆਂ 'ਚ
ਕ੍ਰਿਕਟ ਨੂੰ ਛੱਡ ਕੇ ਇਸ ਵਿਸ਼ਵ ਕੱਪ 'ਚ ਦਿੱਤੀ ਜਾਣ ਵਾਲੀ ਇਨਾਮੀ ਰਾਸ਼ੀ ਸਭ ਤੋਂ
ਵੱਡੀ ਹੈ। ਜ਼ਿਕਰਯੋਗ ਹੈ ਕਿ ਇਸ ਵਿਸ਼ਵ ਕੱਪ 'ਚ 2.16 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ
ਦਿੱਤੀ ਜਾਣੀ ਹੈ, ਜਦੋਂ ਕਿ ਦੇਸ਼ 'ਚ ਹੁਣ ਤੱਕ ਹੋਏ ਕੌਮਾਂਤਰੀ ਮੁਕਾਬਲਿਆਂ 'ਚ ਇਹ
ਅੰਕੜਾ ਦੋ ਕਰੋੜ ਤੋਂ ਹੇਠਾਂ ਹੀ ਰਿਹਾ ਹੈ।
ਵਿਸ਼ਵ ਕਬੱਡੀ ਕੱਪ ਜਲੰਧਰ ਪਹੁੰਚਿਆ
ਜਲੰਧਰ 'ਚ ਕਰਵਾਏ ਗਏ ਵਿਸ਼ਵ ਕਬੱਡੀ ਕੱਪ ਮੈਚ ਦੀ ਜੇਤੂ ਅਮਰੀਕਾ ਦੀ ਕਬੱਡੀ ਟੀਮ ਨਾਲ ਮੁੱਖ ਮਹਿਮਾਨ ਸ: ਸੁਖਬੀਰ ਸਿੰਘ ਬਾਦਲ ਉਪ ਮੁੱਖ ਮੰਤਰੀ ਪੰਜਾਬ, ਬੀਬੀ ਜਗੀਰ ਕੌਰ ਸਾਬਕਾ ਪ੍ਰਧਾਨ ਸ਼੍ਰੋਮਣੀ ਕਮੇਟੀ, ਉਨ੍ਹਾਂ ਨਾਲ ਕੈਬਨਿਟ ਮੰਤਰੀ ਅਜੀਤ ਸਿੰਘ ਕੋਹਾੜ, ਮੁੱਖ ਪਾਰਲੀਮਾਨੀ ਸਕੱਤਰ ਅਵਿਨਾਸ਼ ਚੰਦਰ, ਸ: ਬਲਜੀਤ ਸਿੰਘ ਨੀਲਾ ਮਹਿਲ ਚੇਅਰਮੈਨ ਨਗਰ ਸੁਧਾਰ ਟਰੱਸਟ, ਵਿਧਾਇਕ ਸਰਬਜੀਤ ਸਿੰਘ ਮੱਕੜ, ਸ: ਸਿਕੰਦਰ ਸਿੰਘ ਮਲੂਕਾ, ਜਿੰਦਰ ਸਿੰਘ ਔਜਲਾ, ਸੁਰਜੀਤ ਸਿੰਘ ਟੁੱਟ ਤੇ ਹੋਰ ਨਜ਼ਰ ਆ ਰਹੇ ਹਨ। ਜਲੰਧਰ, 5 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਪਟਿਆਲਾ ਤੋਂ ਸੰਗਰੂਰ ਅਤੇ ਹੁਣ
ਜਲੰਧਰ ਵਿਖੇ ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ 'ਚ ਪਹੁੰਚ ਗਿਆ ਹੈ। ਵਿਸ਼ਵ ਕਬੱਡੀ ਕੱਪ
ਦਾ ਪਹਿਲਾ ਮੈਚ ਕੈਨੇਡਾ ਤੇ ਸਪੇਨ ਦੀ ਟੀਮ ਵਿਚਾਲੇ ਖੇਡਿਆ ਗਿਆ, ਜਿਸ ਵਿਚ ਕੈਨੇਡਾ
ਦੀ ਟੀਮ ਨੇ 66-28 ਨਾਲ ਸ਼ਾਨਦਾਰ ਜਿੱਤ ਦਰਜ ਕੀਤੀ ਅੱਧੇ ਸਮੇਂ ਤੱਕ ਕੈਨੇਡਾ ਦੀ ਟੀਮ
36-9 ਅੰਕਾਂ ਨਾਲ ਅੱਗੇ ਸੀ। ਕੈਨੇਡਾ ਦੀ ਟੀਮ ਦੇ ਸਰਬੋਤਮ ਧਾਵੀ ਟੈਰੀ ਪੁਰੇਵਾਲ ਨੇ
15 ਅੰਕ ਤੇ ਜਾਫੀ ਸੰਦੀਪ ਗੁਰਦਾਸਪੁਰ ਨੇ 5 ਜੱਫੇ ਲਾ ਕੇ ਟੀਮ ਨੂੰ ਸ਼ਾਨਦਾਰ ਜਿੱਤ
ਦਿਵਾਈ ਤੇ ਸਪੇਨ ਦੀ ਟੀਮ ਵੱਲੋਂ ਧਾਵੀ ਪਿੰਦੂ ਸੁਰਖਪੁਰ ਤੇ ਜ਼ਾਫੀ ਮਾਣਾ ਵਡਾਲਾ
ਫਾਟਕ ਨੇ ਵਧੀਆ ਖੇਡ ਵਿਖਾਈ। ਦੂਜਾ ਮੈਚ ਅਮਰੀਕਾ ਤੇ ਆਸਟ੍ਰੇਲੀਆ ਟੀਮ ਵਿਚਾਲੇ
ਖੇਡਿਆ ਗਿਆ, ਜਿਸ ਵਿਚ ਅਮਰੀਕਾ ਨੇ ਆਸਟ੍ਰੇਲੀਆ 'ਤੇ 47-43 ਅੰਕਾਂ ਨਾਲ ਸ਼ਾਨਦਾਰ
ਜਿੱਤ ਦਰਜ ਕੀਤੀ। ਇਸ ਮੈਚ ਵਿਚ ਬਹੁਤ ਹੀ ਫਸਵੀਂ ਟੱਕਰ ਹੋਈ ਤੇ ਅਮਰੀਕਾ ਵੱਲੋਂ ਜ਼ੋਨੀ
ਤੇ ਮੀਕ ਨੇ ਸ਼ਾਨਦਾਰ ਖੇਡ ਵਿਖਾਈ ਤੇ ਆਸਟ੍ਰੇਲੀਆ ਦੀ ਟੀਮ ਵੱਲੋਂ ਕਪਤਾਨ ਰਾਜੀਵ
ਪੰਡਿਤ ਨੇ ਦਰਸ਼ਕਾਂ ਨੂੰ ਕੀਲ ਕੇ ਰੱਖਿਆ ਪਰ ਅਮਰੀਕਾ ਦੀ ਟੀਮ ਨੂੰ ਸਟਾਰ ਖਿਡਾਰੀ
ਤੀਰਥ ਗਾਖਲ ਦੀ ਬਹੁਤ ਯਾਦ ਆਈ। ਅਮਰੀਕਾ ਦੀ ਟੀਮ ਵੱਲੋਂ ਜ਼ੋਨੀ ਕੈਲੀਫੋਰਨੀਆ ਨੂੰ
ਸਰਬੋਤਮ ਧਾਵੀ ਐਲਾਨਿਆਂ ਗਿਆ, ਜਿਸ ਨੇ 14 ਰੇਡਾਂ ਪਾਈਆਂ ਤੇ ਮੀਕ ਸਿਆਟਲ ਨੇ 6 ਜੱਫੇ
ਲਾਏ। ਆਸਟ੍ਰੇਲੀਆ ਦੀ ਟੀਮ ਵੱਲੋਂ ਧਾਵੀ ਭੂਰੇ ਨੇ 11 ਅੰਕ ਹਾਸਲ ਕੀਤੇ ਤੇ ਜਾਫੀ
ਹਰਿੰਦਰ ਸੇਠੀ ਨੇ 2 ਜੱਫੇ ਲਾਏ। ਤੀਜੇ ਮੈਚ ਵਿਚ ਮੇਜ਼ਬਾਨ ਭਾਰਤ ਦੀ ਕਬੱਡੀ ਟੀਮ ਨੇ
ਇਟਲੀ 'ਤੇ ਸ਼ਾਨਦਾਰ 61-29 ਅੰਕਾਂ ਨਾਲ ਜਿੱਤ ਦਰਜ ਕਰਕੇ ਆਪਣੀ ਧਾਂਕ ਕਾਇਮ ਕੀਤੀ।
ਭਾਰਤੀ ਟੀਮ ਅੱਧੇ ਸਮੇਂ ਤੱਕ 29-17 ਅੰਕਾਂ ਨਾਲ ਅੱਗੇ ਸੀ। ਭਾਰਤੀ ਟੀਮ ਵੱਲੋਂ
ਕਪਤਾਨ ਮੰਗਤ ਮੰਗੀ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਤੇ ਦੁੱਲਾ ਸੁਰਖਪੁਰੀਆ ਤੇ
ਗੁਲਜ਼ਾਰੀ ਨੇ ਵੀ ਕਾਫ਼ੀ ਫੁਰਤੀ ਵਿਖਾਈ। ਟੀਮ ਦੀ ਜਿੱਤ ਵਿਚ ਧਾਵੀ ਸੁਖਬੀਰ ਤੇ ਜਾਫ਼ੀ
ਸੁੱਖਾ ਭੰਡਾਲ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਇਟਲੀ ਦੀ ਟੀਮ ਵੱਲੋਂ ਧਾਵੀ ਚੰਨਾ
ਖੀਰਾਂਵਾਲੀ ਤੇ ਜਾਫ਼ੀ ਦੀਪ ਗੜ੍ਹੀਬਖਸ਼ਾ ਨੇ ਸ਼ਾਨਦਾਰ ਖੇਡ ਵਿਖਾਈ। ਇਸ ਮੌਕੇ ਤੇ ਟੀਮਾਂ
ਨਾਲ ਜਾਣ-ਪਛਾਣ ਬਤੌਰ ਮੁੱਖ ਮਹਿਮਾਨ ਉੱਪ-ਮੁੱਖ ਮੰਤਰੀ ਪੰਜਾਬ ਸ: ਸੁਖਬੀਰ ਸਿੰਘ
ਬਾਦਲ, ਕੈਬਨਿਟ ਮੰਤਰੀ ਪੰਜਾਬ ਸ: ਅਜੀਤ ਸਿੰਘ ਕੋਹਾੜ 'ਤੇ ਸਿੱਖਿਆ ਮੰਤਰੀ ਪੰਜਾਬ
ਬੀਬੀ ਉਪਿੰਦਰਜੀਤ ਕੌਰ ਨੇ ਕੀਤੀ। ਇਸ ਮੌਕੇ 'ਤੇ ਦਰਸ਼ਕਾਂ ਦੇ ਭਰਵੇਂ ਇਕੱਠ ਨੂੰ ਆਪਣੇ
ਸੰਬੋਧਨ ਵਿਚ ਉੱਪ-ਮੁੱਖ ਮੰਤਰੀ ਪੰਜਾਬ ਸ: ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਵਿਸ਼ਵ
ਕੱਪ ਕਬੱਡੀ ਦਾ ਆਯੋਜਨ ਕਰਕੇ ਮਾਂ ਖੇਡ ਕਬੱਡੀ ਨੂੰ ਵਿਸ਼ਵ ਦੇ ਨਕਸ਼ੇ 'ਤੇ ਲਿਆਉਣ ਦਾ
ਉਪਰਾਲਾ ਕੀਤਾ ਹੈ, ਇਸ ਨਾਲ ਕਬੱਡੀ ਨੂੰ ਇਕ ਨਵੀਂ ਦਿਸ਼ਾ ਪ੍ਰਦਾਨ ਹੋਵੇਗੀ। ਉਨ੍ਹਾਂ
ਕਿਹਾ ਕਿ ਜਲਦੀ ਹੀ ਕਬੱਡੀ ਦੀ ਲੀਗ ਸ਼ੁਰੂ ਕੀਤੀ ਜਾਵੇਗੀ ਤੇ ਇਸ ਨੂੰ ਗਰਮੀਆਂ ਦੇ
ਵਿਚ ਯੂਰਪ ਅਤੇ ਸਰਦੀਆਂ 'ਚ ਭਾਰਤ ਵਿਚ ਖੇਡਿਆ ਜਾਇਆ ਕਰੇਗਾ। ਇਸ ਵਿਸ਼ਵ ਕੱਪ ਦੇ ਵਿਚ
ਸਾਨੂੰ ਇਕ ਪਲੇਟਫਾਰਮ ਮਿਲਿਆ ਹੈ ਤੇ ਹੁਣ ਅੱਗੇ ਤੋਂ ਕਬੱਡੀ ਦੀ ਹੋਰ ਤਰੱਕੀ ਹੋਵੇਗੀ
ਤੇ ਸਕੂਲ ਪੱਧਰ 'ਤੇ ਕਬੱਡੀ ਦੀਆਂ ਅਕੈਡਮੀਆਂ ਖੋਲ੍ਹੀਆਂ ਜਾਣਗੀਆਂ। ਇਸ ਕਬੱਡੀ ਕੱਪ
ਦੇ ਮੈਚਾਂ ਦੀ ਲਾਈਵ ਕੁਮੈਂਟਰੀ ਭਗਵੰਤ ਮਾਨ, ਪ੍ਰਿੰਸੀਪਲ ਸਰਵਨ ਸਿੰਘ, ਪ੍ਰੋ. ਦਰਸ਼ਨ
ਬੜੀ, ਪ੍ਰੋ: ਮੱਖਣ ਸਿੰਘ ਹਕੀਮਪੁਰ, ਅਰਵਿੰਦਰ ਕੋਛੜ, ਸਤਪਾਲ ਖੁਡਿਆਲ, ਗੁਰਪ੍ਰੀਤ
ਸਿੰਘ ਬੇਰਕਲਾਂ ਤੇ ਸੁਰਜੀਤ ਸਿੰਘ ਕਕਰਾਲੀ ਨੇ ਕੀਤੀ। ਦਰਸ਼ਕਾਂ ਦਾ ਮਨੋਰੰਜਨ ਗਾਇਕਾ
ਸਤਵਿੰਦਰ ਬਿੱਟੀ ਨੇ ਕੀਤਾ। ਇਸ ਵਿਚ ਲਗਭਗ 80 ਹਜ਼ਾਰ ਦਰਸ਼ਕਾਂ ਦਾ ਇਕੱਠ ਦੇਖਣ ਨੂੰ
ਮਿਲਿਆ।
ਵਿਸ਼ਵ ਕਬੱਡੀ ਕੱਪ 'ਚ ਇਟਲੀ, ਪਾਕਿਸਤਾਨ
ਅਤੇ ਇੰਗਲੈਂਡ ਅੱਗੇ
ਸੰਗਰੂਰ, 4 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਸੰਗਰੂਰ ਦੇ ਵਾਰ ਹੀਰੋਜ਼ ਸਟੇਡੀਅਮ
ਵਿਚ ਚੱਲ ਰਿਹਾ ਹੈ। 6 ਦੇਸ਼ਾਂ ਵਿਚਾਲੇ ਵਿਸ਼ਵ ਕਬੱਡੀ ਕੱਪ ਦੇ ਹੋਏ ਮੈਚਾਂ ਦੌਰਾਨ
ਇਟਲੀ ਨੇ ਈਰਾਨ, ਪਾਕਿਸਤਾਨ ਨੇ ਕੈਨੇਡਾ ਅਤੇ ਇੰਗਲੈਂਡ ਨੇ ਸਪੇਨ ਨੂੰ ਹਰਾ ਦਿੱਤਾ।
ਪਹਿਲੇ ਮੈਚ ਵਿਚ ਇਟਲੀ ਨੇ ਈਰਾਨ ਨੂੰ 63-24 ਅੰਕਾਂ ਨਾਲ ਹਰਾਇਆ। ਮੈਚ ਦਾ ਉਦਘਾਟਨ
ਪੰਜਾਬ ਉਲੰਪਿਕ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਰਾਜ ਸਭਾ ਮੈਂਬਰ ਸ: ਸੁਖਦੇਵ ਸਿੰਘ
ਢੀਂਡਸਾ ਨੇ ਕੀਤਾ। ਦੂਸਰਾ ਮੈਚ ਪਾਕਿਸਤਾਨ ਅਤੇ ਕੈਨੇਡਾ ਵਿਚਾਲੇ ਖੇਡਿਆ ਗਿਆ ਜਿਸ
ਵਿਚ ਪਾਕਿਸਤਾਨ ਨੇ 47 ਅੰਕ ਹਾਸਲ ਕਰਕੇ 38 ਅੰਕ ਪ੍ਰਾਪਤ ਕਰਨ ਵਾਲੀ ਕੈਨੈਡਾ ਦੀ
ਟੀਮ ਨੂੰ ਹਰਾ ਦਿੱਤਾ। ਇਸ ਮੈਚ ਦਾ ਉਦਘਾਟਨ ਪੰਜਾਬ ਦੇ ਉੱਪ ਮੁੱਖ ਮੰਤਰੀ ਸ:
ਸੁਖਬੀਰ ਸਿੰਘ ਬਾਦਲ ਨੇ ਦੋਵਾਂ ਦੇਸ਼ਾਂ ਦੇ ਖਿਡਾਰੀਆਂ ਨਾਲ ਜਾਣ-ਪਛਾਣ ਕਰਕੇ ਕੀਤਾ।
ਆਖ਼ਰੀ ਮੈਚ ਵਿਚ ਇੰਗਲੈਂਡ ਦੀ ਟੀਮ ਨੇ ਸਪੇਨ ਨੂੰ 47-28 ਅੰਕਾਂ ਦੇ ਫਰਕ ਨਾਲ ਹਰਾ
ਦਿੱਤਾ। ਇਸ ਤੋਂ ਪਹਿਲਾਂ ਪੰਜਾਬ ਅਤੇ ਹਰਿਆਣਾ ਦੀਆਂ ਲੜਕੀਆਂ ਵਿਚਾਲੇ ਹੋਏ ਪ੍ਰਦਰਸ਼ਨੀ
ਮੈਚ ਦੌਰਾਨ ਪੰਜਾਬ ਦੀਆਂ ਕੁੜੀਆਂ ਜੇਤੂ ਰਹੀਆਂ। ਲੋਕ ਗਾਇਕਾ ਮਨਪ੍ਰੀਤ ਅਖਤਰ ਅਤੇ
ਹਾਸਰਸ ਕਲਾਕਾਰ ਭਗਵੰਤ ਮਾਨ ਨੇ ਦਰਸ਼ਕਾਂ ਦਾ ਖ਼ੂਬ ਮਨੋਰੰਜਨ ਕੀਤਾ।
ਪਹਿਲੇ ਵਿਸ਼ਵ ਕਬੱਡੀ ਕੱਪ ਦੇ ਪਲੇਠੇ ਮੈਚ ਵਿਚ ਭਾਰਤ ਨੇ ਅਮਰੀਕਾ ਨੂੰ 62-25 ਦੇ
ਵੱਡੇ ਫਰਕ ਨਾਲ ਹਰਾ ਕੇ ਜੇਤੂ ਸ਼ੁਰੂਆਤ ਕੀਤੀ ਹੈ। ਇਸ ਮੈਚ ਵਿਚ ਭਾਰਤੀ ਕਪਤਾਨ ਮੰਗਤ
ਸਿੰਘ ਮੰਗੀ ਨੇ ਸਭ ਤੋਂ ਵਧੇਰੇ ਜੱਫੇ ਅਤੇ ਸੰਦੀਪ ਸੁਰਖਪੁਰ ਨੇ ਸਭ ਤੋਂ ਵਧੇਰੇ ਰੇਡਾਂ
'ਤੇ ਅੰਕ ਬਟੋਰਨ ਦਾ ਮਾਣ ਹਾਸਲ ਕੀਤਾ।ਪਹਿਲਵਾਨ ਗੁਰਮੇਲ ਸਿੰਘ ਦੀਆਂ ਕਬੱਡੀ ਖੇਡ
ਪ੍ਰਤੀ ਸੇਵਾਵਾਂ ਨੂੰ ਵੇਖਦਿਆਂ ਵਿਸ਼ਵ ਕਬੱਡੀ ਕੱਪ ਦਾ ਨਿਗਰਾਨ ਬਣਾਇਆ ਗਿਆ ਹੈ। ਉਹ
ਸਾਰੇ ਮੈਚਾਂ ਦੀ ਦੇਖ-ਰੇਖ ਤੋਂ ਬਾਅਦ ਕਬੱਡੀ ਵਿਚ ਹੋਰ ਹੋਣ ਵਾਲੇ ਸੁਧਾਰਾਂ ਦੀ
ਰਿਪੋਰਟ ਭਾਰਤੀ ਕਬੱਡੀ ਫੈਡਰੇਸ਼ਨ ਨੂੰ ਵਿਸ਼ਵ ਕੱਪ ਦੀ ਸਮਾਪਤੀ ਤੋਂ ਬਾਅਦ ਦੇਣਗੇ।
ਕਬੱਡੀ ਕੱਪ ਦੀਆਂ ਝਲਕੀਆਂ
ਸੰਗਰੂਰ, 4 ਅਪ੍ਰੈਲ - ਇਥੇ ਵਿਸ਼ਵ ਕਬੱਡੀ ਕੱਪ ਦੇ ਮੈਚਾਂ ਦੌਰਾਨ ਉਸ ਵੇਲੇ
ਲੋਕਾਂ ਵਿਚ ਕਾਫ਼ੀ ਘੁਸਰ-ਮੁਸਰ ਹੋਈ ਜਦੋਂ ਹਾਸਰਸ ਕਲਾਕਾਰ ਕੁਮੈਂਟਰੀ ਦੌਰਾਨ ਭਗਵੰਤ
ਮਾਨ ਮੰਨੇ-ਪ੍ਰਮੰਨੇ ਖੇਡ ਲੇਖਕ ਪ੍ਰਿੰਸੀਪਲ ਸਰਵਣ ਸਿੰਘ ਦਾ ਨਾਂਅ ਲਗਾਤਾਰ 'ਪ੍ਰਿੰਸੀਪਲ
ਸਵਰਨ ਸਿੰਘ' ਹੀ ਬੋਲਦਾ ਰਿਹਾ।
- ਦਰਸ਼ਕਾਂ ਉਤੇ ਕਾਗਜ਼ੀ ਫੁੱਲਾਂ ਦੀ ਵਰਖਾ ਕਰ ਰਿਹਾ ਖਿਡਾਉਣਾ ਜਹਾਜ਼ ਸਟੇਡੀਅਮ ਉਤੇ
ਗੇੜੇ ਕੱਢਦਾ-ਕੱਢਦਾ ਅਚਾਨਕ ਪੰਡਾਲ ਦੇ ਲਾਗੇ ਡਿੱਗ ਪਿਆ, ਜਿਸ ਕਾਰਨ ਉਸ ਪਾਸੇ ਬੈਠੇ
ਦਰਸ਼ਕਾਂ ਵਿਚ ਹਫੜਾ-ਦਫੜੀ ਫੈਲ ਗਈ। ਪੁਲਿਸ ਕਰਮਚਾਰੀਆਂ ਨੇ ਤੁਰੰਤ ਉਸ ਡਿੱਗੇ
ਖਿਡਾਉਣਾ ਜਹਾਜ਼ ਦੇ ਟੁਕੜੇ ਚੁੱਕ ਕੇ ਇਕ ਪਾਸੇ ਕਰ ਦਿੱਤੇ।
- ਪ੍ਰੈੱਸ ਗੈਲਰੀ ਅਤੇ ਵੀ. ਆਈ. ਪੀ ਗੈਲਰੀ ਨੂੰ ਪਰਦਾ ਲਾ ਕੇ ਵੰਡਿਆ ਹੋਇਆ ਸੀ ਜਿਸ
ਕਾਰਨ ਪੱਤਰਕਾਰਾਂ ਨੂੰ ਪਤਾ ਨਹੀਂ ਸੀ ਲੱਗ ਰਿਹਾ ਕਿ ਵੀ. ਆਈ. ਪੀ ਗੈਲਰੀ ਵਿਚ
ਕੌਣ-ਕੌਣ ਮਹੱਤਵਪੂਰਨ ਵਿਅਕਤੀ ਪਹੁੰਚਿਆ ਹੈ।
- ਇਕ ਮਾਨਸਿਕ ਰੋਗੀ ਭਾਰੀ ਸੁਰੱਖਿਆ ਪ੍ਰਬੰਧਾਂ ਦੇ ਬਾਵਜੂਦ ਨੰਗੇ ਪਿੰਡੇ ਕਬੱਡੀ ਦੀ
ਗਰਾਊਂਡ ਵਿਚ ਖਿਡਾਰੀਆਂ ਦੇ ਲਾਗੇ ਪਹੁੰਚ ਗਿਆ ਪਰ ਬਾਅਦ ਵਿਚ ਉਸ ਨੂੰ ਬਾਹਰ ਭੇਜ
ਦਿੱਤਾ ਗਿਆ।
ਭਾਦਰਵਾਜੀਆਂ ਕਬੱਡੀ ਟੂਰਨਾਮੈਂਟ
ਜੰਡਿਆਲਾ ਮੰਜਕੀ, 4 ਅਪ੍ਰੈਲ - ਕਬੱਡੀ ਟੂਰਨਾਮੈਂਟ ਅਤੇ ਸੱਭਿਆਚਾਰਕ ਮੇਲਾ
ਕਲਗੀਧਰ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਭਾਰਦਵਾਜੀਆਂ ਵੱਲੋਂ ਕਰਵਾਇਆ ਗਿਆ। ਇਸ ਖੇਡ
ਮੇਲੇ ਦੇ ਪਹਿਲੇ ਦਿਨ 22 ਟੀਮਾਂ ਨੇ 65 ਕਿਲੋ ਵਰਗ ਅਤੇ 18 ਟੀਮਾਂ ਨੇ ਕਬੱਡੀ 45
ਕਿਲੋ ਵਰਗ ਵਿਚ ਹਿੱਸਾ ਲਿਆ। 4 ਅਪ੍ਰੈਲ ਨੂੰ ਕਬੱਡੀ ਓਪਨ, ਲੜਕੀਆਂ ਦੀ ਕਬੱਡੀ ਅਤੇ
ਅਕੈਡਮੀਆਂ ਦੀ ਕਬੱਡੀ ਦਾ ਸ਼ੋਅ ਮੈਚ ਹੋਵੇਗਾ।
ਵਿਸ਼ਵ ਕੱਪ ਕੱਬਡੀ ਟਰਾਫ਼ੀ ਪਹੁੰਚੀ ਲੁਧਿਆਣੇ
'ਚ
ਲੁਧਿਆਣਾ, 3 ਅਪ੍ਰੈਲ - ਲੁਧਿਆਣਾ ਦੇ ਪਾਰਕ ਪਲਾਜ਼ਾ ਹੋਟਲ 'ਚ ਵਿਸ਼ਵ ਕੱਪ
ਕਬੱਡੀ ਟਰਾਫੀ ਲਿਆਂਦੀ ਗਈ। ਇਸ ਮੌਕੇ ਵਿਸ਼ਵ ਕੱਪ ਕਬੱਡੀ ਵਿਚ ਹਿੱਸਾ ਲੈ ਰਹੀਆਂ 9
ਮੁਲਕਾਂ ਦੇ ਕਪਤਾਨਾਂ ਦੀ ਵਿਸ਼ਵ ਕੱਪ ਟਰਾਫ਼ੀ ਨਾਲ ਸਾਂਝੀ ਤਸਵੀਰ ਕਰਵਾਈ।
ਵਿਸ਼ਵ ਕਬੱਡੀ ਕੱਪ ਦਾ ਆਗਾਜ਼ ਅੱਜ
ਪਟਿਆਲਾ, 2 ਅਪ੍ਰੈਲ - ਪਹਿਲਾ ਵਿਸ਼ਵ ਕਬੱਡੀ ਕੱਪ ਦਾ ਆਗਾਜ਼ ਪਟਿਆਲਾ ਦੇ
ਇਤਿਹਾਸਕ ਯਾਦਵਿੰਦਰਾ ਸਟੇਡੀਅਮ 'ਚ ਹੋ ਰਿਹਾ ਹੈ। ਇਸ ਦਾ ਉਦਘਾਟਨ ਉੱਪ ਮੁੱਖ ਮੰਤਰੀ
ਪੰਜਾਬ ਸ: ਸੁਖਬੀਰ ਸਿੰਘ ਬਾਦਲ ਕਰਨਗੇ। ਦੇਸ਼ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਹੋ ਰਹੇ
ਕਰੀਬ 2.16 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਵਾਲੇ 'ਵਿਸ਼ਵ ਕਬੱਡੀ ਕੱਪ' ਦੇ 3 ਅਪ੍ਰੈਲ
ਨੂੰ ਹੋਣ ਵਾਲੇ ਉਦਘਾਟਨੀ ਸਮਾਰੋਹ ਮੌਕੇ ਸਭ ਤੋਂ ਪਹਿਲਾਂ ਉਪ ਮੁੱਖ ਮੰਤਰੀ ਸ.
ਸੁਖਬੀਰ ਸਿੰਘ ਬਾਦਲ ਵੱਲੋਂ ਝੰਡਾ ਲਹਿਰਾਉਣ ਦੀ ਰਸਮ ਅਦਾ ਕਰਨਗੇ ਅਤੇ ਮਾਰਚ ਪਾਸਟ
ਤੋਂ ਸਲਾਮੀ ਲੈਣ ਉਪਰੰਤ ਵਿਸ਼ਵ ਕੱਪ ਦੀ ਸ਼ੁਰੂਆਤ ਦਾ ਰਸਮੀ ਤੌਰ 'ਤੇ ਐਲਾਨ ਕਰਨਗੇ।
ਫਿਰ ਖਿਡਾਰੀ ਖੇਡ ਭਾਵਨਾ ਦੀ ਸਹੁੰ ਚੁੱਕਣ ਦੀ ਰਸਮ ਅਦਾ ਕਰਨਗੇ। ਇਸ ਉਪਰੰਤ ਉੱਤਰੀ
ਖੇਤਰ ਸੱਭਿਆਚਾਰਕ ਕੇਂਦਰ ਵੱਲੋਂ ਉਘੇ ਕੋਰੀਓਗ੍ਰਾਫ਼ਰ ਕਲਪੇਸ਼ ਦਲਾਲ ਤੇ ਭੋਲਾ ਕਲੈਹਰੀ
(ਮਾਨਸਾ) ਦੀ ਅਗਵਾਈ ਵਿਚ 15 ਦੇ ਕਰੀਬ ਰਾਜਾਂ ਦੇ ਲੋਕ ਨਾਚ ਤੇ ਮਾਰਸ਼ਲ ਆਰਟ ਦੀਆਂ
ਤਿਆਰੀਆਂ ਜ਼ੋਰਾਂ 'ਤੇ ਕੀਤੀਆਂ ਜਾ ਰਹੀਆਂ ਹਨ। ਆਤਿਸ਼ਬਾਜੀ ਦੇ ਸ਼ੋਅ ਉਪਰੰਤ ਉੱਪ ਮੁੱਖ
ਮੰਤਰੀ ਮੈਦਾਨ ਵਿਚ ਖਿਡਾਰੀਆਂ ਨਾਲ ਜਾਣ-ਪਹਿਚਾਣ ਕਰਨ ਲਈ ਜਾਣਗੇ ਅਤੇ ਇਸ ਉਪਰੰਤ
ਕਬੱਡੀ ਮੈਚ ਸ਼ੁਰੂ ਹੋਵੇਗਾ। ਟੂਰਨਾਮੈਂਟ ਵਿਚ ਦੁਨੀਆ ਦੀਆਂ ਚੋਟੀ ਦੀਆਂ 9 ਕਬੱਡੀ
ਟੀਮਾਂ ਹਿੱਸਾ ਲੈ ਰਹੀਆਂ ਹਨ, ਜਿਨ੍ਹਾਂ ਵਿਚ ਮੇਜ਼ਬਾਨ ਭਾਰਤ, ਪਾਕਿਸਤਾਨ, ਆਸਟਰੇਲੀਆ,
ਇਟਲੀ, ਸਪੇਨ, ਕੈਨੇਡਾ, ਇੰਗਲੈਂਡ, ਅਮਰੀਕਾ ਤੇ ਈਰਾਨ ਸ਼ਾਮਿਲ ਹਨ। ਜ਼ਿਕਰਯੋਗ ਹੈ ਕਿ
ਨਾਰਵੇ ਦੀ ਟੀਮ ਇਸ ਟੂਰਨਾਮੈਂਟ ਵਿਚ ਹਿੱਸਾ ਨਹੀਂ ਲੈ ਰਹੀ, ਜਦੋਂਕਿ ਇਹ ਟੀਮ ਪਹਿਲਾਂ
10 ਟੀਮਾਂ ਵਿਚ ਸ਼ਾਮਿਲ ਸੀ। ਦਰਸ਼ਕਾਂ ਲਈ ਦਾਖ਼ਲਾ ਬਿਲਕੁਲ ਮੁਫ਼ਤ ਹੋਵੇਗਾ।
ਭਾਰਤੀ ਟੀਮ 'ਚ ਸ਼ਾਮਿਲ ਹੋਣ ਵਾਲੇ ਖਿਡਾਰੀ
ਪਟਿਆਲਾ, 2 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਲਈ ਚੁਣੀ ਗਈ ਭਾਰਤੀ ਟੀਮ ਵਿਚ
ਸਾਰੇ ਹੀ ਖਿਡਾਰੀ ਪੰਜਾਬ ਨਾਲ ਸਬੰਧਿਤ ਹਨ। ਭਾਵੇਂ ਕਿ ਇਹ ਕੌਮੀ ਟੀਮ ਹੈ ਪਰ
ਪੰਜਾਬੀਆਂ ਦਾ ਇਸ ਖੇਡ 'ਚ ਹਮੇਸ਼ਾ ਹੀ ਦਬਾਦਬਾ ਰਿਹਾ ਹੈ, ਜਿਸ ਕਾਰਨ ਵਿਦੇਸ਼ੀ ਟੀਮਾਂ
ਵਿਚ ਵੀ ਪੰਜਾਬੀ ਖਿਡਾਰੀਆਂ ਦੀ ਬਹੁਤਾਤ ਹੋਵੇਗੀ। ਭਾਰਤੀ ਟੀਮ ਵਿਚ ਕਪੂਰਥਲਾ ਤੇ
ਸੰਗਰੂਰ ਜ਼ਿਲ੍ਹੇ ਦੇ ਖਿਡਾਰੀਆਂ ਦੀ ਵੱਡੀ ਗਿਣਤੀ ਹੈ। ਕਬੱਡੀ ਦੇ ਵੱਡਾ ਨਾਂ ਰੱਖਣ
ਵਾਲੇ ਮੋਗਾ ਜ਼ਿਲ੍ਹੇ ਦਾ ਇਕ ਵੀ ਖਿਡਾਰੀ ਇਸ ਟੀਮ ਵਿਚ ਥਾਂ ਨਹੀਂ ਬਣਾ ਸਕਿਆ। ਕੌਮੀ
ਟੀਮ ਵਿਚ ਲੁਧਿਆਣਾ, ਸੰਗਰੂਰ ਅਤੇ ਕਪੂਰਥਲਾ ਜ਼ਿਲ੍ਹੇ ਦੇ 3-3 ਖਿਡਾਰੀ ਸ਼ਾਮਲ ਹਨ।
ਜਦੋਂਕਿ ਜਲੰਧਰ, ਬਠਿੰਡਾ, ਫਰੀਦਕੋਟ, ਪਟਿਆਲਾ, ਰੋਪੜ ਤੇ ਤਰਨਤਾਰਨ ਜ਼ਿਲ੍ਹੇ ਦਾ 1-1
ਖਿਡਾਰੀ ਸ਼ਾਮਿਲ ਕੀਤਾ ਗਿਆ। ਇਕ ਖਿਡਾਰੀ ਕਰਤਾਰ ਸਿੰਘ ਹਰਿਆਣਾ ਦੇ ਫਰੀਦਾਬਾਦ ਜ਼ਿਲ੍ਹੇ
ਨਾਲ ਸਬੰਧਿਤ ਹੈ। ਕੌਮੀ ਟੀਮ ਵਿਚ ਚੁਣੇ ਗਏ ਜ਼ਿਆਦਾਤਰ ਖਿਡਾਰੀਆਂ ਦਾ ਸਬੰਧ ਨੌਰਥ
ਇੰਡੀਆ ਕਬੱਡੀ ਫੈਡਰੇਸ਼ਨ ਤੇ ਪੰਜਾਬ ਕਬੱਡੀ ਅਕੈਡਮੀ ਫੈਡਰੇਸ਼ਨ ਨਾਲ ਹੈ, ਜਦੋਂਕਿ
ਪੰਜਾਬ ਕਬੱਡੀ ਐਸੋਸੀਏਸ਼ਨ ਦਾ ਇਕ ਵੀ ਖਿਡਾਰੀ ਇਸ ਟੀਮ ਵਿਚ ਥਾਂ ਨਹੀਂ ਬਣਾ ਸਕਿਆ।
ਕੌਮੀ ਟੀਮ ਵਿਚ ਨੌਰਥ ਇੰਡੀਆ ਫੈਡਰੇਸ਼ਨ ਦੇ 9 ਤੇ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੇ 7
ਖਿਡਾਰੀ ਸ਼ਾਮਿਲ ਹਨ।
ਵਿਸ਼ਵ ਕੱਪ ਕਬੱਡੀ 'ਚ ਸ਼ਾਮਿਲ ਹੋਣ ਵਾਲੇ
ਭਾਰਤੀ ਖਿਡਾਰੀ
ਲੁਧਿਆਣਾ, 1 ਅਪ੍ਰੈਲ - ਵਿਸ਼ਵ ਕੱਪ ਕਬੱਡੀ ਦੀ ਕਪਤਾਨੀ ਉੱਘਾ ਜਾਫੀ ਮੰਗਤ
ਸਿੰਘ ਮੰਗੀ ਕਰੇਗਾ, ਜਦਕਿ ਉਪ ਕਪਤਾਨ ਹਰਵਿੰਦਰ ਸਿੰਘ ਦੁੱਲਾ ਸੁਰਖਪੁਰ ਨੂੰ ਚੁਣਿਆ
ਗਿਆ ਹੈ। ਟੂਰਨਾਮੈਂਟ ਦੇ ਤਕਨੀਕੀ ਡਾਇਰੈਕਟਰ ਕੋਚ ਦੇਵੀ ਦਿਆਲ, ਬਲਵੀਰ ਸਿੰਘ ਬਿੱਟੂ,
ਹਰਪ੍ਰੀਤ ਸਿੰਘ ਬਾਬਾ, ਗੁਰਦੀਪ ਸਿੰਘ ਮੱਲੀ, ਪ੍ਰਿੰਸੀਪਲ ਸਰਬਣ ਸਿੰਘ ਢੁੱਡੀਕੇ ਦੇ
ਚੋਣ ਪੈਨਲ ਨੇ ਖਿਡਾਰੀਆਂ ਦੇ ਅੰਤਿਮ ਪੜਾਅ ਦੇ ਟਰਾਇਲ ਲੈਂਦਿਆਂ ਕੁੱਲ 32 ਖਿਡਾਰੀਆਂ
ਵਿਚੋਂ 14 ਖਿਡਾਰੀ ਚੁਣੇ ਗਏ, ਜਦਕਿ 4 ਰਾਖਵੇਂ ਖਿਡਾਰੀ ਰੱਖੇ ਗਏ। ਦੋ ਖਿਡਾਰੀ
ਗੁਰਪਿਆਰ ਸਿੰਘ ਅਤੇ ਬਲਵੀਰ ਸਿੰਘ ਡੋਪ ਟੈਸਟ ਦੀ ਲਪੇਟ ਵਿਚ ਆ ਗਏ ਸਨ। ਪੰਜਾਬ ਖੇਡ
ਵਿਭਾਗ ਦੇ ਡਾਇਰੈਕਟਰ ਪ੍ਰਗਟ ਸਿੰਘ ਅਤੇ ਸਿਕੰਦਰ ਸਿੰਘ ਮਲੂਕਾ ਨੇ ਇਕ ਪ੍ਰੈਸ ਮਿਲਣੀ
ਦੌਰਾਨ ਦੱਸਿਆ ਕਿ ਚੁਣੀ ਗਈ ਭਾਰਤੀ ਟੀਮ ਵਿਚ 7 ਧਾਵੀ ਅਤੇ 7 ਜਾਫੀ ਰੱਖੇ ਗਏ ਹਨ।
ਟੀਮ ਦੇ ਮੈਂਬਰਾਂ 'ਚ ਮੰਗਤ ਸਿੰਘ ਮੰਗੀ (ਕਪਤਾਨ), ਹਰਵਿੰਦਰ ਸਿੰਘ ਦੁੱਲਾ ਸੁਰਖਪੁਰ,
ਬਲਵਿੰਦਰ ਸਿੰਘ ਕਾਕਾ ਕਾਹਰੀ ਸਾਹਰੀ, ਗੁਲਜ਼ਾਰ ਸਿੰਘ ਮੂਣਕ, ਸੰਦੀਪ ਸਿੰਘ ਸੁਰਖਪੁਰ,
ਸੁਖਬੀਰ ਸਿੰਘ ਸਰਾਂਵਾ, ਹਰਿੰਦਰ ਸਿੰਘ ਨਿੱਕਾ ਜਰਗੜੀ, ਲਖਵਿੰਦਰ ਸਿੰਘ ਲਾਡੀ ਉਟਾਲਾਂ,
ਖੁਸ਼ਦੀਪ ਸਿੰਘ ਦਿੜਬਾ, ਹਰਦੀਪ ਸਿੰਘ ਢਿੱਲੋਂ, ਕਰਮਜੀਤ ਸਿੰਘ ਕਰਮੀ ਬਰੜਵਾਲ, ਸੁੱਖਾ
ਭੰਡਾਲ, ਜਗਸੀਰ ਸਿੰਘ ਸੀਰਾ ਪਿੱਥੋ, ਨਰਿੰਦਰ ਰਾਮ ਬਿੱਟੂ ਦਗਾਲ, ਜਦਕਿ ਰਾਖਵੇਂ
ਖਿਡਾਰੀਆਂ ਵਿਚ ਰੇਡਰਾਂ 'ਚ ਕਰਤਾਰ ਸਿੰਘ ਹਰਿਆਣਾ, ਹਰਜਿੰਦਰ ਸਿੰਘ ਭੁੱਟੋ, ਜਾਫ਼ੀਆਂ
'ਚ ਅਜੀਤਪਾਲ ਸਿੰਘ ਲਾਲੀ ਬੁਟਾਹਰੀ, ਨਰਪਿੰਦਰ ਸਿੰਘ ਢੱਡਰੀਆਂ ਨੂੰ ਸ਼ਾਮਿਲ ਕੀਤਾ
ਗਿਆ ਹੈ। ਇਸ ਮੌਕੇ 'ਤੇ ਕੁਝ ਕਬੱਡੀ ਖਿਡਾਰੀਆਂ ਨੇ ਜਿਨ੍ਹਾਂ ਦੀ ਟੀਮ ਵਿਚ ਚੋਣ ਨਹੀਂ
ਹੋ ਸਕੀ ਨੇ ਦੋਸ਼ ਲਗਾਇਆ ਕਿ ਭਾਰਤੀ ਟੀਮ ਦੀ ਚੋਣ ਸਿਆਸੀ ਦਬਾਅ ਹੇਠ ਕੀਤੀ ਗਈ ਹੈ।
ਵਿਸ਼ਵ ਕਬੱਡੀ ਕੱਪ ਦਾ ਉਦਘਾਟਨੀ ਮੈਚ ਭਾਰਤ
ਤੇ ਅਮਰੀਕਾ ਵਿਚਾਲੇ
ਲੁਧਿਆਣਾ, 1 ਅਪ੍ਰੈਲ - 3 ਅਪ੍ਰੈਲ ਨੂੰ ਭਾਰਤ ਅਤੇ ਅਮਰੀਕਾ ਦੀਆਂ ਟੀਮਾਂ
ਵਿਚਾਲੇ ਵਿਸ਼ਵ ਕਬੱਡੀ ਕੱਪ ਦਾ ਉਦਘਾਟਨੀ ਮੈਚ ਕਰਵਾਇਆ ਜਾ ਰਿਹਾ ਹੈ। 9 ਟੀਮਾਂ ਦੇ
ਹਰ ਪੂਲ ਵਿਚੋਂ ਦੋ ਦੋ ਟੀਮਾਂ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰਨਗੀਆਂ। ਸਾਰੇ ਮੈਚਾਂ
ਦਾ ਪੀ ਟੀ ਸੀ ਚੈਨਲ ਤੋਂ ਸਿੱਧਾ ਪ੍ਰਸਾਰਨ ਹੋਵੇਗਾ। ਪਟਿਆਲਾ ਵਿਖੇ ਇਕ, ਹੁਸ਼ਿਆਰਪੁਰ,
ਜਲੰਧਰ, ਗੁਰਦਾਸਪੁਰ, ਸੰਗਰੂਰ ਵਿਖੇ ਤਿੰਨ ਤਿੰਨ ਮੈਚ ਹੋਣਗੇ। ਦੋ ਸੈਮੀਫਾਈਨਲ
ਬਠਿੰਡਾ ਵਿਖੇ ਹੋਣਗੇ। ਪਟਿਆਲਾ ਵਿਖੇ ਹੋਣ ਵਾਲਾ ਵਿਸ਼ਵ ਕਬੱਡੀ ਕੱਪ ਦਾ ਉਦਘਾਟਨੀ
ਸਮਾਰੋਹ ਬੇਹੱਦ ਲਾਜਵਾਬ ਹੋਵੇਗਾ। ਪਾਕਿਸਤਾਨ ਸਮੇਤ ਸਾਰੀਆਂ ਟੀਮਾਂ ਲੁਧਿਆਣਾ ਵਿਖੇ
ਪੁੱਜ ਚੁੱਕੀਆਂ ਹਨ। ਵਿਸ਼ਵ ਕਬੱਡੀ ਕੱਪ ਦੇ ਪੂਲ ਇਸ ਤਰ੍ਹਾਂ ਹੋਣਗੇ।
ਵਿਸ਼ਵ ਕਬੱਡੀ ਕੱਪ 'ਚ ਸ਼ਾਮਿਲ ਹੋਣ ਵਾਲੇ
ਕਨੇਡਾ ਖਿਡਾਰੀ
ਜਲੰਧਰ, 1 ਅਪ੍ਰੈਲ - ਵਿਸ਼ਵ ਕਬੱਡੀ ਕੱਪ ਵਿਚ ਸ਼ਾਮਿਲ ਹੋਣ ਵਾਲੇ ਕਨੇਡਾ ਦੇ
ਸਟਾਰ ਖਿਡਾਰੀਆਂ ਦੀ ਟੀਮ ਪੰਜਾਬ 'ਚ ਪਹੁੰਚ ਗਈ ਹੈ। ਇਹ ਵਿਸ਼ਵ ਕਬੱਡੀ ਕੱਪ ਪੰਜਾਬ
ਸਰਕਾਰ ਵੱਲੋਂ ਕਰਵਾਇਆ ਜਾ ਰਿਹਾ ਹੈ। ਟੀਮ ਦੇ ਵਿਚ ਕਿੰਦੂ ਬਿਹਾਰੀਪੁਰੀਆ, ਕਪਤਾਨ,
ਕੁਲਜੀਤਾ ਮਲਸੀਆਂ ਉਪ-ਕਪਤਾਨ ਤੇ ਸੰਦੀਪ ਲੱਲ੍ਹੀਆਂ, ਕੀਪਾ ਬੱਧਣੀ, ਬੱਬੂ ਲੱਖਣਕੇ
ਪੱਡਾ, ਟੈਰੀ ਪੁਰੇਵਾਲ, ਅਮਨ ਕੁੰਢੀ, ਜੱਗਾ ਆਲੋਵਾਲ, ਸੰਦੀਪ ਗੁਰਦਾਸਪੁਰੀਆ, ਕੀਪਾ
ਸੁਰਖਪੁਰ, ਬਲਜੀਤ ਸੈਦੋਕੇ, ਲੱਕੀ ਕੁਰਾਲੀ, ਪੱਪੀ ਖਹਿਰਾ, ਸੋਨੀ ਸੁਨੇਤ ਸ਼ਾਮਿਲ ਹਨ।
ਇਸ ਕਬੱਡੀ ਕੱਪ ਨੂੰ ਉਚੇਚੇ ਤੌਰ 'ਤੇ ਕਵਰੇਜ ਕਰਨ ਲਈ ਕੈਨੇਡਾ ਦਾ ਪੰਜਾਬੀ ਮੀਡੀਆ
ਵੀ ਪੁੱਜਾ ਹੈ।
ਵਿਸ਼ਵ ਕਬੱਡੀ ਕੱਪ ਲਈ ਚੁਣੀ ਗਈ ਆਸਟਰੇਲੀਆ
ਟੀਮ
ਲੁਧਿਆਣਾ, 31 ਮਾਰਚ - ਵਿਸ਼ਵ ਕਬੱਡੀ ਕੱਪ ਲਈ ਆਸਟਰੇਲੀਆ ਕਬੱਡੀ ਟੀਮ ਦੀ
ਚੋਣ ਕਰ ਲਈ ਗਈ ਹੈ। ਆਸਟ੍ਰੇਲੀਆ ਟੀਮ ਵਿਚ ਪੰਜਾਬੀ ਮੂਲ ਦੇ ਖਿਡਾਰੀਆਂ ਦੇ ਬੁਹਤਤਾਤ
ਹੈ। ਟੀਮ ਦੇ ਕਪਤਾਨ ਰਾਜੀਵ ਕੁਮਾਰ, ਚੀਫ਼ ਕੋਚ ਬਲਜਿੰਦਰ ਸਿੰਘ ਬਾਸੀ ਅਤੇ ਮੈਨੇਜਰ
ਜਗਜੀਤ ਸਿੰਘ ਗੁਰਮ ਅਤੇ ਮੀਡੀਆ ਕੁਆਡੀਨੇਟਰ ਮਨਜੀਤ ਸਿੰਘ ਔਜਲਾ ਹੋਣਗੇ। ਆਸਟ੍ਰੇਲੀਆ
ਟੀਮ: ਰਜੀਵ ਕੁਮਾਰ (ਕਪਤਾਨ) ਸੁਖਬੀਰ ਸਿੰਘ, ਕੁਲਦੀਪ ਸਿੰਘ, ਗੁਰਪ੍ਰੀਤ ਸਿੰਘ, ਬੂਟਾ
ਸਿੰਘ, ਕੁਲਦੀਪ ਸਿੰਘ ਜੂਨੀਅਰ, ਜਗਜੀਤ ਸਿੰਘ ਧਾਲੀਵਾਲ, ਅਮ੍ਰਿਤਪਾਲ ਸਿੰਘ,
ਸੁਖਜਿੰਦਰ ਸਿੰਘ, ਰਾਜ ਕੁਮਾਰ, ਹਰਪ੍ਰੀਤ ਸਿੰਘ, ਕਰਨਲ ਸਿੰਘ, ਪਰਮਪਾਲ ਸਿੰਘ
ਪ੍ਰਮੁੱਖ ਖਿਡਾਰੀ ਹੋਣਗੇ। ਆਸਟ੍ਰੇਲੀਆ ਟੀਮ 1 ਮਾਰਚ ਨੂੰ ਭਾਰਤ ਪੁੱਜੇਗੀ।
ਵਿਸ਼ਵ ਕਬੱਡੀ ਕੱਪ 'ਚ ਸ਼ਾਮਿਲ ਹੋਣ ਲਈ
ਇੰਗਲੈਂਡ ਕਬੱਡੀ ਟੀਮ ਆਵੇਗੀ 3 ਨੂੰ
ਗੁਰਾਇਆ,30 ਮਾਰਚ - ਪਹਿਲਾ ਵਿਸ਼ਵ ਕਬੱਡੀ ਕੱਪ ਜੋ ਕਿ ਪੰਜਾਬ ਸਰਕਾਰ ਵੱਲੋਂ
ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਵਿਚ ਹਿੱਸਾ ਲੈਣ ਲਈ ਇੰਗਲੈਂਡ ਕਬੱਡੀ
ਫੈਡਰੇਸ਼ਨ ਵਲੋਂ ਵੀ ਕਬੱਡੀ ਟੀਮ ਭਾਰਤ ਲਿਆਂਦੀ ਜਾਵੇਗੀ। ਇੰਗਲੈਂਡ ਟੀਮ ਵਿਚ ਚੁਣੇ
ਗਏ ਖਿਡਾਰੀਆਂ ਵਿਚ ਧਾਵੀ ਮੰਗਾ ਮਿੱਠਾਪੁਰੀਆ, ਕਿੰਦਾ ਚੱਕ ਢੱਡੇ, ਗੋਪੀ
ਹੁਸ਼ਿਆਰਪੁਰੀਆ, ਗਗਨ ਯੂ.ਕੇ., ਹੋਣਗੇ, ਜਦਕਿ ਜਾਫੀ ਸੰਦੀਪ ਨੰਗਲ ਅੰਬੀਆਂ, ਜੌਹਲ
ਜਗਤਪੁਰ ਜੱਟਾਂ, ਸੋਨੂੰ ਪਾਸਲਾ, ਜੱਗਾ ਪੱਤਣ, ਗੁੱਕ ਸ਼ੇਰਪੁਰੀਆ ਆਦਿ ਹੋਣਗੇ। ਕੰਮਾ
ਔਜਲਾ ਤੇ ਸੱਤਾ ਮੁਠੱਡਾ ਦੀ ਅਗਵਾਈ ਵਿਚ ਆ ਰਹੀ ਇਹ ਟੀਮ 3 ਅਪ੍ਰੈਲ ਨੂੰ ਇਥੇ ਪੁੱਜ
ਜਾਵੇਗੀ।
ਵਿਸ਼ਵ ਕਬੱਡੀ ਕੱਪ ਲਈ 13 ਖਿਡਾਰੀ ਡੋਪ
ਟੈਸਟ 'ਚ ਦੋਸ਼ੀ
ਲੁਧਿਆਣਾ, 29 ਮਾਰਚ - ਵਿਸ਼ਵ ਕਬੱਡੀ ਕੱਪ ਦੀ ਸੰਭਾਵੀ ਟੀਮ ਲਈ 13 ਖਿਡਾਰੀ
ਡੋਪ ਟੈਸਟ ਦੀ ਰਿਪੋਰਟ ਵਿਚ ਦੋਸ਼ੀ ਪਾਏ ਗਏ, ਜਦਕਿ 16 ਖਿਡਾਰੀਆਂ ਨੇ ਪਾਸ ਕੀਤਾ।
ਡੋਪ ਟੈਸਟ ਪੈਨਲ ਦੇ ਚੇਅਰਮੈਨ ਡਾਕਟਰ ਮਨਮੋਹਨ ਸਿੰਘ ਤੇ ਪਰਗਟ ਸਿੰਘ ਡਾਇਰੈਕਟਰ
ਸਪੋਰਟਸ ਪੰਜਾਬ ਨੇ ਦੱਸਿਆ ਕਿ ਲਖਵਿੰਦਰ ਸਿੰਘ ਦਿਓਲ, ਸੰਦੀਪ ਕੁਮਾਰ ਹਰਿਆਣਾ,
ਤਲਵਿੰਦਰ ਸਿੰਘ, ਬਚਿੱਤਰ ਸਿੰਘ ਤਰਨਤਾਰਨ, ਹਰਪ੍ਰੀਤ ਸਿੰਘ ਨੋਨਾ ਰੌਣੀ, ਹਰਵਿੰਦਰ
ਸਿੰਘ, ਕੇਵਲ ਸਿੰਘ ਭਾਊ ਜੋਤੇਵਾਲਾ, ਹਰਪ੍ਰੀਤ ਸਿੰਘ, ਬਜਿੰਦਰ ਸਿੰਘ ਹਰਿਆਣਾ, ਸੀਲੂ
ਹਰਿਆਣਾ, ਅਨਿਲ ਕੁਮਾਰ ਹਰਿਆਣਾ, ਆਤਮਾ ਸਿੰਘ ਦੋਸ਼ੀ ਪਾਏ ਗਏ ਹਨ। ਪ੍ਰਤਾਪ ਸਿੰਘ,
ਗੁਰਪ੍ਰੀਤ ਸਿੰਘ ਜਰਗੜੀ, ਅਮ੍ਰਿਤਪਾਲ ਸਿੰਘ, ਗੁਰਦੀਪ ਸਿੰਘ, ਬਲਰਾਜ ਸਿੰਘ ਬਾਜੀ
ਜੰਡ ਵੀ ਟੈਸਟ ਨਾ ਕਰਵਾਉਣ ਕਰਕੇ ਕੈਂਪ ਤੋਂ ਬਾਹਰ ਕਰ ਦਿੱਤੇ ਹਨ। ਜੋ ਖਿਡਾਰੀ ਡੋਪ
ਟੈਸਟ ਵਿਚੋ ਪਾਸ ਹੋਏ ਹਨ, ਉਨ੍ਹਾਂ ਵਿਚ ਅਜੀਤਪਾਲ ਸਿੰਘ ਲਾਲੀ ਬੁਟਾਹਰੀ, ਜਤਿੰਦਰ
ਸਿੰਘ ਬੈਂਸ, ਗੁਰਦਰਸ਼ਨ ਸਿੰਘ ਗੋਲੂ ਗੱਜਣਵਾਲਾ, ਹਰਦੀਪ ਸਿੰਘ ਪੰਡੋਰੀ, ਨਰਮਿੰਦਰ
ਸਿੰਘ ਢੰਡਰੀਆ, ਖੁਸ਼ਦੀਪ ਸਿੰਘ ਦਿੜਬਾ, ਮਨਜਿੰਦਰ ਸਿੰਘ ਅਲੀਪੁਰ, ਹਰਮੀਤ ਸਿੰਘ ਗੋਗੀ
ਜਰਗੜੀ, ਲਖਵਿੰਦਰ ਸਿੰਘ ਲਾਡੀ ਉਟਾਲਾ, ਗੁਲਜ਼ਾਰ ਸਿੰਘ ਮੂਣਕ, ਮਨਿੰਦਰਜੀਤ ਸਿੰਘ
ਵਿੱਕੀ ਘਨੋਰ, ਮਹਿੰਦਰ ਸਿੰਘ ਬਿਦੇਸ਼ਾ, ਮਨਜੋਤ ਸਿੰਘ ਮਾਛੀਵਾੜਾ, ਕਰਤਾਰ ਸਿੰਘ ਨੂੰ
ਖੇਡਣ ਯੋਗ ਮੰਨਿਆ ਗਿਆ ਹੈ।
ਵਿਸ਼ਵ ਕਬੱਡੀ ਕੱਪ 'ਚ ਸ਼ਾਮਿਲ ਹੋਣ ਵਾਲੇ
16 ਖਿਡਾਰੀ
ਲੁਧਿਆਣਾ, 27 ਮਾਰਚ - ਵਿਸ਼ਵ ਕੱਪ ਕਬੱਡੀ ਟੂਰਨਾਮੈਂਟ ਵਾਸਤੇ ਪੰਜਾਬ ਸਰਕਾਰ
ਵੱਲੋਂ ਭਾਰਤੀ ਟੀਮ ਦੀ ਚੋਣ ਲਈ ਲਏ ਗਏ ਦੁਆਰਾ ਚੋਣ ਟਰਾਇਲਾਂ ਲਈ 145 ਖਿਡਾਰੀਆਂ
ਵਿਚੋਂ ਅੰਤਿਮ 16 ਖਿਡਾਰੀਆਂ ਦੀ ਚੋਣ ਕੀਤੀ ਗਈ। ਚੋਣ ਕਮੇਟੀ ਬਾਬਾ ਹਰਪ੍ਰੀਤ ਸਿੰਘ,
ਗੁਰਦੀਪ ਸਿੰਘ ਮੱਲੀ, ਬਲਵੀਰ ਸਿੰਘ ਬਿੱਟੂ, ਕੋਚ ਦੇਵੀ ਦਿਆਲ, ਪ੍ਰਿੰਸੀਪਲ ਸਰਵਣ
ਸਿੰਘ 'ਤੇ ਆਧਾਰਿਤ ਬਣੇ ਚੋਣ ਪੈਨਲ, ਨੇ ਜੋ ਅੰਤਿਮ 14 ਖਿਡਾਰੀ ਚੁਣੇ ਹਨ, ਉਨ੍ਹਾਂ
ਵਿਚ ਧਾਵੀਆਂ ਵਿਚ ਸੁਖਬੀਰ ਸਿੰਘ ਸਰਾਣਾ, ਹਰਵਿੰਦਰ ਸਿੰਘ ਸੁਰਖਪੁਰ, ਹਰਿੰਦਰ ਸਿੰਘ
ਨਿੱਕਾ ਜਰਗੜੀ, ਸੰਦੀਪ ਸਿੰਘ ਸੁਰਖਪੁਰੀਆ, ਸਤਨਾਮ ਸਿੰਘ ਫਰੀਦਕੋਟ, ਕਾਕਾ ਕਾਹਰੀ
ਸਾਰੀ, ਹਰਜਿੰਦਰ ਸਿੰਘ ਭੁੱਟੋ ਤਰਨਤਾਰਨ, ਤਲਵਿੰਦਰ ਸਿੰਘ ਪਰਜੀਆ, ਜਾਫ਼ੀਆ ਵਿਚ ਕਰਮੀ
ਬਰੜ ਵਾਨ, ਮੰਗੀ ਬੱਗਾ ਸ਼ਾਹਕੋਟ, ਪਾਲਾ ਜਲਾਲ ਪੁਰੀਆ, ਹਰਜੀਤ ਸਿੰਘ ਚਹਿਲਾ, ਸੁੱਖਾ
ਭੰਡਾਲ, ਗੁਰਪਿਆਰ ਸਿੰਘ ਕਲੇਰ, ਜਗਸੀਰ ਸਿੰਘ ਸੀਰਾ, ਗੁਰਜੀਤ ਸਿੰਘ ਰੁੜਕੀ ਨੂੰ
ਚੁਣਿਆ ਗਿਆ ਹੈ। ਪਰਗਟ ਸਿੰਘ ਡਾਇਰੈਕਟਰ ਸਪੋਰਟਸ ਪੰਜਾਬ, ਸਿਕੰਦਰ ਸਿੰਘ ਮਲੂਕਾ ਨੇ
ਦੱਸਿਆ ਕਿ ਇਨ੍ਹਾਂ ਖਿਡਾਰੀਆਂ ਦਾ ਕੋਚਿੰਗ ਕੈਂਪ 27 ਮਾਰਚ ਤੋਂ ਹੀ ਲੁਧਿਆਣਾ ਵਿਖੇ
ਸ਼ੁਰੂ ਹੋ ਗਿਆ ਹੈ ਪਰ ਡੋਪਿੰਗ ਦੇ ਦੋਸ਼ੀਆਂ ਨੂੰ ਤੁਰੰਤ ਕੋਚਿੰਗ ਕੈਂਪ ਵਿਚੋਂ ਕੱਢ
ਦਿੱਤਾ ਜਾਵੇਗਾ। ਜੋ 5 ਖਿਡਾਰੀ ਪਹਿਲਾ ਡੋਪ ਟੈਸਟ ਤੋਂ ਡਰਦੇ ਭੱਜ ਗਏ ਸਨ ਉਨ੍ਹਾਂ
ਉਪਰ ਵੀ 2 ਸਾਲ ਦੀ ਪਬੰਦੀ ਲੱਗੇਗੀ।
ਰਾਸ਼ਟਰੀ ਕੋਚ ਦੇਵੀ ਦਿਆਲ ਨੂੰ ਵਿਸ਼ਵ ਕਬੱਡੀ ਕੱਪ ਦਾ ਤਕਨੀਕੀ ਡਾਇਰੈਕਟਰ ਬਣਾਇਆ ਹੈ,
ਜਦ ਕਿ ਭਾਰਤੀ ਕਬੱਡੀ ਟੀਮ ਦੇ ਸੀਨੀਅਰ ਕੋਚ ਹਰਪ੍ਰੀਤ ਸਿੰਘ ਬਾਬਾ ਬਠਿੰਡਾ ਅਤੇ
ਬਲਵੀਰ ਸਿੰਘ ਬਿੱਟੂ ਜਸਪਾਲ ਬਾਂਗਰ ਨੂੰ ਲਗਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਪੰਜਾਬ
ਕਬੱਡੀ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਗੁਰਦੀਪ ਸਿੰਘ ਮੱਲੀ ਭਾਰਤੀ ਟੀਮ ਦੇ ਮੈਨੇਜਰ
ਹੋਣਗੇ। ਇਸ ਤੋਂ ਇਲਾਵਾ ਪਹਿਲਵਾਨ ਗੁਰਮੇਲ ਸਿੰਘ, ਸੀਨੀਅਰ ਮੀਤ ਪ੍ਰਧਾਨ ਪੰਜਾਬ
ਕਬੱਡੀ ਐਸੋ: ਅਤੇ ਸੁਰਿੰਦਰਪਾਲ ਸਿੰਘ ਟੋਨੀ ਕਾਲਖ ਪ੍ਰਧਾਨ ਪੰਜਾਬ ਕਬੱਡੀ ਅਕੈਡਮੀਜ਼
ਐਸੋਸੀਏਸ਼ਨ ਨੂੰ ਵਿਸ਼ਵ ਕੱਪ ਦੀ ਸਵਾਰਥੀ ਕਮੇਟੀ ਦਾ ਕੋਆਰਡੀਨੇਟਰ ਨਿਯੁਕਤ ਕੀਤਾ ਗਿਆ
ਹੈ।
ਪੰਜਾਬ 'ਚ ਹਰ ਸਾਲ ਵਿਸ਼ਵ ਕਬੱਡੀ ਲੀਗ
ਹੋਵੇਗੀ
ਲੁਧਿਆਣਾ, 26 ਮਾਰਚ - ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅਤੇ
ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੇ ਚੇਅਰਮੈਨ ਨੇ ਫੈਸਲਾ ਕੀਤਾ ਕਿ ਆਈ.ਪੀ.ਐਲ. ਦੀ ਤਰਜ਼
'ਤੇ ਪੰਜਾਬ 'ਚ ਹਰ ਸਾਲ ਵਿਸ਼ਵ ਕਬੱਡੀ ਲੀਗ ਕਰਵਾਈ ਜਾਵੇਗੀ। ਜਿਥੇ ਪੰਜਾਬ ਸਰਕਾਰ ਨੇ
ਕਬੱਡੀ ਦੇ ਵਧੀਆ ਖਿਡਾਰੀਆਂ ਨੂੰ ਸਰਕਾਰੀ ਨੌਕਰੀਆਂ ਅਤੇ ਹੋਰ ਸਹੂਲਤਾਂ ਦੇਣ ਦੇ ਜਿਥੇ
ਉਪਰਾਲੇ ਵਿੱਢੇ ਹਨ, ਉਥੇ ਵਿਸ਼ਵ ਕੱਪ ਕਬੱਡੀ ਵਿਚ ਵੱਡੇ ਰੂਪ ਵਿਚ ਇਨਾਮੀ ਰਾਸ਼ੀ ਦੇਣ
ਦਾ ਐਲਾਨ ਕੀਤਾ ਹੈ। ਕਬੱਡੀ ਨੂੰ ਪ੍ਰਮੋਟ ਕਰਨ ਲਈ ਸਾਰੇ ਪਿੰਡਾਂ ਵਿਚ ਹੈਲਥ ਕਲੱਬ
ਖੋਲ੍ਹੇ ਜਾਣਗੇ। ਅਗਲੇ ਵਰ੍ਹੇ ਇਨਾਮੀ ਰਾਸ਼ੀ 'ਚ ਚੋਖਾ ਵਾਧਾ ਕੀਤਾ ਜਾਵੇਗਾ। ਕਬੱਡੀ
ਵਿਚ ਡਰੱਗ ਮਾਫੀਏ ਨੂੰ ਸਖ਼ਤੀ ਨਾਲ ਨੱਥ ਪਾਈ ਜਾਵੇਗੀ। ਜੋ ਖਿਡਾਰੀ ਕਬੱਡੀ ਦੇ ਨਿਯਮਾਂ
ਤੇ ਸਿਧਾਂਤਾਂ ਦੀ ਪਾਲਣਾ ਕਰਨਗੇ ਅਤੇ ਵਧੀਆ ਖੁਰਾਕਾਂ ਨਾਲ ਮੈਦਾਨ ਵਿਚ ਨਿੱਤਰਨਗੇ,
ਉਨ੍ਹਾਂ ਦੀ ਹੀ ਪੰਜਾਬ ਸਰਕਾਰ ਕਦਰ ਪਾਵੇਗੀ। ਇਸੇ ਕਰਕੇ ਟੂਰਨਾਮੈਂਟ ਵਿਚ ਦੁਨੀਆਂ
ਦੀ ਮਸ਼ਹੂਰ ਏਜੰਸੀ 'ਵਾਡਾ' ਤੋਂ ਖਿਡਾਰੀਆਂ ਦੇ ਡੋਪ ਟੈਸਟ ਕਰਵਾਏ ਗਏ ਹਨ। ਭਾਵੇਂ ਇਕ
ਪਾਸੇ ਪੰਜਾਬ ਸਰਕਾਰ ਸਾਫ ਸੁਥਰੀ ਅਤੇ ਨਸ਼ਾ ਰਹਿਤ ਵਿਸ਼ਵ ਕੱਪ ਕਬੱਡੀ ਕਰਵਾਉਣ ਦਾ
ਢੰਡੋਰਾ ਪਿੱਟ ਰਹੀ ਹੈ ਪਰ ਦੂਜੇ ਪਾਸੇ ਵਿਸ਼ਵ ਕਬੱਡੀ ਕੱਪ ਵਿਚ ਜੋ 29 ਖਿਡਾਰੀਆਂ ਦਾ
ਡੋਪ ਟੈਸਟ ਹੋਇਆ ਹੈ, ਦਾ ਨਤੀਜਾ 23 ਮਾਰਚ ਨੂੰ ਆਉਣਾ ਸੀ ਪਰ ਉਸ ਵਿਚੋਂ ਕਿੰਨੇ
ਨਸ਼ੇੜੀ ਹਨ ਤੇ ਕਿੰਨੇ ਸਿਹਤਮੰਦ ਹਨ, ਅਜੇ ਦੋ ਦਿਨ ਹੋਰ ਉਡੀਕ ਕਰਨੀ ਪਵੇਗੀ। ਪੰਜਾਬ
ਖੇਡ ਵਿਭਾਗ ਦੇ ਡਾਇਰੈਕਟਰ ਪ੍ਰਗਟ ਸਿੰਘ ਨੇ ਦੱਸਿਆ ਕਿ ਵਾਡਾ ਦੇ ਚੇਅਰਮੈਨ ਡਾ.
ਮਨਮੋਹਨ ਸਿੰਘ 28 ਮਾਰਚ ਤੱਕ ਦੱਸਣਗੇ ਕਿ ਕਿੰਨੇ ਖਿਡਾਰੀ ਵਿਸ਼ਵ ਕੱਪ ਕਬੱਡੀ ਖੇਡਣ
ਦੇ ਯੋਗ ਹਨ। ਸੂਤਰਾਂ ਮੁਤਾਬਿਕ ਚੁਣੇ ਗਏ 29 ਖਿਡਾਰੀਆਂ ਵਿਚੋਂ 11 ਦੇ ਕਰੀਬ ਡੋਪ
ਟੈਸਟ ਦੀ ਲਪੇਟ ਵਿਚ ਆ ਰਹੇ ਹਨ, ਇਸੇ ਕਰਕੇ ਪੰਜਾਬ ਸਰਕਾਰ ਨੂੰ ਭਾਰਤੀ ਕਬੱਡੀ ਟੀਮ
ਬਨਾਉਣੀ ਔਖੀ ਹੋ ਰਹੀ ਹੈ। ਭਾਵੇਂ 27 ਮਾਰਚ ਨੂੰ ਟੀਮ ਦੀ ਚੋਣ ਲਈ ਖਿਡਾਰੀਆਂ ਦੇ
ਦੁਬਾਰਾ ਚੋਣ ਟਰਾਇਲ ਹੋ ਰਹੇ ਹਨ। ਵਿਸ਼ਵ ਕੱਪ ਕਬੱਡੀ ਨੇ ਸਰਕਾਰ ਦੇ ਕੰਨਾਂ ਨੂੰ ਹੱਥ
ਲਵਾ ਦਿੱਤੇ ਹਨ। ਹਰ ਅਧਿਕਾਰੀ ਜੋ ਖੁਦ ਆਪਣੇ ਸਮੇਂ ਦਾ ਕਬੱਡੀ ਖਿਡਾਰੀ ਰਿਹਾ ਹੈ,
ਪਰ ਇਸ ਸਮੇਂ ਦੀ ਕਬੱਡੀ ਤੋਂ ਤੌਬਾ ਤੌਬਾ ਕਰ ਰਿਹਾ ਹੈ।
ਵਿਸ਼ਵ ਕਬੱਡੀ ਕੱਪ
ਡੋਪ ਟੈਸਟ ਹੋਣ ਤੋਂ ਬਾਅਦ ਵੀ ਭਾਰਤੀ ਟੀਮ ਹਾਲੇ ਡਾਵਾਂਡੋਲ
ਲੁਧਿਆਣਾ, 25 ਮਾਰਚ - ਵਿਸ਼ਵ ਕਬੱਡੀ ਕੱਪ ਵਾਸਤੇ ਭਾਰਤੀ ਟੀਮ ਦੇ ਚੋਣ
ਟਰਾਇਲ 20 ਮਾਰਚ ਨੂੰ ਲੁਧਿਆਣਾ ਵਿਖੇ ਹੋਏ ਸਨ। ਟਰਾਇਲਾਂ ਵਿਚ ਆਏ 94 ਖਿਡਾਰੀਆਂ
ਵਿਚੋਂ ਅੰਤਿਮ 34 ਖਿਡਾਰੀ ਚੁਣੇ ਗਏ ਸਨ, ਜਿਨ੍ਹਾਂ ਵਿਚੋਂ 5 ਨਾਮੀ ਖਿਡਾਰੀਆਂ ਨੇ
ਡੋਪ ਟੈਸਟ ਦੀ ਲਪੇਟ ਵਿਚ ਆ ਜਾਣ ਦੇ ਡਰ ਤੋਂ ਟੈਸਟ ਹੀ ਨਹੀਂ ਸੀ ਕਰਵਾਇਆ। ਖੇਡ
ਡਾਇਰੈਕਟਰ ਪਰਗਟ ਸਿੰਘ ਮੁਤਾਬਿਕ ਡੋਪ ਟੈਸਟ ਦੀ ਰਿਪੋਰਟ 23 ਮਾਰਚ ਨੂੰ ਆਉਣੀ ਸੀ ਪਰ
ਅਜੇ ਤੱਕ ਇਹ ਭੇਦ ਬਣੀ ਹੋਈ ਹੈ। ਟੀਮ ਲਈ ਚੁਣੇ 29 ਖਿਡਾਰੀ ਡੋਪ ਟੈਸਟ ਦਾ ਪਹਿਲਾ
ਪੜਾਅ ਪਾਸ ਕਰ ਗਏ ਹਨ, ਪਰ ਦੂਸਰੇ ਪਾਸੇ ਪਤਾ ਲੱਗਾ ਹੈ ਕਿ ਕੁੱਝ ਖਿਡਾਰੀ ਡੋਪ ਟੈਸਟ
ਦੀ ਲਪੇਟ ਵਿਚ ਆ ਰਹੇ ਹਨ, ਜਿਸ ਨਾਲ ਬਣਨ ਵਾਲੀ ਟੀਮ ਡਾਵਾਂਡੋਲ ਹੋ ਰਹੀ ਹੈ। ਕੁੱਝ
ਖਿਡਾਰੀਆਂ ਦੇ 27 ਮਾਰਚ ਨੂੰ ਦੁਬਾਰਾ ਚੋਣ ਟਰਾਇਲ ਲਏ ਜਾਣਗੇ ਅਤੇ ਕੈਂਪ ਵਿਚ ਕੁੱਲ
34 ਖਿਡਾਰੀ ਸ਼ਾਮਿਲ ਕਰਕੇ ਉਸੇ ਦਿਨ ਤੋਂ ਇੰਨ੍ਹਾਂ ਖਿਡਾਰੀਆਂ ਦਾ ਕੋਚਿੰਗ ਕੈਂਪ
ਲੁਧਿਆਣਾ ਵਿਖੇ ਲੱਗ ਜਾਵੇਗਾ। ਨਵੇਂ ਖਿਡਾਰੀ ਕੌਣ ਹੋਣਗੇ, ਇੰਨਾਂ ਨੂੰ ਕਿਵੇਂ
ਕੋਚਿੰਗ ਕੈਂਪ ਵਿਚ ਸ਼ਾਮਿਲ ਕੀਤਾ ਜਾਵੇਗਾ, ਇਹ ਪ੍ਰਸ਼ਨ ਬਣਿਆ ਹੋਇਆ ਹੈ। ਕੋਚਿੰਗ
ਕੈਂਪ ਲਈ ਚੁਣੇ 29 ਖਿਡਾਰੀਆਂ ਵਿਚ ਕੁੱਝ ਨੇ ਆਪਣਾ ਨਾਮ ਨਾ ਦੱਸਣ ਦੀ ਸੂਰਤ ਵਿਚ
ਆਖਿਆ ਕਿ ਉਹ ਆਪਣੇ ਖੇਡ ਹੁਨਰ ਸਦਕਾ ਕੋਚਿੰਗ ਕੈਂਪ ਵਿਚ ਆ ਗਏ ਹਨ, ਪਰ ਜੇਕਰ ਉਨ੍ਹਾਂ
'ਤੇ ਸਿਆਸਤ ਅਤੇ ਨਸ਼ੇੜੀ ਖਿਡਾਰੀ ਭਾਰੂ ਪੈ ਗਏ ਤਾਂ ਉਨ੍ਹਾਂ ਦਾ ਟੀਮ ਵਿਚ ਪੱਤਾ
ਜ਼ਰੂਰ ਸਾਫ਼ ਹੋਵੇਗਾ, ਇਸ ਨਾਲ ਕਬੱਡੀ ਦਾ ਸੁਧਾਰ ਨਹੀਂ ਹੋਵੇਗਾ, ਸਗੋਂ ਨਸ਼ਿਆਂ ਦਾ
ਦੌਰ ਕਬੱਡੀ ਵਿਚ ਹੋਰ ਵਧ ਜਾਵੇਗਾ। ਵਿਸ਼ਵ ਕਬੱਡੀ ਕੱਪ ਵਾਸਤੇ ਕਬੱਡੀ ਖਿਡਾਰੀਆਂ ਦਾ
ਡੋਪ ਟੈਸਟ ਹੋਣ ਤੋਂ ਬਾਅਦ ਵੀ ਭਾਰਤੀ ਟੀਮ ਅਜੇ ਹੋਂਦ 'ਚ ਨਹੀਂ ਆਈ ਅਤੇ ਚੁਣੇ
ਖਿਡਾਰੀਆਂ ਨੂੰ ਖਦਸ਼ਾ ਹੈ ਕਿ ਕਿਤੇ ਉਹ ਹੁਣ ਸੌੜੀ ਸਿਆਸਤ ਦਾ ਸ਼ਿਕਾਰ ਹੋ ਕੇ ਟੀਮ
ਵਿਚੋਂ ਬਾਹਰ ਹੀ ਨਾ ਹੋ ਜਾਣ।
ਵਿਸ਼ਵ ਕੱਪ ਕਬੱਡੀ ਲਈ ਮੁੜ ਟ੍ਰਾਇਲ 27
ਨੂੰ
ਪਟਿਆਲਾ, 25 ਮਾਰਚ - ਵਿਸ਼ਵ ਕੱਪ ਕਬੱਡੀ ਟੂਰਨਾਮੈਂਟ ਲਈ 27 ਮਾਰਚ ਨੂੰ
ਸਵੇਰੇ 9 ਵਜੇ ਲੁਧਿਆਣਾ ਦੇ ਗੁਰੂ ਨਾਨਕ ਸਟੇਡੀਅਮ ਵਿਚ ਭਾਰਤੀ ਟੀਮ ਲਈ ਹੋਰ ਖਿਡਾਰੀ
ਚੁਣਨ ਵਾਸਤੇ ਟਰਾਇਲ ਇਕ ਵਾਰੀ ਫਿਰ ਰੱਖੇ ਗਏ ਹਨ। ਕਈ ਪਾਸੇ ਤੋਂ ਮੰਗ ਉਠ ਰਹੀ ਸੀ
ਕਿ ਕੁਝ ਖਿਡਾਰੀ ਸਮੇਂ ਸਿਰ ਜਾਣਕਾਰੀ ਨਾ ਮਿਲਣ ਕਰਕੇ ਪਹਿਲਾਂ ਹੋਏ ਟਰਾਇਲਾਂ ਵਿਚ
ਹਿੱਸਾ ਨਹੀਂ ਲੈ ਸਕੇ ਜਿਸ ਕਾਰਨ ਉਨ੍ਹਾਂ ਖਿਡਾਰੀਆਂ ਨੂੰ ਇਕ ਹੋਰ ਮੌਕਾ ਦੇਣ ਲਈ
ਮਨਸੂਬੇ ਨਾਲ ਇਹ ਟਰਾਇਲ ਰੱਖੇ ਗਏ।
ਦੋ ਰੋਜ਼ਾ ਪੇਂਡੂ ਖੇਡ ਮੇਲਾ 31 ਤੋਂ
ਸਿੱਧਵਾਂ ਬੇਟ, 25 ਮਾਰਚ - ਦੋ ਰੋਜ਼ਾ ਪੇਂਡੂ ਖੇਡ ਮੇਲਾ 31 ਮਾਰਚ ਨੂੰ
ਸਿੱਧਵਾਂ ਬੇਟ ਤੋਂ ਥੋੜ੍ਹੀ ਮੀਲ ਦੂਰ ਪਿੰਡ ਲੀਲਾਂ ਮੇਘ 'ਚ ਕਰਵਾਇਆ ਜਾ ਰਿਹਾ ਹੈ।
ਪਹਿਲੇ ਦਿਨ ਕਬੱਡੀ 37 ਕਿਲੋ ਵਰਗ ਅਤੇ 58 ਕਿਲੋ ਵਰਗ ਤੇ ਦੂਜੇ ਦਿਨ ਕਬੱਡੀ 70 ਕਿਲੋ
(ਇਕ ਖਿਡਾਰੀ ਬਾਹਰੋਂ), ਕਬੱਡੀ ਓਪਨ (ਇਕ ਖਿਡਾਰੀ ਬਾਹਰੋਂ) ਦੇ ਦਿਲਕਸ਼ ਮੁਕਾਬਲੇ
ਹੋਣਗੇ, ਜਦਕਿ ਪ੍ਰਵਾਸੀ ਵੀਰਾਂ ਦੇ ਵਡਮੁੱਲੇ ਸਹਿਯੋਗ ਨਾਲ ਕਬੱਡੀ ਓਪਨ ਦੀ ਜੇਤੂ
ਟੀਮ ਨੂੰ 51 ਹਜ਼ਾਰ ਤੇ ਉੱਪ ਜੇਤੂ ਟੀਮ ਨੂੰ 31 ਹਜ਼ਾਰ ਰੁਪਏ ਦੇ ਨਕਦ ਇਨਾਮ ਨਾਲ
ਨਿਵਾਜਿਆ ਜਾਵੇਗਾ।
29 ਭਾਰਤੀ ਖਿਡਾਰੀ ਆਰੰਭਕ ਡੋਪ ਟੈਸਟ
'ਚੋਂ ਪਾਸ
ਪਟਿਆਲਾ, 24 ਮਾਰਚ - ਵਿਸ਼ਵ ਕਬੱਡੀ ਕੱਪ ਜੋ ਕਿ ਪੰਜਾਬ ਦੀ ਧਰਤੀ 'ਤੇ 3
ਅਪ੍ਰੈਲ ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਲਈ ਭਾਰਤੀ ਟੀਮ ਦੇ ਸੰਭਾਵਿਤ ਖਿਡਾਰੀ
ਆਰੰਭਕ ਡੋਪ ਟੈਸਟ ਪਾਸ ਕਰ ਗਏ ਹਨ। ਭਾਰਤੀ ਟੀਮ ਲਈ 34 ਸੰਭਾਵਿਤ ਖਿਡਾਰੀਆਂ ਦੀ ਚੋਣ
ਕੀਤੀ ਗਈ ਸੀ, ਜਿਨ੍ਹਾਂ 'ਚੋਂ ਪੰਜ ਖਿਡਾਰੀ ਮੌਕੇ 'ਤੇ ਹੀ ਡੋਪ ਟੈਸਟ ਕਰਾਉਣ ਤੋਂ
ਟਾਲਾ ਵੱਟ ਗਏ ਸਨ। ਇਸ ਤਰ੍ਹਾਂ ਬਾਕੀ ਦੇ 29 ਖਿਡਾਰੀਆਂ ਦੇ ਡੋਪ ਟੈਸਟ ਕੀਤੇ ਗਏ,
ਜਿਨ੍ਹਾਂ ਦੌਰਾਨ ਉਹ ਕਿਸੇ ਵੀ ਕਿਸਮ ਦੇ ਤਾਕਤ ਵਰਧਕ ਜਾਂ ਨਸ਼ੀਲਾ ਪਦਾਰਥ ਲੈਣ ਤੋਂ
ਮੁਕਤ ਕਰਾਰ ਦਿੱਤੇ ਗਏ। ਇਕ ਡੋਪ ਟੈਸਟ 'ਤੇ ਘੱਟੋ ਘੱਟ 12 ਹਜ਼ਾਰ ਖਰਚ ਹੁੰਦੇ ਹਨ।
ਇਸ ਤਰ੍ਹਾਂ ਪੂਰੇ ਵਿਸ਼ਵ ਕੱਪ ਦੌਰਾਨ 25 ਤੋਂ 30 ਲੱਖ ਰੁਪਏ ਡੋਪ ਟੈਸਟਾਂ 'ਤੇ ਖਰਚਣ
ਲਈ ਰੱਖੇ ਗਏ ਹਨ। ਟੀਮ ਦਾ ਸਿਖਲਾਈ ਕੈਂਪ 26 ਮਾਰਚ ਤੋਂ ਲੁਧਿਆਣਾ ਵਿਖੇ ਸ਼ੁਰੂ ਹੋ
ਗਿਆ ਹੈ ਅਤੇ ਟੀਮ ਦੇ ਕੋਚ ਦਾ ਐਲਾਨ ਵੀ ਇਕ ਦੋ ਦਿਨ 'ਚ ਹੀ ਕਰ ਦਿੱਤਾ ਜਾਵੇਗਾ।
ਪੂਰੇ ਵਿਸ਼ਵ ਕੱਪ ਦਾ ਲਗਭਗ 5.50 ਕਰੋੜ ਦਾ ਬਜਟ ਹੈ, ਜਿਸ ਵਿਚੋਂ ਅੱਧੀ ਰਾਸ਼ੀ
ਵੱਖ-ਵੱਖ ਸਪਾਂਸਰਾਂ ਰਾਹੀਂ ਹਾਸਲ ਕੀਤੀ ਗਈ ਹੈ।
ਬਿਲਗਾ 'ਚ ਕਬੱਡੀ ਕੱਪ 26 ਨੂੰ
ਬਿਲਗਾ, 23 ਮਾਰਚ - ਇਕ ਰੋਜ਼ਾ ਪਹਿਲਾ ਕਬੱਡੀ ਕੱਪ 26 ਮਾਰਚ ਨੂੰ ਸ.ਸ.ਸ.
ਸਕੂਲ ਬਿਲਗਾ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ 'ਚ ਅੱਠ ਚੋਟੀ ਦੀਆਂ ਕਬੱਡੀ
ਕਲੱਬਾਂ ਅਤੇ ਪਿੰਡ ਪੱਧਰ ਦੀਆਂ ਟੀਮਾਂ ਦੇ ਮੈਚ ਕਰਵਾਏ ਜਾ ਰਹੇ ਹਨ।
ਗ਼ਦਰੀ ਬਾਬਿਆਂ ਦਾ ਕਬੱਡੀ ਟੂਰਨਾਮੈਂਟ 27
ਤੋਂ
ਕਰਤਾਰਪੁਰ, 23 ਮਾਰਚ - ਦੋ ਦਿਨਾਂ ਕਬੱਡੀ ਟੂਰਨਾਮੈਂਟ 27-28 ਮਾਰਚ ਨੂੰ
ਪਿੰਡ ਸੰਘਵਾਲ ਦੇ ਸ਼ਹੀਦ ਬੰਤਾ ਸਿੰਘ, ਸ਼ਹੀਦ ਅਰੂ ਸਿੰਘ ਸੰਘਵਾਲ ਸਟੇਡੀਅਮ 'ਚ
ਕਰਵਾਇਆ ਜਾ ਰਿਹਾ ਹੈ। ਇਹ ਕਬੱਡੀ ਕੱਪ ਗ਼ਦਰੀ ਬਾਬਿਆਂ ਦੀ ਯਾਦ ਵਿਚ ਕਰਵਾਇਆ ਜਾ ਰਿਹਾ
ਹੈ।
ਵਰਲਡ ਕੱਪ ਕਬੱਡੀ 2010
ਜਲੰਧਰ, 23 ਮਾਰਚ - ਕਬੱਡੀ ਪੰਜਾਬੀਆਂ ਦੀ ਮਾਂ ਖੇਡ ਹੈ। ਇਸ ਵੇਲੇ ਇਹ
ਵਿਸ਼ਵ ਦੇ ਹਰ ਕੋਨੇ ਵਿਚ ਖੇਡੀ ਜਾਂਦੀ ਹੈ। ਪੰਜਾਬ ਸਰਕਾਰ ਨੇ ਪੰਜਾਬ ਦੀ ਧਰਤੀ 'ਤੇ
ਵਿਸ਼ਵ ਕੱਪ ਕਬੱਡੀ ਕਰਵਾ ਕੇ ਸਾਰੇ ਵਿਸ਼ਵ ਨੂੰ ਇਕ ਲੜੀ ਵਿਚ ਜੋੜਨ ਦਾ ਉਪਰਾਲਾ ਕੀਤਾ
ਹੈ ਅਤੇ ਇਸ ਨੂੰ ਨੇਪਰੇ ਚਾੜ੍ਹਨ ਲਈ ਪਦਮਸ੍ਰੀ ਪ੍ਰਗਟ ਸਿੰਘ ਡਾਇਰੈਕਟਰ ਸਪੋਰਟਸ
ਪੰਜਾਬ, ਪੰਜਾਬ ਕਬੱਡੀ ਐਸੋਸੀਏਸ਼ਨ ਤੇ ਹੋਰ ਕਬੱਡੀ ਐਸੋਸੀਏਸ਼ਨਾਂ, ਕਲੱਬਾਂ ਅਤੇ
ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰ ਇਸ ਨੂੰ ਸਫਲ ਬਣਾਉਣ ਲਈ ਪੂਰਾ ਜ਼ੋਰ ਲਾ ਰਹੇ ਹਨ। ਜੇ
ਇਸ ਵਰਲਡ ਕੱਪ ਕਬੱਡੀ 'ਤੇ ਸਰਸਰੀ ਨਜ਼ਰ ਮਾਰੀਏ ਤਾਂ ਪਤਾ ਲਗਦਾ ਹੈ ਕਿ ਇਹ ਸਭ ਤੋਂ
ਵੱਡਾ ਇਨਾਮੀ ਟੂਰਨਾਮੈਂਟ ਹੋਵੇਗਾ, ਜਿਸ ਦਾ ਪਹਿਲਾ ਇਨਾਮ ਇਕ ਕਰੋੜ, ਦੂਜਾ ਇਨਾਮ 51
ਲੱਖ ਤੇ ਤੀਜਾ ਇਨਾਮ 25 ਲੱਖ ਰੁਪਏ ਰੱਖਿਆ ਗਿਆ ਹੈ। ਇਸ ਤੋਂ ਇਲਾਵਾ ਸਰਬੋਤਮ ਧਾਵੀ
ਤੇ ਜਾਫੀ ਨੂੰ ਵੀ ਦਿਲਖਿੱਚਵੇਂ ਇਨਾਮ ਦਿੱਤੇ ਜਾਣਗੇ। ਇਸ ਕਬੱਡੀ ਕੱਪ ਵਿਚ ਭਾਰਤ,
ਕੈਨੇਡਾ, ਅਮਰੀਕਾ, ਪਾਕਿਸਤਾਨ, ਇਟਲੀ, ਇੰਗਲੈਂਡ, ਈਰਾਨ, ਸਕਾਟਲੈਂਡ, ਸਪੇਨ, ਤੇ
ਆਸਟਰੇਲੀਆ ਦੀਆਂ ਕਬੱਡੀ ਟੀਮਾਂ ਦੇ ਭਾਗ ਲੈਣ ਦੀ ਉਮੀਦ ਹੈ। ਇਨ੍ਹਾਂ ਨੂੰ ਦੋ ਪੂਲਾਂ
ਵਿਚ ਵੰਡਿਆ ਜਾਵੇਗਾ। ਦੋਵਾਂ ਪੂਲਾਂ ਵਿਚ 10-10 ਲੀਗ ਮੈਚ ਕਰਵਾਏ ਜਾਣਗੇ। ਦੋ
ਸੈਮੀਫਾਈਨਲ ਮੈਚ, ਇਕ ਤੀਜੇ, ਚੌਥੇ ਸਥਾਨ ਲਈ ਤੇ ਇਕ ਫਾਈਨਲ ਮੈਚ ਹੋਵੇਗਾ। ਇਸ ਕਬੱਡੀ
ਕੱਪ ਦਾ ਉਦਘਾਟਨ 3 ਅਪ੍ਰੈਲ ਨੂੰ ਪਟਿਆਲਾ ਦੇ ਯਾਦਵਿੰਦਰਾ ਸਟੇਡੀਅਮ ਵਿਚ ਸ਼ਾਨੋ-ਸ਼ੌਕਤ
ਨਾਲ ਕੀਤਾ ਜਾਵੇਗਾ। ਇਸ ਮੌਕੇ 'ਤੇ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕੀਤਾ ਜਾਵੇਗਾ, ਜਿਸ
ਦਾ ਟੀ. ਵੀ. ਤੋਂ ਸਿੱਧਾ ਪ੍ਰਸਾਰਣ ਹੋਵੇਗਾ। ਉਦਘਾਟਨੀ ਮੈਚ ਪਟਿਆਲਾ ਵਿਖੇ ਖੇਡਿਆ
ਜਾਵੇਗਾ। 4 ਅਪ੍ਰੈਲ ਨੂੰ ਸੰਗਰੂਰ ਵਿਖੇ ਤਿੰਨ ਮੈਚ ਕਰਵਾਏ ਜਾਣਗੇ, 5 ਅਪ੍ਰੈਲ ਨੂੰ
ਜਲੰਧਰ ਵਿਖੇ 4 ਮੈਚ ਕਰਵਾਏ ਜਾਣਗੇ, 6 ਅਪ੍ਰੈਲ ਨੂੰ ਹੁਸ਼ਿਆਰਪੁਰ ਵਿਖੇ 4 ਮੈਚ ਖੇਡੇ
ਜਾਣਗੇ, 7 ਅਪ੍ਰੈਲ ਗੁਰਦਾਸਪੁਰ ਵਿਖੇ 4 ਮੈਚ ਖਡੇ ਜਾਣਗੇ, 8 ਅਪ੍ਰੈਲ ਨੂੰ
ਗੁਰਦਾਸਪੁਰ ਵਿਖੇ 4 ਮੈਚ ਖੇਡੇ ਜਾਣਗੇ, 10 ਅਪ੍ਰੈਲ ਨੂੰ ਦੋਵੇਂ ਸੈਮੀਫਾਈਨਲ ਮੈਚ
ਬਠਿੰਡਾ ਕਰਵਾਏ ਜਾਣਗੇ ਤੇ 12 ਅਪ੍ਰੈਲ ਨੂੰ ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ਵਿਖੇ
ਤੀਜੀ ਤੇ ਚੌਥੀ ਪੁਜ਼ੀਸ਼ਨ ਤੇ ਪਹਿਲੀ ਤੇ ਦੂਜੀ ਪੁਜ਼ੀਸ਼ਨ ਦੇ ਮੈਚ ਕਰਵਾਏ ਜਾਣਗੇ ਤੇ ਇਥੇ
ਹੀ ਇਸ ਵਿਸ਼ਵ ਕਬੱਡੀ ਕੱਪ ਦੀ ਸਮਾਪਤੀ ਕੀਤੀ ਜਾਵੇਗੀ। ਜੇ ਇਸ ਵਿਚ ਟੀਮਾਂ ਦੀ
ਪੁਜ਼ੀਸ਼ਨ 'ਤੇ ਨਜ਼ਰ ਮਾਰੀ ਜਾਵੇ ਤਾਂ ਪਤਾ ਲਗਦਾ ਹੈ ਕਿ ਹਰੇਕ ਟੀਮ ਦੇ ਵਿਚ 2 ਧਾਵੀ
ਤੇ 7 ਜਾਫੀ ਟੀਮ ਦੇ ਮੈਂਬਰ ਹੋਣਗੇ, ਜਿਨ੍ਹਾਂ ਦੇ ਵਿਚ ਪੰਜ ਧਾਵੀ ਤੇ ਪੰਜ ਜਾਫੀ
ਮੈਦਾਨ ਵਿਚ ਖੇਡਣਗੇ। ਇਸ ਤੋਂ ਇਲਾਵਾ ਇਕ ਮੈਚ ਵਿਚ 40-40 ਰੇਡਾਂ ਪਾਈਆਂ ਜਾਣਗੀਆਂ
ਤੇ ਹਰੇਕ ਰੇਡਰ (ਧਾਵੀ) ਲਈ ਤਿੰਨ-ਤਿੰਨ ਰੇਡਾਂ ਪਾਉਣੀਆਂ ਜ਼ਰੂਰੀ ਹਨ। ਇਸ ਤੋਂ ਇਲਾਵਾ
ਕੋਈ ਵੀ ਧਾਵੀ ਵੱਧ ਤੋਂ ਵੱਧ 10 ਰੇਡਾਂ ਹੀ ਪਾ ਸਕਦਾ ਹੈ। ਜੇ ਮੈਚ ਬਰਾਬਰ ਰਹਿ
ਜਾਂਦਾ ਹੈ ਤਾਂ ਪੰਜ-ਪੰਜ ਰੇਡਾਂ ਟੀਮਾਂ ਨੂੰ ਮਿਲਣਗੀਆਂ, ਜੇ ਫਿਰ ਵੀ ਮੈਚ ਬਰਾਬਰ
ਰਹਿ ਜਾਂਦਾ ਹੈ ਤਾਂ ਮੈਚ ਦਾ ਫੈਸਲਾ ਸਡਨ ਡੈਥ ਦੀ ਰੇਡ ਨਾਲ ਕੀਤਾ ਜਾਵੇਗਾ। ਪੰਜਾਬ
ਸਰਕਾਰ ਨੇ ਇਸ ਕਬੱਡੀ ਕੱਪ ਨੂੰ ਸਫਲ ਬਣਾਉਣ ਲਈ ਪੰਜਾਬ ਦੇ ਪ੍ਰਸਿੱਧ ਗਾਇਕ ਤੇ
ਹਾਸਰਸ ਕਲਾਕਾਰਾਂ ਨੂੰ ਵੀ ਸੱਦਾ-ਪੱਤਰ ਦਿੱਤਾ ਗਿਆ ਹੈ, ਜੋ ਦਰਸ਼ਕਾਂ ਦਾ ਮਨੋਰੰਜਨ
ਕਰਨਗੇ। ਮੈਚ ਲਈ ਕੋਈ ਵੀ ਟਿਕਟ ਨਹੀਂ ਲਗਾਈ ਗਈ।
ਛਿੰਦਾ ਅਮਲੀ ਯਾਦਗਾਰੀ ਕਬੱਡੀ ਕੱਪ 'ਤੇ
ਨਾਨਕਸਰ ਅਕੈਡਮੀ ਦਾ ਕਬਜ਼ਾ
ਨੌਸ਼ਹਿਰਾ ਮੱਝਾ ਸਿੰਘ, 22 ਮਾਰਚ - ਪੰਜਾਬ ਪੱਧਰੀ ਪਹਿਲਾ ਕਬੱਡੀ
ਟੂਰਨਾਮੈਂਟ ਪਿੰਡ ਕੈਲੇ ਕਲਾਂ 'ਚ ਕਬੱਡੀ ਖਿਡਾਰੀ ਸੁਰਿੰਦਰ ਸਿੰਘ ਛਿੰਦੇ ਅਮਲੀ ਦੀ
ਯਾਦ ਵਿਚ ਕਰਵਾਇਆ ਗਿਆ। ਟੂਰਨਾਮੈਂਟ ਵਿਚ ਸ਼ਾਮਿਲ 10 ਪੰਜਾਬ ਦੀਆਂ ਚੋਟੀ ਦੀਆਂ ਟੀਮਾਂ
ਵਿਚ ਹੋਏ ਫਸਵੇਂ ਮੁਕਾਬਲਿਆਂ ਤੋਂ ਬਾਅਦ ਫਾਈਨਲ ਮੈਚ ਨਾਨਕਸਰ ਕਬੱਡੀ ਕਲੱਬ
ਗੁਰਦਾਸਪੁਰ ਅਤੇ ਬਾਬਾ ਦੀਪ ਸਿੰਘ ਕਬੱਡੀ ਕਲੱਬ ਕਪੂਰਥਲਾ ਵਿਚਕਾਰ ਖੇਡਿਆ ਗਿਆ।
ਨਾਨਕਸਰ ਕਬੱਡੀ ਕਲੱਬ ਗੁਰਦਾਸਪੁਰ ਦੇ ਖਿਡਾਰੀਆਂ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦਿਆ
ਛਿੰਦੇ ਅਮਲੀ ਯਾਦਗਾਰੀ ਕਬੱਡੀ ਕੱਪ 'ਤੇ ਕਬਜ਼ਾ ਕਰ ਲਿਆ। ਜਥੇ ਸੇਖਵਾਂ ਵੱਲੋਂ ਪਹਿਲੇ
ਸਥਾਨ ਵਾਲੀ ਟੀਮ ਨੂੰ 51 ਹਜ਼ਾਰ, ਦੂਸਰੇ ਸਥਾਨ ਵਾਲੀ ਟੀਮ ਨੂੰ 41 ਹਜ਼ਾਰ ਦਾ ਨਕਦ
ਇਨਾਮ ਤੇ ਸਨਮਾਨ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ।
ਵਿਸ਼ਵ ਕੱਪ ਕਬੱਡੀ ਲਈ ਚੁਣੇ ਗਏ 34 ਸੰਭਾਵੀ
ਖਿਡਾਰੀ
ਲੁਧਿਆਣਾ, 22 ਮਾਰਚ - ਭਾਰਤੀ ਟੀਮ ਦੀ ਚੋਣ ਲਈ ਪੰਜਾਬ ਖੇਡ ਵਿਭਾਗ ਨੇ 34
ਸੰਭਾਵੀ ਖਿਡਾਰੀਆਂ ਦਾ ਐਲਾਨ ਵਿਸ਼ਵ ਕੱਪ ਕਬੱਡੀ ਲਈ ਕੀਤਾ ਹੈ। ਪੰਜਾਬ ਖੇਡਾਂ ਦੇ
ਪ੍ਰਿੰਸੀਪਲ ਸਕੱਤਰ ਪੀ. ਐਸ. ਔਜਲਾ, ਪੰਜਾਬ ਕਬੱਡੀ ਐਸੋਸੀਏਸਨ ਦੇ ਪ੍ਰਧਾਨ ਸਿਕੰਦਰ
ਸਿੰਘ ਮਲੂਕਾ, ਪੰਜਾਬ ਖੇਡ ਵਿਭਾਗ ਦੇ ਡਾਇਰੈਕਟਰ ਪਦਮ ਸ੍ਰੀ ਪ੍ਰਗਟ ਸਿੰਘ ਨੇ ਦੱਸਿਆ
ਕਿ ਚੁਣੇ ਗਏ 34 ਖਿਡਾਰੀਆਂ ਦਾ ਡੋਪ ਟੈਸਟ ਕੀਤਾ ਗਿਆ ਹੈ, ਜਿਸ ਦੀ ਰਿਪੋਰਟ ਕੱਲ੍ਹ
ਤੱਕ ਆਵੇਗੀ। ਜੋ ਖਿਡਾਰੀ ਡੋਪ ਟੈਸਟ ਵਿਚ ਦੋਸ਼ੀ ਪਾਏ ਗਏ ਉਨ੍ਹਾਂ ਨੂੰ ਟੀਮ ਵਿਚ ਨਹੀਂ
ਰੱਖਿਆ ਜਾਵੇਗਾ। ਚੁਣੇ ਗਏ 34 ਖਿਡਾਰੀਆਂ ਵਿਚੋਂ ਅੰਤਿਮ 14 ਖਿਡਾਰੀ ਭਾਰਤੀ ਟੀਮ ਲਈ
ਚੁਣੇ ਜਾਣਗੇ। ਜੋ ਵਿਸ਼ਵ ਕੱਪ ਵਿੱਚ ਹਿੱਸਾ ਲੈਣਗੇ। ਇਸ ਵੇਲੇ 17 ਧਾਵੀ, 17 ਜਾਫੀ
ਚੁਣੇ ਗਏ ਹਨ। ਧਾਵੀਆਂ ਵਿਚ ਅਨਿਲ ਕੁਮਾਰ ਹਰਿਆਣਾ, ਕਰਤਾਰ ਸਿੰਘ ਹਰਿਆਣਾ, ਸੀਲੂ
ਹਰਿਆਣਾ, ਸੰਦੀਪ ਕੁਮਾਰ ਹਰਿਆਣਾ, ਪੰਜਾਬ ਤੋਂ ਮੰਨਜੋਤ ਸਿੰਘ, ਗੁਲਜ਼ਾਰ ਸਿੰਘ,
ਪ੍ਰਤਾਪ ਸਿੰਘ, ਹਰਪ੍ਰੀਤ ਸਿੰਘ, ਮਨਮਿੰਦਰ ਸਿੰਘ, ਮਹਿੰਦਰਜੀਤ ਸਿੰਘ, ਮਹਿੰਦਰਪਾਲ
ਸਿੰਘ, ਅੰਮ੍ਰਿਤਪਾਲ ਸਿੰਘ, ਲਖਵਿੰਦਰ ਸਿੰਘ, ਹਰਪ੍ਰੀਤ ਸਿੰਘ, ਹਰਮੀਤ ਸਿੰਘ, ਲਾਡੀ
ਓਟਾਲਾ, ਬਚਿੱਤਰ ਸਿੰਘ, ਜਦਕਿ ਜਾਫੀਆਂ ਵਿੱਚ ਸੁਖਦੀਪ ਸਿੰਘ, ਹਰਦੀਪ ਸਿੰਘ ਢਿੱਲੋਂ,
ਬਿਕਰਮ ਸਿੰਘ ਹਰਿਆਣਾ, ਬਜਿੰਦਰ ਸਿੰਘ ਹਰਿਆਣਾ, ਹਰਵਿੰਦਰ ਸਿੰਘ ਬਿੱਲੂ, ਗੁਰਦਰਸ਼ਨ
ਸਿੰਘ ਗੋਲੂ, ਕੇਵਲ ਸਿੰਘ ਭਾਊ, ਨਰਪਿੰਦਰ ਸਿੰਘ ਢੱਡਰੀਆਂ, ਜਤਿੰਦਰ ਸਿੰਘ ਬੈਂਸ,
ਗੁਰਦੀਪ ਸਿੰਘ ਗੱਗੀ, ਹਰਪ੍ਰੀਤ ਸਿੰਘ ਕਿਸ਼ਨਗੜ, ਪਲਵਿੰਦਰ ਸਿੰਘ ਸੋਨੀ, ਗੁਰਪ੍ਰੀਤ
ਸਿੰਘ ਸੋਧੀ, ਮਨਜਿੰਦਰ ਸਿੰਘ, ਆਤਮਾ ਸਿੰਘ, ਅਜੀਤਪਾਲ ਸਿੰਘ ਲਾਲੀ ਬੁਟਹਾਰੀ, ਬਲਰਾਜ
ਸਿੰਘ ਬਾਜੀ ਜੰਡ ਲੁਧਿਆਣਾ ਨੂੰ ਰੱਖਿਆ ਗਿਆ ਹੈ। ਇਨ੍ਹਾਂ ਖਿਡਾਰੀਆਂ ਦਾ ਕੋਚਿੰਗ
ਕੈਂਪ ਲੁਧਿਆਣਾ ਵਿਖੇ ਲੱਗੇਗਾ।
ਵਿਜੋਲਾ ਨੇ ਧਾਰੀਵਾਲ ਬੇਟ ਨੂੰ ਕੀਤਾ
ਚਿੱਤ
ਸੁਭਾਨਪੁਰ, 22 ਮਾਰਚ - ਬਾਬਾ ਵਰਿਆਮ ਸਿੰਘ ਕਬੱਡੀ ਟੂਰਨਾਮੈਂਟ ਪਿੰਡ
ਵਿਜੋਲਾ 'ਚ ਕਰਵਾਇਆ ਗਿਆ। ਇਸ ਕਬੱਡੀ ਟੂਰਨਾਮੈਂਟ ਦੌਰਾਨ 40 ਕਿਲੋ ਭਾਰ ਵਰਗ ਦੇ
ਫਾਈਨਲ ਵਿਚ ਸੱਧਾ ਸਿੰਘ ਵਾਲਾ ਮੋਗਾ ਨੇ ਮੇਜ਼ਬਾਨ ਵਿਜੋਲਾ ਨੂੰ ਹਰਾ ਕਿ ਪਹਿਲਾ ਇਨਾਮ,
63 ਕਿਲੋ ਵਿਚ ਖੀਰਾਂਵਾਲ ਨੇ ਫਤਿਹ ਜਲਾਲ ਨੂੰ ਹਰਾਇਆ। ਕਬੱਡੀ ਓਪਨ ਵਿਚ 20 ਤੋਂ
ਵੱਧ ਟੀਮਾਂ ਨੇ ਹਿੱਸਾ ਲਿਆ। ਜਿਸ ਵਿੱਚ ਫਾਈਨਲ ਮੈਚ ਮੇਜ਼ਬਾਨ ਵਿਜੋਲਾ ਅਤੇ ਧਾਲੀਵਾਲ
ਬੇਟ ਦੇ ਗੱਬਰੂਆਂ ਵਿਚਾਲੇ ਖੇਡਿਆ ਗਿਆ। ਇਸ ਫਾਈਨਲ ਮੈਚ ਦਾ ਮੁੱਖ ਆਕਰਸ਼ਨ ਰਹੀਆਂ
ਅੰਤਰ ਰਾਸ਼ਟਰੀ ਕਬੱਡੀ ਖਿਡਾਰੀ ਲਾਡੀ ਵਿਜੋਲਾ ਦੀਆਂ ਰੇਡਾਂ ਰਹੀਆਂ, ਜਿਸ ਨੇ ਆਪਣੀ
ਟੀਮ ਨੂੰ ਓਪਨ ਦਾ ਜੇਤੂ ਤਾਜ ਪਹਿਨਾਇਆ ਅਤੇ ਪਹਿਲਾ ਇਨਾਮ 25 ਹਜ਼ਾਰ ਜਿੱਤਿਆ। ਇਸ
ਮੌਕੇ ਗੀਤਕਾਰ ਕਾਲਾ ਨਿਜ਼ਾਮਪੁਰੀ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ।
ਧਨੌਰੀ ਦੀ ਟੀਮ ਬਣੀ ਚੈਂਪੀਅਨ
ਚਮਕੌਰ ਸਾਹਿਬ, 22 ਮਾਰਚ - ਦੋ ਰੋਜ਼ਾ ਕਬੱਡੀ ਖੇਡ ਮੇਲਾ ਚਮਕੌਰ ਸਾਹਿਬ ਦੇ
ਸਟੇਡੀਅਮ 'ਚ ਪੰਜ ਪਿਆਰਿਆਂ ਦੀ ਯਾਦ ਵਿਚ ਕਰਵਾਇਆ ਗਿਆ। ਇਸ ਕਬੱਡੀ ਖੇਡ ਮੇਲੇ ਵਿਚ
ਆਲ ਓਪਨ ਕਬੱਡੀ ਦਾ ਮੁਕਾਬਲਾ ਬਾਬਾ ਗਾਜੀ ਦਾਸ ਕਬੱਡੀ ਕਲੱਬ ਧਨੌਰੀ ਨੇ ਖੁੱਡਾ ਅਲੀ
ਸ਼ੇਰ ਦੀ ਟੀਮ ਨੂੰ ਹਰਾ ਕੇ 41 ਹਜ਼ਾਰ ਅਤੇ ਟਰਾਫੀ ਤੇ ਕਬਜ਼ਾ ਕੀਤਾ। ਉਪ ਜੇਤੂ ਟੀਮ
ਨੂੰ 31 ਹਜ਼ਾਰ ਰੁਪਏ ਇਨਾਮ ਵਜੋਂ ਦਿੱਤੇ ਗਏ। ਇਸ ਦੌਰਾਨ ਪੰਜਾਬ ਭਰ ਤੋਂ ਆਈਆਂ ਟੀਮਾਂ
ਨੇ ਹਿੱਸਾ ਲੈਂਦਿਆਂ 47 ਕਿਲੋ ਵਰਗ ਵਿਚ ਨਾਨੋਵਾਲ ਨੇ ਕਾਲਸ ਕਲਾਂ ਨੂੰ 52 ਕਿਲੋ
ਵਰਗ ਵਿਚ ਸਹੇੜੀ ਨੇ ਕਾਲਸ ਕਲਾਂ ਨੂੰ 57 ਕਿਲੋ ਵਰਗ ਵਿਚ ਬਾਂਗਰ ਗੁਜਰਾਂ ਨੇ ਜਸਪਾਲ
ਬਾਂਗਰ ਨੂੰ ਅਤੇ 65 ਕਿਲੋ ਵਰਗ ਵਿਚ ਬਦਨਪੁਰ ਦੀ ਟੀਮ ਨੇ ਸਮਿਧੀ ਦੀ ਟੀਮ ਨੂੰ
ਫਾਈਨਲ ਵਿਚ ਹਰਾ ਕੇ ਆਪਣੇ-ਆਪਣੇ ਵਰਗ ਦੇ ਮੁਕਾਬਲੇ ਆਪਣੇ ਨਾਂਅ ਕਰਵਾਏ। ਆਲ ਓਪਨ
ਵਰਗ ਦੇ ਫਾਈਨਲ ਵਿਚ ਬਾਬਾ ਗਾਜੀ ਦਾਸ ਕਬੱਡੀ ਕਲੱਬ ਧਨੌਰੀ ਦੇ ਤੇਜ਼ਤਰਾਰ ਖਿਡਾਰੀ ਨੇ
ਖੁੱਡਾ ਅਲੀਸ਼ੇਰ ਨੂੰ ਹਰਾ ਕੇ ਟੂਰਨਾਮੈਂਟ ਆਪਣੇ ਨਾਂਅ ਕਰਵਾਇਆ।
ਵਿਸ਼ਵ ਕਬੱਡੀ ਕੱਪ 3 ਅਪ੍ਰੈਲ ਤੋਂ
ਅਜੀਤ ਨਗਰ, 21 ਮਾਰਚ - ਵਿਸ਼ਵ ਕਬੱਡੀ ਕੱਪ ਪੰਜਾਬ ਦੇ ਰਿਆਸਤੀ ਸ਼ਹਿਰ ਪਟਿਆਲਾ
ਵਿਚ 3 ਅਪ੍ਰੈਲ ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਵਿਚ ਦੁਨੀਆਂ ਭਰ ਦੀਆਂ
ਚੋਟੀ ਦੀਆਂ 10 ਕੌਮਾਂਤਰੀ ਕਬੱਡੀ ਟੀਮਾਂ ਸ਼ਮੂਲੀਅਤ ਕਰ ਰਹੀਆਂ ਹਨ। ਇਸ ਟੂਰਨਾਮੈਂਟ
ਲਈ ਇੰਗਲੈਡ, ਅਮਰੀਕਾ , ਕੈਨੇਡਾ , ਪਾਕਿਸਤਾਨ , ਇਰਾਨ , ਆਸਟ੍ਰੇਲੀਆ , ਇਟਲੀ,
ਸਪੇਨ ਅਤੇ ਮੇਜਬਾਨ ਦੇਸ਼ ਦੀਆਂ 9 ਟੀਮਾਂ ਨੇ ਆਪਣੀ ਸਹਿਮਤੀ ਭੇਜ ਦਿੱਤੀ ਹੈ ਤੇ ਦਸਵੀਂ
ਟੀਮ ਦਾ ਫੈਸਲਾ ਵੀ ਇਕ ਦੋ ਦਿਨਾਂ ਅੰਦਰ ਹੋ ਜਾਵੇਗਾ। ਉਦਘਾਟਨੀ ਮੈਚ ਤਿੰਨ ਅਪ੍ਰੈਲ
ਨੂੰ ਪਟਿਆਲਾ ਅਤੇ ਫਾਈਨਲ ਮੈਚ ਤੇ ਸਮਾਪਤੀ ਸਮਾਗਮ 15 ਅਪ੍ਰੈਲ ਨੂੰ ਲੁਧਿਆਣਾ ਦੇ
ਗੁਰੂ ਨਾਨਕ ਸਟੇਡੀਅਮ ਵਿਖੇ ਹੋਵੇਗਾ। ਬਾਕੀ ਮੁਕਾਬਲੇ ਪਟਿਆਲਾ ਵਿਚ ਤਿੰਨ ਅਤੇ ਚਾਰ
ਅਪ੍ਰੈਲ, ਸੰਗਰੂਰ ਵਿਚ 5 ਅਪ੍ਰੈਲ, ਮੁਕਤਸਰ ਵਿਚ 7 ਅਪ੍ਰੈਲ, ਬਠਿੰਡਾ ਵਿਚ 8
ਅਪ੍ਰੈਲ, ਅੰਮ੍ਰਿਤਸਰ ਵਿਚ 10 ਅਪ੍ਰੈਲ, ਹੁਸ਼ਿਆਰਪੁਰ ਵਿਚ 11 ਅਪ੍ਰੈਲ ਅਤੇ ਜਲੰਧਰ
ਵਿਚ 12 ਅਪ੍ਰੈਲ ਨੂੰ ਹੋਣਗੇ। ਇਸ ਚੈਪੀਅਨਸ਼ਿਪ ਨੂੰ ਜਿੱਤਣ ਵਾਲੀ ਟੀਮ ਨੂੰ ਇਕ ਕਰੋੜ
ਰੁਪਏ, ਦੂਸਰੇ ਸਥਾਨ ਤੇ ਆਉਣ ਵਾਲੀ ਟੀਮ ਨੂੰ 51 ਲੱਖ ਅਤੇ ਤੀਸਰੇ ਸਥਾਨ 'ਤੇ ਰਹਿਣ
ਵਾਲੀ ਟੀਮ ਨੂੰ 25 ਲੱਖ ਇਨਾਮ ਵਜੋਂ ਮਿਲਣਗੇ।
ਪਿੰਡ ਜਲਾਲਦੀਵਾਲ ਦਾ 54ਵਾਂ ਖੇਡ ਮੇਲਾ
25 ਤੋਂ
ਰਾਏਕੋਟ, 21 ਮਾਰਚ - ਪਿੰਡ ਜਲਾਲਦੀਵਾਲ ਦਾ 54ਵਾਂ ਖੇਡ ਮੇਲਾ 25 ਮਾਰਚ
ਤੋਂ 29 ਮਾਰਚ ਤੱਕ ਕਰਵਾਇਆ ਜਾ ਰਿਹਾ ਹੈ। 25 ਮਾਰਚ ਨੂੰ ਟੂਰਨਾਮੈਂਟ ਦਾ ਉਦਘਾਟਨ
ਤੇ ਕਬੱਡੀ 47, 57 ਕਿਲੋ, ਵਾਲੀਬਾਲ ਸ਼ੂਟਿੰਗ, ਤਾਸ਼ ਸੀਪ, 26 ਮਾਰਚ ਨੂੰ ਕਬੱਡੀ 70
ਕਿਲੋ ਦੇ ਮੁਕਾਬਲੇ ਹੋਣਗੇ, ਜਿਸ 'ਚ ਦੋ ਖਿਡਾਰੀ ਬਾਹਰਲੇ ਖੇਡ ਸਕਦੇ ਹਨ ਅਤੇ ਕਬੱਡੀ
ਓਪਨ ਮੁਕਾਬਲੇ 'ਚ ਇਕ ਖਿਡਾਰੀ ਬਾਹਰਲਾ ਖੇਡ ਸਕਦਾ ਹੈ। 28 ਮਾਰਚ ਨੂੰ ਖੀਰੇ-ਦੁੱਗੇ
ਬਲਦਾਂ ਦੀਆਂ ਦੌੜਾਂ, 29 ਮਾਰਚ ਨੂੰ ਵੱਡੇ ਬਲਦਾਂ ਦੀਆਂ ਦੌੜਾਂ ਕਰਵਾਈਆਂ ਜਾਣਗੀਆਂ।
ਟੂਰਨਾਮੈਂਟ ਵਿਚ ਕਬੱਡੀ 70 ਕਿਲੋ ਅਤੇ ਕਬੱਡੀ ਓਪਨ 'ਚ ਖੇਡਣ ਵਾਲੇ ਕੇਸਾਧਾਰੀ ਵਧੀਆ
ਖਿਡਾਰੀਆਂ ਦਾ ਸਨਮਾਨ ਕੇਵਲ ਸਿੰਘ ਪੂਨੀਆ ਚੇਅਰਮੈਨ ਪਸਵਕ ਕਮੇਟੀ ਜਲਾਲਦੀਵਾਲ ਵੱਲੋਂ
ਕੀਤਾ ਜਾਵੇਗਾ।
43ਵਾਂ ਪਿੰਡ ਵਲਟੋਹਾ ਦਾ ਕਬੱਡੀ
ਟੂਰਨਾਮੈਂਟ ਸਮਾਪਤ
ਮੱਲਾਂਵਾਲਾ/ਖੋਸਾ ਦਲ ਸਿੰਘ, 17 ਮਾਰਚ - 43ਵਾਂ ਸਲਾਨਾ ਜੋੜ ਮੇਲਾ ਅਤੇ
ਕਬੱਡੀ ਟੂਰਨਾਮੈਂਟ ਪਿੰਡ ਵਲਟੋਹਾ 'ਚ ਕਰਵਾਇਆ ਗਿਆ। ਇਸ ਮੇਲੇ ਵਿਚ ਕਬੱਡੀ ਦੀਆਂ 80
ਟੀਮਾਂ ਨੇ ਭਾਗ ਲਿਆ। 52 ਕਿਲੋਗ੍ਰਾਮ ਵਰਗ ਵਿਚ ਭਿੰਡਰ ਕਲਾਂ ਦੀ ਟੀਮ ਪਹਿਲੇ ਅਤੇ
ਖੋਸਾ ਪਾਂਡੋ ਦੀ ਟੀਮ ਦੂਜੇ ਸਥਾਨ 'ਤੇ ਰਹੀ। 65 ਕਿਲੋਗ੍ਰਾਮ ਵਰਗ ਵਿਚ ਲੋਪੋ ਦੀ
ਟੀਮ ਪਹਿਲੇ ਅਤੇ ਧੰਨਾ ਸ਼ਹੀਦ ਦੀ ਟੀਮ ਦੂਜੇ ਸਥਾਨ 'ਤੇ ਰਹੀ। ਓਪਨ ਕਬੱਡੀ ਵਿਚ
ਚੂਚਕਵਿੰਡ ਦੀ ਟੀਮ ਪਹਿਲੇ ਅਤੇ ਵਕੀਲਾਂ ਵਾਲੀ ਦੀ ਟੀਮ ਦੂਜੇ ਸਥਾਨ 'ਤੇ ਰਹੀ।
ਵਿਸ਼ਵ ਕੱਪ ਕਬੱਡੀ ਮੁਕਾਬਲਾ 3 ਤੋਂ
ਲੁਧਿਆਣਾ, 15 ਮਾਰਚ - ਪੰਜਾਬ ਦੇ ਵੱਖ ਵੱਖ ਸ਼ਹਿਰਾਂ ਵਿਚ 3 ਤੋਂ 15
ਅਪ੍ਰੈਲ ਤੱਕ ਵਿਸ਼ਵ ਕੱਪ ਕਬੱਡੀ ਮੁਕਾਬਲਾ ਕਰਵਾਇਆ ਜਾ ਰਿਹਾ ਹੈ। ਵਿਸ਼ਵ ਕਬੱਡੀ ਕੱਪ
ਦਾ ਉਦਘਾਟਨੀ ਸਮਾਰੋਹ ਪਟਿਆਲਾ ਵਿਖੇ ਅਤੇ ਸਮਾਪਤੀ ਸਮਾਰੋਹ ਗੁਰੂ ਨਾਨਕ ਸਟੇਡੀਅਮ
ਲੁਧਿਆਣਾ ਵਿਖੇ ਹੋਵੇਗਾ। ਵਿਸ਼ਵ ਕਬੱਡੀ ਕੱਪ ਦੇ ਸਾਰੇ ਮੈਚ ਫਲੱਡ ਲਾਈਟਾਂ ਦੀ ਰੌਸ਼ਨੀ
ਵਿਚ ਹੋਣਗੇ। ਵਿਸ਼ਵ ਕੱਪ ਕਬੱਡੀ ਦੇ ਮੈਚ ਲੁਧਿਆਣਾ, ਜਲੰਧਰ, ਅੰਮ੍ਰਿਤਸਰ, ਬਠਿੰਡਾ,
ਹੁਸ਼ਿਆਰਪੁਰ, ਮੁਕਤਸਰ ਜ਼ਿਲ੍ਹਿਆਂ ਦੇ ਪ੍ਰਮੁੱਖ ਸਟੇਡੀਅਮ ਵਿਚ ਹੋਣਗੇ। ਸਾਬਕਾ ਰਾਸ਼ਟਰੀ
ਕੋਚ ਦੇਵੀ ਦਿਆਲ ਨੂੰ ਆਸਟਰੇਲੀਆ, ਨਿਊਜੀਲੈਂਡ ਟੀਮਾਂ ਲਈ ਅਬਜ਼ਰਵਰ ਬਣਾਇਆ ਹੈ। ਇਸ
ਵਿਚ ਭਾਰਤ ਤੋਂ ਇਲਾਵਾ, ਅਮਰੀਕਾ, ਕੈਨੇਡਾ, ਇੰਗਲੈਂਡ, ਇਟਲੀ, ਨਾਰਵੇ, ਆਸਟਰੇਲੀਆ,
ਨਿਊਜੀਲੈਂਡ, ਡੁਬੱਈ, ਪਾਕਿਸਤਾਨ, ਇਰਾਨ ਆਦਿ ਮੁਲਕਾਂ ਦੀਆਂ ਟੀਮਾਂ ਹਿੱਸਾ ਲੈਣਗੀਆਂ।
ਚੈਂਪੀਅਨ ਟੀਮ ਨੂੰ ਇਕ ਕਰੋੜ, ਉਪ ਜੇਤੂ ਨੂੰ 50 ਲੱਖ ਤੀਸਰੇ ਸਥਾਨ ਵਾਲੀ ਨੂੰ 25
ਲੱਖ ਦਾ ਜੇਤੂ ਇਨਾਮ ਮਿਲੇਗਾ।
ਮੀਰੀ-ਪੀਰੀ ਕਲੱਬ ਕਪੂਰਥਲਾ ਦੀ
ਝੰਡੀ
ਅੱਚਲ ਸਾਹਿਬ, 15 ਮਾਰਚ - ਪਹਿਲਾ ਕਬੱਡੀ ਗੋਲਡ ਕੱਪ ਗੁਰਦਾਸਪੁਰ ਜ਼ਿਲ੍ਹੇ
ਦੇ ਪਿੰਡ ਬੱਲਪੁਰੀਆਂ ਵਿਖੇ ਕਰਵਾਇਆ ਗਿਆ। ਇਸ ਕਬੱਡੀ ਗੋਲਡ ਕੱਪ ਦੇ ਪਹਿਲੇ ਮੈਚ
ਦੌਰਾਨ ਚੜ੍ਹਦੀ ਕਲਾ ਕਬੱਡੀ ਕਲੱਬ ਨੂੰ ਮੀਰੀ-ਪੀਰੀ ਕਲੱਬ ਨੇ ਹਰਾਇਆ। ਅਕੈਡਮੀਆਂ ਦੇ
ਫਸਵੇਂ ਮੁਕਾਬਲਿਆਂ ਵਿਚੋਂ ਬਾਬਾ ਦਲੀਪ ਸਿੰਘ ਬੱਲ ਅਕੈਡਮੀ ਨੇ ਅੰਮ੍ਰਿਤਸਰ ਕਬੱਡੀ
ਅਕੈਡਮੀ ਨੂੰ 35-15 ਨਾਲ ਹਾਰ ਦਿੱਤੀ ਅਤੇ ਫਾਈਨਲ ਮੁਕਾਬਲਿਆਂ ਦੌਰਾਨ ਮੀਰੀ-ਪੀਰੀ
ਕਬੱਡੀ ਕਲੱਬ ਕਪੂਰਥਲਾ ਨੇ ਅੰਬੀ ਹਠੂਰ ਮੋਗਾ ਇੰਟਰਨੈਸ਼ਨਲ ਕਲੱਬ ਨੂੰ 26-45 ਨਾਲ ਹਰਾ
ਕੇ 10 ਮੋਟਰ ਸਾਈਕਲ ਅਤੇ ਕਬੱਡੀ ਗੋਲਡ ਕੱਪ ਜਿੱਤਿਆ।
ਵਿਸ਼ਵ ਕੱਪ ਕਬੱਡੀ ਲਈ ਟੀਮ ਦੀ ਚੋਣ 20
ਨੂੰ
ਚੰਡੀਗੜ੍ਹ, 15 ਮਾਰਚ - ਪੰਜਾਬ ਖੇਡ ਵਿਭਾਗ ਵੱਲੋਂ ਵਿਸ਼ਵ ਕੱਪ ਕਬੱਡੀ (ਸਰਕਲ
ਸਟਾਈਲ) ਪੰਜਾਬ ਲਈ ਭਾਰਤੀ ਟੀਮ ਚੁਣਨ ਵਾਸਤੇ ਟਰਾਇਲ 20 ਮਾਰਚ ਨੂੰ ਹੋਣਗੇ। ਲੁਧਿਆਣਾ
ਦੇ ਗੁਰੂ ਨਾਨਕ ਸਟੇਡੀਅਮ ਵਿਖੇ ਇਹ ਟਰਾਇਲ 20 ਮਾਰਚ ਨੂੰ ਸਵੇਰ 9 ਵਜੇ ਲਏ ਜਾਣਗੇ।
22ਵੇਂ ਅੰਤਰਰਾਸ਼ਟਰੀ ਕਬੱਡੀ ਕੱਪ 'ਚ ਬਾਬਾ
ਫਰੀਦ ਫਰੀਦਕੋਟ ਦੀ ਝੰਡੀ
ਘੱਗਾ, 14 ਮਾਰਚ - 22ਵਾਂ ਅੰਤਰਰਾਸ਼ਟਰੀ ਕਬੱਡੀ ਕੱਪ ਪਟਿਆਲਾ ਜ਼ਿਲ੍ਹੇ ਦੇ
ਪਿੰਡ ਕਕਰਾਲਾ ਭਾਈਕਾ 'ਚ ਕਰਵਾਇਆ ਗਿਆ। ਜਿਸ ਵਿੱਚ ਕਬੱਡੀ 65 ਕਿਲੋ ਅਤੇ ਕਬੱਡੀ 70
ਕਿਲੋ ਦੇ ਮੁਕਾਬਲਿਆਂ ਤੋਂ ਇਲਾਵਾ ਅਕੈਡਮੀਆਂ ਦੇ ਮੈਚ ਵੀ ਕਰਵਾਏ ਗਏ। 65 ਕਿਲੋ ਭਾਰ
ਵਿੱਚ ਕਕਰਾਲਾ ਭਾਈਕਾ ਨੇ ਪਹਿਲਾ ਅਤੇ ਦੇਧਨਾ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਸੱਤਰ
ਕਿਲੋ ਭਾਰ ਵਿੱਚ ਝਨੇੜੀ ਨੇ ਪਹਿਲੀ ਅਤੇ ਬਾਠਾਂ ਨੇ ਦੂਜੀ ਥਾਂ ਮੱਲੀ। ਅਕੈਡਮੀਆਂ ਦੇ
ਹੋਏ ਮੁਕਾਬਲਿਆਂ ਵਿੱਚ ਬਾਬਾ ਫਰੀਦ ਫਰੀਦਕੋਟ ਨੇ ਮੀਰੀ ਪੀਰੀ ਮਹਿਰਾਜ ਅਕੈਡਮੀ ਨੂੰ
ਤਿੰਨ ਅੰਕਾਂ ਨਾਲ ਹਰਾ ਕੇ ਕਬੱਡੀ ਕੱਪ ਚੁੰਮਿਆ। ਕਲੱਬ ਵੱਲੋਂ ਅੰਤਰਰਾਸ਼ਟਰੀ ਕਬੱਡੀ
ਖਿਡਾਰੀ ਸੋਮਾਂ ਘਰਾਚੋਂ, ਬਿੱਟੂ ਦੁਗਾਲ, ਕੁਲਬੀਰ ਕਾਲੀਆ, ਜੋਗੀ ਦੇਧਨਾ, ਗੁਲਜਾਰੀ
ਮੂਣਕ ਤੇ ਲਾਖਾ ਦੁਗਾਲ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ।
ਪਿੰਡ ਨਾਗਰਾ ਦਾ ਕਬੱਡੀ ਟੂਰਨਾਮੈਂਟ 16
ਨੂੰ
ਮਕਸੂਦਾਂ, 13 ਮਾਰਚ - ਇਕ ਰੋਜ਼ਾ ਕਬੱਡੀ ਟੂਰਨਾਮੈਂਟ 16 ਮਾਰਚ ਨੂੰ ਪਿੰਡ
ਨਾਗਰਾ 'ਚ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ ਦੇਸ਼-ਵਿਦੇਸ਼ ਦੀਆਂ ਕਬੱਡੀ ਅਕੈਡਮੀਆਂ
ਭਾਗ ਲੈ ਰਹੀਆਂ ਹਨ। ਇਸ ਮੌਕੇ 'ਤੇ ਸਭਿਆਚਾਰਕ ਪ੍ਰੋਗਰਾਮ ਅਤੇ ਗਿੱਧਾ-ਭੁੰਗੜੇ ਦਾ
ਵਿਸ਼ੇਸ਼ ਟੀਮਾਂ ਪਹੁੰਚ ਰਹੀਆਂ ਹਨ।
ਖਡੂਰ ਸਾਹਿਬ ਕਬੱਡੀ ਕੱਪ 'ਤੇ ਮੀਰੀ ਪੀਰੀ
ਅਕੈਡਮੀ ਦਾ ਕਬਜ਼ਾ
ਖਡੂਰ ਸਾਹਿਬ, 11 ਮਾਰਚ - ਖਡੂਰ ਸਾਹਿਬ 'ਚ ਕਬੱਡੀ ਗੋਲਡ ਕੱਪ ਕਰਵਾਇਆ ਗਿਆ।
ਇਸ ਕਬੱਡੀ ਗੋਲਡ ਕੱਪ 'ਤੇ ਮੀਰੀ ਪੀਰੀ ਅਕੈਡਮੀ ਨੇ ਕਬਜ਼ਾ ਕੀਤਾ। ਫਾਈਨਲ ਮੈਚ ਵਿਚ
ਮੀਰੀ ਪੀਰੀ ਅਕੈਡਮੀ ਨੇ ਚੜ੍ਹਦੀ ਕਲਾ ਅਕੈਡਮੀ ਜਲੰਧਰ ਨੂੰ ਹਰਾ ਕੇ ਇਕ ਲੱਖ ਰੁਪਏ
ਦਾ ਨਕਦ ਇਨਾਮ ਜਿੱਤਿਆ। ਤੀਜੇ ਸਥਾਨ 'ਤੇ ਖਡੂਰ ਸਾਹਿਬ ਕਲੱਬ ਰਿਹਾ। ਸੈਮੀਫਾਈਨਲ
ਵਿਚ ਚੜ੍ਹਦੀ ਕਲਾ ਅਕੈਡਮੀ ਜਲੰਧਰ ਨੇ ਅੰਬੀ ਹਠੂਰ ਕਲੱਬ ਮੋਗਾ ਨੂੰ 31 ਦੇ ਮੁਕਾਬਲੇ
ਸਾਢੇ 33 ਅੰਕਾਂ ਨਾਲ ਹਰਾਇਆ ਅਤੇ ਮੀਰੀ ਪੀਰੀ ਅਕੈਡਮੀ ਨੇ ਖਡੂਰ ਸਾਹਿਬ ਕਲੱਬ ਨੂੰ
ਸਾਢੇ 25 ਦੇ ਮੁਕਾਬਲੇ 29 ਅੰਕਾਂ ਨਾਲ ਹਰਾਇਆ। ਕਬੱਡੀ ਮੈਚਾਂ ਤੋਂ ਮਗਰੋਂ ਪੰਜਾਬੀ
ਗਾਇਕ ਮਨਮੋਹਨ ਵਾਰਿਸ ਅਤੇ ਕਮਲ ਹੀਰ ਨੇ ਗੀਤਾਂ ਨਾਲ ਚੰਗਾ ਰੰਗ ਬੰਨਿਆ। ਗੁੱਗੂ
ਗਿੱਲ ਦੀ ਆਮਦ ਵੀ ਦਰਸ਼ਕਾਂ ਲਈ ਖਿੱਚ ਦਾ ਕੇਂਦਰ ਬਣੀ।
ਮੀਰੀ-ਪੀਰੀ ਵਰਲਡ ਕਬੱਡੀ ਕੱਪ 14 ਨੂੰ
ਬਟਾਲਾ, 11 ਮਾਰਚ - 14 ਮਾਰਚ ਨੂੰ ਪਿੰਡ ਔਲਖ 'ਚ ਮੀਰੀ-ਪੀਰੀ ਵਰਲਡ ਕਬੱਡੀ
ਕੱਪ ਕਰਵਾਇਆ ਜਾ ਰਿਹਾ ਹੈ। ਇਸ ਅੰਤਰਾਸ਼ਟਰੀ ਕਬੱਡੀ ਕੱਪ ਵਿਚ ਵਿਸ਼ਵ ਪ੍ਰਸਿੱਧ 8
ਅੰਤਰਾਸ਼ਟਰੀ ਕਬੱਡੀ ਅਕੈਡਮੀਆਂ ਹਿੱਸਾ ਲੈਣਗੀਆਂ। ਇਸ ਕਬੱਡੀ ਕੱਪ ਵਿਚ ਉਘੇ ਲੋਕ
ਗਾਇਕ ਰਵਿੰਦਰ ਗਰੇਵਾਲ ਅਤੇ ਹਰਜੀਤ ਹਰਮਨ ਦਾ ਖੁੱਲਾ ਅਖਾੜਾ ਲੱਗੇਗਾ। ਜੇਤੂ ਅਕੈਡਮੀ
ਨੂੰ ਇਕ ਲੱਖ ਰੁਪਏ, ਦੂਜੇ ਨੰਬਰ 'ਤੇ ਆਉਣ ਵਾਲੀ ਅਕੈਡਮੀ ਨੂੰ 75 ਹਜ਼ਾਰ ਰੁਪਏ ਅਤੇ
ਕਬੱਡੀ ਕੱਪ ਵਿਚ ਹਿੱਸਾ ਲੈਣ ਵਾਲੀ ਕਬੱਡੀ ਅਕੈਡਮੀ ਨੂੰ 20-20 ਹਜ਼ਾਰ ਰੁਪਏ ਨਕ
ਇਨਾਮ ਵਜੋਂ ਦਿੱਤੇ ਜਾਣਗੇ।
ਪਿੰਡ ਲੱਖਣ ਕੇ ਪੱਡਾ ਦਾ 55ਵਾਂ ਕਬੱਡੀ
ਟੂਰਨਾਮੈਂਟ 12 ਤੋਂ
ਨਡਾਲਾ, 9 ਮਾਰਚ - 55ਵਾਂ ਕਬੱਡੀ ਟੂਰਨਾਮੈਂਟ 12 ਤੋਂ 14 ਮਾਰਚ ਤੱਕ ਪਿੰਡ
ਲੱਖਣ ਕੇ ਪੱਡਾ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਕਬੱਡੀ ਓਪਨ ਪਿੰਡ ਪੱਧਰ, ਕਬੱਡੀ 57,
50, 40 ਤੇ ਕਿਲੋ ਪਿੰਡ ਪੱਧਰ ਦੇ ਫ਼ਸਵੇਂ ਮੁਕਾਬਲੇ ਹੋਣਗੇ। 12 ਮਾਰਚ ਨੂੰ ਵਾਲੀਬਾਲ
ਦੇ ਸਾਰੇ ਮੈਚ ਹੋਣਗੇ। 14 ਮਾਰਚ ਨੂੰ ਪ੍ਰਸਿੱਧ ਗਾਇਕ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼
ਕਰਨਗੇ।
ਪਿੰਡ ਕੋਹਰ ਸਿੰਘ ਵਾਲਾ 'ਚ ਦੋ ਰੋਜ਼ਾ
ਕਬੱਡੀ ਟੂਰਨਾਮੈਂਟ 14 ਤੋਂ
ਗੋਲੂ ਕਾ ਮੋੜ, 9 ਮਾਰਚ - ਦੋ ਰੋਜ਼ਾ ਕਬੱਡੀ ਟੂਰਨਾਮੈਂਟ 14-15 ਮਾਰਚ ਨੂੰ
ਪਿੰਡ ਕੋਹਰ ਸਿੰਘ ਵਾਲਾ ਦੇ ਖੇਡ ਸਟੇਡੀਅਮ 'ਚ ਕਰਵਾਇਆ ਜਾ ਰਿਹਾ ਹੈ। ਜਿਸ ਦੌਰਾਨ
14 ਮਾਰਚ ਨੂੰ 57 ਕਿਲੋ ਕਬੱਡੀ ਦੇ ਮੈਚ ਕਰਵਾਏ ਜਾਣਗੇ। 15 ਮਾਰਚ ਨੂੰ ਓਪਨ ਕਬੱਡੀ
ਮੈਚ ਕਰਵਾਏ ਜਾਣਗੇ, ਜਿਸ ਦੌਰਾਨ ਓਪਨ ਕਬੱਡੀ ਵਿਚ ਜੇਤੂ ਟੀਮ ਨੂੰ ਪਹਿਲਾ ਇਨਾਮ 17
ਹਜ਼ਾਰ, ਦੂਜਾ ਇਨਾਮ 12 ਹਜ਼ਾਰ ਦਿੱਤਾ ਜਾਵੇਗਾ। 57 ਕਿਲੋ ਵਰਗ ਵਿਚ ਪਹਿਲਾ ਇਨਾਮ 5
ਹਜ਼ਾਰ ਤੇ ਦੂਜਾ ਇਨਾਮ 3 ਹਜ਼ਾਰ ਰੁਪਏ ਦਿੱਤਾ ਜਾਵੇਗਾ। ਕੁੱਕੜ ਫੜਨਾ, ਬਜ਼ੁਰਗਾਂ ਦੀ
ਦੌੜ ਵਾਲੀ ਖੇਡ ਵੀ ਕਰਵਾਈ ਜਾਵੇਗੀ।
ਦੂਜਾ ਇੰਟਰਨੈਸ਼ਨਲ ਇੰਟਰਸਿਟੀ ਕਬੱਡੀ
ਟੂਰਨਾਮੈਂਟ ਸਮਾਪਤ
ਕੁਆਲਾਲੰਪੁਰ (ਮਲੇਸ਼ੀਆ), 8 ਮਾਰਚ - ਦੂਜਾ ਇੰਟਰਨੈਸ਼ਨਲ ਇੰਟਰਸਿਟੀ ਕਬੱਡੀ
ਟੂਰਨਾਮੈਂਟ ਕੁਆਲਾਲੰਪੁਰ ਦੇ ਟੀਟੀਬਾਂਗਸਾ ਸਟੇਡੀਅਮ 'ਚ ਕਰਵਾਇਆ ਗਿਆ। ਇਸ ਕਬੱਡੀ
ਟੂਰਨਾਮੈਂਟ ਦੇ ਪੁਰਸ਼ ਵਰਗ ਵਿਚ ਚੇਨਈ ਅਤੇ ਮਹਿਲਾ ਵਰਗ ਵਿਚ ਕੋਚ ਕੁਲਵਿੰਦਰ ਸਿੰਘ
ਦੀ ਅਗਵਾਈ ਵਾਲੀ ਜਗਤਪੁਰਾ ਦੀਆਂ ਟੀਮਾਂ ਨੇ ਖਿਤਾਬੀ ਜਿੱਤਾਂ ਹਾਸਲ ਕੀਤੀਆਂ। ਪੁਰਸ਼ਾਂ
ਦੇ ਵਰਗ ਵਿਚ ਫਾਇਨਲ ਮੁਕਾਬਲੇ ਵਿਚ ਚੇਨਈ ਨੇ ਮੇਜ਼ਬਾਨ ਕੁਆਲਾਲੰਪੁਰ ਨੂੰ 21-14 ਨਾਲ
ਹਰਾਇਆ। ਇਸ ਵਰਗ ਵਿਚ ਪਟਿਆਲਾ ਦੀ ਟੀਮ ਤੀਸਰੇ ਸਥਾਨ 'ਤੇ ਰਹੀ। ਚੇਨਈ ਦੇ ਕਰਨਮ ਨੂੰ
ਸਰਵੋਤਮ ਖਿਡਾਰੀ ਅਤੇ ਸੁੰਦਰ ਮੂਰਤੀ ਨੂੰ ਸਰਵੋਤਮ ਰੇਡਰ ਦਾ ਖਿਤਾਬ ਦਿੱਤਾ ਗਿਆ।
ਮਹਿਲਾ ਵਰਗ ਵਿਚ ਜਗਤਪੁਰਾ ਨੇ ਓਸਲੋ ਨੂੰ 52 ਦੇ ਮੁਕਾਬਲੇ 28 ਅੰਕਾਂ ਨਾਲ ਹਰਾਇਆ।
ਇਸ ਵਰਗ ਵਿਚ ਕੁਆਲਾਲੰਪੁਰ ਦੀ ਟੀਮ ਤੀਸਰੇ ਸਥਾਨ 'ਤੇ ਰਹੀ। ਲੜਕੀਆਂ ਦੇ ਵਰਗ ਵਿਚ
ਮਨਜੀਤ ਬੋਹਾ ਨੂੰ ਸਰਵੋਤਮ ਰੇਡਰ, ਅਨੂ ਨੂੰ ਸਰਵੋਤਮ ਜਾਫੀ ਅਤੇ ਜਸੂ ਨੂੰ ਸਰਵੋਤਮ
ਖਿਡਾਰੀ ਦਾ ਖਿਤਾਬ ਦਿੱਤਾ ਗਿਆ।
ਦੋ-ਦਿਨਾ ਕਬੱਡੀ ਟੂਰਨਾਮੈਂਟ ਸਮਾਪਤ
ਆਦਮਪੁਰ, 7 ਮਾਰਚ - ਦੋ ਦਿਨਾ ਕਬੱਡੀ ਟੂਰਨਾਮੈਂਟ ਅਤੇ ਘੋੜੀਆਂ ਦੀਆਂ ਦੌੜਾਂ
ਆਦਮਪੁਰ 'ਚ ਕਰਵਾਈਆਂ ਗਈਆਂ। ਇਸ ਵਿਚ ਕਬੱਡੀ ਓਪਨ ਪਿੰਡ ਪੱਧਰ ਵਿਚ ਲੱਖਣ ਕੇ ਪੱਡੇ
ਨੇ ਪਹਿਲਾ ਤੇ ਪਟਿਆਲਾ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। 65 ਕਿਲੋ ਕਲੱਬ ਵਿਚ ਚਮਿਆਰਾ
ਨੇ ਉਦੇਸੀਆਂ ਨੂੰ ਪਛਾੜਦਿਆਂ ਪਹਿਲਾਂ ਸਥਾਨ ਹਾਸਲ ਕੀਤਾ। 58 ਕਿਲੋ ਕਲੱਬ ਵਿਚ
ਫਤਿਹਪੁਰ ਨੇ ਪਹਿਲਾ ਤੇ ਚੋਰਾਹਾਂ ਨੇ ਦੂਜਾ ਸਥਾਨ ਹਾਸਿਲ ਕੀਤਾ।
ਵਰਲਡ ਕਬੱਡੀ ਕੱਪ ਗੁਰੂ ਨਾਨਕ ਅਕੈਡਮੀ
ਬਟਾਲਾ ਦੇ ਨਾਂਅ
ਬਟਾਲਾ, 6 ਮਾਰਚ - ਬਟਾਲਾ ਦੇ ਗੁਰੂ ਨਾਨਕ ਕਾਲਜ 'ਚ ਅੰਤਰ ਰਾਸ਼ਟਰੀ ਵਰਲਡ
ਕਬੱਡੀ ਕੱਪ ਕਰਵਾਇਆ ਗਿਆ। ਜਿਸ ਵਿਚ ਵੱਖ-ਵੱਖ ਅੱਠ ਕਬੱਡੀ ਅਕੈਡਮੀਆਂ ਨੇ ਹਿੱਸਾ
ਲਿਆ। ਟੂਰਨਾਮੈਂਟ ਦਾ ਫਾਈਨਲ ਮੈਚ ਸ਼੍ਰੀ ਗੁਰੂ ਨਾਨਕ ਦੇਵ ਅਕੈਡਮੀ ਬਟਾਲਾ ਅਤੇ
ਡੀ.ਏ.ਵੀ. ਕੈਲੇਫੋਰਨੀਆ ਜਲੰਧਰ ਦਰਮਿਆਨ ਖੇਡਿਆ ਗਿਆ, ਜਿਸ ਵਿਚ ਸ਼੍ਰੀ ਗੁਰੂ ਨਾਨਕ
ਦੇਵ ਅਕੈਡਮੀ ਜੇਤੂ ਰਹੀ। ਦੋਵਾਂ ਟੀਮਾਂ ਵਿਚੋਂ ਬੈਸਟ ਰੇਡਰ ਰਾਜੂ ਅਤੇ ਮੱਲ ਚੋੜਮਧਰਾ
ਅਤੇ ਬੈਸਟ ਸਟਾਪਰ ਬਲਕਾਰਾ ਅਤੇ ਮਾਂਜੂ ਔਲਖ ਨੂੰ ਐਲਾਨਿਆ ਗਿਆ। ਪ੍ਰਬੰਧਕਾਂ ਨੇ ਜੇਤੂ
ਟੀਮ ਨੂੰ ਇਕ ਲੱਖ ਰੁਪਏ ਅਤੇ ਦੂਸਰੀ ਟੀਮ ਨੂੰ 75 ਹਜ਼ਾਰ ਰੁਪਏ ਨਕਦ ਇਨਾਮ ਦਿੱਤੇ।
ਹਰੇਕ ਹਿੱਸਾ ਲੈਣ ਵਾਲੀ ਟੀਮ ਨੂੰ ਵੀ 25-25 ਹਜ਼ਾਰ ਰੁਪਏ ਦਿੱਤੇ ਗਏ।
ਮੇਜ਼ਬਾਨ ਕੋਟ ਕਲਾਂ ਦੀ ਝੰਡੀ
ਜਲੰਧਰ ਛਾਉਣੀ, 6 ਮਾਰਚ - ਪਿੰਡ ਕੋਟ ਕਲਾਂ ਵੱਲੋਂ ਕਬੱਡੀ ਟੂਰਨਾਮੈਂਟ
ਕਰਵਾਇਆ ਗਿਆ। ਇਸ ਕਬੱਡੀ ਟੂਰਨਾਮੈਂਟ ਦੇ ਦੂਜੇ ਦਿਨ ਮੇਜ਼ਬਾਨ ਕੋਟ ਕਲਾਂ ਦੀ ਝੰਡੀ
ਰਹੀ। 35 ਕਿਲੋ ਭਾਰ ਵਰਗ ਦੇ ਮੁਕਾਬਲੇ ਵਿਚ ਕੋਟ ਕਲਾਂ ਨੇ ਚੀਮਾ ਖੁਰਦ ਨੂੰ ਅਤੇ ਇਸੇ
ਤਰ੍ਹਾਂ 50 ਕਿਲੋ 'ਚ ਵੀ ਕੋਟ ਕਲਾਂ ਨੇ ਮਾਹਲਾਂ ਨੂੰ ਹਰਾ ਕੇ ਦੋਵੇਂ ਜੇਤੂ ਖਿਤਾਬਾਂ
'ਤੇ ਕਬਜ਼ਾ ਕੀਤਾ। ਇਸ ਮੌਕੇ ਕਬੱਡੀ 70 ਕਿਲੋ (ਓਪਨ ਕਲੱਬ), 60 ਕਿਲੋ ਪਿੰਡ ਪੱਧਰ
ਤੇ 50 ਕਿਲੋ ਭਾਰ ਵਰਗ ਦੇ ਮੁਕਾਬਲੇ ਵੀ ਹੋਏ।
ਇੰਟਰਨੈਸ਼ਨਲ ਇੰਟਰਸਿਟੀ ਕਬੱਡੀ
ਚੈਂਪੀਅਨਸ਼ਿਪ
ਕੁਆਲਾਲੰਪੁਰ - ਕੁਆਲਾਲੰਪੁਰ ਦੇ ਟੀਟੀਵਾਂਗਤਾ ਸਟੇਡੀਅਮ ਵਿਚ ਇੰਟਰਨੈਸ਼ਨਲ
ਇੰਟਰਸਿਟੀ ਕਬੱਡੀ ਚੈਂਪੀਅਨਸ਼ਿਪ ਚੱਲ ਰਹੀ ਹੈ। ਪਹਿਲੇ ਦਿਨ ਹੋਏ ਆਰੰਭਕ ਮੁਕਾਬਲਿਆਂ
ਵਿਚ ਓਸਲੋ, ਪਟਿਆਲਾ, ਕੁਆਲਾਲੰਪੁਰ ਤੇ ਕਪੂਰਥਲਾ ਦੀ ਟੀਮ ਨੇ ਆਪਣੇ ਮੈਚ ਜਿੱਤੇ।
ਪੁਰਸ਼ਾਂ ਦੇ ਵਰਗ ਵਿਚ ਹੋਏ ਪਹਿਲੇ ਮੈਚ ਵਿਚ ਚੇਨਈ ਦੀ ਟੀਮ ਨੇ ਪਟਿਆਲਾ ਨੂੰ 39-25
ਨਾਲ ਹਰਾਇਆ। ਦੂਸਰੇ ਮੈਚ ਵਿਚ ਕੁਆਲਾਲੰਪੁਰ ਇਲੈਵਨ ਨੇ ਦਿੱਲੀ ਨੂੰ 41-37 ਨਾਲ
ਹਰਾਇਆ। ਇਕ ਹੋਰ ਮੈਚ ਵਿਚ ਕੋਚ ਚਰਨਜੀਤ ਸਿੰਘ ਤੇ ਦਰਸ਼ਨ ਲਾਲ ਦੀ ਅਗਵਾਈ ਵਾਲੀ
ਕਪੂਰਥਲਾ ਦੀ ਟੀਮ ਨੇ ਉਤਰਾਜਯ ਨੂੰ 38-28 ਨਾਲ ਹਰਾਇਆ। ਹਰਿੰਦਰਪਾਲ ਸਿੰਘ ਟੀਕਾ
ਨਾਰਵੇ ਦੀ ਅਗਵਾਈ ਵਾਲੀ ਓਸਲੋ ਦੀ ਟੀਮ ਨੇ ਦਿੱਲੀ ਨੂੰ 42-12 ਨਾਲ ਹਰਾਇਆ। ਇਕ ਹੋਰ
ਮੁਕਾਬਲੇ ਵਿਚ ਪਟਿਆਲਾ ਨੇ ਕਪੂਰਥਲਾ ਨੂੰ 36-17 ਨਾਲ ਹਰਾਇਆ। ਪੁਰਸ਼ਾਂ ਦੇ ਹੋਰਨਾਂ
ਮੁਕਾਬਲਿਆਂ ਵਿਚ ਕੁਆਲਾਲੰਪੁਰ ਨੇ ਓਸਲੋ ਨੂੰ 34-29 ਨਾਲ ਹਰਾਇਆ। ਦਿੱਲੀ ਦੀ ਟੀਮ 2
ਮੈਚ ਹਾਰ ਕੇ ਸੈਮੀਫਾਈਨਲ ਦੌਰ ਵਿਚੋਂ ਬਾਹਰ ਹੋ ਗਈ। ਲੜਕੀਆਂ ਦੇ ਮੁਕਾਬਲਿਆਂ ਵਿਚ
ਓਸਲੋ ਦੀ ਟੀਮ ਨੇ ਉਤਰਾਜਯ ਨੂੰ 118 ਦੇ ਮੁਕਾਬਲੇ 19 ਅੰਕਾਂ ਨਾਲ ਹਰਾਇਆ।
ਪੰਜਾਬ 'ਚ ਵਿਸ਼ਵ ਕਬੱਡੀ ਕੱਪ 2 ਤੋਂ
ਭਾਦਸੋਂ, 5 ਮਾਰਚ - 2-12 ਅਪ੍ਰੈਲ ਤੱਕ ਪੰਜਾਬ 'ਚ ਵਿਸ਼ਵ ਕਬੱਡੀ ਕੱਪ
ਕਰਵਾਇਆ ਜਾ ਰਿਹਾ ਹੈ। ਵਿਸ਼ਵ ਕਬੱਡੀ ਕੱਪ ਸੰਬੰਧੀ ਚਾਰ-ਚਾਰ ਮੈਚ ਪੰਜਾਬ ਦੇ
ਪ੍ਰਮੁੱਖ ਸ਼ਹਿਰਾਂ ਅੰਦਰ ਹੋਣਗੇ ਜਿਸ ਦੀ ਸ਼ੁਰੂਆਤ ਪਟਿਆਲਾ ਤੋਂ ਕੀਤੀ ਜਾਵੇਗੀ। ਇਸ
ਕੱਪ 'ਚ ਅਮਰੀਕਾ, ਕੈਨੇਡਾ, ਪਾਕਿਸਤਾਨ, ਇਟਲੀ, ਮਲੇਸ਼ੀਆ, ਸ੍ਰੀਲੰਕਾ ਆਦਿ ਦੀਆਂ ਟੀਮਾਂ
ਦੇ ਖਿਡਾਰੀਆਂ ਭਾਗ ਲੈਣਗੇ।
ਕੋਟ ਕਲਾਂ ਦਾ ਕਬੱਡੀ ਟੂਰਨਾਮੈਂਟ ਸ਼ੁਰੂ
ਜਲੰਧਰ ਛਾਉਣੀ, 5 ਮਾਰਚ - ਦੂਜਾ ਕਬੱਡੀ ਟੂਰਨਾਮੈਂਟ ਸ਼ਹੀਦ ਭਗਤ ਸਿੰਘ
ਮੈਮੋਰੀਅਲ ਸਪੋਰਟਸ ਕਲੱਬ ਪਿੰਡ ਕੋਟ ਕਲਾਂ ਵਲੋਂ ਕਰਵਾਇਆ ਜਾ ਰਿਹਾ ਹੈ। ਇਸ
ਟੂਰਨਾਮੈਂਟ ਦੇ ਪਹਿਲੇ ਦਿਨ 35 ਕਿਲੋ ਅਤੇ 50 ਕਿਲੋ ਭਾਰ ਵਰਗ ਦੇ ਮੁਕਾਬਲੇ ਕਰਵਾਏ
ਗਏ। 6 ਮਾਰਚ ਨੂੰ ਕਬੱਡੀ 70 ਕਿਲੋ (ਓਪਨ ਕਲੱਬ), 60 ਕਿਲੋ ਪਿੰਡ ਪੱਧਰ ਅਤੇ 50
ਕਿਲੋ ਭਾਰ ਵਰਗ ਦੇ ਮੁਕਾਬਲੇ ਹੋਣਗੇ। 7 ਮਾਰਚ ਨੂੰ ਕੱਬਡੀ ਓਪਨ 'ਚ ਚੋਟੀ ਦੀਆਂ
ਕਲੱਬਾਂ ਦੇ ਭੇੜ ਹੋਣਗੇ ਤੇ ਇਸਦੇ ਨਾਲ ਹੀ ਲੜਕੀਆਂ ਦੇ ਮੁਕਾਬਲੇ ਤੇ ਦੌੜਾਂ ਵੀ
ਕਰਵਾਈਆਂ ਜਾਣਗੀਆਂ। ਇਸ ਮੌਕੇ ਗਾਇਕ ਸਿਮਰਨ ਗੋਰਾਇਆ ਵਲੋਂ ਰੰਗਾ-ਰੰਗ ਪ੍ਰੋਗਰਾਮ ਵੀ
ਪੇਸ਼ ਕੀਤਾ ਜਾਵੇਗਾ।
ਅੰਤਰਰਾਸ਼ਟਰੀ ਕਬੱਡੀ ਟੂਰਨਾਮੈਂਟ 7 ਨੂੰ
ਜੰਡਿਆਲਾ ਮੰਜਕੀ, 4 ਮਾਰਚ - ਤੀਜਾ ਇੰਟਰਨੈਸ਼ਨਲ ਕਬੱਡੀ ਟੂਰਨਾਮੈਂਟ
ਹੈਡਮਾਸਟਰ ਉਜਾਗਰ ਸਿੰਘ ਸਮਰਾ ਖੇਡ ਸਟੇਡੀਅਮ ਸਮਰਾਏ-ਜੰਡਿਆਲਾ 'ਚ 7 ਮਾਰਚ ਨੂੰ
ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਵਿਚ ਪਿੰਡਾਂ ਦੀਆਂ ਕਬੱਡੀ ਟੀਮਾਂ ਤੋਂ ਇਲਾਵਾ
ਪ੍ਰਸਿੱਧ 8 ਕਬੱਡੀ ਕਲੱਬਾਂ ਦੇ ਮੁਕਾਬਲੇ ਇਸ ਮੌਕੇ ਹੋਣਗੇ।
ਕਬੱਡੀ ਚੈਂਪੀਅਨਸ਼ਿਪ 'ਤੇ ਚਮਕੌਰ ਸਾਹਿਬ
ਅਕੈਡਮੀ ਦਾ ਕਬਜ਼ਾ
ਬਾਬਾ ਬਕਾਲਾ, 4 ਮਾਰਚ - ਪੰਜਵਾਂ ਖੇਡ ਮੇਲਾ ਪਿੰਡ ਜੋਧਿਆਂ ਵਿਖੇ ਬਾਬਾ
ਗੋਪਾਲ ਦਾਸ ਜੀ ਦੀ ਯਾਦ 'ਚ ਕਰਵਾਇਆ। ਇਸ ਤਿੰਨ ਰੋਜ਼ਾ ਖੇਡ ਮੇਲੇ 'ਚ ਸਾਹਿਬਜ਼ਾਦਾ
ਅਜੀਤ ਸਿੰਘ ਜੁਝਾਰ ਸਿੰਘ ਅਕੈਡਮੀ ਚਮਕੌਰ ਸਾਹਿਬ ਦੀ ਕਬੱਡੀ ਟੀਮ ਨੇ ਸਪੋਰਟਸ ਕਲੱਬ
ਜਰਗੜੀ ਦੀ ਟੀਮ ਨੂੰ ਕਬੱਡੀ ਚੈਂਪੀਅਨਸ਼ਿਪ ਦੇ ਮੁਕਾਬਲੇ ਵਿਚ 38-34 ਅੰਕਾਂ ਦੇ ਫਰਕ
ਨਾਲ ਹਰਾ ਕੇ ਟਰਾਫ਼ੀ 'ਤੇ ਕਬਜ਼ਾ ਕਰ ਲਿਆ ਤੇ ਇਕ ਲੱਖ ਇਕ ਹਜ਼ਾਰ ਰੁਪਏ ਦਾ ਨਕਦ ਇਨਾਮ
ਵੀ ਜਿਤਿਆ। ਦੂਜੇ ਨੰਬਰ 'ਤੇ ਰਹਿਣ ਵਾਲੀ ਟੀਮ ਨੂੰ ਕਲੱਬ ਵਲੋਂ 75 ਹਜ਼ਾਰ ਰੁਪਏ ਨਕਦ
ਇਨਾਮ ਦਿੱਤਾ ਗਿਆ। ਲੜਕੀਆਂ ਦੇ ਕਬੱਡੀ ਦੇ ਸ਼ੋਅ ਮੈਚ ਵਿਚ ਪੰਜਾਬ ਦੀਆਂ ਮੁਟਿਆਰਾਂ
ਨੇ ਹਰਿਆਣੇ ਦੀਆਂ ਛੋਰੀਆਂ ਨੂੰ ਸਾਢੇ 19-16 ਅੰਕਾਂ ਦੇ ਫ਼ਰਕ ਨਾਲ ਹਰਾਇਆ। ਰੱਸਾਕੱਸੀ
ਮੈਚ ਦੌਰਾਨ ਜਫ਼ਰਵਾਦ ਟੀਮ ਨੇ ਲੋਹਾਰ ਮਾਜਰਾ ਟੀਮ ਨੂੰ ਹਾਰ ਦਿੱਤੀ। ਪਹਿਲਵਾਨ ਬੁੱਧ
ਸਿੰਘ ਕੈਨੇਡੀਅਨ ਦੀ ਘੋੜੀ ਨੇ ਢੋਲ ਦੀ ਤਾਲ 'ਤੇ ਕਰਤੱਬ ਦਿਖਾ ਕੇ ਲੋਕਾਂ ਦਾ ਭਰਪੂਰ
ਮਨੋਰੰਜਨ ਕੀਤਾ।
ਕੌਮਾਂਤਰੀ ਕਬੱਡੀ ਟੂਰਨਾਮੈਂਟ ਸ਼ੁਰੂ
ਕੁਆਲਾਲੰਪੁਰ (ਮਲੇਸ਼ੀਆ), 4 ਮਾਰਚ - ਕੁਆਲਾਲੰਪੁਰ ਦੇ ਟਿੱਕੀਵਾਗਸਾ
ਸਟੇਡੀਅਮ 'ਚ ਦੂਜਾ ਇੰਟਰਸਿਟੀ ਇੰਟਰਨੈਸ਼ਨਲ ਕਬੱਡੀ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ
ਹੈ। ਇਸ ਟੂਰਨਾਮੈਂਟ ਵਿਚ ਕੁੱਲ 13 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਜਿਨ੍ਹਾਂ ਵਿਚ 8
ਪੁਰਸ਼ਾਂ ਤੇ 5 ਮਹਿਲਾਵਾਂ ਦੀਆਂ ਟੀਮਾਂ ਸ਼ਾਮਿਲ ਹਨ। ਪੁਰਸ਼ਾਂ ਦੀਆਂ ਟੀਮਾਂ ਨੂੰ ਦੋ
ਪੂਲਾਂ ਵਿਚ ਵੰਡਿਆ ਗਿਆ ਹੈ। ਪਹਿਲਾਂ ਲੀਗ ਦੇ ਅਧਾਰ 'ਤੇ ਮੈਚ ਹੋਣਗੇ ਅਤੇ ਫਿਰ
ਸੈਮੀਫਾਈਨਲ ਤੇ ਫਾਈਨਲ ਮੁਕਾਬਲੇ ਕਰਵਾਏ ਜਾਣਗੇ। ਪੁਰਸ਼ਾਂ ਦੀਆਂ ਟੀਮਾਂ ਵਿਚ ਓਸਲੋ,
ਦਿੱਲੀ, ਕੁਆਲਾਲੰਪੁਰ, ਉਤਰਾਜਯਾ, ਕੁਆਲਾਲੰਪੁਰ ਜੂਨੀਅਰ, ਦਿੱਲੀ, ਚੇਨਈ, ਕਪੂਰਥਲਾ
ਤੇ ਪਟਿਆਲਾ ਦੀਆਂ ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਮਹਿਲਾ ਵਰਗ ਵਿਚ ਓਸਲੋ, ਜਗਤਪੁਰਾ,
ਕੁਆਲਾਲੰਪੁਰ, ਦਿੱਲੀ ਤੇ ਉਤਰਾਜਯਾ ਦੀਆਂ ਟੀਮਾਂ ਹਿੱਸਾ ਲੈ ਰਹੀਆਂ ਹਨ।
ਹਰਜੀਤ ਤਲਵਾਰ ਕਲੱਬ ਜਗਰਾਉਂ ਦੀ ਝੰਡੀ
ਭਾਦਸੋਂ, 3 ਮਾਰਚ - ਦੂਜੇ ਅੰਤਰਰਾਸ਼ਟਰੀ ਟੌਹੜਾ ਕਬੱਡੀ ਕੱਪ ਵਿਚ ਹਰਜੀਤ
ਤਲਵਾਰ ਕਲੱਬ ਜਗਰਾਉਂ ਨੇ ਮਾਲਵਾ ਕਲੱਬ ਮੋਗਾ ਨੂੰ ਹਰਾ ਕੇ ਉਸ 'ਤੇ ਆਪਣਾ ਕਬਜ਼ਾ ਕੀਤਾ।
ਪਹਿਲੇ ਸਥਾਨ 'ਤੇ ਰਹੀ ਟੀਮ ਨੂੰ ਇਕ ਲੱਖ ਰੁਪਏ ਅਤੇ ਦੂਜੇ ਸਥਾਨ 'ਤੇ ਆਈ ਟੀਮ ਨੂੰ
75 ਹਜ਼ਾਰ ਰੁਪਏ ਦਾ ਨਕਦ ਇਨਾਮ ਦਿੱਤਾ ਗਿਆ। ਇਸ ਕਬੱਡੀ ਕੱਪ 'ਚ ਪੰਜਾਬ ਕਬੱਡੀ
ਅਕੈਡਮੀਜ਼ ਦੀਆਂ 8 ਅਕੈਡਮੀਆਂ ਜਿਸ ਵਿੱਚ ਮੀਰੀ-ਪੀਰੀ ਕਲੱਬ ਅਮਰੀਕਾ, ਹਰਜੀਤ ਕਲੱਬ
ਬਾਜਾਖਾਨਾ, ਮਾਲਵਾ ਕਲੱਬ ਅੰਬੀ ਹਠੂਰ ਮੋਗਾ, ਹਰਜੀਤ ਤਲਵਾਰ ਜਗਾਰਓਂ, ਨਿਰਮਲ ਨਿਮਾ
ਮਾਨੂੰਪੁਰ, ਸੰਤ ਈਸ਼ਰ ਸਿੰਘ ਕਲੱਬ ਰਾੜਾ ਸਾਹਿਬ, ਵੈਦਵਾਨ ਕੰਬੜਾ ਕਲੱਬ, ਸ਼ੰਕਰਪੁਰੀ
ਕਲੱਬ ਸਾਧੂਵਾਲਾ ਆਦਿ ਟੀਮਾਂ ਦੇ ਖਿਡਾਰੀਆਂ ਨੇ ਆਪਣੀ ਕਲਾ ਦੇ ਜੌਹਰ ਵਿਖਾਏ। ਸੰਤ
ਈਸ਼ਰ ਸਿੰਘ ਕਲੱਬ ਜਗਰਾਉਂ ਅਤੇ ਖਾਲਸਾ ਆਲਮਾ ਵਾਲਾ ਕਲੱਬ ਦੇ ਗੁਰਸਿੱਖ ਬੱਚਿਆਂ ਦੇ
ਕਬੱਡੀ ਸ਼ੋਅ ਮੈਚ ਮੌਕੇ ਸੰਤ ਈਸ਼ਰ ਸਿੰਘ ਕਲੱਬ ਜਗਰਾਉਂ ਨੇ ਪਹਿਲਾ ਸਥਾਨ ਲਿਆ।
ਅੰਤਰਰਾਸ਼ਟਰੀ ਵਰਲਡ ਕਬੱਡੀ ਕੱਪ 6 ਨੂੰ
ਬਟਾਲਾ, 3 ਮਾਰਚ - ਗੁਰੂ ਨਾਨਕ ਕਾਲਜ ਬਟਾਲਾ 'ਚ ਵਰਲਡ ਕਬੱਡੀ ਕੱਪ 6 ਮਾਰਚ
ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਵਿਚ ਅੱਠ ਕਬੱਡੀ ਅਕੈਡਮੀਆਂ ਹਿੱਸਾ
ਲੈਣਗੀਆਂ। ਇਸ ਵਾਰ ਦਾ ਕਬੱਡੀ ਕੱਪ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਛਿੰਦਾ ਅਮਲੀ ਅਤੇ
ਸਵ. ਕਰਮਜੀਤ ਸਿੰਘ ਡੀ.ਪੀ.ਈ. ਰਣਸੀਕੇ ਤਲਾ ਦੀ ਮਿੱਠੀ ਯਾਦ ਨੂੰ ਸਮਰਪਿਤ ਹੋਵੇਗਾ।
6ਵਾਂ ਅੰਤਰਰਾਸ਼ਟਰੀ ਕਬੱਡੀ ਟੂਰਨਾਮੈਂਟ 7
ਤੋਂ
ਸੈਲਾਖੁਰਦ, 2 ਮਾਰਚ - 6ਵਾਂ ਅੰਤਰਰਾਸ਼ਟਰੀ ਕਬੱਡੀ ਟੂਰਨਾਮੈਂਟ 7-8 ਮਾਰਚ
ਨੂੰ ਸਰਕਾਰੀ ਸੀਨੀ. ਸੈਕੰਡਰੀ ਸਕੂਲ ਪੱਦੀ ਸੂਰਾ ਸਿੰਘ ਦੇ ਖੇਡ ਮੈਦਾਨ ਵਿਚ ਕਰਵਾਇਆ
ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਦੌਰਾਨ ਪਿੰਡ ਪੱਧਰ ਦੇ ਮੈਚ 7 ਮਾਰਚ ਦਿਨ ਐਤਵਾਰ ਨੂੰ
ਹੋਣਗੇ ਅਤੇ ਓਪਨ ਕਲੱਬਾਂ ਦੇ ਮੈਚ 8 ਮਾਰਚ ਦਿਨ ਸੋਮਵਾਰ ਨੂੰ ਹੋਣਗੇ। ਆਲ ਓਪਨ ਕਲੱਬ
ਦੀ ਜੇਤੂ ਟੀਮ ਨੂੰ ਪਹਿਲਾ ਇਨਾਮ 5100 ਰੁਪਏ ਅਤੇ ਦੂਜਾ 41 ਹਜ਼ਾਰ ਰੁਪਏ ਹੋਵੇਗਾ।
ਓਪਨ ਪਿੰਡ ਭੱਧਰ ਜੇਤੂ ਟੀਮਨੂੰ ਪਹਿਲਾ ਇਨਾਮ 20 ਹਜ਼ਾਰ ਅਤੇ ਦੂਜਾ ਇਨਾਮ 15 ਹਜ਼ਾਰ
ਰੁਪਏ ਦਿੱਤਾ ਜਾਵੇਗਾ।
29ਵਾਂ ਪੰਜਾਬ ਕਬੱਡੀ ਕੱਪ ਸਮਾਪਤ
ਬਰਨਾਲਾ, 28 ਫਰਵਰੀ -29ਵਾਂ ਪੰਜਾਬ ਕਬੱਡੀ ਕੱਪ ਬਰਨਾਲਾ ਦੇ ਸ਼ਹੀਦ ਭਗਤ
ਸਿੰਘ ਸਟੇਡੀਅਮ 'ਚ ਕਰਵਾਇਆ ਗਿਆ। ਕਬੱਡੀ 60 ਕਿਲੋ 'ਚ ਰੂੜੇਕੇ ਕਲਾਂ ਦੀ ਟੀਮ ਨੇ
ਬਾਜ਼ੀ ਮਾਰੀ ਜਦੋਂਕਿ ਭੱਠਲਾਂ ਦੀ ਟੀਮ ਨੂੰ ਦੂਜਾ ਸਥਾਨ ਮਿਲਿਆ। ਕਬੱਡੀ 70 ਕਿਲੋ 'ਚ
ਬਰਨਾਲਾ ਦੀ ਮੇਜ਼ਬਾਨ ਟੀਮ ਜੇਤੂ ਰਹੀ ਤੇ ਭੱਠਲਾਂ ਨੂੰ ਦੂਜਾ ਸਥਾਨ ਮਿਲਿਆ। ਕੁੜੀਆਂ
ਦੀ ਕਬੱਡੀ ਦੇ ਸ਼ੋਅ ਮੈਚ 'ਚ ਦੇਵ ਸਮਾਜ ਕਾਲਜ ਫਿਰੋਜ਼ਪੁਰ ਦੀਆਂ ਲੜਕੀਆਂ ਬਾਜ਼ੀ ਮਾਰ
ਗਈਆਂ ਜਦੋਂਕਿ ਫਰੀਦਕੋਟ ਦੀ ਟੀਮ ਨੂੰ ਦੂਜਾ ਸਥਾਨ ਮਿਲਿਆ। ਪੰਜਾਬ ਕਬੱਡੀ ਕੱਪ ਦੇ
ਕਬੱਡੀ ਅਕੈਡਮੀਆਂ ਦੇ ਫਸਵੇ ਤੇ ਰੋਮਾਂਚਕ ਮੁਕਾਬਲੇ ਵਿਚ ਸਵਾਰਗੀ ਭਗਵਾਨ ਸਿੰਘ
ਅਕੈਡਮੀ ਫਰਵਾਹੀ ਦੀ ਟੀਮ ਨੇ ਜਿੱਤ ਕੇ ਪੰਡਿਤ ਹੁਕਮ ਚੰਦ ਸ਼ਰਮਾ ਯਾਦਗਾਰ ਟਰਾਫੀ ਤੇ
51 ਹਜ਼ਾਰ ਦਾ ਇਨਾਮ ਜਦੋਂਕਿ ਮਾਨ ਸਿੰਘ ਕਬੱਡੀ ਅਕੈਡਮੀ ਫਿਰੋਜ਼ਪੁਰ ਨੇ ਦੂਜਾ ਸਥਾਨ
ਹਾਸਿਲ ਕਰਕੇ 41 ਹਜ਼ਾਰ ਤੇ ਟਰਾਫੀ ਹਾਸਲ ਕੀਤੀ। ਖੇਡ ਕੱਪ ਦੌਰਾਨ ਵੱਖ-ਵੱਖ ਖੇਤਰਾਂ
'ਚ ਮੱਲਾਂ ਮਾਰਨ ਵਾਲੀਆਂ ਅਹਿਮ ਸਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ ਜਿਨ੍ਹਾਂ ਵਿਚ
ਹਰਦਿਆਲ ਸਿੰਘ ਮਾਨ (ਆਈ. ਪੀ. ਐਸ.) ਐਸ. ਐਸ. ਪੀ. ਮਾਨਸਾ, ਬਲਵੰਤ ਸਿੰਘ ਭੁੱਲਰ
ਠੀਕਰੀਵਾਲਾ ਸਹਾਇਕ ਖਜ਼ਾਨਾ ਅਫ਼ਸਰ, ਦਵਿੰਦਰ ਪਾਲ, ਉਘੇ ਕਬੱਡੀ ਖਿਡਾਰੀ ਜਗਜੀਤ ਸਿੰਘ
ਭਲਵਾਨ ਮੌੜ ਨੂੰ ਬੁਲਿਟ ਮੋਟਰ ਸਾਈਕਲ ਨਾਲ ਤੇ ਬਲਜੀਤ ਬੇਲੀ ਤੇ ਸ਼ੀਸ਼ੇ ਨੂੰ ਸੋਨੇ ਦੀ
ਮੁੰਦਰੀ ਨਾਲ ਸਨਮਾਨਿਤ ਕੀਤਾ ਗਿਆ।
ਪੰਜਵੇਂ ਕਬੱਡੀ ਕੱਪ 'ਚ ਦਸਮੇਸ਼ ਕਲੱਬ
ਨਕੋਦਰ ਦੀ ਝੰਡੀ
ਗੁਰਾਇਆ, 28 ਫਰਵਰੀ - ਪੰਜਵਾਂ ਕਬੱਡੀ ਕੱਪ ਗੁਰਾਇਆ ਦੇ ਨੇੜਲੇ ਪਿੰਡ
ਡੱਲੇਵਾਲ 'ਚ ਕਰਵਾਇਆ ਗਿਆ। ਇਸ ਕਬੱਡੀ ਕੱਪ ਦੇ ਫਾਈਨਲ 'ਚ ਦਸਮੇਸ਼ ਕਬੱਡੀ ਕਲੱਬ
ਨਕੋਦਰ ਨੇ ਬਾਬਾ ਹਸਤਾਨਾ ਕਬੱਡੀ ਕਲੱਬ ਖੀਰਾਂਵਾਲੀ ਕਪੂਰਥਲਾ ਨੂੰ ਹਰਾ ਕੇ ਕਬੱਡੀ
ਕੱਪ ਅਤੇ ਇਕ ਲੱਖ ਰੁਪਏ ਦਾ ਨਕਦ ਇਨਾਮ ਆਪਣੀ ਝੋਲੀ 'ਚ ਪਾਇਆ। ਦੂਸਰੇ ਸਥਾਨ 'ਤੇ
ਰਹਿਣ ਵਾਲੀ ਟੀਮ ਨੂੰ 75000 ਰੁਪਏ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਤੋਂ ਪਹਿਲਾਂ
ਕਰਵਾਏ ਗਏ ਮੁਕਾਬਲਿਆਂ 'ਚ 48 ਕਿਲੋ ਵਰਗ 'ਚ ਸਿਧਵਾਂ ਦੋਨਾ ਨੇ ਪਹਿਲਾ ਸਥਾਨ, 62
ਕਿਲੋ 'ਚ ਮਸੀਤਾਂ (ਮੋਗਾ), 68 ਕਿਲੋ 'ਚ ਡੱਲੇਵਾਲ ਅਤੇ ਆਲ ਓਪਨ 'ਚ ਰੁੜਕਾ ਕਲਾਂ
ਪਹਿਲੇ ਸਥਾਨ 'ਤੇ ਰਹੇ। ਬਜ਼ੁਰਗਾਂ ਦੀ ਕਬੱਡੀ 'ਚ ਡੱਲੇਵਾਲ ਨੇ ਆਪਣੀ ਧਾਂਕ ਜਮਾਈ
ਰੱਖੀ। ਲੜਕੀਆਂ ਦੇ ਸ਼ੋਅ-ਮੈਚ 'ਚ ਜੰਡਿਆਲਾ ਪਹਿਲੇ ਅਤੇ ਸ਼ਹੀਦ ਭਗਤ ਸਿੰਘ ਨਗਰ ਦੀ
ਟੀਮ ਦੂਸਰੇ ਸਥਾਨ 'ਤੇ ਰਹੀ।
ਪਹਿਲਾ ਅੰਤਰਰਾਸ਼ਟਰੀ ਕਬੱਡੀ ਕੱਪ 5 ਤੋਂ
ਮਾਛੀਵਾੜਾ, 28 ਫਰਵਰੀ : 5-6 ਮਾਰਚ ਨੂੰ ਮਾਛੀਵਾੜਾ ਦੇ ਸ੍ਰੀ ਗੁਰੂ
ਗੋਬਿੰਦ ਸਿੰਘ ਸਟੇਡੀਅਮ 'ਚ ਪਹਿਲਾ ਅੰਤਰਰਾਸ਼ਟਰੀ ਕਬੱਡੀ ਕੱਪ ਕਰਵਾਇਆ ਜਾ ਰਿਹਾ ਹੈ।
5 ਮਾਰਚ ਨੂੰ ਕਬੱਡੀ ਇੱਕ ਪਿੰਡ ਕਲੱਬ ਦੇ ਮੁਕਾਬਲੇ ਕਰਵਾਏ ਜਾਣਗੇ ਤੇ ਜੇਤੂ ਟੀਮ
ਨੂੰ 41 ਹਜਾਰ ਤੇ ਦੂਸਰੇ ਨੰਬਰ ਦੀ ਟੀਮ ਨੂੰ 31 ਹਜਾਰ ਰੁਪਏ ਇਨਾਮ ਵਜੋਂ ਦਿੱਤੇ
ਜਾਣਗੇ। ਕਬੱਡੀ ਕੱਪ ਦੇ ਦੂਸਰੇ ਦਿਨ 6 ਮਾਰਚ ਨੂੰ ਅੰਤਰਰਾਸ਼ਟਰੀ ਨੌਰਥ ਇੰਡੀਆਂ ਕਬੱਡੀ
ਫੈਡਰੇਸ਼ਨ ਦੀਆਂ 8 ਅਕੈਡਮੀਆਂ ਦੇ ਮੁਕਾਬਲੇ ਕਰਵਾਏ ਜਾਣਗੇ ਜਿਸ ਵਿਚ ਪਹਿਲੇ ਨੰਬਰ
'ਤੇ ਆਉਣ ਵਾਲੀ ਟੀਮ ਨੂੰ 1 ਲੱਖ ਰੁਪਏ ਇਨਾਮ ਵਜੋਂ ਦਿੱਤੇ ਜਾਣਗੇ ਜਦਕਿ ਦੂਜੇ ਨੰਬਰ
'ਤੇ ਆਉਣ ਵਾਲੀ ਟੀਮ ਨੂੰ 75 ਹਜਾਰ ਰੁਪਏ ਨਗਦ ਇਨਾਮ ਦਿੱਤਾ ਜਾਵੇਗਾ। ਕਬੱਡੀ ਦੇ
ਮੁਕਾਬਲਿਆਂ ਦੌਰਾਨ ਬੈਸਟ ਜਾਫੀ ਤੇ ਬੈਸਟ ਰੇਡਰਾਂ ਨੂੰ ਨਗਦ ਇਨਾਮ ਦੇ ਕੇ ਨਿਵਾਜਿਆ
ਜਾਵੇਗਾ। ਇਸ ਅੰਤਰਰਾਸ਼ਟਰੀ ਕਬੱਡੀ ਕੱਪ ਦੌਰਾਨ ਲੜਕੀਆਂ ਦੇ ਪੰਜਾਬ ਪੱਧਰ ਦੇ ਕਬੱਡੀ
ਮੁਕਾਬਲੇ ਵੀ ਕਰਵਾਏ ਜਾਣਗੇ।
ਪੰਜਾਬ ਕਬੱਡੀ ਕੱਪ ਸ਼ੁਰੂ
ਬਰਨਾਲਾ, 27 ਫਰਵਰੀ - 29ਵਾਂ ਪੰਜਾਬ ਕਬੱਡੀ ਕੱਪ ਬਰਨਾਲਾ ਦੇ ਸ਼ਹੀਦ ਭਗਤ
ਸਿੰਘ ਸਟੇਡੀਅਮ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਖੇਡ ਮੇਲੇ ਦੇ ਉਦਘਾਟਨੀ ਮੁਕਾਬਲੇ 'ਚ
60 ਕਿਲੋ ਕਬੱਡੀ 'ਚ ਰੂੜੇਕੇ ਕਲਾਂ ਜੇਤੂ ਰਿਹਾ ਅਤੇ 10 ਹੋਰ ਅਰੰਭਕ ਕਬੱਡੀ ਤੇ
ਵਾਲੀਬਾਲ ਸੂਟਿੰਗ ਦੇ ਮੁਕਾਬਲੇ ਕਰਵਾਏ ਗਏ।
ਬੋਪਾਰਾਏ ਕਲਾਂ ਦੇ ਕਬੱਡੀ ਓਪਨ ਮੁਕਾਬਲੇ
'ਚ ਇੰਦਗੜ੍ਹ ਅੱਵਲ
ਮੁੱਲਾਂਪੁਰ ਦਾਖਾ, 27 ਫਰਵਰੀ - ਗਿਆਨੀ ਸੁੰਦਰ ਸਿੰਘ ਨੂੰ ਸਮਰਪਿਤ
ਟੂਰਨਾਮੈਂਟ ਬੋਪਰਾਏ ਕਲਾਂ 'ਚ ਕਰਵਾਇਆ ਗਿਆ। ਟੂਰਨਾਮੈਂਟ ਦੇ ਆਖ਼ਰੀ ਦਿਨ ਕਬੱਡੀ ਟੀਮਾਂ
ਵਿਚਕਾਰ ਫਸਵੇਂ ਮੁਕਾਬਲੇ ਹੋਏ। ਕਬੱਡੀ 68 ਕਿਲੋ ਦੇ ਫਾਈਨਲ ਮੁਕਾਬਲੇ ਵਿਚ 13-19
ਅੰਕਾਂ ਦੇ ਫ਼ਰਕ ਨਾਲ ਸੁਧਾਰ ਕਬੱਡੀ ਨੇ ਟੀਮ ਦਾਖਾ ਨੂੰ ਹਰਾ ਕੇ ਫਾਈਨਲ ਮੁਕਾਬਲਾ
ਜਿੱਤਿਆ। ਕਬੱਡੀ ਫਾਈਨਲ ਮੁਕਾਬਲੇ ਵਿਚ 23-27 ਅੰਕਾਂ ਦੇ ਫ਼ਰਕ ਨਾਲ ਇੰਦਗੜ੍ਹ, ਕਬੱਡੀ
ਟੀਮ ਰਸੂਲਪੁਰ ਨੂੰ ਹਰਾ ਕੇ ਜੇਤੂ ਹੋਣ ਦਾ ਮਾਣ ਹਾਸਲ ਕੀਤਾ।
ਕਕਰਾਲਾ ਭਾਈਕਾ ਦਾ ਕਬੱਡੀ ਕੱਪ 12 ਨੂੰ
ਘੱਗਾ, 26 ਫਰਵਰੀ - 22ਵਾਂ ਅੰਤਰਰਾਸ਼ਟਰੀ ਕਬੱਡੀ ਕੱਪ ਪਟਿਆਲਾ ਜ਼ਿਲ੍ਹੇ ਦੇ
ਪਿੰਡ ਕਕਰਾਲਾ ਭਾਈਕਾ ਵਿਖੇ 12-13 ਮਾਰਚ ਨੂੰ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ 5
ਕਿਲੋ, 65 ਕਿਲੋ, 70 ਕਿਲੋ ਭਾਰ ਅਤੇ ਅਕੈਡਮੀਆਂ ਦੇ ਮੈਚ ਕਰਵਾਏ ਜਾਣਗੇ। 13 ਮਾਰਚ
ਨੂੰ ਲਾਭ ਹੀਰੇ ਦਾ ਖੁੱਲ੍ਹਾ ਅਖਾੜਾ ਲੱਗੇਗਾ। ਇਸ ਮੌਕੇ ਚਮਕੌਰ ਕਕਰਾਲਾ ਨੂੰ ਮੋਟਰ
ਸਾਈਕਲ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਚੰਨਣ ਸਿੰਘ ਬਡਿਆਲ ਯਾਦਗਾਰੀ ਕਬੱਡੀ ਕੱਪ
ਪਹਿਲੀ ਤੋਂ
ਸ਼ਾਮਚੁਰਾਸੀ, 25 ਫਰਵਰੀ - 1-2 ਮਾਰਚ ਨੂੰ ਚੰਨਣ ਸਿੰਘ ਬਡਿਆਲ ਯਾਦਗਾਰੀ
ਕਬੱਡੀ ਕੱਪ ਪਿੰਡ ਬਡਿਆਲ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਵਿਚ ਓਪਨ ਕਲੱਬ
ਅਤੇ ਓਪਨ ਪਿੰਡ ਪੱਧਰ ਦੀਆਂ ਪਹਿਲੇ ਅਤੇ ਦੂਸਰੇ ਸਥਾਨ 'ਤੇ ਆਉਣ ਵਾਲੀਆਂ ਟੀਮਾਂ ਨੂੰ
51,000-41,000 ਅਤੇ 13,000-9,000 ਇਨਾਮ ਦਿੱਤੇ ਜਾਣਗੇ। ਇਸ ਤੋਂ ਇਲਾਵਾ
ਵਾਲੀਬਾਲ, ਕੁੱਤਿਆਂ ਦੀਆਂ ਟਰੈਕ ਦੌੜਾਂ, ਲੜਕੀਆਂ ਦੀ ਕਬੱਡੀ ਦੇ ਸ਼ੋਅ ਮੈਚ ਅਤੇ
ਸਰਦਾਰ ਖਿਡਾਰੀਆਂ ਦੀ ਕਬੱਡੀ ਦੇ ਸ਼ੋਅ ਮੈਚ ਕਰਵਾਏ ਜਾਣਗੇ।
ਪਿੰਡ ਕਾਲਖ 'ਚ ਕਬੱਡੀ ਕੱਪ ਤੇ ਪੇਂਡੂ
ਖੇਡ ਮੇਲਾ 27 ਤੋਂ
ਲੁਧਿਆਣਾ, 25 ਫਰਵਰੀ - ਕਬੱਡੀ ਕੱਪ ਤੇ ਪੇਂਡੂ ਖੇਡ ਮੇਲਾ ਪਿੰਡ ਕਾਲਖ 'ਚ
27 ਫਰਵਰੀ ਤੋਂ 1 ਮਾਰਚ ਤੱਕ ਕਰਵਾਇਆ ਜਾ ਰਿਹਾ ਹੈ। ਇਕ ਮਾਰਚ ਨੂੰ ਕਬੱਡੀ ਅਕੈਡਮੀਆਂ
ਦੇ ਮੈਚਾਂ ਤੋਂ ਇਲਾਵਾ 27 ਅਤੇ 28 ਫਰਵਰੀ ਨੂੰ ਕਬੱਡੀ ਇੱਕ ਪਿੰਡ ਓਪਨ ਕਬੱਡੀ 40
ਕਿਲੋ, 65 ਕਿਲੋ, ਵਾਲੀਬਾਲ, ਕੁੱਤਿਆਂ ਦੀਆਂ ਦੌੜਾਂ, ਬੈਲ ਗੱਡੀਆਂ ਦੀਆਂ ਦੌੜਾਂ,
ਘੋੜਿਆਂ ਦੀ ਦੌੜਾਂ, ਤਾਸ਼ ਸੀਪ ਆਦਿ ਮੁਕਾਬਲੇ ਹੋਣਗੇ। ਕਬੱਡੀ ਅਕੈਡਮੀਆਂ ਦੀ
ਚੈਂਪੀਅਨ ਟੀਮ ਨੂੰ ਇੱਕ ਲੱਖ ਰੁਪਏ ਉਪ ਜੇਤੂ ਟੀਮ ਨੂੰ 75 ਹਜ਼ਾਰ ਰੁਪਏ ਦਾ ਇਨਾਮ
ਮਿਲੇਗਾ।
ਦਸਮੇਸ਼ ਕਲੱਬ ਨਕੋਦਰ ਦੀ ਝੰਡੀ
ਕਪੂਰਥਲਾ, 23 ਫਰਵਰੀ - ਕਪੂਰਥਲਾ ਦੇ ਗੁਰੂ ਨਾਨਕ ਸਟੇਡੀਅਮ 'ਚ 6ਵਾਂ ਕਬੱਡੀ
ਗੋਲਡ ਕੱਪ ਸ਼ਹੀਦ ਬਾਬਾ ਦੀਪ ਸਿੰਘ ਸਪੋਰਟਸ ਕਲੱਬ ਵੱਲੋਂ ਕਰਵਾਇਆ ਗਿਆ। ਇਸ ਕਬੱਡੀ
ਕੱਪ ਵਿਚ ਦਸਮੇਸ਼ ਕਲੱਬ ਨਕੋਦਰ ਦੀ ਟੀਮ ਨੇ ਸ਼ਹੀਦ ਬਾਬਾ ਦੀਪ ਸਿੰਘ ਕਲੱਬ ਨਾਰਵੇ ਦੀ
ਟੀਮ ਨੂੰ ਪਛਾੜ ਕੇ 2 ਲੱਖ 51 ਹਜ਼ਾਰ ਰੁਪਏ ਦਾ ਨਕਦ ਇਨਾਮ ਅਤੇ ਕਬੱਡੀ ਕੱਪ ਜਿੱਤਿਆ,
ਜਦਕਿ ਉਪ ਜੇਤੂ ਟੀਮ ਨੂੰ 2 ਲੱਖ 11 ਹਜ਼ਾਰ ਰੁਪਏ ਦੇ ਨਕਦ ਇਨਾਮ ਨਾਲ ਨਿਵਾਜਿਆ ਗਿਆ।
ਇਸ ਕੱਪ ਦੌਰਾਨ ਪੰਜਾਬ ਤੇ ਹਰਿਆਣਾ ਦੀਆਂ ਲੜਕੀਆਂ ਦਰਮਿਆਨ ਦਰਸ਼ਨੀ ਮੈਚ ਹੋਇਆ। ਕਬੱਡੀ
ਕੱਪ ਮੌਕੇ ਪੰਜਾਬੀਆਂ ਦੇ ਮਾਨ ਬੱਬੂ ਮਾਨ ਵੱਲੋਂ ਲਗਾਏ ਖੁੱਲ੍ਹੇ ਅਖਾੜੇ ਦਾ ਦਰਸ਼ਕਾਂ
ਨੇ ਖੂਬ ਆਨੰਦ ਮਾਣਿਆ। ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸੁੱਖੀ ਲੱਖਣ ਕੇ ਪੱਡਾ ਨੂੰ
ਇਨੋਵਾ ਗੱਡੀ ਤੇ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਕੁਲਵਰਨ ਸਿੰਘ ਮਾਣਾ ਨੂੰ ਸਕਾਰਪੀਓ
ਗੱਡੀ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਉੱਘੇ ਕਬੱਡੀ ਖਿਡਾਰੀਆਂ ਤਾਉ
ਤੁੱਗਾਵਾਲ, ਸਿਕੰਦਰ ਕਾਂਜਲੀ, ਅਮਨ ਪੱਤੜ, ਜੱਗਾ ਫਿਆਲੀ ਅਤੇ ਕਾਲੂ ਕਾਲਾ ਸੰਘਿਆਂ
ਦਾ ਬੁਲਟ ਮੋਟਰ ਸਾਈਕਲਾਂ ਨਾਲ ਸਨਮਾਨ ਕੀਤਾ ਗਿਆ।
ਮੇਲਾ ਜੋਧਿਆਂ ਦਾ ਅਤੇ ਪੰਜਵੀਂ
ਅੰਤਰਰਾਸ਼ਟਰੀ ਕਬੱਡੀ ਚੈਂਪੀਅਨਸ਼ਿਪ 1 ਮਾਰਚ ਨੂੰ
ਬਾਬਾ ਬਕਾਲਾ, 23 ਫਰਵਰੀ - ਬ੍ਰਹਿਮ ਗਿਆਨੀ ਬਾਬਾ ਗੋਪਾਲ ਦਾਸ ਦੀ ਯਾਦ ਨੂੰ
ਸਮਰਪਿਤ ਸਲਾਨਾ ਜੋੜ ਮੇਲਾ ਅਤੇ ਪੰਜਵੀਂ ਅੰਤਰਰਾਸ਼ਟਰੀ ਕਬੱਡੀ ਚੈਂਪੀਅਨਸ਼ਿਪ 1 ਮਾਰਚ
ਨੂੰ ਬਾਬਾ ਬਕਾਲਾ ਉਪ ਮੰਡਲ ਦੇ ਪਿੰਡ ਜੋਧੇ 'ਚ ਕਰਵਾਈ ਜਾ ਰਹੀ ਹੈ। ਇਕ ਮਾਰਚ ਨੂੰ
62 ਕਿੱਲੋ ਪਿੰਡ ਪੱਧਰ ਅਤੇ ਓਪਨ ਦੇ ਮੁਕਾਬਲੇ ਹੋਣਗੇ। 2 ਮਾਰਚ ਨੂੰ ਕੁੱਤਿਆਂ ਦੀਆਂ
ਟਰੈਕ ਦੌੜਾਂ ਅਤੇ 3 ਮਾਰਚ ਕਬੱਡੀ ਚੈਂਪੀਅਨਸ਼ਿਪ ਹੋਵੇਗੀ। ਨੂੰ
ਥਿਆੜਾ ਯਾਦਗਾਰੀ ਕਬੱਡੀ ਟੂਰਨਾਮੈਂਟ 25
ਤੋਂ
ਜਲੰਧਰ, 23 ਫਰਵਰੀ - 14ਵਾਂ ਸਵ: ਨਿਰੰਜਣ ਸਿੰਘ ਥਿਆੜਾ ਅਤੇ ਸਵ: ਬੀਬੀ
ਊਧਮ ਕੌਰ ਥਿਆੜਾ ਯਾਦਗਾਰੀ ਕਬੱਡੀ ਟੂਰਨਾਮੈਂਟ 25-26 ਫਰਵਰੀ ਨੂੰ ਪਿੰਡ ਲਾਂਦੜਾ 'ਚ
ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਦੌਰਾਨ ਆਲ ਓਪਨ 60 ਤੇ 70 ਕਿਲੋ ਅਤੇ ਪਿੰਡ
ਪੱਧਰ ਓਪਨ ਦੇ ਮੁਕਾਬਲੇ ਕਰਵਾਏ ਜਾਣਗੇ।
ਬਾਬਾ ਜਾਨਕੀ ਦਾਸ ਯਾਦਗਾਰੀ ਕਬੱਡੀ ਕੱਪ
ਸਮਾਪਤ
ਖਰੜ, 22 ਫਰਵਰੀ - ਪਿੰਡ ਬੱਲੋਮਾਜਰਾ 'ਚ ਬਾਬਾ ਜਾਨਕੀ ਦਾਸ ਯਾਦਗਾਰੀ
ਬਜ਼ੁਰਗਾਂ ਦੀਆਂ ਦੌੜਾਂ ਅਤੇ ਕਬੱਡੀ ਕੱਪ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਦੇ ਦੂਸਰੇ
ਦਿਨ ਆਲ ਇੰਡੀਆ ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਧਾਨ ਕਿਰਨਵੀਰ ਸਿੰਘ ਕੰਗ ਪਹੁੰਚੇ,
ਜਿਨ੍ਹਾਂ ਨੇ ਸਭਾ ਨੂੰ 1 ਲੱਖ ਰੁਪਏ ਦਿੱਤੇ। ਇਸ ਖੇਡ ਮੇਲੇ ਦਾ ਕਬੱਡੀ ਕੱਪ ਦਸਮੇਸ਼
ਕਬੱਡੀ ਕਲੱਬ ਨਕੋਦਰ ਨੇ ਪੰਜਾਬ ਰਾਜ ਬਿਜਲੀ ਬੋਰਡ ਦੀ ਟੀਮ ਨੂੰ ਹਰਾ ਕੇ ਜਿੱਤਿਆ।
ਇੱਕ ਪਿੰਡ ਓਪਨ ਵਿਚ ਬਜਹੇੜੀ ਦੀ ਟੀਮ ਨੇ ਪਹਿਲਾਂ ਸਥਾਨ ਤੇ ਧਨੌਰੀ ਦੀ ਟੀਮ ਨੇ
ਦੂਸਰਾ ਸਥਾਨ ਪ੍ਰਾਪਤ ਕੀਤਾ। ਬੱਚਿਆਂ ਦੀ ਕਬੱਡੀ ਦਾ ਸੋਅ ਮੈਚ ਵੀ ਕਰਵਾਇਆ ਗਿਆ।
ਇਨ੍ਹਾਂ ਮੈਚਾਂ ਦੀ ਰੈਫਰੀ ਬਲਜੀਤ ਸਿੰਘ ਰਤਨਗੜ੍ਹ, ਮੇਜਰ ਸਿੰਘ ਸਹੇੜੀ, ਸਾਧੂ ਸਿੰਘ
ਕੰਗ ਮਾਦਪੁਰ, ਨੈਬ ਸਿੰਘ ਸਰਪੰਚ ਦਾਓਮਾਜਰਾ ਨੇ ਕੀਤੀ। ਬਜੁਰਗਾਂ ਦੀਆਂ ਦੌੜਾਂ ਵਿਚ
ਅਜੈਬ ਸਿੰਘ ਪੰਜਕੋਹਾ ਨੇ ਪਹਿਲਾਂ, ਜਸਵੰਤ ਸਿੰਘ ਖਹਿਰਾ ਨੇ ਦੂਸਰਾ, ਨਛੱਤਰ ਸਿੰਘ
ਕੋਟ ਮੰਜੀ ਸਾਹਿਬ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਖੇਡ ਮੇਲੇ ਦੀ ਸਮਾਪਤੀ 'ਤੇ
ਗਾਇਕ ਰਵਿੰਦਰ ਗਰੇਵਾਲ ਨੇ ਦਰਸ਼ਕਾਂ ਅਤੇ ਖਿਡਾਰੀਆਂ ਦਾ ਖੂਬ ਮੰਨੋਰੰਜਨ ਕੀਤਾ।
ਬੋਪਾਰਾਏ ਕਲਾਂ ਦਾ ਦੂਜਾ ਟੂਰਨਾਮੈਂਟ 25
ਤੋਂ
ਮੁੱਲਾਂਪੁਰ ਦਾਖਾ, 22 ਫਰਵਰੀ - 25 ਤੋਂ 27 ਫਰਵਰੀ ਤੱਕ ਬੋਪਾਰਾਏ ਕਲਾਂ
'ਚ ਦੂਜਾ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਵਿਚ 25 ਫਰਵਰੀ ਨੂੰ
ਦੇਸੀ ਘੋੜੇ-ਘੋੜੀਆਂ ਦੀਆਂ ਦੌੜਾਂ ਦੇ ਨਾਲ ਖੀਰੇ-ਦੁੱਗੇ ਬਲਦਾਂ ਦੀਆਂ ਦੌੜਾਂ ਦਾ
ਮੁਕਾਬਲਾ ਹੋਵੇਗਾ। ਟੂਰਨਾਮੈਂਟ ਦੇ ਦੂਸਰੇ ਦਿਨ ਵੱਡੇ ਬਲਦਾਂ ਦੇ ਨਾਲ ਰੇਹੜਾ ਦੌੜ
ਅਤੇ 27 ਫਰਵਰੀ ਕਬੱਡੀ 68 ਕਿਲੋ ਵਜਨੀ ਅਤੇ ਪਿੰਡ ਵਾਰ ਕਬੱਡੀ ਓਪਨ ਦਰਸ਼ਕਾਂ ਦੀ
ਖਿੱਚ ਬਣੇਗੀ। ਕਬੱਡੀ ਓਪਨ ਪਿੰਡ ਵਾਰ ਟੀਮਾਂ, ਜਿਸ ਵਿਚ ਇਕ ਖਿਡਾਰੀ ਬਾਹਰ ਤੋਂ ਖੇਡ
ਸਕੇਗਾ, ਦੀ ਜੇਤੂ ਟੀਮ ਨੂੰ 61 ਹਜ਼ਾਰ ਰੁਪਏ ਅਤੇ ਉਪ ਜੇਤੂ ਨੂੰ 41 ਹਜ਼ਾਰ ਨਗਦ ਇਨਾਮ
ਦਿੱਤਾ ਜਾ ਰਿਹਾ ਹੈ। ਕਬੱਡੀ ਓਪਨ ਪਿੰਡ ਵਾਰ ਮੁਕਾਬਲੇ ਲਈ 27 ਫਰਵਰੀ 12 ਵਜੇ ਤੱਕ
ਪਹੁੰਚਣ ਵਾਲੀ ਹਰ ਟੀਮ ਨੂੰ ਇਕ ਹਜ਼ਾਰ ਰੁਪਏ ਸਾਬਾਸ਼ ਇਨਾਮ ਹੋਵੇਗਾ। ਟੂਰਨਾਮੈਂਟ ਦੇ
ਤਿੰਨੇ ਦਿਨ ਜਲੇਬੀਆਂ ਦਾ ਅਟੁੱਟ ਲੰਗਰ ਅਤੇ ਰੰਗਾ-ਰੰਗ ਪ੍ਰੋਗਰਾਮ ਦਰਸ਼ਕਾਂ ਦੀ ਖਿੱਚ
ਬਣੇਗਾ।
ਸੰਗਤਪੁਰਾ (ਢੈਪਈ) ਦਾ ਕਬੱਡੀ ਖੇਡ ਮੇਲਾ
26 ਤੋਂ
ਸਵੱਦੀ ਕਲਾਂ, 21 ਫਰਵਰੀ - ਪਹਿਲਾ ਕਬੱਡੀ ਖੇਡ ਮੇਲਾ 26-27 ਫਰਵਰੀ ਨੂੰ
ਪਿੰਡ ਸੰਗਤਪੁਰਾ 'ਚ ਕਰਵਾਇਆ ਜਾ ਰਿਹਾ ਹੈ। 26 ਫਰਵਰੀ ਨੂੰ ਕਬੱਡੀ 70 ਕਿਲੋ ਭਾਰ
ਵਰਗ ਦੇ ਮੁਕਾਬਲੇ ਹੋਣਗੇ। ਅਗਲੇ ਦਿਨ 27 ਫਰਵਰੀ ਨੂੰ ਕਬੱਡੀ ਓਪਨ ਦੇ ਮੁਕਾਬਲਿਆਂ
ਤੋਂ ਇਲਾਵਾ ਬਜ਼ੁਰਗਾਂ ਦੀ ਦੌੜ, ਵਾਲੀਬਾਲ ਸ਼ੂਟਿੰਗ ਤੇ ਲੜਕੀਆਂ ਦੇ ਵਾਲੀਬਾਲ ਮੈਚ ਵੀ
ਦਰਸ਼ਕਾਂ ਦੀ ਖਿੱਚ ਦਾ ਕੇਂਦਰ ਹੋਣਗੇ।
ਗੁਰਮੇਲ ਰਾਇਸਰ ਯਾਦਗਾਰੀ ਕਬੱਡੀ ਕੱਪ 24
ਤੋਂ
ਮਲੌਦ, 21 ਫਰਵਰੀ - 24-25 ਫਰਵਰੀ ਨੂੰ ਗੁਰਮੇਲ ਰਾਇਸਰ ਯਾਦਗਾਰੀ ਕਬੱਡੀ
ਕੱਪ ਪਿੰਡ ਬੇਰਕਲਾਂ 'ਚ ਕਰਵਾਇਆ ਜਾ ਰਿਹਾ ਹੈ। 24 ਫਰਵਰੀ ਨੂੰ ਕਬੱਡੀ 65 ਕਿਲੋ ਅਤੇ
ਇਕ ਪਿੰਡ ਉਪਲ ਦੇ ਫਸਵੇਂ ਮੈਚ ਹੋਣਗੇ ਅਤੇ 25 ਨੂੰ ਪੰਜਾਬ ਦੀਆਂ ਚੋਟੀ ਦੀਆਂ 8
ਅਕੈਡਮੀਆਂ ਰਾੜਾ ਸਾਹਿਬ, ਕਾਲਖ, ਹਰਜੀਤ ਤਲਵਾਰ ਕਬੱਡੀ ਕਲੱਬ ਜਗਰਾਓਂ, ਹਰਜੀਤ
ਬਾਜਖਾਨਾ, ਮਾਲਵਾ ਕਲੱਬ ਮੋਗਾ, ਮੀਰੀ ਪੀਰੀ ਕਪੂਰਥਲਾ, ਇੰਟਰਨੈਸ਼ਨਲ ਕਲੱਬ ਰੋਪੜ,
ਨਿਰਮਲ ਸਿੰਘ ਨਿੰਮਾ ਮਾਨੂੰਪੁਰ ਅਕੈਡਮੀ ਦੇ ਚੋਟੀ ਦੇ ਖਿਡਾਰੀ ਜ਼ੋਰ ਅਜ਼ਮਾਈ ਕਰਨਗੇ।
ਅੰਤਰਰਾਸ਼ਟਰੀ ਕਬੱਡੀ ਕੱਪ 24 ਤੋਂ
ਬਰਨਾਲਾ, 21 ਫਰਵਰੀ - 24-25 ਫਰਵਰੀ ਨੂੰ ਬਾਬਾ ਥੰਮਣ ਸਿੰਘ ਯਾਦਗਾਰੀ
ਅੰਤਰਰਾਸ਼ਟਰੀ ਕਬੱਡੀ ਕੱਪ ਪਿੰਡ ਫਰਵਾਹੀ ਦੀ ਅਨਾਜ ਮੰਡੀ 'ਚ ਕਰਵਾਇਆ ਜਾ ਰਿਹਾ ਹੈ।
ਜਿਸ ਵਿਚ 24 ਫਰਵਰੀ ਨੂੰ ਕਬੱਡੀ ਓਪਨ ਤੇ 25 ਫਰਵਰੀ ਨੂੰ ਅੰਤਰਰਾਸ਼ਟਰੀ ਕਬੱਡੀ
ਅਕੈਡਮੀਆਂ ਦੇ ਰੋਮਾਂਚਕ ਮੁਕਾਬਲੇ ਹੋਣਗੇ। ਇਸੇ ਦਿਨ ਲੜਕੀਆਂ ਦੀ ਕਬੱਡੀ ਦੇ ਸ਼ੋਅ
ਮੈਚ ਵੀ ਕਰਵਾਏ ਜਾਣਗੇ। ਅਕੈਡਮੀਆਂ ਦੇ ਜੇਤੂ ਨੂੰ ਇਕ ਲੱਖ ਇਨਾਮ ਤੇ ਉਪ ਜੇਤੂ ਨੂੰ
71 ਹਜ਼ਾਰ ਦਾ ਇਨਾਮ ਤੇ ਟਰਾਫੀ ਦਿੱਤੀ ਜਾਵੇਗੀ। ਇਸ ਕੌਮਾਂਤਰੀ ਕਬੱਡੀ ਕੱਪ ਦੌਰਾਨ
ਕੌਮਾਂਤਰੀ ਕਬੱਡੀ ਖਿਡਾਰੀ ਲੱਕੀ ਬੈਲਜੀਅਮ, ਲਾਲਾ ਸੰਘੈਣ ਤੇ ਕੀਪਾ ਜੋਧਪੁਰ-ਚੀਮਾਂ
ਨੂੰ ਬੁਲੇਟ ਮੋਟਰ ਸਾਈਕਲ ਨਾਲ, ਉਘੇ ਕੁਮੈਂਟੇਟਰ ਸਤਨਾਮ ਖਾਰਾ ਨੂੰ ਚੰਨਾ ਆਲਮਗੀਰ
ਵੱਲੋਂ ਹੀਰੋ ਹਾਂਡਾ ਸਪਲੈਂਡਰ ਮੋਟਰ ਸਾਈਕਲ ਤੋਂ ਇਲਾਵਾ ਕਬੱਡੀ ਕੋਚ ਅਸ਼ੋਕ ਖਿਆਲੀ
ਤੇ ਬਾਰ੍ਹਾਂ ਉਭਰਦੇ ਕਬੱਡੀ ਖਿਡਾਰੀਆਂ ਨੂੰ ਵੀ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ
ਜਾਵੇਗਾ।
6ਵਾਂ ਕਬੱਡੀ ਗੋਲਡ ਕੱਪ 23 ਨੂੰ
ਕਪੂਰਥਲਾ, 19 ਫਰਵਰੀ -6ਵਾਂ ਕਬੱਡੀ ਗੋਲਡ ਕੱਪ 23 ਫਰਵਰੀ ਨੂੰ ਗੁਰੂ ਨਾਨਕ
ਸਟੇਡੀਅਮ ਕਪੂਰਥਲਾ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ ਵਿਚ 8 ਅੰਤਰਾਰਸ਼ਟਰੀ
ਟੀਮਾਂ ਭਾਗ ਲੈਣਗੀਆਂ ਅਤੇ ਗਾਇਕ ਬੱਬੂ ਮਾਨ ਦਾ ਖੁੱਲਾ ਅਖਾੜਾ ਲੱਗੇਗਾ। ਕਬੱਡੀ
ਗੋਲਡ ਕੱਪ ਵਿਚ ਪਹਿਲੇ ਸਥਾਨ 'ਤੇ ਆਉਣ ਵਾਲੀ ਟੀਮ ਨੂੰ ਸ: ਸੁਰਜੀਤ ਸਿੰਘ ਵਿਰਕ, ਸ:
ਮੁਖਤਿਆਰ ਸਿੰਘ ਪੱਡਾ, ਸ: ਕਰਮਜੀਤ ਸਿੰਘ ਪੱਡਾ, ਸ: ਕਸ਼ਮੀਰ ਸਿੰਘ ਬੋਪਾਰਾਏ 2 ਲੱਖ
51 ਹਜ਼ਾਰ ਰੁਪਏ ਦੇ ਨਕਦ ਇਨਾਮ ਨਾਲ ਸਨਮਾਨਿਤ ਕਰਨਗੇ, ਜਦਕਿ ਉਪ ਜੇਤੂ ਟੀਮ ਨੂੰ ਸ:
ਸੁਖਜੀਵਨ ਸਿੰਘ ਲਾਂਧੜਾ, ਸ: ਦਲਜੀਤ ਸਿੰਘ ਗੋਲਡੀ, ਸ: ਮਨਦੀਪ ਸਿੰਘ ਲਾਡੀ ਤੇ ਸ:
ਤੇਜਿੰਦਰ ਸਿੰਘ ਨਿੱਝਰ 2 ਲੱਖ 11 ਹਜ਼ਾਰ ਰੁਪਏ ਦੇ ਨਗਦ ਇਨਾਮ ਨਾਲ ਨਿਵਾਜਣਗੇ।
ਘੱਗੇ ਦਾ ਕਬੱਡੀ ਕੱਪ ਸ਼ੁਰੂ
ਘੱਗਾ, 19 ਫਰਵਰੀ - ਤੀਜਾ ਅੰਤਰਰਾਸ਼ਟਰੀ ਕਬੱਡੀ ਕੱਪ ਘੱਗੇ 'ਚ ਕਰਵਾਇਆ ਜਾ
ਰਿਹਾ ਹੈ। ਇਸ ਟੂਰਨਾਮੈਂਟ ਦੇ ਪਹਿਲੇ ਦਿਨ ਪੰਜਾਬ ਅਤੇ ਹਰਿਆਣੇ ਦੀਆਂ ਕੁੜੀਆਂ ਦੇ
ਕਬੱਡੀ ਖੇਡ ਮੁਕਾਬਲਿਆਂ ਤੋਂ ਇਲਾਵਾ ਕਬੱਡੀ 52 ਕਿਲੋ ਅਤੇ 40 ਸਾਲਾ ਤੋਂ ਵੱਧ ਉਮਰ
ਦੇ ਖਿਡਾਰੀਆਂ ਦੇ ਮੈਚ ਕਰਵਾਏ ਗਏ ਅਤੇ ਨਾਲ ਹੀ ਰੱਸਾਕਸ਼ੀ ਦੇ ਮੁਕਾਬਲੇ ਵੀ ਹੋਏ।
ਕੁੜੀਆਂ ਦੀ ਕਬੱਡੀ ਵਿਚ ਪੰਜਾਬ ਦੀਆਂ ਮੁਟਿਆਰਾਂ ਨੇ ਹਰਿਆਣੇ ਦੀਆਂ ਕੁੜੀਆਂ ਨੂੰ
ਮਾਤ ਦਿੱਤੀ।
11ਵਾਂ ਧਿਆਨ ਸਿੰਘ ਦੁਆਬੀਆ ਯਾਦਗਾਰੀ
ਕਬੱਡੀ ਟੂਰਨਾਮੈਂਟ 24 ਤੋਂ
ਮਿਆਣੀ, 19 ਫਰਵਰੀ - 11ਵਾਂ ਧਿਆਨ ਸਿੰਘ ਦੁਆਬੀਆ ਯਾਦਗਾਰੀ ਕਬੱਡੀ
ਟੂਰਨਾਮੈਂਟ 24-25 ਫਰਵਰੀ ਨੂੰ ਬਲਾਕ ਟਾਂਡਾ ਦੇ ਪਿੰਡ ਸਲੇਮਪੁਰ 'ਚ ਕਰਵਾਇਆ ਜਾ
ਰਿਹਾ ਹੈ। ਇਸ ਟੂਰਨਾਮੈਂਟ ਦੌਰਾਨ ਓਪਨ ਕਲੱਬ, ਪਿੰਡ ਓਪਨ, 65 ਕਿਲੋ, 55 ਕਿਲੋ, 42
ਕਿਲੋਗ੍ਰਾਮ ਭਾਰ ਦੇ ਮੈਚ ਹੋਣਗੇ।
ਦੋ ਰੋਜ਼ਾ ਅੰਤਰਰਾਸ਼ਟਰੀ ਕਬੱਡੀ ਕੱਪ 1 ਤੋਂ
ਸ਼ਾਮਚੁਰਾਸੀ, 18 ਫਰਵਰੀ - ਦੋ ਰੋਜ਼ਾ ਕਬੱਡੀ ਕੱਪ 1-2 ਮਾਰਚ ਨੂੰ ਪਿੰਡ
ਬਡਿਆਲ (ਨੇੜੇ ਹਰਗੜ੍ਹ) ਜ਼ਿਲ੍ਹਾ ਹੁਸ਼ਿਆਰਪੁਰ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ
ਟੂਰਨਾਮੈਂਟ ਵਿਚ ਓਪਨ ਕਲੱਬ ਅਤੇ ਓਪਨ ਪਿੰਡ ਪੱਧਰ ਦੀਆਂ ਪਹਿਲੇ ਅਤੇ ਦੂਸਰੇ ਸਥਾਨ
'ਤੇ ਆਉਣ ਵਾਲੀਆਂ ਜੇਤੂ ਟੀਮਾਂ ਨੂੰ 51,000 ਤੇ 41,000 ਅਤੇ 13,000 ਅਤੇ 9,000
ਰੁਪਏ ਦੀ ਨਗਦ ਰਾਸ਼ੀ ਅਤੇ ਯਾਦ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ
ਬਾਲੀਵਾਲ, ਕੁੱਤਿਆਂ ਦੀਆਂ ਟਰੈਕ ਦੌੜਾਂ, ਲੜਕੀਆਂ ਦੀ ਕਬੱਡੀ ਦੇ ਸ਼ੋਅ ਮੈਚ ਅਤੇ
ਸਰਦਾਰ ਖਿਡਾਰੀਆਂ ਦੀ ਕਬੱਡੀ ਦੇ ਸ਼ੋਅ ਮੈਚ ਕਰਵਾਏ ਜਾਣਗੇ।
ਤੀਜਾ ਅੰਤਰਰਾਸ਼ਟਰੀ ਕਬੱਡੀ ਕੱਪ 19 ਤੋਂ
ਘੱਗਾ, 17 ਫਰਵਰੀ - ਤੀਜਾ ਅੰਤਰਰਾਸ਼ਟਰੀ ਕਬੱਡੀ ਕੱਪ 19-20 ਫਰਵਰੀ ਨੂੰ
ਘੱਗਾ ਦੇ ਖੇਡ ਸਟੇਡੀਅਮ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਖੇਡ ਮੇਲੇ ਦੌਰਾਨ ਭਾਰ 52
ਕਿਲੋ, 70 ਕਿਲੋ, ਇਕ ਪਿੰਡ ਓਪਨ, ਆਲ ਓਪਨ, ਕੁੜੀਆਂ ਦੀਆਂ ਅਕੈਡਮੀਆਂ ਤੋਂ ਇਲਾਵਾ
ਚਾਲੀ ਸਾਲਾ ਖਿਡਾਰੀਆਂ ਦੇ ਮੈਚ ਕਰਵਾਏ ਜਾਣਗੇ। ਦੇਬੀ ਮਖਸੂਸਪੁਰੀ ਦਾ ਅਖਾੜਾ 20
ਫਰਵਰੀ ਨੂੰ ਲੱਗੇਗਾ।
ਤਿੰਨ ਰੋਜ਼ਾ ਕਬੱਡੀ ਟੂਰਨਾਮੈਂਟ 'ਚ ਬੱਧਨੀ
ਕਲਾਂ ਦੀ ਟੀਮ ਜੇਤੂ
ਬੱਧਨੀ ਕਲਾਂ, 15 ਫਰਵਰੀ - ਤਿੰਨ ਰੋਜ਼ਾ ਕਬੱਡੀ ਟੂਰਨਾਮੈਂਟ ਬੱਧਨੀ ਕਲਾਂ
'ਚ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਦੇ ਅਖੀਰਲੇ ਦਿਨ 65 ਕਿਲੋ ਭਾਰ ਦੇ ਫਾਈਨਲ
ਮੁਕਾਬਲੇ ਵਿਚ ਬੱਧਨੀ ਖੁਰਦ ਦੀ ਟੀਮ ਨੇ ਰਾਉਕੇ ਕਲਾਂ ਦੀ ਟੀਮ ਨੂੰ ਹਰਾ ਕੇ ਕੱਪ
'ਤੇ ਕਬਜ਼ਾ ਕੀਤਾ। 55 ਕਿਲੋ ਭਾਰ 'ਚ ਬੁਰਜ ਫਤਹਿਗੜ੍ਹ ਦੀ ਟੀਮ ਪਹਿਲੇ ਤੇ ਸ਼ਿਵਪੁਰੀ
ਲੋਪੋ ਦੀ ਟੀਮ ਦੂਸਰੇ ਨੰਬਰ ਤੇ ਰਹੀ। ਓਪਨ ਪਿੰਡ ਵਾਰ ਦੀਆਂ 30 ਟੀਮਾਂ 'ਚੋਂ ਬਾਬਾ
ਹੀਰਾ ਲਾਲ ਕਲੱਬ ਦੌਧਰ ਪਹਿਲੇ ਤੇ ਤੇਜ਼ ਕਲੱਬ ਰੋਡੇ ਦੂਸਰੇ ਨੰਬਰ 'ਤੇ ਰਹੀ।
ਕੁਮੈਂਟਰੀ ਦੀ ਭੂਮਿਕਾ ਅਮਨਾ ਲੋਪੋ ਤੇ ਰੈਫਰੀ ਦੀ ਭੂਮਿਕਾ ਨਿਰਮਲ ਸਿੰਘ ਨੇ ਬਾਖੂਬੀ
ਨਿਭਾਈ।
ਜਥੇਦਾਰ ਅਮਰ ਸਿੰਘ ਯਾਦਗਾਰੀ ਮੈਮੋਰੀਅਲ
ਕਬੱਡੀ ਕੱਪ 18 ਤੋਂ
ਢਿਲਵਾਂ, 15 ਫਰਵਰੀ - ਪਿੰਡ ਧਾਲੀਵਾਲ ਬੇਟ 'ਚ 18 ਤੋਂ 20 ਫਰਵਰੀ ਤੱਕ
ਜਥੇਦਾਰ ਅਮਰ ਸਿੰਘ ਯਾਦਗਾਰੀ ਮੈਮੋਰੀਅਲ ਕਬੱਡੀ ਕੱਪ ਕਰਵਾਇਆ ਜਾ ਰਿਹਾ ਹੈ।
ਟੂਰਨਾਮੈਂਟ ਵਿਚ ਕਬੱਡੀ ਓਪਨ ਪਿੰਡ ਪੱਧਰ ਤੋਂ ਇਲਾਵਾ 70 ਕਿਲੋ, 63 ਕਿਲੋ, 45 ਕਿਲੋ
ਭਾਰ ਵਰਗ ਦੇ ਮੁਕਾਬਲੇ ਕਰਵਾਏ ਜਾਣਗੇ।
ਅੰਤਰਰਾਸ਼ਟਰੀ ਕਬੱਡੀ ਕੱਪ ਮੁਕਾਬਲੇ 21
ਤੋਂ ਕਟਾਣੀ ਕਲਾਂ 'ਚ
ਕੁਹਾੜਾ, 14 ਫਰਵਰੀ - ਸ: ਬਹਾਦਰ ਸ: ਕਰਤਾਰ ਸਿੰਘ ਯਾਦਗਾਰੀ ਅੰਤਰਰਾਸ਼ਟਰੀ
ਕਬੱਡੀ ਕੱਪ ਮੁਕਾਬਲੇ ਕਟਾਣੀ ਕਲਾਂ 'ਚ 21-22 ਫ਼ਰਵਰੀ ਨੂੰ ਕਰਵਾਏ ਜਾ ਰਹੇ ਹਨ।
ਜਿਨ੍ਹਾਂ ਵਿਚ ਅਲੰਕਾਰ ਟੋਨੀ ਕਲੱਬ ਕੁੱਬੇ, ਯੂਨੀਈਟਡ ਸਪੋਰਟਸ ਕਲੱਬ ਘੱਲ ਕਲਾਂ,
ਸ੍ਰੀ ਹਰਗੋਬਿੰਦ ਕਲੱਬ ਟਾਂਡੀ, ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ ਮੰਗੂਵਾਲ, ਰਾਮਦਾਸ
ਸਪੋਰਟਸ ਕਲੱਬ ਅੰਮ੍ਰਿਤਸਰ, ਸ੍ਰੀ ਹਰਗੋਬਿੰਦ ਕਲੱਬ ਹੁਸ਼ਿਆਰਪੁਰ, ਫ਼ਤਹਿਗੜ੍ਹ ਸਪੋਰਟਸ
ਕਲੱਬ ਫ਼ਤਹਿਗੜ੍ਹ ਸਾਹਿਬ, ਹੈਰੀਟੇਜ਼ ਸਪੋਰਟਸ ਐਂਡ ਕਲਚਰਲ ਕਲੱਬ ਕਪੂਰਥਲਾ, ਕਬੱਡੀ
ਅਕੈਡਮੀਆਂ ਦੇ ਮੁਕਾਬਲੇ ਹੋਣਗੇ।
ਮੰਨਣ 'ਚ ਕਬੱਡੀ ਟੂਰਨਾਮੈਂਟ 16 ਤੋਂ
ਕਾਲਾ ਸੰਘਿਆਂ, 14 ਫਰਵਰੀ - 16-17 ਫਰਵਰੀ ਨੂੰ ਕਬੱਡੀ ਟੂਰਨਾਮੈਂਟ ਪਿੰਡ
ਮੰਨਣ ਜ਼ਿਲ੍ਹਾ ਕਪੂਰਥਲਾ 'ਚ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ ਕਬੱਡੀ ਪਿੰਡ ਪੱਧਰ
ਖੁੱਲ੍ਹਾ ਭਾਰ, 65 ਕਿਲੋ ਅਤੇ 55 ਕਿਲੋ ਭਾਰ ਦੇ ਜ਼ਬਰਦਸਤ ਮੁਕਾਬਲੇ ਕਰਵਾਏ ਜਾਣਗੇ।
ਮਿਤੀ 18 ਫਰਵਰੀ ਨੂੰ ਦਮਦਾਰ ਆਵਾਜ਼ ਦੇ ਮਾਲਕ ਪ੍ਰਸਿੱਧ ਗਾਇਕ ਦੁਰਗਾ ਰੰਗੀਲਾ ਅਤੇ
ਬੀ. ਐਸ. ਬੱਲੀ ਕੱਵਾਲ ਪਾਸਲੇ ਵਾਲੇ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕਰਨਗੇ।
ਮੋਹਨਪੁਰ ਕਬੱਡੀ ਕੱਪ 18 ਤੋਂ
ਖੰਨਾ, 14 ਫਰਵਰੀ - ਪਿੰਡ ਮੋਹਨਪੁਰ 'ਚ 18 ਫਰਵਰੀ ਨੂੰ ਕਬੱਡੀ ਕੱਪ
ਕਰਵਾਇਆ ਜਾ ਰਿਹਾ ਹੈ। ਇਸ ਵਿਚ ਕਬੱਡੀ ਕਲੱਬ ਇਕ ਪਿੰਡ ਓਪਨ (ਇਕ ਖਿਡਾਰੀ ਬਾਹਰਲਾ),
ਸਲੋ ਰੇਸ ਅਤੇ ਤਾਸ਼ ਸੀਪ ਦੇ ਮੁਕਾਬਲੇ ਹੋਣਗੇ। ਕਲੱਬ ਵੱਲੋਂ ਅੰਤਰਰਾਸ਼ਟਰੀ ਕਬੱਡੀ
ਖਿਡਾਰੀ ਮੱਤਾ ਗੁਰਦਾਸਪੁਰੀਆ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਜਾਵੇਗਾ। ਦਰਸ਼ਕਾਂ ਅਤੇ
ਖਿਡਾਰੀਆਂ ਦੇ ਚਿੱਤ ਪ੍ਰਚਾਵੇ ਲਈ ਗਾਇਕ ਮੁਹੰਮਦ ਸਦੀਕ, ਦੀਪ ਢਿੱਲੋਂ ਅਤੇ ਜਾਸਮੀਨ
ਜੱਸੀ ਦਾ ਅਖਾੜਾ ਲੱਗੇਗਾ।
ਕਬੱਡੀ ਮੁਕਾਬਲੇ 'ਚ ਦਸਮੇਸ਼ ਕਲੱਬ ਨਕੋਦਰ
ਦੀ ਸਰਦਾਰੀ
ਫਿਲੌਰ, 14 ਫਰਵਰੀ - 3 ਰੋਜ਼ਾ 8ਵਾਂ ਇੰਟਰਨੈਸ਼ਨਲ ਕਬੱਡੀ ਕੱਪ ਫਿਲੌਰ ਦੇ
ਨੇੜਲੇ ਪਿੰਡ ਮੁਠੱਡਾ ਕਲਾਂ 'ਚ ਕਰਵਾਇਆ ਗਿਆ। ਕਬੱਡੀ ਮੁਕਾਬਲੇ ਵਿੱਚ ਦਸਮੇਸ਼ ਕਲੱਬ
ਨਕੋਦਰ ਪਹਿਲੇ ਸਥਾਨ 'ਤੇ ਰਿਹਾ ਜਿਸ ਨੂੰ 1 ਲੱਖ ਰੁਪਏ ਅਤੇ ਲਿੱਤਰਾਂ ਦੀ ਟੀਮ, ਜੋ
ਦੂਸਰੇ ਸਥਾਨ 'ਤੇ ਰਹੀ, ਨੂੰ 65 ਹਜ਼ਾਰ ਰੁਪਏ ਭੇਟ ਕੀਤੇ ਗਏ। ਇਸ ਮੌਕੇ ਉਘੇ ਕਲਾਕਾਰ
ਮਨਮੋਹਨ ਵਾਰਿਸ ਅਤੇ ਜੈਜ਼ੀ ਬੈਂਸ ਨੇ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕਰਕੇ ਦਰਸ਼ਕ ਨੱਚਣ ਲਾ
ਦਿੱਤੇ।
ਅੰਬੀ ਕਲੱਬ ਮੋਗਾ ਜੇਤੂ
ਜਗਰਾਉਂ, 13 ਫਰਵਰੀ - 6ਵੇਂ ਯੂ.ਕੇ. ਗੋਲਡ ਕਬੱਡੀ ਕੱਪ ਦੇ ਫਾਈਨਲ
ਮੁਕਾਬਲਿਆਂ 'ਚ ਅੰਬੀ ਕਲੱਬ ਮੋਗਾ ਨੇ ਹਰਜੀਤ ਤਲਵਾਰ ਕਲੱਬ ਨੂੰ ਹਰਾ ਕੇ ਗੋਲਡ ਕੱਪ
ਅਤੇ ਇਕ ਲੱਖ ਰੁਪਏ 'ਤੇ ਕਬਜ਼ਾ ਕਰ ਲਿਆ। ਪਿੰਡ ਵਾਰ ਓਪਨ ਦੇ ਹੋਏ ਮੁਕਾਬਲਿਆਂ 'ਚ
ਬਾਬਾ ਰੋਡੂ ਕਲੱਬ ਕਾਉਂਕੇ ਕਲਾਂ ਜੇਤੂ ਰਹੀ, ਜਦਕਿ ਗਿਆਨੀ ਕਲੱਬ ਜੰਡੀ ਨੂੰ ਉਪ ਜੇਤੂ
ਕਰਾਰ ਦਿੱਤਾ ਗਿਆ। ਬਾਸਕਿਟਬਾਲ ਦੇ ਮੈਚਾਂ ਤੋਂ ਇਲਾਵਾ ਲੜਕੀਆਂ ਦਾ ਸ਼ੋਅ ਮੈਚ ਵੀ
ਕਰਵਾਇਆ ਗਿਆ।
ਨਿੰਮਾ ਯਾਦਗਾਰੀ ਕਬੱਡੀ ਕੱਪ 'ਤੇ ਰਾੜਾ
ਸਾਹਿਬ ਅਕੈਡਮੀ ਕਾਬਜ਼
ਡੇਹਲੋਂ, 13 ਫਰਵਰੀ - ਨਿਰਮਲ ਨਿੰਮਾ ਯਾਦਗਾਰੀ ਕਬੱਡੀ ਕੱਪ ਦੇ ਪਹਿਲੇ
ਸੈਮੀਫਾਈਨਲ ਮੈਚ ਦੌਰਾਨ ਹਰਜੀਤ ਕਲੱਬ ਬਾਜਾਖਾਨਾਂ ਮੋਗਾ ਨੇ ਅੰਬੀ ਹਠੂਰ ਕਲੱਬ
ਜਗਰਾਉਂ ਨੂੰ ਹਰਾਇਆ ਜਦਕਿ ਦੂਸਰੇ ਸੈਮੀਫਾਈਨਲ ਮੈਚ ਸੰਤ ਈਸ਼ਰ ਸਿੰਘ ਅਕੈਡਮੀ ਰਾੜਾ
ਸਾਹਿਬ ਨੂੰ ਮਾਤ ਦਿੱਤੀ। ਕਬੱਡੀ 70 ਕਿੱਲੋ ਦੇ ਮੈਚ ਵਿੱਚੋਂ ਜੋਧਾਂ ਦੀ ਟੀਮ ਨੇ
ਕਾਲਖ ਦੀ ਟੀਮ ਨੂੰ ਹਰਾ ਕੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਕਬੱਡੀ ਕੱਪ ਦੌਰਾਨ ਕੁੜੀਆਂ
ਦੇ ਖੇਡੇ ਗਏ ਸ਼ੋਅ ਮੈਚ ਵਿੱਚੋਂ ਜਗਤਪੁਰ ਅਕੈਡਮੀ ਨੇ ਕਪੂਰਥਲਾ ਕਲੱਬ ਨੂੰ ਹਰਾਇਆ।
ਫਾਈਨਲ ਮੈਚ ਦੌਰਾਨ ਸੰਤ ਈਸ਼ਰ ਸਿੰਘ ਅਕੈਡਮੀ ਰਾੜਾ ਸਾਹਿਬ ਅਤੇ ਹਰਜੀਤ ਕਲੱਬ
ਬਾਜਾਖਾਨਾਂ ਵਿੱਚ ਫਸਵਾਂ ਮੁਕਾਬਲਾ ਹੋਇਆ ਜਿਸ ਵਿਚ ਸੰਤ ਈਸ਼ਰ ਸਿੰਘ ਅਕੈਡਮੀ ਨੇ
ਜਿੱਤ ਪ੍ਰਾਪਤ ਕੀਤੀ। ਇਸ ਮੌਕੇ ਕਬੱਡੀ ਦੀ ਕੁਮੈਂਟਰੀ ਦੀ ਭੂਮਿਕਾ ਗੁਰਪ੍ਰੀਤ ਸਿੰਘ
ਬੇਰਕਲਾਂ, ਹਰਜੋਤ ਸਿਹੌੜਾ ਨੇ ਬਾਖੂਬੀ ਨਿਭਾਈ।
ਤਿੰਨ ਰੋਜ਼ਾ ਕਬੱਡੀ ਕੱਪ
ਟੂਰਨਾਮੈਂਟ
ਬੱਧਨੀ ਕਲਾਂ, 13 ਫਰਵਰੀ - ਤਿੰਨ ਰੋਜ਼ਾ ਕਬੱਡੀ ਕੱਪ ਟੂਰਨਾਮੈਂਟ ਪਿੰਡ
ਬੱਧਨੀ ਖੁਰਦ 'ਚ ਚੱਲ ਰਿਹਾ ਹੈ। ਇਸ ਟੂਰਨਾਮੈਂਟ ਦੇ ਦੂਜੇ ਦਿਨ 42 ਕਿਲੋ ਭਾਰ ਦੀਆਂ
40 ਟੀਮਾਂ ਨੇ ਹਿੱਸਾ ਲਿਆ, ਜਿਸ ਵਿਚ ਭਿੰਡਰ ਦੀ ਟੀਮ ਨੇ ਸੱਦਾ ਸਿੰਘ ਦੀ ਟੀਮ ਨੂੰ
ਹਰਾ ਕੇ ਟਰਾਫ਼ੀ 'ਤੇ ਕਬਜ਼ਾ ਕੀਤਾ। ਅੰਡਰ 35 ਕਿਲੋ ਭਾਰ ਵਿਚ ਸਮਾਧ ਭਾਈ ਦੀ ਟੀਮ
ਇੰਦਗੜ੍ਹ ਦੀ ਟੀਮ ਨੂੰ ਹਰਾ ਕੇ ਜੇਤੂ ਰਹੀ।
ਲਾਂਬੜਾ ਦਾ ਪੰਜਵਾਂ ਪੇਂਡੂ ਖੇਡ ਮੇਲਾ 16
ਤੋਂ
ਲਾਂਬੜਾ, 13 ਫਰਵਰੀ - ਪੰਜਵਾਂ ਪੇਂਡੂ ਖੇਡ ਮੇਲਾ 16 ਤੋਂ 18 ਫਰਵਰੀ ਤੱਕ
ਲਾਂਬੜਾ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਖੇਡ ਮੇਲੇ ਦੇ ਅਖੀਰਲੇ ਦਿਨ ਅੱਠ ਅੰਤਰਰਾਸ਼ਟਰੀ
ਕਲੱਬਾਂ ਦੇ ਕਬੱਡੀ ਖਿਡਾਰੀ ਆਪਣੀ ਸੁਚੱਜੀ ਖੇਡ ਦਾ ਪ੍ਰਦਰਸ਼ਨ ਕਰਨਗੇ। ਕਲੱਬ ਦੀ ਜੇਤੂ
ਟੀਮ ਨੂੰ ਇਕ ਲੱਖ ਰੁਪਏ ਇਨਾਮ ਅਤੇ ਦੂਸਰਾ ਇਨਾਮ ਪਜੱਤਰ ਹਜ਼ਾਰ ਰੁਪਏ ਅਤੇ ਪਿੰਡ
ਪੱਧਰ ਓਪਨ ਦਾ ਪਹਿਲਾ ਇਨਾਮ ਇਕਵੰਜਾ ਹਜ਼ਾਰ ਰੁਪਏ ਦਿੱਤਾ ਜਾਵੇਗਾ।
ਤਿੰਨ ਰੋਜ਼ਾ ਕਬੱਡੀ ਟੂਰਨਾਮੈਂਟ
ਸ਼ੁਰੂ
ਬੱਧਨੀ ਕਲਾਂ, 12 ਫਰਵਰੀ - 11ਵਾਂ ਤਿੰਨ ਰੋਜ਼ਾ ਕਬੱਡੀ ਟੂਰਨਾਮੈਂਟ ਪਿੰਡ
ਬੱਧਨੀ ਖੁਰਦ 'ਚ ਕਰਵਾਇਆ ਜਾ ਰਿਹਾ ਹੈ। ਇਹ ਕਬੱਡੀ ਟੂਰਨਾਮੈਂਟ ਧੰਨ ਧੰਨ ਬਾਬਾ ਉਤਮ
ਸਿੰਘ ਜੀ ਦੀ ਯਾਦ ਵਿਚ ਕਰਵਾਇਆ ਜਾ ਰਿਹਾ ਹੈ। ਉਦਘਾਟਨੀ ਮੈਚ ਵਿਚ 35 ਕਿੱਲੋ ਵਿਚ
ਪਿੰਡ ਲੋਪੋ ਦੀ ਟੀਮ ਨੇ ਕਪੂਰੇ ਦੀ ਟੀਮ ਨੂੰ ਹਰਾਇਆ। 35 ਕਿੱਲੋ ਦੀਆਂ 60 ਟੀਮਾਂ
ਨੇ ਇਸ ਟੂਰਨਾਮੈਂਟ 'ਚ ਹਿੱਸਾ ਲਿਆ। ਰੈਫਰੀ ਦੀ ਭੂਮਿਕਾ ਨਿਰਮਲ ਸਿੰਘ ਅਤੇ ਕੁਮੈਂਟਰੀ
ਦੀ ਭੂਮਿਕਾ ਬੂਟਾ ਖਾਨ ਆਲਮਵਾਲਾ ਨੇ ਨਿਭਾਈ।
ਮੁਠੱਡਾ ਕਲਾਂ 'ਚ ਅੰਤਰਰਾਸ਼ਟਰੀ ਕਬੱਡੀ
ਕੱਪ ਸ਼ੁਰੂ
ਗੁਰਾਇਆ, 12 ਫਰਵਰੀ - ਅੰਤਰਰਾਸ਼ਟਰੀ ਕਬੱਡੀ ਕੱਪ ਮੁਠੱਡਾ ਕਲਾਂ 'ਚ ਸ਼ੁਰੂ
ਹੋ ਗਿਆ ਹੈ। ਪਹਿਲੇ ਦਿਨ ਕਬੱਡੀ ਦੇ ਦਿਲਕਸ਼ ਮੁਕਾਬਲੇ ਹੋਏ।
ਨਿੰਮਾ ਕਬੱਡੀ ਕੱਪ ਕਾਲਖ 13 ਨੂੰ
ਡੇਹਲੋਂ, 11 ਫਰਵਰੀ - ਨਿੰਮਾ ਕਬੱਡੀ ਕੱਪ ਕਾਲਖ 13 ਫਰਵਰੀ ਨੂੰ ਡੇਹਲੋਂ
ਦੇ ਨੇੜਲੇ ਪਿੰਡ ਕਾਲਖ 'ਚ ਕਰਵਾਇਆ ਜਾ ਰਿਹਾ ਹੈ। ਇਸ ਕਬੱਡੀ ਕੱਪ 'ਚ ਪੰਜਾਬ ਕਬੱਡੀ
ਅਕੈਡਮੀਜ਼ ਐਸੋਸੀਏਸ਼ਨ ਦੀਆਂ 8 ਨਾਮਵਰ ਟੀਮਾਂ 'ਚ ਦਸਮੇਸ਼ ਕਬੱਡੀ ਅਕੈਡਮੀ ਕਾਲਖ, ਸੰਤ
ਈਸ਼ਰ ਸਿੰਘ ਅਕੈਡਮੀ ਰਾੜਾ ਸਾਹਿਬ, ਅੰਬੀ ਹਠੂਰ ਮੋਗਾ, ਹਰਜੀਤ ਤਲਵਾਰ ਕਲੱਬ ਜਗਰਾਉਂ,
ਹਰਜੀਤ ਕਲੱਬ ਬਾਜਾਖਾਨਾ, ਨਿਰਮਲ ਨਿੰਮਾ ਅਕੈਡਮੀ ਮਾਨੂੰਪੁਰ, ਮਾਲਵਾ ਦੁਆਬਾ ਕਬੱਡੀ
ਅਕੈਡਮੀ ਜਗਰਾਉਂ ਦੀਆਂ ਟੀਮਾਂ ਹਿੱਸਾ ਲੈਣਗੀਆਂ। ਜੇਤੂ ਟੀਮ ਨੂੰ 2 ਲੱਖ 11 ਹਜ਼ਾਰ
ਦਾ ਨਗਦ ਇਨਾਮ ਸ: ਪ੍ਰਿਤਪਾਲ ਸਿੰਘ ਸੇਖੋਂ ਕੈਨੇਡਾ, ਗੁਰਦੀਪ ਸਿੰਘ ਚੀਮਾ ਕਾਲਖ
ਕੈਨੇਡਾ ਅਤੇ ਹਰਮਨ ਭਰੋਵਾਲ ਐਡਮਿੰਟਨ ਵੱਲੋਂ ਸਾਂਝੇ ਤੌਰ 'ਤੇ ਦਿੱਤਾ ਜਾਵੇਗਾ ਅਤੇ
ਉਪ ਜੇਤੂ ਨੂੰ 1 ਲੱਖ 51 ਹਜ਼ਾਰ ਦਾ ਨਕਦ ਇਨਾਮ ਪਰਮਜੀਤ ਸਿੰਘ ਪੰਮਾ ਕੈਨੇਡਾ, ਸ:
ਜਸਵੰਤ ਸਿੰਘ ਕਾਲਖ ਅਤੇ ਸ: ਅੰਮ੍ਰਿਤਪਾਲ ਸਿੰਘ ਐਡਮਿੰਟਨ ਵੱਲੋਂ ਸਾਂਝੇ ਤੌਰ 'ਤੇ
ਦਿੱਤਾ ਜਾ ਰਿਹਾ ਹੈ।
11ਵਾਂ ਕਬੱਡੀ ਖੇਡ ਮੇਲਾ 13 ਤੋਂ
ਸਵੱਦੀ ਕਲਾਂ, 10 ਫਰਵਰੀ - 11ਵਾਂ ਕਬੱਡੀ ਖੇਡ ਮੇਲਾ 13-14 ਫਰਵਰੀ ਨੂੰ
ਪਿੰਡ ਤਲਵੰਡੀ ਕਲਾਂ ਦੇ ਸ਼ਹੀਦ ਜਸਵੰਤ ਸਿੰਘ ਯਾਦਗਾਰੀ ਖੇਡ ਸਟੇਡੀਅਮ 'ਚ ਕਰਵਾਇਆ ਜਾ
ਰਿਹਾ ਹੈ। ਖੇਡ ਮੇਲੇ ਦੇ ਪਹਿਲੇ ਦਿਨ 13 ਫਰਵਰੀ ਨੂੰ ਕਬੱਡੀ 70 ਕਿਲੋ ਭਾਰ ਵਰਗ ਦੇ
ਮੁਕਾਬਲੇ ਅਤੇ ਤਾਸ਼ ਸੀਪ ਦੇ ਮੁਕਾਬਲੇ ਹੋਣਗੇ। ਦੂਸਰੇ ਦਿਨ 14 ਫਰਵਰੀ ਨੂੰ ਕਬੱਡੀ
ਓਪਨ ਪਿੰਡ ਵਾਰ ਦੇ ਦਿਲਖਿਚਵੇਂ ਮੁਕਾਬਲੇ ਹੋਣਗੇ। 15 ਫਰਵਰੀ ਨੂੰ ਕੇਵਲ ਬੈਲ ਗੱਡੀਆਂ
ਦੀਆਂ ਦੌੜਾਂ ਕਰਵਾਈਆਂ ਜਾਣਗੀਆਂ।
ਆਲ ਓਪਨ ਅੰਤਰ-ਰਾਸ਼ਟਰੀ ਕਬੱਡੀ ਕੱਪ
ਟੂਰਨਾਮੈਂਟ 12 ਤੋਂ
ਔੜ, 10 ਫਰਵਰੀ - 17ਵਾਂ ਆਲ ਓਪਨ ਅੰਤਰਰਾਸ਼ਟਰੀ ਕਬੱਡੀ ਕੱਪ 12-13 ਫਰਵਰੀ
ਨੂੰ ਗੜ੍ਹਪਧਾਣਾ 'ਚ ਕਰਵਾਇਆ ਜਾ ਰਿਹਾ ਹੈ। 12 ਫਰਵਰੀ ਨੂੰ ਪਿੰਡ ਪੱਧਰ ਅਤੇ 13
ਫਰਵਰੀ ਨੂੰ ਅਕੈਡਮੀਆਂ ਦੇ ਦਿਲਚਸਪ ਭੇੜ ਕਰਵਾਏ ਜਾਣਗੇ। ਜਿਸਦੇ ਜੇਤੂ ਅਤੇ ਉਪ ਜੇਤੂ
ਨੂੰ 35/30 ਹਜ਼ਾਰ ਦੇ ਆਕਰਸ਼ਕ ਇਨਾਮ ਦਿੱਤੇ ਜਾਣਗੇ।
ਕਬੱਡੀ ਅਕੈਡਮੀ ਜਗਰਾਓਂ ਤੇ ਕਬੱਡੀ ਓਪਨ ਬੱਧਨੀ ਖੁਰਦ ਦੀ ਝੰਡੀ ਬੱਧਨੀ ਕਲਾਂ, 9 ਫਰਵਰੀ - ਦੂਜਾ ਕਬੱਡੀ ਗੋਲਡ ਕੱਪ 4 ਰੋਜ਼ਾ ਟੂਰਨਾਮੈਂਟ ਬੱਧਨੀ ਕਲਾਂ ਦੇ ਖੇਡ ਸਟੇਡੀਅਮ 'ਚ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਦੇ ਆਖਰੀ ਦਿਨ ਕਬੱਡੀ ਓਪਨ ਪਿੰਡ ਵਾਰ ਮੁਕਾਬਲਿਆਂ ਵਿਚ ਹਿੱਸਾ ਲੈਣ ਵਾਲੀਆਂ 2 ਦਰਜਨ ਤੋਂ ਵੱਧ ਟੀਮਾਂ ਵਿਚਕਾਰ ਮੁਕਾਬਲੇ ਹੋਏ। ਇਨ੍ਹਾਂ ਮੁਕਾਬਲਿਆਂ 'ਚ ਪਿੰਡ ਬੱਧਨੀ ਖੁਰਦ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਲ ਕੀਤਾ, ਜਦੋਂ ਕਿ ਤਖਤੂਪੁਰਾ ਦੀ ਟੀਮ ਦੂਸਰੇ ਸਥਾਨ 'ਤੇ ਰਹੀ। ਕਬੱਡੀ ਅਕੈਡਮੀਆਂ ਦੀਆਂ 8 ਟੀਮਾਂ ਵਿਚਕਾਰ ਹੋਏ ਮੈਚਾਂ ਵਿਚੋਂ ਜਗਰਾਓਂ ਅਕੈਡਮੀ ਦੇ ਕਬੱਡੀ ਖਿਡਾਰੀਆਂ ਨੇ ਫਾਈਨਲ ਮੈਚ ਵਿਚ ਸਾਢੇ 34 ਅੰਕ ਪ੍ਰਾਪਤ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦੋਂ ਕਿ ਬਾਜਾਖਾਨਾ ਅਕੈਡਮੀ ਦੀ ਟੀਮ 30 ਅੰਕ ਪ੍ਰਾਪਤ ਕਰਕੇ ਦੂਜੇ ਸਥਾਨ 'ਤੇ ਰਹੀ। ਢੇਰੀ ਵਾਲੀ ਕਬੱਡੀ ਦੇ ਮੈਚ ਵਿਚ ਅੰਮ੍ਰਿਤਸਰ ਦੀ ਟੀਮ ਨੇ ਪਹਿਲਾ ਅਤੇ ਗੁਰਦਾਸਪੁਰ ਦੀ ਟੀਮ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। ਕਬੱਡੀ 70 ਕਿਲੋ ਦੇ ਹੋਏ ਫਾਈਨਲ ਮੁਕਾਬਲੇ ਵਿਚ ਮਾਣੂੰਕੇ ਪਿੰਡ ਦੀ ਟੀਮ ਨੇ ਪਹਿਲਾ ਸਥਾਨ ਅਤੇ ਬੱਧਨੀ ਖੁਰਦ ਦੀ ਕਬੱਡੀ ਟੀਮ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। ਹਾਕੀ ਓਪਨ ਦੇ ਕਲੱਬ ਤੇ ਪਿੰਡ ਵਾਰ ਮੁਕਾਬਲਿਆਂ ਵਿਚ ਕੁਲ 14 ਟੀਮਾਂ ਨੇ ਹਿੱਸਾ ਲਿਆ। ਸੈਮੀਫਾਈਨਲ ਵਿਚ ਬੱਧਨੀ ਕਲਾਂ ਨੇ ਭਗਤਾ ਨੂੰ 1-0 ਦੇ ਫਰਕ ਨਾਲ ਹਰਾਇਆ ਅਤੇ ਢੁੱਡੀਕੇ ਨੇ ਘੋਲੀਆ ਦੀ ਟੀਮ ਨੂੰ 1-0 ਨਾਲ ਚਿੱਤ ਕੀਤਾ। ਹਾਕੀ ਫਾਈਨਲ ਮੁਕਾਬਲੇ ਵਿਚ ਢੁੱਡੀਕੇ ਦੀ ਓਪਨ ਪਹਿਲੇ ਸਥਾਨ ਤੇ ਅਤੇ ਬੱਧਨੀ ਕਲਾਂ ਦੂਸਰੇ ਸਥਾਨ 'ਤੇ ਰਹੀ। ਇਸ ਵਿਸ਼ਾਲ ਖੇਡ ਮੇਲੇ ਵਿਚ ਕਬੱਡੀ, ਫੁੱਟਬਾਲ ਤੇ ਹਾਕੀ ਦੀਆਂ 250 ਤੋਂ ਵੱਧ ਟੀਮਾਂ ਦੇ ਹਜ਼ਾਰਾਂ ਖਿਡਾਰੀਆਂ ਨੇ ਹਿੱਸਾ ਲਿਆ।
11ਵਾਂ ਕਬੱਡੀ ਟੂਰਨਾਮੈਂਟ 12 ਤੋਂ
ਬੱਧਨੀ ਕਲਾਂ, 8 ਫਰਵਰੀ - 11ਵਾਂ ਕਬੱਡੀ ਟੂਰਨਾਮੈਂਟ 12 ਤੋਂ 14 ਫਰਵਰੀ
ਤੱਕ ਬੱਧਨੀ ਕਲਾਂ ਖੁਰਦ ਦੇ ਸਰਕਾਰੀ ਹਾਈ ਸਕੂਲ 'ਚ ਕਰਵਾਇਆ ਜਾ ਰਿਹਾ ਹੈ। 12 ਫਰਵਰੀ
ਨੂੰ 35 ਕਿੱਲੋ ਤੇ 42 ਕਿੱਲੋ ਦੇ ਕਬੱਡੀ ਮੈਚ ਸਵੇਰੇ 9 ਵਜੇ, 55 ਕਿੱਲੋ ਅਤੇ 65
ਕਿੱਲੋ ਦੇ ਕਬੱਡੀ ਮੈਚ 13 ਫਰਵਰੀ ਨੂੰ ਸਵੇਰੇ 9 ਵਜੇ ਅਤੇ 14 ਫਰਵਰੀ ਨੂੰ ਓਪਨ
ਕਬੱਡੀ ਦੇ ਮੈਚ 13 ਫਰਵਰੀ ਨੂੰ ਸਵੇਰੇ 9 ਵਜੇ ਅਤੇ 14 ਫਰਵਰੀ ਨੂੰ ਓਪਨ ਕਬੱਡੀ ਦੇ
ਮੈਚ ਸਵੇਰੇ 10 ਵਜੇ ਟਾਈਆਂ ਕੱਢਣ ਤੋਂ ਬਾਅਦ 10.30 ਵਜੇ ਸ਼ੁਰੂ ਹੋਣਗੇ।
ਕਬੱਡੀ ਗੋਲਡ ਕੱਪ ਟੂਰਨਾਮੈਂਟ ਵਿਚ ਬੱਧਨੀ
ਕਲਾਂ ਦੇ ਖਿਡਾਰੀ ਅੱਵਲ
ਬੱਧਨੀ ਕਲਾਂ, 8 ਫਰਵਰੀ - ਦੂਜਾ ਕਬੱਡੀ ਗੋਲਡ ਕੱਪ 4 ਰੋਜ਼ਾ ਟੂਰਨਾਮੈਂਟ
ਬੱਧਨੀ ਕਲਾਂ ਦੇ ਖੇਡ ਸਟੇਡੀਅਮ 'ਚ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਵਿਚ ਬੱਧਨੀ ਕਲਾਂ
ਦੇ ਖਿਡਾਰੀਆਂ ਦੀ ਚੜ੍ਹਤ ਰਹੀ। ਕਬੱਡੀ 60 ਕਿੱਲੋ ਭਾਰ ਵਰਗ ਦੇ ਖਿਡਾਰੀਆਂ ਦੀਆਂ 34
ਟੀਮਾਂ ਵਿਚ ਮੁਕਾਬਲਾ ਹੋਇਆ। ਉਨ੍ਹਾਂ ਵਿਚੋਂ ਰਸੂਲਪੁਰ ਦੀ ਕਬੱਡੀ ਟੀਮ ਨੂੰ ਫਾਈਨਲ
ਮੈਚ ਵਿਚ ਹਰਾ ਕੇ ਬੱਧਨੀ ਕਲਾਂ ਦੇ ਕਬੱਡੀ ਖਿਡਾਰੀ ਪਹਿਲੇ ਸਥਾਨ 'ਤੇ ਆਏ। ਕਬੱਡੀ
ਦੇ ਇਸ ਟੂਰਨਾਮੈਂਟ ਵਿਚ 240 ਦੇ ਕਰੀਬ ਕਬੱਡੀ ਟੀਮਾਂ ਨੇ ਹਿੱਸਾ ਲਿਆ। ਹਾਕੀ 55
ਕਿੱਲੋ ਵਿਚ ਦਰਜਨ ਦੇ ਕਰੀਬ ਹਾਕੀ ਟੀਮਾਂ ਵਿਚ ਮੈਚ ਖੇਡਦਿਆਂ ਫਾਈਨਲ ਮੈਚ ਵਿਚ ਬੱਧਨੀ
ਕਲਾਂ ਏ ਦੀ ਹਾਕੀ ਟੀਮ ਨੇ ਲੋਪੋ ਨੂੰ ਹਰਾ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਹਾਕੀ
ਕਲੱਬ ਓਪਨ ਪਿੰਡ ਵਾਰ ਹੋਏ ਮੁਕਾਬਲਿਆਂ ਵਿਚ ਘੋਲੀਏ ਦੀ ਟੀਮ ਨੇ ਤਖਾਣਵੱਧ ਦੀ ਟੀਮ
ਨੂੰ 1-0 ਨਾਲ ਹਰਾਇਆ, ਜਦੋਂ ਕਿ ਢੁੱਡੀਕੇ ਕਲੱਬ ਨੇ 3-2 ਦੇ ਫਰਕ ਨਾਲ ਬੁੱਟਰ ਨੂੰ
ਹਰਾਇਆ। ਭਗਤਾ ਭਾਈ ਦੀ ਹਾਕੀ ਕਲੱਬ ਨੇ ਪੂਹਲੀ ਨੂੰ 2-0 ਦੇ ਫਰਕ ਨਾਲ ਹਰਾਇਆ। ਹਾਕੀ
ਓਪਨ ਦਾ ਫਾਈਨਲ ਮੁਕਾਬਲਾ 9 ਫਰਵਰੀ ਨੂੰ ਕਰਵਾਇਆ ਜਾਵੇਗਾ। ਪਿੰਡ ਵਾਰ ਫੁੱਟਬਾਲ ਓਪਨ
ਦੀਆਂ ਕੁੱਲ 2 ਦਰਜਨ ਤੋਂ ਵੱਧ ਟੀਮਾਂ ਵਿਚੋਂ ਬੱਧਨੀ ਕਲਾਂ ਨੇ 3-0 ਦੇ ਫਰਕ ਨਾਲ
ਬੁੱਟਰ ਬੀ ਨੂੰ ਹਰਾਇਆ। ਆਕਲੀਆਂ ਤੋਂ 1-0 ਦੇ ਫਰਕ ਨਾਲ ਸਮਾਲਸਰ ਦੀ ਟੀਮ ਹਾਰੀ।
ਮੱਲ੍ਹਾ ਟੀਮ ਪਨੈਲਟੀਆਂ ਰਾਹੀਂ ਗਲੋਟੀ ਤੋਂ ਜੇਤੂ ਬਣੀ। ਸੈਮੀਫਾਈਨਲ ਫੁੱਟਬਾਲ
ਮੁਕਾਬਲੇ ਵਿਚ ਬੱਧਨੀ ਏ ਨੇ ਬਾਘਾ ਪੁਰਾਣਾ ਨੂੰ 2-1 ਨਾਲ ਹਰਾਇਆ ਤੇ ਬਿਲਾਸਪੁਰ ਨੇ
ਮੱਲ੍ਹਾ ਟੀਮ ਨੂੰ 3-1 ਨਾਲ ਹਰਾਇਆ। ਫੁੱਟਬਾਲ ਓਪਨ ਦੇ ਸੰਘਰਸ਼ਪੂਰਨ ਫਾਈਨਲ ਮੁਕਾਬਲਾ
ਬੱਧਨੀ ਕਲਾਂ ਅਤੇ ਬਿਲਾਸਪੁਰ ਦੀ ਟੀਮ ਵਿਚ ਹੋਇਆ। ਜਿਸ ਵਿਚ ਬੱਧਨੀ ਕਲਾਂ ਦੀ ਟੀਮ
3-1 ਨਾਲ ਬਿਲਾਸਪੁਰ ਨੂੰ ਹਰਾ ਕੇ ਜੇਤੂ ਰਹੀ।
6ਵਾਂ ਹਰਜੀਤ ਕਬੱਡੀ ਕੱਪ 24 ਨੂੰ
ਮੋਗਾ, 8 ਫਰਵਰੀ - 6ਵਾਂ ਹਰਜੀਤ ਕਬੱਡੀ ਕੱਪ 24 ਫਰਵਰੀ ਨੂੰ ਗੋਧੇਵਾਲਾ
ਸਟੇਡੀਅਮ 'ਚ ਕਰਵਾਇਆ ਜਾ ਰਿਹਾ ਹੈ। 21 ਫਰਵਰੀ ਨੂੰ ਲੜਕੀਆਂ ਦੇ ਸਮੂਹਿਕ ਆਨੰਦ
ਕਾਰਜ ਅਤੇ 26 ਫਰਵਰੀ ਨੂੰ ਜ਼ਿਲ੍ਹੇ ਦੇ ਪਿੰਡ ਲੁਹਾਰਾ ਵਿਖੇ ਅੱਖਾਂ ਦਾ ਮੁਫ਼ਤ ਕੈਂਪ
ਲਾਇਆ ਜਾ ਰਿਹਾ ਹੈ।
ਨਕੋਦਰ ਕਬੱਡੀ ਕੱਪ 9 ਦੀ ਥਾਂ 15 ਨੂੰ
ਨਕੋਦਰ, 8 ਫਰਵਰੀ - ਨਕੋਦਰ ਕਬੱਡੀ ਕੱਪ ਮੌਸਮ ਦੀ ਖਰਾਬੀ ਕਰਕੇ ਮੁਲਤਵੀ ਕਰ
ਦਿੱਤਾ ਗਿਆ ਹੈ। ਇਹ ਪਹਿਲਾਂ 9 ਫਰਵਰੀ ਨੂੰ ਹੋਣਾ ਸੀ ਪਰ ਹੁਣ 15 ਫਰਵਰੀ ਨੂੰ
ਹੋਵੇਗਾ। ਬਾਕੀ ਕੋਈ ਵੀ ਤਬਦੀਲੀ ਨਹੀਂ ਕੀਤੀ ਗਈ।
ਲੱਖਣ ਕੇ ਪੱਡਾ ਦਾ 55ਵਾਂ ਕਬੱਡੀ ਕੱਪ 18
ਨੂੰ
ਸੁਭਾਨਪੁਰ, 8 ਫਰਵਰੀ - 55ਵਾਂ ਕਬੱਡੀ ਕੱਪ ਪਿੰਡ ਲੱਖਣ ਕੇ ਪੱਡਾ 'ਚ 18
ਫਰਵਰੀ ਨੂੰ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ ਪੰਜਾਬ ਦੀਆਂ ਪ੍ਰਮੁੱਖ ਕਬੱਡੀ ਕਲੱਬ,
ਜਿਨ੍ਹਾਂ 'ਚ ਬਾਬਾ ਲੋਧੀਆਣਾ ਕਬੱਡੀ ਕਲੱਬ ਪਰਸਰਾਮਪੁਰ, ਦਸ਼ਮੇਸ਼ ਕਬੱਡੀ ਕਲੱਬ ਨਕੋਦਰ,
ਬਾਬਾ ਦੀਪ ਸਿੰਘ ਕੱਬਡੀ ਕਲੱਬ ਨਾਰਵੇ, ਸ਼ੇਰੇ ਪੰਜਾਬ ਕਬੱਡੀ ਅਕੈਡਮੀ ਕੈਲੀਫੋਰਨੀਆ,
ਬਿਜਲੀ ਬੋਰਡ ਤੇ ਬਾਬਾ ਬਚਨ ਸਿੰਘ ਕਬੱਡੀ ਕਲੱਬ ਢਿੱਲਵਾਂ ਦੇ ਮੈਚ ਹੋਣਗੇ। ਇਸ ਤੋਂ
ਇਲਾਵਾ ਪੰਜਾਬ ਤੇ ਹਰਿਆਣਾ ਦੀਆਂ ਲੜਕੀਆਂ ਦਾ ਕਬੱਡੀ ਸ਼ੋਅ ਮੈਚ ਵੀ ਹੋਵੇਗਾ। ਕਬੱਡੀ
ਕੱਪ ਦਾ ਪਹਿਲਾ ਇਨਾਮ 1 ਲੱਖ ਰੁਪਏ ਦਾਹੋਵੇਗਾ, ਜੋ ਕਿ ਉੱਘੇ ਖੇਡ ਪ੍ਰਮੋਟਰ ਸ:
ਮੰਗਲ ਭੰਡਾਲ ਵੱਲੋਂ ਦਿੱਤਾ ਜਾਵੇਗਾ। ਦੂਸਰਾ ਇਨਾਮ 71 ਹਜ਼ਾਰ ਰੁਪਏ ਦਾ ਹੋਵੇਗਾ। ਇਸ
ਮੌਕੇ ਸਭਿਆਚਾਰ ਪ੍ਰੋਗਰਾਮ ਹੋਣਗੇ।
ਕਬੱਡੀ ਗੋਲਡ ਕੱਪ ਟੂਰਨਾਮੈਂਟ
ਬੱਧਨੀਂ ਕਲਾਂ, 7 ਫਰਵਰੀ - 4 ਰੋਜ਼ਾ ਕਬੱਡੀ ਖੇਡ ਮੇਲਾ ਬੱਧਨੀਂ ਕਲਾ 'ਚ
ਚੱਲ ਰਿਹਾ ਹੈ। ਇਸ ਮੌਕੇ ਕਬੱਡੀ 35 ਕਿਲੋ ਭਾਰ ਵਰਗ ਵਿਚੋਂ ਫਾਈਨਲ ਮੁਕਾਬਲਾ ਜਿੱਤਣ
ਵਾਲੀ ਅਤੇ ਦੂਸਰੇ ਸਥਾਨ 'ਤੇ ਆਉਣ ਵਾਲੀ ਬੱਧਨੀਂ ਕਲਾਂ ਦੇ ਨੰਨੇ ਮੁੰਨੇ ਖਿਡਾਰੀਆਂ
ਦੀ ਟੀਮ ਨੂੰ ਟਰਾਫ਼ੀਆਂ ਅਤੇ ਨਕਦ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਦਸਮੇਸ਼ ਕਬੱਡੀ ਕੱਪ ਨਕੋਦਰ ਅੱਵਲ
ਬੰਗਾ, 7 ਫਰਵਰੀ - 5ਵਾਂ ਸ਼ਹੀਦ ਭਗਤ ਸਿੰਘ ਵਰਲਡ ਕਬੱਡੀ ਕੱਪ ਖਟਕੜ ਕਲਾਂ
'ਚ ਕਰਵਾਇਆ ਗਿਆ। ਇਸ ਵਰਲਡ ਕਬੱਡੀ ਕੱਪ ਦਸਮੇਸ਼ ਕਬੱਡੀ ਕਲੱਬ ਨਕੋਦਰ ਹਾਲੈਂਡ ਦੀ
ਝੋਲੀ ਜਾ ਪਿਆ। ਜੇਤੂ ਟੀਮ ਦੇ ਖਿਡਾਰੀ ਗੁਰਲਾਲ ਸਮੇਤ ਸਾਰਿਆਂ ਨੇ ਵਧੀਆ ਖੇਡ ਦਾ
ਪ੍ਰਦਰਸ਼ਨ ਕਰਦੇ ਹੋਏ ਸ਼ਹੀਦ ਬਾਬਾ ਬਚਨ ਸਿੰਘ ਕਬੱਡੀ ਕਲੱਬ ਦਿੜ੍ਹਬਾ ਦੀ ਟੀਮ ਨੂੰ ਹਰਾ
ਕੇ ਇਹ ਸ਼ਾਨਦਾਰ ਜਿੱਤ ਪ੍ਰਾਪਤ ਕੀਤਾ।
ਕਬੱਡੀ ਟੂਰਨਾਮੈਂਟ 6 ਫਰਵਰੀ ਤੋਂ
ਦਾਲਮਵਾਲ 'ਚ
ਬੁੱਲ੍ਹੋਵਾਲ, 6 ਫਰਵਰੀ - 6 ਤੋਂ 8 ਫਰਵਰੀ ਤੱਕ ਪੰਜਵਾਂ ਕੈਨੇਡੀਅਨ ਦਰਸ਼ਨ
ਸਿੰਘ ਚੌਹਾਨ ਅਤੇ ਪ੍ਰਭਜੀਤ ਸਿੰਘ ਗਰੇਵਾਲ ਵਿਸ਼ਾਲ ਕਬੱਡੀ ਟੂਰਨਾਮੈਂਟ ਦੋਆਬਾ
ਇੰਟਰਨੈਸ਼ਨਲ ਕਲੱਬ ਦਾਲਮਵਾਲ (ਹੁਸ਼ਿਆਰਪੁਰ) ਵੱਲੋਂ ਕਰਵਾਇਆ ਜਾ ਰਿਹਾ ਹੈ। ਇਸ
ਟੂਰਨਾਮੈਂਟ ਦੇ ਆਖਰੀ ਦਿਨ 8 ਅੰਤਰਰਾਸ਼ਟਰੀ ਕਬੱਡੀ ਅਕੈਡਮੀਆਂ ਦੇ ਭੇੜ ਹੋਣਗੇ। ਓਪਨ
ਕਲੱਬ ਦੀ ਜੇਤੂ ਟੀਮ ਨੂੰ ਪਹਿਲਾ ਇਨਾਮ 1 ਲੱਖ 1 ਹਜ਼ਾਰ ਅਤੇ ਦੂਜਾ ਇਨਾਮ 75 ਹਜ਼ਾਰ
ਰੁਪਏ ਦਿੱਤਾ ਜਾਵੇਗਾ। ਵਧੀਆ ਰੇਡਰ ਤੇ ਜਾਫੀ ਨੂੰ ਸੋਨੇ ਦੀ ਮੁੰਦਰੀ ਨਾਲ ਸਨਮਾਨਿਆ
ਜਾਵੇਗਾ। ਇਸ ਤੋਂ ਇਲਾਵਾ ਓਪਨ ਪਿੰਡ ਪੱਧਰ, 60 ਕਿਲੋ ਭਾਰ ਅਤੇ 45 ਕਿਲੋ ਭਾਰ ਦੇ
ਵੀ ਕਬੱਡੀ ਮੁਕਾਬਲੇ ਹੋਣਗੇ ਅਤੇ ਦਿਲਕਸ਼ ਇਨਾਮ ਦਿੱਤੇ ਜਾਣਗੇ।
ਦੂਜਾ ਕਬੱਡੀ ਕੱਪ 8 ਤੋਂ
ਬਨੂੜ, 5 ਫਰਵਰੀ - ਦੂਜਾ ਕਬੱਡੀ ਕੱਪ 8 ਤੋਂ 10 ਫਰਵਰੀ ਤੱਕ ਬਨੂੜ 'ਚ
ਕਰਵਾਇਆ ਜਾ ਰਿਹਾ ਹੈ। ਇਹ ਕਬੱਡੀ ਕੱਪ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਯਾਦ ਨੂੰ
ਸਮਰਪਿਤ ਹੋਵੇਗਾ। 8 ਫਰਵਰੀ ਨੂੰ ਘੋੜਿਆਂ ਤੇ ਬਲਦਾਂ ਦੀਆਂ ਦੌੜਾਂ ਤੋਂ ਇਲਾਵਾ 45
ਕਿਲੋ, 52 ਕਿਲੋ ਵਰਗ ਦੇ ਕਬੱਡੀ ਮੁਕਾਬਲੇ ਹੋਣਗੇ, 9 ਫਰਵਰੀ ਨੂੰ 52 ਕਿਲੋ ਤੋਂ 70
ਕਿਲੋ ਵਰਗ ਦੇ ਕਬੱਡੀ ਮੁਕਾਬਲੇ ਤੇ ਗੱਤਕਾ ਪਾਰਟੀਆਂ ਆਪਣੇ ਜੌਹਰ ਵਿਖਾਉਣਗੀਆਂ। 10
ਫਰਵਰੀ ਨੂੰ 8 ਵੱਡੀਆਂ ਅਕਾਡਮੀਆਂ ਵਿਚਕਾਰ ਕਬੱਡੀ ਮੁਕਾਬਲੇ ਹੋਣਗੇ ਤੇ ਪਹਿਲਾ ਇਨਾਮ
ਇਕ ਲੱਖ ਰੁਪਏ, ਦੂਜਾ ਇਨਾਮ 75 ਹਜ਼ਾਰ ਰੁਪਏ ਹੋਵੇਗਾ। ਇਸ ਤੋਂ ਇਲਾਵਾ ਪੰਜਾਬ ਤੇ
ਹਰਿਆਣਾ ਦੀਆਂ ਲੜਕੀਆਂ ਦਾ ਸ਼ੋਅ ਮੈਚ ਵੀ ਕਰਵਾਇਆ ਜਾਵੇਗਾ।
ਅੰਤਰਰਾਸ਼ਟਰੀ ਕਬੱਡੀ ਕੱਪ 'ਚ ਅੰਬੀ ਹਠੂਰ
ਮੋਗਾ ਦੀ ਸਰਦਾਰੀ
ਬਾਜਾਖਾਨਾ, 4 ਫਰਵਰੀ - 12ਵਾਂ ਹਰਜੀਤ ਯਾਦਗਾਰੀ ਅੰਤਰਰਾਸ਼ਟਰੀ ਕਬੱਡੀ
ਟੂਰਨਾਮੈਂਟ ਪਿੰਡ ਬਾਜਾਖਾਨਾ 'ਚ ਚਲ ਰਿਹਾ ਹੈ। ਇਸ ਟੂਰਨਾਮੈਂਟ ਦੇ ਅੰਤਰਰਾਸ਼ਟਰੀ
ਕਲੱਬਾਂ ਦੇ ਮੈਚਾਂ ਵਿਚ ਅੰਬੀ ਹਠੂਰ ਮੋਗਾ ਨੇ ਡੀ. ਏ. ਵੀ. ਮਾਲਵਾ ਕਲੱਬ ਬਠਿੰਡਾ
ਨੂੰ ਹਰਾ ਕੇ ਇਕ ਲੱਖ ਰੁਪਏ ਦਾ ਪਹਿਲਾ ਇਨਾਮ ਜਿੱਤਿਆ। ਡੀ. ਏ. ਵੀ. ਕਲੱਬ ਬਠਿੰਡਾ
ਨੇ 71 ਹਜ਼ਾਰ ਦਾ ਦੂਜਾ ਇਨਾਮ ਪ੍ਰਾਪਤ ਕੀਤਾ। ਸੈਮੀਫ਼ਾਈਨਲ ਵਿਚ ਹਰਜੀਤ ਕਲੱਬ,
ਬਾਜਾਖਾਨਾ ਅਤੇ ਅੰਬੀ ਹਠੂਰ ਮੋਗੇ ਵਿਚਕਾਰ ਗਹਿ ਗੱਚਵਾਂ ਮੁਕਾਬਲਾ ਹੋਇਆ, ਜਿਸ ਵਿਚ
ਅੱਧੇ ਪੁਆਇੰਟ 'ਤੇ ਅੰਬੀ ਹਠੂਰ ਮੋਗਾ ਜੇਤੂ ਰਿਹਾ। 12ਵੇਂ ਹਰਜੀਤ ਟੂਰਨਾਮੈਂਟ ਦੇ
ਅੰਤਿਮ ਦਿਨ ਦੇ ਮੈਚਾਂ 'ਚ ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡਣ ਦੀ ਰਸਮ ਪੰਜਾਬ ਦੇ
ਉੱਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ, ਰਣਜੀਤ ਸਿੰਘ ਰਾਣਾ ਟੁੱਟ ਬ੍ਰਦਰਜ਼,
ਸਤਨਾਮ ਸਿੰਘ ਰੰਧਾਵਾ ਜੀ. ਐਮ. ਗਰੁੱਪ ਦਿੱਲੀ, ਅਵਤਾਰ ਸਿੰਘ ਸਮਾਧ ਭਾਈ ਪਰਲਜ਼ ਸਿਟੀ
ਬਠਿੰਡਾ ਆਦਿ ਨੇ ਅਦਾ ਕੀਤੀ। ਕਬੱਡੀ ਇਕ ਪਿੰਡ ਓਪਨ ਵਿਚ ਜਲਾਲ ਨੇ ਭਗਤੇ ਦੀ ਟੀਮ
ਨੂੰ ਹਰਾ ਕੇ ਪਹਿਲਾ ਇਨਾਮ ਪ੍ਰਾਪਤ ਕੀਤਾ। ਕਬੱਡੀ ਪ੍ਰੋਮੋਟਰ ਬਾਪੂ ਸਹੋਤਾ & | 
